اسروایک اور باب کے آغاز کیلئے تیار

حیدرآباد//ہندوستانی خلائی جانچ ایجنسی (اسرو)ایک اور باب کے آغاز کیلئے تیار ہے کیونکہ سال 2018میں ریکارڈ ساتویں مشن میں اسرو 2250کلو مواصلائی سٹلائیٹ جی سیٹ۔7Aکو جی ایس ایل وی۔ایف 11کا استعمال کرتے ہوئے اے پی کے سری ہری کوٹہ سے 19 آج چھوڑے گا۔اس کی الٹی گنتی شروع ہوچکی ہے ۔13ویں پرواز میں 50میٹر اونچی جی ایس ایل وی۔ایف 11کو سری ہری کوٹہ کے شار رینج کے ستیش دھون خلائی مرکز کے دوسرے لانچ پیڈ سے چھوڑتے ہوئے مدار میں بھیجا جائے گا۔ اس سٹلائیٹ کو onboard propulsion systemکا استعمال کرتے ہوئے مدار میں بھیجا جائے گا۔اسرو کے ذرائع نے بتایاکہ لانچر سے علحدہ ہونے کے چند دن بعد یہ مدار کے سلاٹ میں داخل ہوگا۔ جی سیٹ۔7Aہندوستان کا 35واں مواصلاتی سٹلائیٹ ہے جس کو اسرو نے تیار کیا ہے ۔اس کو اسرو کے اسٹانڈرڈ I۔2000 Kg (I۔2K) Busمیں ترتیب دیاگیا ہے ۔اس مشن کی زندگی آٹھ برس ہوگی،اس سٹلائیٹ کے ذریعہ ہندوستانی علاقہ میں کے یوبینڈ کا استعمال کرتے ہوئے مواصلاتی صلاحیتوں کو فراہم کیاجائے گا۔ مواصلاتی سٹلائیٹ اور بس پلیٹ فارمس کے سسٹمس کیلئے درکار بیشتر چیزوں کواسرو کے قبل ازیں کے جیو اسٹیشنری سٹلائیٹس این سیاٹس اور جی ایس ٹیز سے لیا گیا ہے ۔ذرائع نے بتایا کہ دیسی ساختہ cryo stageکے ساتھ یہ جی ایس ایل وی کی ساتویں پرواز اور جاریہ سال جی ایس ایل وی کے مشن کی تیسری پرواز ہے ۔یو این آئی