’آل انڈیا ڈیویشنل سانگ کمپی ٹیشن ‘کے سیمی فائنل مقابلے

کٹرہ// وزیرمملکت برائے خزانہ ومنصوبہ بندی اجے نندانے کٹرہ میں منعقدہ ’آل انڈیا ڈیویشنل سانگ کمپی ٹیشن ‘‘ کے آٹھویں روزمنعقدہ سیمی فائنل مقابلوں کی تقریب میں شرکت کی۔اس موقعہ پربولتے ہوئے اجے نندا نے کہاکہ یہ مقابلہ نوجوان گلوکاروں کوپلیٹ فارم مہیاکرنے کیلئے کافی اہمیت رکھتاہے اوراس سے گپھاکے درشنوں کیلئے آنے والے سیاحوں کوبھی راغب کیاجاسکتاہے ۔اس موقعہ پرمعروف گلوکاروں ماشاعلی اوردلی جان، ڈی ایس پی سبھاش بھاردواج، صدرہوٹل ایسوسی ایشن کٹرہ اورچیئرمین آل انڈیا ڈوویشنل سانگ کمیٹی راکیش وزیر ودیگرمہمان بھی موجودتھے۔اس دوران معروف گلوکاروں ماشاعلی اوردلی جان نے شرکاء کواپنی جادوئی آوازسے محظوظ کیا۔اس دوران سیمی فائنل مقابلوں کے بعد11کلاکارمیگافائنل میں پہنچے جن میں امرتسرکے سکھوندریملا، دھرم کوٹ کے سکھدیپ ، جموں کے سکھوندر بھارتی، جالندھرکے سورن لتا، ممبئیکے کابل بخاری ، جموں کے وویک موہن، ہوشیارپورکے انمول رانا، جموں کے ورشاجموال ،جموں سے موہندرسونی ، کنیالہ سے ریمادیوی ، شمباسے شبھ بہنیں شامل ہیں۔اس موقعہ پرکامیاب کلاکاروں میں انعامات بھی تقسیم کئے گئے۔