تازہ ترین

امریکا کا انسانی حقوق کونسل سے علیحدگی کا اعلان

جنیوا// امریکا نے اقوام متحدہ کی انسانی حقوق کونسل پر منافق اور اسرائیل مخالف ہونے کا الزام لگاتے ہوئے اپنی رکنیت چھوڑنے کا اعلان کردیا۔غیر ملکی خبر رساں ادارے کے مطابق امریکی وزیر خارجہ مائیک پومپیو کے ہمراہ مشترکہ پریس کانفرنس کرتے ہوئے اقوام متحدہ میں امریکا کی مستقل مندوب نکی ہیلی نے کہا کہ اقوام متحدہ کی انسانی حقوق کونسل اسرائیل مخالف اور منافق ہے جس نے انسانی حقوق کو مذاق بنا رکھا ہے، لہذا امریکا اس کونسل کی رکنیت چھوڑنے کا فیصلہ کرتا ہے۔ نکی ہیلی نے انسانی حقوق کونسل کو سیاسی تعصب کی گندگی قرار دیتے ہوئے کہا کہ رکنیت چھوڑنے کا مقصد ہرگز یہ نہیں کہ امریکا اپنی انسانی حقوق کی ذمہ داریوں سے پیچھے ہٹ رہا ہے۔ادھر اقوام متحدہ کے سیکریٹری جنرل انٹونیو گوٹیرش نے امریکا سے اپنا فیصلہ تبدیل کرنے کا مطالبہ کرتے ہوئے کہا کہ وہ چاہتے ہیں کہ امریکا کونسل کا ممبر رہے۔ اقوام متحدہ کے انسانی حق

اسرائیلی فورسز کا غزہ میں 25 مقامات پر فضائی حملہ

یروشلم// اسرائیلی فوج کے لڑاکا طیاروں کی جانب سے بدھ کی صبح غزہ کی پٹی پر موجود فلسطینی علاقوں میں 25 مقامات پر شدید بمباری کی گئی، جس کے نتیجے میں 4 فلسطینی زخمی ہوگئے۔پریس ٹی وی کی رپورٹ میں مقامی افراد کے حوالے سے بتایا گیا کہ بمباری کی ا?وازیں اس قدر شدید تھیں کہ انہیں محسوس ہوا کہ اسرائیلی فوج کی جانب سے 2014 میں کی جانے والی فضائی کارروائی جیسا کوئی حملہ کردیا گیا ہے۔واضح رہے کہ 2014 میں اسرائیلی افواج نے غزہ کی ساحلی پٹی پر شدید بمباری کی تھی جس کے نتیجے میں 2 ہزار 2 سو زائد فلسطینی جاں بحق ہوگئے تھے۔اس حوالے سے الجزیرہ کا کہنا ہے کہ بدھ کی صبح کی جانے والی فضائی کارروائی کے بارے میں اسرائیلی فوج نے دعوٰی کیا کہ حماس کی جانب سے اسرائیلی علاقوں میں 45 راکٹ فائر کیے گئے تھے، جس کے جواب میں یہ کارروائی کی گئی، تاہم کوئی جانی نقصان دیکھنے میں نہیں آیا۔واضح رہے کہ اسرائیل کی جانب سے

حقوق انسانی کونسل کے ممبران پر'منافق' اور اسرائیل مخالف ہونے کا الزام

اقوام متحدہ//امریکہ نے اقوام متحدہ کی کونسل برائے انسانی حقوق کے ممبران پر 'منافق' ہونے اور کونسل کے اسرائیل مخالف ہونے کا الزام لگاتے ہوئے کونسل کی ممبرشپ چھوڑ دی ہے ۔بی بی سی کے مطابق امریکہ کی اقوام متحدہ میں سفیر نکی ہیلی نے کہا ہے کہ اقوام متحدہ کی کونسل برائے انسانی حقوق 'منافقانہ' ہے اور 'انسانی حقوق کا مذاق بنا' رہی ہے ۔ امریکہ نے اقوام متحدہ کی کونسل برائے انسانی حقوق پر اسرائیل مخالف ہونے کا الزام عائد کرتے ہوئے کہا ہے کہ وہ اس کونسل کا ممبر رہنے کے فیصلے پر نظرثانی کر رہا ہے ۔ اقوام متحدہ کی کونسل برائے انسانی حقوق 2006 میں قائم کی گئی تھی اور کونسل کو ان ممالک کو ممبران بنانے پر تنقید کا نشانہ بنایا جا رہا تھا جن ممالک کے انسانی حقوق کے ریکارڈ پر سوال اٹھتے ہیں۔ اقوام متحدہ کے سکریٹری جنرل نے ایک بیان میں امریکی فیصلہ کے حوالہ س کہا ہے کہ وہ چاہتے ہی

کئی روز لڑائی کے بعد یمنی فوج نے الحدیدہ ہوائی اڈے کا کنٹرول حاصل کرلیا

عدن// یمنی نیشنل آرمی کی جانب سے دعویٰ سامنے آیا ہے کہ کئی روز سے جاری شدید لڑائی کے بعد الحدیدہ کے ہوائی اڈے پر دوبارہ کنٹرول حاصل کرلیا۔سعودی گزٹ کی رپورٹ کے مطابق ویسٹ کوسٹ فرنٹ کے یمنی کمانڈر ابو زہرا المہرامی نے تصدیق کی کہ یمنی فوسز نے عرب اتحاد کے جنگی طیاروں کی مدد سے حوثی باغیوں کے ساتھ خون ریز جنگ کے بعد الحدیدہ کے ایئر پورٹ پر قبضہ کرلیا۔ذرائع نے بتایا کہ حوثی ملیشیا نے شہروں کی طرف رخ کرلیا اور رہائشی علاقوں میں گھس کر شہریوں کو یرغمال بنا کر فرار ہونے کی کوشش کررہے ہیں۔اس سے قبل رپورٹ سامنے آئی تھی کہ عرب اتحادی فورسز ہوائی اڈے کے مرکزی احاطے میں داخل ہوچکی ہیں۔متحدہ عرب امارات کی نیوز ایجنسی ڈبلیو اے ایم کے مطابق ہوائی اڈے کا بہت بڑا حصہ یمنی فورسز کے زیر قبضہ ہے۔نیوز ایجنسی کے ترجمان نے جنیوا میں رپورٹ ارسال کی اور بتایا کہ الحدیدہ ہوائی اڈے پر اقوام متحدہ ورلڈ فورڈ پ

امریکی رکاوٹ نظرانداز، اقوام متحدہ کااسرائیلی مظالم پررپورٹ جاری کرنے کا فیصلہ

نیویارک//اقوام متحدہ کے سیکریٹری جنرل آنٹونیو گوٹیرس نے امریکی رکاوٹ کے باوجود اسرائیلی فوج کے ہاتھوں فلسطینی مظاہرین کے قتل سے متعلق رپورٹ کو منظر عام پر لانے کا فیصلہ کرلیا۔پریس ٹی وی نے اسرائیلی چینل 10 نیوز کے حوالے سے اپنی طویل رپورٹ میں کہا ہے کہ دستاویزات کو تاحال شائع نہیں کیا گیا، جس میں اقوام متحدہ نے خبردار کیا کہ غزہ، اسرائیل کے ساتھ ایک اور جنگ کی زد میں ہے۔مذکورہ دستاویز کو اقوام متحدہ میں دسمبر 2016 میں منظور کی جانے والی قرارداد نمبر 2334 کے تحت ترتیب دیا گیا، جس میں مطالبہ کیا گیا ہے کہ فوری طور پر مغربی کنارے کے علاقے اور مشرقی بیت المقدس (یروشلم) میں یہودی بستیوں کی تعمیرات کو روکا جائے۔تاہم اقوام متحدہ کی مذکورہ دستاویز میں غزہ کے حوالے سے تشویش کا اظہار کیا گیا ہے، خاص طور پر حال ہی میں سرحدی باڑ کے قریب ہونے والے احتجاج کے دوران اسرائیلی فورسز کے ہاتھوں نہتے فلسط

کم جونگ ان دو روزہ دورے پر چین پہنچ گئے

بیجنگ//رواں سال مارچ کے بعد سے کم جونگ ان کا چین کا یہ تیسرا دورہ ہے جس سے دونوں ملکوں کے درمیان قریبی تعلقات کا اظہار ہوتا ہے۔شمالی کوریا کے سربراہ کم جونگ ان دو روزہ سرکاری دورے پر بیجنگ پہنچے ہیں جہاں وہ چین کی قیادت کے ساتھ ملاقاتیں کریں گے۔کم یہ دورہ امریکہ کے صدر ڈونلڈ ٹرمپ سے اپنی تاریخی ملاقات کے ایک ہفتے بعد کر رہے ہیں اور امکان ہے کہ وہ اس دورے میں چینی قیادت کو امریکی صدر کے ساتھ ہونے والے اتفاقِ رائے پر اعتماد میں لیں گے۔چین کے سرکاری ٹی وی 'سی سی ٹی وی' نے خبر دی ہے کہ کم جونگ ان منگل کی صبح بیجنگ پہنچے ہیں جہاں وہ بدھ تک قیام کریں گے۔بیجنگ میں واقع دیایوتائی اسٹیٹ گیسٹ ہاوس کے باہر سکیورٹی انتہائی سخت ہے اور پولیس اور دیگر سکیورٹی اداروں کی درجنوں گاڑیاں اور سیکڑوں اہلکار تعینات ہیں۔یہ وہی گیسٹ ہاوس ہے جہاں کم جونگ ان نے دو ماہ قبل ہونے والے اپنے گزشتہ دورے کے دور

ایران کیلئے جاسوسی ،سابق اسرائیلی وزیرگرفتار

تل ابیب// اسرائیلی سیکورٹی ایجنسی نے ایران کے لیے جاسوسی کے الزام میں سابق اسرائیلی وزیر گونن سگیو کو گرفتار کیا ہے۔تفصیلات کے مطابق اسرائیلی کی سیکورٹی سروس شین بیت کا کہنا ہے کہ اسرائیل کے سابق وزیرگونن سگیو کو ایران کے لیے جاسوسی کرنے کے الزام میں گرفتار کیا گیا ہے۔شین بیت کا کہنا ہے کہ گونن سگیو90 کی دہائی میں وزیر برائے توانائی تھے اور مبینہ طور ایرانی انٹیلیجنس ایجنسی نے انہیں اس وقت ریکروٹ کیا جب وہ نائجیریا میں تھے۔سابق اسرائیلی وزیر کو مئی میں استوائی گنی کے دورے کے دوران حراست میں لیا گیا تھا اور اسرائیلی پولیس کی جانب سے درخواست پران کو اسرائیل بھیجا گیا۔گونن سگیو جو پیشے کے لحاظ سے ڈاکٹرہیں، انہیں 2005ء  میں منشیات کی اسمگلنگ اور جعلی سفارتی پاسپورٹ رکھنے کے جرم میں پانچ سال قید کی سزا سنائی تھی۔خیال رہے کہ گزشتہ ہفتے یروشلم کی عدالت نے گونن سگیو پرحالت جنگ میں دشمن کی

ٹرمپ کا چاند،مریخ اور خلا پر امریکی بالادستی کیلئے نئے اقدامات اور منصوبوں کا اعلان

واشنگٹن //امریکی صدر ڈونلڈ ٹرمپ نے خلائی فورس تشکیل دینے کا حکم دے دیا ہے ۔غیر ملکی خبررساں ایجنسی کے مطابق صدر ٹرمپ نے خلائی فورس بنانے کا اعلان کرتے ہوئے کہا کہ خلائی فورس زمین کے باہر بھی ہماری بالادستی کو یقینی بنائے گی، چین اور روس سے پہلے ہم خلا میں موجود ہوں گے ۔ایجنسی کے مطابق ٹرمپ خلا پر بالادستی چاہتے ہیں اور ان کی جانب سے خلائی فورس بنانے کا اعلان سامنے آیا ہے ،اس کے ساتھ ہی صدر ٹرمپ نے چاند،مریخ اور خلا پر امریکی بالادستی کے حصول کے لیے نئے اقدامات اور منصوبوں کا اعلان کیا ہے ۔قانون سازوں کا کہنا ہے کہ خلائی فورس راتوں رات نہیں بن سکتی اور اس کے لیے صرف اعلان کردینا کافی نہیں بلکہ اس منصوبے کو پایہ تکمیل تک پہنچانے کے لیے وقت اور پیسہ اور قانون سازی کی بھی ضرورت ہوگی۔بی بی سی کے مطابق امریکی صدر ڈونلڈ ٹرمپ نے امریکی ملٹری کو حکم دیا ہے کہ وہ اپنی فورس کی چھٹی شاخ کے قیام ک

شمالی کوریا کے صدر کِم جونگ اْن نے ڈونلڈ ٹرمپ کی دورہ امریکہ کی دعوت قبول کرلی

پیانگ یانگ// شمالی کوریا کے صدر کِم جونگ اْن نے ڈونلڈ ٹرمپ کی جانب سے دورہ امریکہ کی دعوت قبول کرلی اور ڈونلڈ ٹرمپ کو بھی شمالی کوریا آنے کی دعوت دی ہے۔شمالی کوریا کی سرکاری خبرایجنسی کے مطابق امریکی صدر نے ملاقات میں شمالی کوریا کے رہنما کو امریکہ آنے کی دعوت دی تھی، جسے کِم جونگ اْن نے ڈونلڈ ٹرمپ کی دعوت قبول کرلی ہے۔کِم جونگ اْن ڈونلڈ ٹرمپ کی دعوت پر امریکہ کا دورہ کریں گے جبکہ کِم جونگ اْن نے بھی ڈونلڈ ٹرمپ کو شمالی کوریا آنے کی دعوت دی ہے۔گذشتہ روز سنگاپور میں امریکی صدر ڈونلڈ ٹرمپ اور شمالی کوریا کے سربراہ کم جونگ کے درمیان تاریخی ملاقات کے دوران کوریائی خطے کو جوہری ہتھیاروں سے پاک کرنے کے عزم کا اظہار کیا ہے جبکہ دونوں رہنماؤں نے ایک مشترکہ اعلامیے پر دستخط بھی کیے، جو امریکہ اور شمالی کوریا کے درمیان دور رس نتاج کے حامل مذکرات کا فریم ورک پیش کرتا ہے۔ملاقات کے بعد صحافیوں

جسٹن ٹروڈو کی جانب سے تنقید کینیڈا کومہنگی پڑے گی: ٹرمپ

نیویارک// امریکی صدر ڈونلڈ ٹرمپ نے کہا ہے کہ کینیڈین وزیر اعظم جسٹن ٹروڈو کی جانب سے تنقید کینیڈا کو بہت مہنگی پڑے گی۔غیر ملکی خبر رساں ادارے کے مطابق امریکی صدر کا کہنا تھا کہ جسٹن ٹروڈو کے ساتھ میرا اچھا تعلق ہے اور کینیڈا کے ساتھ ہمارے بڑے مفادات ہیں، وہ لوگ ہماری زرعی مصنوعات لیتے ہیں جو کاشت کاروں، مزدوروں اور کمپنیوں کے لیے ایک غیر منصفانہ امر ہے۔امریکی صدر نے کہا کہ جب میں نے متوازن محصولات وضع کردی تو انہیں یہ بات پسند نہیں ا?ئی، وہ ہمیں تجارت میں قتل کررہے ہیں، یہ ممالک ہمارا استحصال جاری نہیں رکھ سکتے۔جرمن چانسلر انجیلا مرکل کے حوالے سے ٹرمپ نے کہا کہ ان کے مرکل کے ساتھ اچھے تعلقات ہیں، سوشل میڈیا پر زیر گردش تصویر کے حوالے سے ٹرمپ نے کہا کہ وہ محض ایک دوستانہ مباحثہ تھا اور اس سلسلے میں جو باتیں پھیلائی گئیں وہ بے بنیاد ہیں۔واضح رہے کہ امریکی صدر ٹرمپ نے ہفتے کے روز کینیڈا م

برطانیہ:مسلم خاتون کا دفاع بھارتی نوجوان کو مہنگا پڑگیا

طکیمبرج// برطانیہ کی کاؤنٹی کیمبرج میں بھارتی نڑاد برطانوی طالبِ علم کو باحجاب مسلم خاتون کا دفاع کرنے پر نسل پرستوں کی جانب سے بدسلوکی کا سامنا کرنا پڑ گیا۔بھارتی ویب سائٹ ٹائمز آف انڈیا کی رپورٹ کے مطابق 28 سالہ ریکیش ایڈوانی پر برطانوی نسل پرستوں نے حملہ بھی کیا اور ’بریگزٹ، اپنے گھر واپس جاؤ‘ کے نعرے بھی لگائے۔ٹائمز آف انڈیا نے کیمبرج نیوز کا حوالہ دیتے ہوئے کہا ہے کہ ریکیش ایڈوانی کیمبرج ہسپتال میں ایک برطانوی نسل پرست کے ساتھ کھڑے تھے کہ اچانک اس شخص نے باحجاب مسلم خاتون پر نازیبا الفاظ کی بوچھاڑ کردی، جس کا بھارتی نڑاد برطانوی شہری نے دفاع کیا، جس پر اسے بھی بدسلوکی کا نشانہ بنایا گیا۔سی سی ٹی وی فوٹیجز کے مطابق ریکیش ایڈوانی کو نسلی امتیاز کا نشانہ بنایا گیا، انہیں اپنی آواز دھیمی رکھنے کا کہا جاتا رہا اور ان کے خلاف’واپس اپنے گھر جاؤ‘ کے نعرے لگائ

سعودی عرب میں خواتین کی موٹر سائیکل چلانے کی تیاریاں

ریاض// سعودی عرب میں کار چلانے کی اجازت ملنے کے بعد اب خواتین سڑکوں پر موٹر سائیکلیں بھی دوڑانے کے لیے پْر عزم ہیں۔بین الاقوامی خبر رساں ادارے کے مطابق 24 جون سے خواتین پر گاڑی چلانے کی پابندی ختم ہونے والی ہے جس کے لیے سعودی خواتین کافی پْر جوش بھی دکھائی دے رہی ہیں بلکہ خواتین کا ایک گروہ ایک قدم آگے بڑھتے ہوئے موٹر سائیکل چلانا سیکھ رہی ہیں۔ جس کے لیے ریاض میں قائم ایک انسٹی ٹیوٹ میں خواتین نے موٹر سائیکل چلانے کی تربیت حاصل کرنے کے لیے داخلہ لے لیا ہے۔موٹر سائیکل چلانے کی تربیت دینے والے ادارے میں ایک درجن سے زیادہ خواتین موجود ہیں جو 24 جون کے بعد موٹر سائیکل دوڑانے کے لیے پْرعزم اور پْر جوش ہیں تاہم اس حوالے سیابھی قوانین واضح نہیں ہیں کہ کیا گاڑی چلانے کے ساتھ ساتھ خاتون موٹر سائیکلسٹ کو بھی سڑکوں پر آنے کی اجازت ہوگی یا نہیں۔واضح رہے کہ ولی عہد محمد بن سلمان نے سعودی عرب کی ق

امریکی صدراورشمالی کوریا کے رہنما کی تاریخی ملاقات

سنگاپور// امریکی صدر ڈونلڈ ٹرمپ اور شمالی کوریا کے رہنما کم جونگ اْن کے درمیان ملاقات اختتام پذیرہوگئی ہے، ملاقات میں دونوں طرف سے مترجم بھی شریک ہوئے۔تفصیلات کے مطابق سنگاپور کے جزیرے سینٹوسا میں امریکی صدر ڈونلڈ ٹرمپ اور جنوبی کوریا کے سربراہ کم جونگ اْن کے درمیان ون آن ون ملاقات جزیرہ سینٹوسا کے کیپیلا ہوٹل میں ہوئی۔سینٹوسا میں ہونے والی اس تاریخی ملاقات کے لیے کم جونگ اْن وفد کے ساتھ ہوٹل پہنچے اور کچھ ہی دیربعد امریکی صدر ڈونلڈ ٹرمپ کا قافلہ بھی ہوٹل پہنچا۔امریکی صدر اور شمالی کوریا کے سربراہ نے ملاقات کے آغاز میں ایک دوسرے سے مصافحہ کیا اور فوٹوسیشن ہوا۔ اس موقع پر دونوں سنجیدہ نظر آئے لیکن بات چیت ہوئی تو چہروں پرمسکراہٹ بھی آگئی اور ایک بار پھر ہاتھ ملائے گئے۔سینٹوسا کے کیپیلا ہوٹل میں 45 منٹ تک جاری رہنے والی ون آن ون ملاقات میں شمالی کوریا کو ایٹمی ہتھیاروں سے پاک کرنے ک

ذہنی تناؤ سے بچنے اور خوش رہنے کا آسان نسخہ

لندن//آج کل کے دور میں ہر شخص ذہنی تناؤ کا شکار اور خوشی کی تلاش میں سرگرداں نظر آتا ہے۔ ماہرین نے فوری طور پر ذہنی تناؤ سے نجات پانے اور خوشی حاصل کرنے کا نہایت انوکھا طریقہ بتایا ہے۔ماہرین کی تجویز ہے کہ اگر آپ ذہنی تناؤ سے نجات چاہتے ہیں تو چاکلیٹ کو اپنی خوراک کا حصہ بنا لیں۔ایک طویل عرصے سے سائنسی و طبی ماہرین کی جانب سے پیش کی جانے والی نئی نئی تحقیقوں نے ثابت کیا ہے کہ چاکلیٹ کھانا نقصان دہ نہیں بلکہ دماغی و جسمانی صحت کے لیے بے حد فائدہ مند ہے۔حال ہی میں امریکی ریاست کیلی فورنیا کی لوما لنڈا یونیورسٹی میں کی جانے والی ایک تحقیق کے مطابق چاکلیٹ میں پائی جانے والی کوکو دماغ کو پرسکون کر کے اس میں خوشی کی لہریں پیدا کرتی ہے۔ماہرین کے مطابق یہ کام چاکلیٹ میں موجود فلیونائیڈز کرتے ہیں۔ چاکلیٹ کے یہ فوائد ہم کسی عام سی چاکلیٹ بار سے بھی حاصل کرسکتے ہیں۔مذکورہ تحقیق کے لیے طویل

حسن روحانی کی جن پنگ سے ملاقات، جوہری معاہدے پر گفتگو

بیجنگ// ایران کے صدر حسن روحانی نے اپنے چینی ہم منصب شی جن پنگ سے ملاقات کی اس دوران دونوں رہنماؤں نے ایران جوہری معاہدے پر گفتگو کرتے ہوئے دوطرفہ حمایت پر اتفاق کیا۔تفصیلات کے مطابق ایرانی صدر حسن روحانی نے چین کے مشرقی شہر ’کنگ داؤ‘ میں شی جن پنگ سے ملاقات کی، امریکی صدر ڈونلڈ ٹرمپ کی جانب سے ایران جوہری معاہدے سے دست برداری کے بعد پیدا ہونے والی صورت حال کا بھی ملاقات میں جائزہ لیا گیا۔غیر ملکی خبر رساں ادارے کا کہنا ہے کہ شی چن پنگ نے حسن روحانی کو باور کرایا ہے کہ ان کا ملک 2015ء میں ایران اور بڑے ممالک کے درمیان طے پائے جانے والے جوہری معاہدے کی سپورٹ جاری رکھے گا۔اس موقع پر روحانی کا کہنا تھا کہ ایران عالمی برادری سے جس میں چین بھی شامل ہے توقع رکھتا ہے کہ وہ امریکا کی جانب سے جوہری معاہدے ختم کرنے کے بعد پیدا ہونے والی صورت حال سے نمٹنے میں مثبت کردار ادا کرے گی۔خ

روس میں کشتی کی جہاز سے ٹکر، 10کی موت

ماسکو//روس میں وولگوگراد شہر کی وولگا ندی میں پیر کو ایک کشتی کی جہاز سے ٹکر ہوجانے سے 10لوگوں کی موت ہوگئی۔ مقامی حکام اور میڈیا نے یہ اطلاع دی۔خبررساں ایجنسی ریانووستی نے مقامی انتظامیہ کے حوالے سے بتایا کہ ڈیزاسٹر انتظامیہ کو مقامی وقت کے مطابق شام کو تقریباََ سات بجے اطلاع ملی کہ وولگا ندی میں ساحل سے تقریباََ ایک کلومیٹر دور ایک جہازسے کشتی کی ٹکر ہوگئی۔ کشتی میں کل ملاکر 16لوگ سوار تھے ، جن میں بیشتر روسی شہری تھے ۔حادثہ میں دس لوگو ں کی موت ہوگئی۔علاقائی گورنر اینڈوئی بوچوروف کی ویب سائٹ پر دستیاب اطلاع کے مطابق بچاو ٹیم نے کشتی میں سوار پانچ لوگوں کو بچا لیا ہے اور ان میں سے تین کو اسپتال میں داخل کرایا گیا ہے ۔ وولگراد ورلڈ کپ فٹبال میچوں کے ابتدائی دور کی میزبانی کرنے والا ہے ۔ ان میچوں میں انگلینڈ ، تیونس، نائیجریا، آئس لینڈ، سعودی عرب، مصر، جاپان اور پولینڈ کی ٹیمیں حصہ لیں

ٹرمپ کم سربراہ ملاقات، شمالی کوریا کی نظر امریکہ سے ’نئے تعلقات‘ کے آغاز پر

سنگاپور// شمالی کوریا کا کہنا ہے کہ کم جونگ-ان امریکی صدر ڈونلڈ ٹرمپ سے منگل کو ہونے والی ملاقات میں ’مستقل امن کے طریق? کار‘ پر بات کریں گے۔ملاقات سے ایک دن قبل ملک کے سرکاری ذرائع ابلاغ میں شائع ہونے والے بیانات سے اس بات کے امکانات بڑھ گئے ہیں کہ شمالی کوریا اور امریکہ کے درمیان ’ایک نئے تعلق کا آغاز‘ ہو سکتا ہے۔دونوں ممالک کے سربراہان اس تاریخی ملاقات کے لیے سنگاپور پہنچ چکے ہیں۔اس ملاقات کے بارے میں کم جونگ-ان کا کہنا ہے کہ ’پوری دنیا دیکھ رہی ہے‘، جبکہ صدر ڈونلڈ ٹرمپ نے کہا ہے کہ وہ اس سربراہ ملاقات کے بارے میں اچھا محسوس کر رہے ہیں۔پیر کی صبح اس سلسلے میں ایک ٹویٹ میں انھوں نے کہا کہ سنگاپور میں ’ماحول میں جوش و خروش ہے۔‘امریکہ چاہتا ہے کہ شمالی کوریا اپنے جوہری ہتھیار ختم کر دے، لیکن یہ واضح نہیں کہ اس کے بدلے میں شمالی کوریا کیا

جی سیون سربراہی اجلاس میں تلخی، یورپی ممالک ٹرمپ کی تنقید پر برہم

جرمنی اور فرانس نے کینیڈا میں ہونے والے جی سیون اجلاس کے مشترکہ اعلامیے کی حمایت سے پھرنے پر امریکی صدر ڈونلڈ ٹرمپ کی مذمت کی ہے۔جرمنی کے وزیر خارجہ ہیکو ماز نے کہا ہے کہ امریکی صدر نے یورپ اور امریکہ کے درمیان اعتماد کو تباہ کر دیا ہے۔فرانس کے صدر نے کہا کہ بین الاقوامی تعاون کا انحصار ’غصے اور زبانی حملوں‘ پر نہیں ہوتا۔ڈونلڈ ٹرمپ کے ایک اقتصادی معاون کا کہنا تھا کہ امریکی صدر نے اس لیے ردِ عمل دیا کیونکہ کینیڈا کے وزیرِ اعظم نے ’ان کی پیٹھ پر وار‘ کیا اور وہ شمالی کوریا کے رہنما سے ملاقات سے قبل کمزور دکھائی نہیں دینا چاہتے تھے۔اس سے پہلے کینیڈا میں جی سیون سربراہی اجلاس تلخی کے بعد تفریق کا شکار ہو گیا اور امریکی صدر ڈونلڈ ٹرمپ نے مشترکہ اعلامیہ جاری ہونے سے پہلے ہی اس سے علیحدگی اختیار کرتے ہوئے کینیڈا کے وزیر اعظم جسٹن ٹروڈو پر کڑی تنقید کی۔ڈونلڈ ٹرمپ نے اپ

سعودی عرب میں خلیجی ممالک کا اجلاس

ریاض// خادمین حرمین شریفین شاہ سلمان بن عبدالعزیز کی جانب سے طلب کیے گئے عرب ممالک کے اجلاس میں اردن کے لیے 2.5 ارب ڈالر کی امداد کا اعلان کیا گیا ہے۔ عرب میڈیا کے مطابق اردن  معاشی بحران کے حل کے لیے شاہ سلمان بن عبدالعزیز کی سربراہی میں چار عرب ممالک کا اہم اجلاس اتوار کی شام مکہ مکرمہ میں ہوا اجلاس میں اردن کے فرماں روا شاہ عبداللہ دوم، امیرِ کویت الشیخ صباح الاحمد الصباح اور متحدہ عرب امارات کے نائب صدر الشیخ محمد بن راشد نے بھی شرکت کی۔شرکاء￿  نے تفصیلی گفت و شنید کے بعد اردن کے لیے 2.5 ارب ڈالر کے امدادی پیکج پر اتفاق کیا جس کے روٹ میپ کا بھی تعین کیا گیا۔ اجلاس میں اردن کے مرکزی بینک میں رقم ڈپازٹ کرنے، اردن کے حق میں عالمی بینک کو ضمانتیں دینے، پانچ برس تک اردن کے سرکاری بجٹ کو سپورٹ کرنے اور ترقیاتی فنڈز سے اردن میں ترقیاتی منصوبوں کے لیے رقوم پیش کرنے کے پر اتفاق کی

شامی فوج کی بمباری سے 11 شہری جاں بحق، متعدد زخمی

دمشق//شامی صوبے ادلب میں فوج کی بمباری سے 11 شہری جاں بحق اور متعدد زخمی ہوگئے۔شامی شہر دیر الزور میں داعش کے ایک حملے میں بشارالاسد کی فوج کے بریگیڈ 11کے سربراہ میجر جنرل علی الحسین اور 30 دیگر فوجیوں کی ہلاکت کی اطلاعات ہیں۔دوسری طرف شامی صدر بشار الاسد نے ایسے تاثرات کو رد کر دیا ہے کہ ان کے ملک کے فیصلے روس کی جانب سے کیے جا رہے ہیں، اتحادی ممالک میں اختلافات کوئی انہونی بات نہیں لیکن روس نے فیصلہ سازی میں کبھی زبردستی نہیں کی، شامی ریاست کا ایک ایک انچ علاقہ واپس حکومتی کنٹرول میں لے آئیں گے، اسد نے یہ بیان برطانوی اخبار کو ایک انٹرویو میں دیا۔ایک سوال کے جواب میں اسد کا کہنا تھا کہ اتحادی ممالک میں اختلافات کوئی انہونی بات نہیں لیکن روس نے فیصلہ سازی میں کبھی زبردستی نہیں کی۔اپنے اس انٹرویو میں شامی صدر نے کہا کہ ان کے ملک میں جاری خانہ جنگی آئندہ ایک سال میں ختم ہو سکتی ہے، ان