بنیادی سہولیت میسر رکھی جائیں: ڈاکٹر فاروق

سرینگر// نیشنل کانفرنس صدر ڈاکٹر فاروق عبداللہ نے ریاست کے تینوں خطوں کی انتظامیہ سے پُر زور اپیل کی ہے کہ وہ رمضان المبارک کے پیش نظر لوگوں کو راحت پہچانے کے اقدامات کریں۔انہوں نے بجلی ، پانی ،صفائی ستھرائی ،رسوئی گیس ، معیاری چاول اور آٹا دستیاب رکھنے پر زور دیا۔ ڈاکٹر فاروق نے تاجروں اور دکانداروں سے اپیل کی کہ وہ عوام کو مناسب اور معقول داموں پر اشیاء ضروریہ فروخت کرنے کی کوشش کریں۔ انہوں نے محکمہ بجلی سے خصوصی طور اپیل کی کہ ماہ رمضان کے دوران خصوصاً سحری ، افطار اور تراویح کے وقت باقاعدگی کے ساتھ بجلی سپلائی مہیا رکھی جائے۔