سری نگر//حکام نے امرناتھ یاتریوں کے لیے پانتہ چھوک ٹرانزٹ کیمپ میں اس سال 6,000یاتریوں کورکھنے کا فیصلہ کیا۔ ڈپٹی کمشنر محمد اعجااز اسد سرینگرنے اس سال کی سالانہ امرناتھ یاترا میں شرکت کرنے والے عقیدت مندوں کے لیے رہائش کو بڑھانے کے لیے کیے گئے کام کی پیش رفت کا جائزہ لینے کے لیے پانتہ چھوک کیمپ کا دورہ کیا۔ڈپٹی کمشنر نے سہولیات کا جائزہ لیا اور انہیں بتایا گیا کہ اس وقت پانتہ چھوک میں تقریباً 2500 یاتریوںکے قیام کی گنجائش ہے۔ ڈپٹی کمشنر نے محکمہ تعمیرات عامہ کے سپرنٹنڈنگ انجینئر کو صلاحیت میں اضافہ کرنے کی ہدایت دی۔اسد نے تقریباً 6,000 یاتریوں کی گنجائش بڑھانے کے لیے پہلے سے تیار شدہ رہائش کے قیام کے لیے قریبی زمین مختص کی گئی ہے۔ڈپٹی کمشنر نے پبلک ہیلتھ انجینئرنگ ڈپارٹمنٹ سے کہا کہ وہ ایک منصوبہ تیار کریں تاکہ ٹینکرز کا استعمال کم سے کم ہو اور جگہ پر پانی کی مستقل فراہمی ممکن ہو سکے۔پارکنگ کی سہولیات کے حوالے سے ایس ایس پی ٹریفک نے ڈپٹی کمشنر کو یاتریوں کو لے جانے والی بسوں کی پارکنگ کے لیے کیے جانے والے انتظامات سے آگاہ کیا۔اسی طرح ایس ایس پی سری نگر نے انہیں یاتریوں کی متوقع بھاری تعداد کے پیش نظر کئے جانے والے مجوزہ حفاظتی انتظامات کے بارے میں آگاہ کیا۔
امرناتھ یاترا کیلئے پانتہ چھوک ٹرانزٹ کیمپ | امسال6ہزار یاتریوں کو رہائش فراہم کرنے کا فیصلہ، ڈپٹی کمشنر کا جائزہ
