عظمیٰ نیوز سروس
جموں//وادی سے آئندہ جموں و کشمیر اسمبلی انتخابات میں حصہ لینے کیلئے اب تک 14 کشمیری پنڈتوں نے کاغذات نامزدگی داخل کئے ہیں۔ حبہ کدل اسمبلی حلقہ بے گھر کشمیری پنڈتوں کیلئے عملی طور پر انتخابی میدان میں تبدیل ہو گیا ہے۔14 میں سے ریکارڈ6 پنڈتوںنے حلقہ سے اپنے کاغذات نامزدگی جمع کرائے ہیں، جہاں 25 ستمبر کو انتخابات کے دوسرے مرحلے میں 26 دیگر حلقوں کے ساتھ ساتھ پولنگ ہونے جارہی ہے۔حبہ کدل میںکشمیری پنڈت کمیونٹی کے 6 امیدواروں نے اپنے کاغذات نامزدگی جمع کرائے ہیں۔ ان میں سے پانچ نے تسلیم شدہ سیاسی جماعتوں کے تحت درخواستیں جمع کرائی ہیں، جب کہ2 نے آزاد امیدواروں کے طور پر دائر کیا ہے۔
کل 14 امیدواروں نے اپنے کاغذات نامزدگی داخل کیے ہیں،” ۔اشوک کمار بٹ نے بی جے پی امیدوار، سنجے صراف لوک جن شکتی پارٹی کے امیدوار کے طور پر اور سنتوش لابرو آل الائنس ڈیموکریٹک پارٹی کے امیدوار کے طور پر الیکشن لڑیں گے۔اشوک رینا، پنجی ڈیمبی، اور اشوک صاحب آزاد امیدوار کے طور پر لڑیں گے۔ماضی میں دو بار اس سیٹ سے الیکشن لڑنے والے صراف نے کہا کہ ان کا مقصد برادریوں کے درمیان خلیج کو ختم کرنا اور پورے ملک میں پھیلی ہوئی کمیونٹی کی واپسی کو یقینی بنانا ہے۔صراف، اپنے آبائی حلقہ اننت ناگ سے انتخاب لڑ رہے ہیں، نے پی ٹی آئی کو بتایا۔ حبہ کدل میں 25,000 مضبوط مہاجر ووٹ بینک ہے، جو روایتی طور پر نیشنل کانفرنس کا گڑھ ہے۔یہاں رمن مٹو نے 2002 میں آزاد امیدوار کے طور پر الیکشن جیتا اور مفتی سعید کی حکومت میں وزیر بنے۔2014 میں، پنڈتوں کے چار امیدواروں نے اس نشست سے مقابلہ کیا، جب کہ 2008 میں، یہ تعداد ریکارڈ 12 تھی۔ 2002 کے انتخابات میں، کل 11 میں سے، 9 پنڈت تھے۔بی جے پی کے ویر صراف، اپنی پارٹی کے ایم کے یوگی، اور آزاد امیدوار دلیپ پنڈتا شانگس-اننت ناگ حلقہ سے انتخاب لڑیں گے۔ اس حلقے سے مجموعی طور پر 13 امیدوار میدان میں ہیں۔طاقتور مارتنڈ مندر کمیٹی کے سابق صدر اور این سی کے سابق لیڈر یوگی نے الزام لگایا کہ کسی بھی پارٹی نے کشمیری پنڈتوں کے لیے کچھ نہیں کیا ہے۔”۔انتخابی میدان میں دیگر پنڈتوں میں سری نگر کے جڈی بل حلقہ سے راکیش ہنڈو، بڈگام کے بیروہ حلقے سے ڈاکٹر سنجے پروا، اور پانپور سے آزاد امیدوار رمیش وگنو امیدوار ہیں۔روزی رینہ اور ارون راینہ ریپبلک پارٹی آف انڈیا اور این سی پی کے امیدواروں کے طور پر پلوامہ ضلع کے راج پورہ سے الیکشن لڑ رہے ہیں۔جموں سے کے پی کے واحد اشوک کمار کچرو آل الائنس ڈیموکریٹک پارٹی کے امیدوار کے طور پر بھدرواہ حلقہ سے الیکشن لڑ رہے ہیں۔روزی رینہ پانچ سال قبل کشمیر آئی تھیں اور سرپنچ منتخب ہونے کے بعد جنوبی کشمیر میں کام کرنے لگی تھیں۔بارہمولہ اور اننت ناگ سے لوک سبھا انتخابات میں ناکامی کے بعد، ارون رینہ اور دلیپ پنڈتا اب پلوامہ ضلع کے راج پورہ اور شانگس-اننت ناگ سے اسمبلی انتخابات لڑ رہے ہیں۔
