ایک ارب سے زیادہ لوگوں نے دیکھا ہند پاک مقابلہ

نئی دہلی// روایتی حریف ہندستان اور پاکستان کے درمیان آئی سی سی کرکٹ عالمی کپ میں مانچسٹر میں کھیلے گئے مقابلے کو دنیا بھر میں ایک ارب سے زیادہ لوگوں نے دیکھا ہے جبکہ ٹویٹر پر 29 لاکھ ٹویٹس کے ساتھ یہ سب سے زیادہ ٹویٹ کرنے والا ون ڈے بن گیا ہے ۔ ہندستان اور پاکستان کے درمیان مقابلہ دیکھنے کے لئے کل 7 لاکھ 50 ہزار افراد کی درخواست آئی تھیں ۔ اگرچہ مانچسٹر کے اولڈ ٹریفورڈ میدان میں کل 23000 لوگوں کے ہی بیٹھنے کی صلاحیت ہے ۔ ہندستان نے یہ مقابلہ ڈک ورتھ لوئیس ضابطے کے تحت 89 رنز سے جیتا تھا۔کرکٹ کے ان دو روایتی حریف ممالک کے درمیان دو طرفہ کرکٹ تعلقات گزشتہ کئی سالوں سے منقطع ہیں اور ان کے درمیان آئی سی سی ٹورنامنٹوں میں ہی مقابلہ ہو پاتا ہے ۔ یہی وجہ ہے کہ اس میچ کو دیکھنے کا جنون حدیں پار کرجاتا ہے ۔ہندستان اور پاکستان کے درمیان 2015 کے عالمی کپ میں آسٹریلیا کے ایڈیلیڈ میں کھیلے گئے مقابلے کو دنیا بھر میں 50 کروڑ لوگوں نے دیکھا تھا۔اس مقابلے میں 2015 کے ریکارڈ کو میلوں پیچھے چھوڑ دیا۔یہ میچ 29 لاکھ ٹویٹس کے ساتھ سب سے زیادہ ٹویٹ ہونے والا ون ڈے بن گیا۔ جہاں تک ہندوستانی کرکٹروں اور پاکستانی کرکٹروں کے بارے میں ٹویٹس کی بات ہے تو اس میں ہندوستانی فریق نے بازی مار لی۔ فیصد کے نقطہ نظر سے 73 فیصد ہندوستانیوں نے ٹویٹس کئے جبکہ 27 فیصد پاکستانیوں نے ٹویٹس کئے ۔ اس مقابلے میں سب سے تیز 11 ہزاری بننے کی کامیابی حاصل کرنے والے ہندستانی کپتان وراٹ کوہلی اس مقابلے کے دوران سب سے زیادہ ٹویٹ کئے جانے والے کھلاڑی بنے جبکہ 24 ویں ون ڈے سنچری بنانے والے ہندستانی اوپنر دوسرے نمبر پر رہے ۔ پاکستانی کپتان سرفراز احمد تیسرے ، آل راؤنڈر شعیب ملک چوتھے اور ہندستانی وکٹ کیپر مہندر سنگھ دھونی پانچویں نمبر پر رہے ۔ ہندستانی آل راؤنڈر وجے شنکر کا اپنی پہلی عالمی کپ گیند پر وکٹ لینا سب سے زیادہ ٹویٹ کئے جانے والا لمحہ رہا۔ اس صورت میں روہت شرما دوسرے اور ہندستانی اننگز میں بارش کی رکاوٹ کو تیسرا مقام حاصل ہوا۔ روہت کی اپنی سنچری کے بعد ٹویٹ سے سب سے زیادہ ریٹویٹ کرنے والا ٹویٹ بن گیا۔شائقین نے روہت کے وندے ماترم کے اس ٹویٹ کو کافی پسند کیا۔ وراٹ کا شائقین کو شکریہ کرنے والا ٹویٹ دوسرے نمبر پر اور سچن تندولکر کا ٹویٹ تیسرے نمبر پر رہا۔