جموں//جموں ضلع میں کووڈ 19 کے پھیلاؤمیں بتدریج کمی کے ساتھ ہی تین سرکاری ہسپتالوں میںکووڈ مخصوص بستروں کی شرح استعمال گھٹ کر 55 رہ گئی ہے۔ایک عہدیدارنے بتایا ’’21/22 جنوری 2022 کو سرکاری ہسپتالوں میںمصروف بستروں کی تعداد سب سے زیادہ تھی جب میڈیکل کالج ہسپتال جموں،ایم سی ایچ گاندھی نگر اورڈ ی آر ڈی اوجموں میں 122 متاثرہ مریضوں کو داخل کیا گیا تھا" ۔انہوںنے کہا کہ’’21 جنوری کو جموں ضلع میں تیسری لہرمیں1306 کووڈ 19 کے مثبت کیس اب تک کی سب سے زیادہ تیزی ریکارڈ کی گئی۔ تاہم ہر گزرتے دن کے ساتھ مثبت کیسوں کی تعداد میں کمی کے ساتھ صورتحال میں بہتری آئی ہے"۔انہوں نے بتایا کہ جی ایم سی جموں، ڈی آر ڈی او بھگوتی نگر اور ایم سی ایچ گاندھی نگر میں 55 مریض زیر علاج ہیں۔ان کامزید کہناتھا’’36 کوویڈ 19 متاثرہ مریضوں کو جی ایم سی جموں کے کوویڈ کیئر وارڈ میں، 4 کو ایم سی ایچ گاندھی نگر میں اور 15 کو ڈی آر ڈی او میں داخل کیا گیا ہے"۔ پیر کوضلع میں کووڈ 19 کی دو اموات ہوئی ہیں۔سرکاری اعداد و شمار کے حوالے سے عہدیدار نے بتایا کہ مثبت کیس 137 تھے جن میں 9 مسافر شامل ہیں۔ ایک دن پہلے 6 فروری 2022 یہ مثبت کیس 168 تھے۔ اس لیے 24 گھنٹوں کے اندر 31 کیسوں کی کمی آئی ہے۔کووِڈ 19 مثبت کیسوں کے ابھرتے ہوئے رجحانات سے لگتا ہے کہ جموں میںوائرس کے پھیلاؤ کو کم کیا گیا ہے۔عہدیدار کا کہناتھا’’ہم نے دوسری لہر کے اپنے ماضی کے تجربے کے پیش نظر ہسپتالوں میں انتظامات کیے تھے۔ تاہم تیسری لہر میں، زیادہ تر مثبت کیسوں کی دیکھ بھال گھر پر کی گئی کیونکہ کیس پچھلے سال کے برعکس سنگین نہیں تھے۔ 21 جنوری کو، دیکھ بھال کی شرح 85 فیصد تھی جب ہمارے پاس جموں ضلع میں سب سے زیادہ مثبت کیس تھے۔ لیکن یہ ضلع میں 95 فیصد تک بڑھ گیا ہے جس میں ہسپتال کی دیکھ بھال اور گھر کی تنہائی کی دیکھ بھال دونوں شامل ہیں۔عہدیدار نے کہا کہ "ہسپتالوں اور گھروں میں تنہائی کے معاملات دونوں پر بوجھ کم ہوا ہے"ان کا کہناتھا"گذشتہ سال کے مقابلے میں، اومیکرون کے کیسز تیزی سے پھیلے اور بہت سے خاندانوں کو اس نے کووڈ 19 کی دوسری لہر کے مقابلے میں متاثر کیا۔ یہ انفیکشن تیزی سے پھیل رہا تھا لیکن یہ پچھلے سال پھیلنے کی طرح مہلک نہیں تھا‘‘۔
بڑے ہسپتالوں میں داخلہ کی شرح بھی گر گئی | جموں کے ہسپتالوںمیںاب صرف55مریض زیرعلاج
