بھاٹہ دھوڑیاںجنگل سے زندہ شیل برآمد

مینڈھر //مینڈھر سب ڈویژن کے بھاٹہ دھوڑیاں جنگلات سے ایک زندہ شیل برآمد ہونے کے بعد سیکورٹی فورسز نے اس کو اپنی تحویل میںلے کر تباہ کر دیا ۔ناڑ اور بھاٹہ دھوڑیاں جنگلات میں گزشتہ برس اکتوبر ماہ میں ملی ٹینٹوں اور سیکورٹی فورسز کے مابین ایک معرکہ آرائی شروع ہوئی تھی ۔کئی دنوں تک چلے انکائونٹر کے دوران سیکورٹی فورسز نے جنگلاتی علاقہ میں رو پوش ہوئے ملی ٹینٹوں کیخلاف بھاری ہتھیاروں کا استعمال کیا تھا جبکہ اس بات کا خدشہ ظاہر کیا جارہا ہے کہ مذکورہ شیل سیکورٹی فورسز کی جانب سے کی گئی فائرنگ کے دوران زندہ بچ گیا تھا ۔ذرائع نے بتایا کہ بدھ کی صبح کچھ مکینوں نے مذکورہ شیل کو دیکھ کر فورس کو اطلاع دی جس کے بعد اس کا ناکارہ کرنے کیلئے عملی بنیادوں پر اقدامات اٹھائے گئے ۔انہوں نے بتایا کہ فوجی ماہرین نے ایک کنٹرول دھماکے کے ذریعے شیل کو تباہ کر دیا ۔