‘او پی سی ڈبلیو’کے ماہرین کی دوما میں دوبارہ آمد

دمشق//عالمی سطح پر کیمیکل ہتھیاروں کی پابندی کی نگرانی کرنے والے بین الاقوامی ادارہ 'او پی سی ڈبلیو' کے ماہرین نے 25 اپریل کو ایک مرتبہ پھر شامی قصبہ دوما کا دورہ کیا۔ یہ ماہرین رواں مہینے کے اوائل میں دوما پر مبینہ طور پر کیے گئے گیس حملوں کی تفتیش جاری رکھے ہوئے ہیں۔ اس ادارے کے ماہرین نے 25 اپریل کو دوما پہنچ کر مختلف مقامات سے مبینہ گیس حملوں کے شواہد جمع کرنے کا سلسلہ جاری رکھا۔ شامی معاملات پر نگاہ رکھنے والے مبصرین کے مطابق دوما پر کیمیکل حملہ مبینہ طور پر شامی صدر بشار الاسد کی حکومت نے کیا تھا۔ اس حملہ کے جواب میں امریکہ، فرانس اور برطانیہ نے شام کے مختلف مقامات پر گزشتہ ویک اینڈ پر میزائل اور فضائی حملے بھی کیے تھے ۔یو این آئی