بانہال//منگل کی صبح بانہال ۔ قاضی گنڈ فورلین ٹنل کے اندر ایک کار کو حادثہ پیش آیا جس کے نتیجے میں اس کا ڈرائیور شدید زخمی ہوا ہے اور اسے بانہال ہسپتال سے میڈیکل کالج اننت ناگ منتقل کیا گیا ۔ پولیس کے ایک افسرنے کشمیر عظمیٰ کو بتایا کہ منگل کی علی الصبح قریب سات بجے جموں سے سرینگر کی طرف جانے والی ایک تیز رفتار سوفٹ کار نمبرJK21C۔3669بانہال ۔ قاضی گنڈ فورلین ٹنل کے اندر نصب ایگزاسٹ فین سے زور دار طریفے سے ٹکرائی جس کے نتیجے میںا س کا ڈرائیور شدید زخمی ہوا ہے اور اسے پولیس نے فوری طور پر ایمرجنسی ہسپتال بانہال منتقل کیا جہاں سے ڈاکٹرو ںنے مزیدعلاج کیلئے اسے میڈیکل کالج اننت ناگ منتقل کیا ۔ پولیس نے زخمی ڈرائیور کی شناخت روشن لعل ولد ہیم راج ساکنہ سانبہ کے طور کی ہے ۔ بعد میں کار کو باہر کھینچا گیا اور پولیس سٹیشن بانہال میں ضابطے کی کاروائی عمل میں لائی گئی ہے ۔
بانہال ۔ قاضی گنڈ فورلین ٹنل میں کار حادثہ، ایک شدید زخمی
