یو این آئی
ہانگژو// ہندوستانی نشانے باز ٹیم نے چین میں منعقد ہو رہے 19ویں ایشیائی کھیلوں میں مردوں کے 10 میٹر رائفل مقابلے میں ملک کا پہلا طلائی تمغہ جیت کر تاریخ رقم کی۔ وجے ویر سدھو، آدرش سنگھ اور انیش بھن والا کی مردوں کی 25 میٹر ریپڈ فائر پسٹل ٹیم نے 1718 کے اسکور کے ساتھ کانسی کا تمغہ جیتا۔رودرانکش پاٹل، ایشوریہ پرتاپ سنگھ تومر، دیویانش سنگھ پنوار کی ہندوستانی ٹیم نے مردوں کے 10 میٹر ایٔر رائفل مقابلے میں 1893۔7 پوائنٹس اسکور کرکے عالمی ریکارڈ توڑتے ہوئے طلائی تمغہ جیتا۔ اس نے چین کے 1893۔3 پوائنٹس کے ریکارڈ کو پیچھے چھوڑ دیا۔ہندوستان کے ایشوریہ پرتاپ سنگھ تومر نے 10 میٹر ایٔر رائفل میں 228۔8 کے اسکور کے ساتھ کانسی کا تمغہ جیتا۔ چین کے شینگ لیہاؤ نے 253۔3 پوائنٹس کے ساتھ عالمی ریکارڈ توڑ کر طلائی تمغہ جیتا جبکہ جنوبی کوریا کے ہاجن پارک نے 251۔3 پوائنٹس کے ساتھ چاندی کا تمغہ حاصل کیا۔نشانے بازی میں وجے ویر سدھو، آدرش سنگھ، انیش بھن والا کی مردوں کی 25 میٹر ریپڈ فائر پسٹل ٹیم نے 1718 کے اسکور کے ساتھ کانسی کا تمغہ جیتا۔ وہیں، وجے ویر سدھو نے 583 کے اسکور کے ساتھ چھٹے رینک کے ساتھ فائنل کے لیے کوالیفائی کیا۔ادھر وزیر اعظم نریندر مودی نے چین میں جاری 19ویں ایشیائی کھیلوں میں سیلنگ اور شوٹنگ مقابلوں میں تمغے جیتنے والی ٹیم اور اس کے کھلاڑیوں کو پیر کو مبارکباد دی ہے۔وزیر اعظم نے ایشین گیمز 2022 میں کانسہ کا تمغہ جیتنے پر ہندوستان کی مردوں کی کوکس لیس فور روئنگ ٹیم کے آشیش، بھیم سنگھ، جسوندر سنگھ اور پونیت کمار کو مبارکباد دی۔انہوں نے کہا کہ اس ٹیم نے بے مثال عزم اور باہمی ہم آہنگی کے بل پر یہ شاندار کامیابی حاصل کی ہے۔اس کے ساتھ ہی مودی نے ایشیائی کھیلوں میں 10 میٹر ایٔر رائفل خواتین ٹیم ایونٹ میں چاندی کا تمغہ جیتنے والی نشانے بازوں رمیتا، میہولی گھوش اور آشی چوکسے کو مبارکباد دی۔اس کامیابی کی تعریف کرتے ہوئے وزیر اعظم نے کہا’’یہ چاندی کا تمغہ آپ کی محنت اور لگن کا نتیجہ ہے۔ اس سلسلے کو آگے بنائے رکھیں، جس سے ہم ایشین گیمز 2022 میں چمکتے رہیں‘‘۔
