اشتیاق ملک
ڈوڈہ //جموں و کشمیر میں اسمبلی انتخابات بہت جلد ہوں گے اور بھارتیہ جنتا پارٹی کا وزیر اعلیٰ ہوگا، کانگریس و نیشنل کانفرنس کی حکومتوں میں ڈوڈہ، کشتواڑ و رام بن پسماندگی کا شکار رہا، 2014 میں مودی سرکار اقتدار میں آنے کے بعد جموں و کشمیر ترقی ،خوشحالی و بھائی چارہ کی راہ پر گامزن ہوا ان باتوں کا اظہار بی جے پی کے صدر رویندر رینہ نے ڈوڈہ ضلع کے دورے کے دوران کھیلینی میں منعقد عوامی جلسہ سے کیا، اس موقع پر پارٹی کے نائب صدر و سابق وزیر شکتی پریہار بھی موجود تھے. رویندر رینا نے کانگریس و نیشنل کانفرنس پر مذہبی سیاست کو فروغ دینے کا الزام عائد کرتے ہوئے کہا کہ 60 برسوں تک انہوں نے ہندو و مسلمان کو تقسیم کرکے اقتدار حاصل کیا اور غریبوں و بے سہارا لوگوں کا استحصال کیا. انہوں نے کہا کہ ایک زمانہ ایسا بھی تھا جب ہر طرف فساد ق دنگے ہوتے تھے اور گولیوں و دھماکوں کی آوازیں سنائی دیتی تھیں اور معصوم و نہتے شہریوں کا قتل کیا جاتا تھا لیکن ایک دور ایسا بھی آج جب نریندر مودی کی قیادت میں ملک و باالخصوص جموں و کشمیر امن، خوشحالی، ترقی کی راہ پر گامزن ہے اور ہندو مسلمان سکھ عیسائی بھائی بھائی کی طرح زندگی گذار رہے ہیں. انہوں نے کہا کہ مودی نے 2014 میں ‘سب کا ساتھ’ ‘سب کا وکاس’ و ‘سب کا وشواس’ کا نعرہ دے کر ملک کے ہر پسماندہ و بچھڑے طبقہ کے لوگوں کی فلاح بہبود کیلئے گولڈن کارڈ، پی ایم اے وائی کے تحت پکے مکان، خواتین کی گھریلو زندگی آسان بنانے کے لئے گیس سلنڈر، ایس بی ایم کے تحت بیت-الخلا، کسانوں کے لیے ماہانہ دو ہزار روپے جیسی سینکڑوں اسکیموں کا قیام عمل میں لا کر آسانیاں پیدا کیں بی جے پی صدر نے کہا کہ مودی نے ہندوستان کے 140 کروڑ لوگوں کو اپنا پریوار قرار دے کر ہر شہری کی یکساں ترقی و خوشحالی و ان کی خدمت کرنے کو اپنا مشن بنایا ہے اور کانگریس، نیشنل کانفرنس کی نفرت و مذہب کے نام پر تقسیم کرنے کی سیاست کو ہمیشہ کے لئے دفن کیا ہے. عمر عبداللہ کے دورہ چناب پر تبصرہ کرتے ہوئے انہوں نے کہا کہ دوران وزیر اعلیٰ اور نہ ہی اس کے بعد نیشنل کانفرنس لیڈر کو ڈوڈہ یاد رہا اور آج بی جے پی کی بنائی ہوئی سڑکوں و پلوں پر روڈ شو کرکے عوام کو گمراہ کرنے آیا ہے. انہوں نے کہا کہ نیشنل کانفرنس و کانگریس حکومتوں نے ڈوڈہ کشتواڑ جموں قومی شاہراہ کی طرف کوئی توجہ نہیں دی اور غریب عوام کو اس پر سفر کرنا انتہائی مشکل بن گیا تھا لیکن بی جے پی حکومت آتے ہی اس شاہراہ کا نقشہ بدل گیا اور دس گھنٹوں کا سفر تین سے چار گھنٹے میں طے ہوتا ہے. رویندر رینہ نے خطہ چناب میں بی جے پی کی بڑھتی ہوئی مقبولیت پر عوام کو مبارکباد پیش کرتے ہوئے کہا کہ ایک زمانے میں یہاں کوئی نام لیوا نہیں تھا لیکن آج گلی گلی کمل ہی کمل دکھائی دیتا ہے. انہوں نے کہا یہاں کے لوگوں کی ملک کے لئے وفاداری و بی جے پی کے تئیں جوش، جذبہ و حوصلہ کی کہیں مثال نہیں ملتی ہے. انہوں نے کہا کہ کشمیر میں بھی کمل کا پھول تیزی سے کھل رہا ہے.رویندر رینا نے کہا کہ 2014 کے بعد ڈوڈہ ،کشتواڑ و رام بن اضلاع کے گاؤں گاؤں میں بی جے پی مضبوط ہورہی ہے اور آنے والے پارلیمانی انتخابات میں اودھمپور ڈوڈہ کٹھوعہ پارلیمانی حلقہ سے پارٹی کے امیدوار ڈاکٹر جتندرا سنگھ چار لاکھ ووٹوں سے جیت درج کریں گے. عارضی ملازمین و ڈیلی ویجر ورکرز پر سابق حکومتوں کو نظر انداز کرنے کا الزام عائد کرتے ہوئے کہا کہ نیشنل کانفرنس و کانگریس سرکاروں نے انہیں غلام بنا کر رکھا تھا لیکن بھاجپا نے ڈیلی ویجر ورکرز، ایس پی اوز، وی ڈی جی ممبرز و دیگر عارضی ملازمین کے ماہانہ مشاہرے میں اضافہ کرکے انہیں باقاعدہ طور پر سرکاری ملازم کا درجہ دیا. انہوں نے کہا کہ ڈیلی ویجر ورکرز، ایس پی اوز و وی ڈی سی، آنگن واڑی ورکرس، اہم جی منریگا ملازمین و دیگر عارضی ملازمین کی پریشانیوں و مسائل کا ازالہ صرف بی جے پی حکومت ہی کرے گی. رینا نے نے لوگوں سے اتفاق و اتحاد کے ساتھ رہ کر نریندر مودی کی سرکار کی پالیسیوں و عوام دوست پروگرامز کو گھر گھر پہنچا کر فرقہ پرست جماعتوں سے ہوشیار رہنے و بھاجپا امیدوار کے حق میں بھاری اکثریت میں ووٹ ڈالنے کی اپیل کی۔
