آفات سماوی کے دوران بچائو

 

پانپور//سول ڈیفنس اور جے اینڈ کے اسٹیٹ ایمرجنسی آپریشن سینٹر، ڈیزاسٹر مینجمنٹ، ریلیف، بحالی اور تعمیر نو کے زیر اہتمام پانچ روزہ آفات سے نمٹنے کی تربیت گورنمنٹ ڈگری کالج پانپور میں شروع ہوئی۔ٹریننگ تجرباتی سیکھنے کے ماڈل پر مبنی ہے، جس کا مقصد کالج کے ڈیزاسٹر مینجمنٹ کے طلباء کے لیے ہے۔ یہ تربیت طلباء کو موک ڈرل اور ہدایات کے ذریعے جان بچانے کی مہارتیں فراہم کرے گی تاکہ آفت کے واقعے سے پیدا ہونے والی ہنگامی صورتحال سے نمٹنے کے لیے کیا کیا جائے۔اس تربیت کا اہتمام محکمہ ماحولیات، ڈگری کالج پانپور کے تعاون سے کیا گیا ہے۔ ٹریننگ کوآرڈی نیٹر ڈاکٹر عرفان خورشید شاہ نے مختصر تفصیلات بتائیں اور طلباء کو تربیت کے متوقع نتائج کی فہرست دی۔اس موقع پر مہمان خصوصی عامر علی، نوڈل آفیسر نے طلباء کو ڈیزاسٹر مینجمنٹ کی اہمیت اور تربیت کے فوائد سے آگاہ کیا۔پرنسپل گورنمنٹ ڈگری کالج پانپور اور ٹریننگ کی سرپرست پروفیسر سیما ناز نے شرکاء کا خیرمقدم کیا اور تربیت دینے والوں کا تعاون کیلئے شکریہ ادا کیا۔یہ تربیت غلام نبی نے دی اور سول ڈیفنس کے غلام رسول نے اس کو مربوط کیا۔ تربیتی پروگرام میں طالبات سمیت 70 سے زائد طلباء حصہ لے رہے ہیں۔