تازہ ترین

جنوبی، شمالی کوریا کے رہنماؤں کی غیر فوجی علاقے میں دوسری ملاقات

سیئول// جنوبی کوریا کا کہنا ہے کہ ملک کے صدر مون جے اِن نے شمالی کوریا کے رہنما کِم جونگ اْن سے دونوں ممالک کے سرحد کے غیر فوجی علاقے میں ملاقات کی۔دونوں رہنماؤں کے درمیان ملاقات امریکی صدر ڈونلڈ ٹرمپ کی جانب سے شمالی کوریا کے رہنما سے ملاقات منسوخ کرنے کے ایک روز بعد ہوئی۔غیر ملکی خبر رساں ایجنسی ’اے ایف پی‘ کے مطابق جنوبی کوریا کے صدارتی دفتر ’بلو ہاؤس‘ سے جاری بیان میں کہا گیا کہ دونوں رہنماؤں کے درمیان ’پَنمونجْم‘ کے غیر فوجی علاقے میں تقریباً دو گھنٹے جاری رہی۔دونوں رہنماؤں کے درمیان گزشتہ ملاقات بھی اسی علاقے میں ہوئی تھی جہاں انہوں نے تعلقات بہتر بنانے کے عزم کا اظہار کیا تھا۔بیان میں کہا گیا کہ ’مون جے اِن اور کم جونگ ان کے درمیان پَنمونجْم اعلامیے پر عملدرآمد کے حوالے سے تبادلہ خیال کیا گیا، تاکہ امریکا اور شمالی کوریا کے سربراہ ا

شمالی کوریا بحران کا خاتمہ ٹرمپ اور کم کی ملاقات سے مشروط ہے: جاپانی وزیر اعظم

ماسکو// جاپان کے وزیر اعظم شنزو آبے نے کہا ہے کہ شمالی کوریا بحران امریکی صدر ڈونلڈ ٹرمپ اور شمالی کوریا کے سربراہ کم جونگ ان کی ملاقات سے مشروط ہے۔؎ان خیالات کا اظہار انہوں نے روسی شہر سینٹ پیٹرز برگ میں منعقد سالانہ اکنامک فورم سے خطاب کرتے ہوئے کیا، جاپانی وزیر اعظم کا کہنا تھا کہ کم جونگ ان اور ڈونلڈ ٹرمپ کی ملاقات ناگزیر ہے، اگر دونوں رہنماؤں کی جانب سے ملاقات کی جاتی ہے تو موجودہ بحران ختم ہوسکتا ہے۔انہوں نے امریکی صدر کے کم جونگ ان سے ملاقات کی منسوخی کے فیصلے پر مایوسی کا اظہار کرتے ہوئے کہا کہ، ڈونلڈ ٹرمپ کا ایسے ماحول میں یہ فیصلہ غلط ہے تاہم ہمارے امریکا کے ساتھ بہتر تعلقات ہیں، ہم اس فیصلے کے خلاف ہیں۔    

امریکہ نے ایران کی فضائی کمپنیوں پر نئی پابندیاں عائد کردیں

طواشنگٹن// امریکا کے محکمہ خزانہ نے ایران کی فضائی کمپنیوں اور ان سے وابستہ کاروباری اداروں پر نئی پابندیاں عائد کردیں۔غیر ملکی خبر رساں ادارے کے مطابق امریکی محکمہ خزانہ نے دو فضائی کمپنیوں ماہان ایئر اور معراج ایئر سے وابستہ اداروں کے علاوہ دو ایرانیوں اور ایک ترک کمپنی پر بھی پابندی عائد کی ہے۔امریکی وزیر خزانہ اسٹیون ٹی نوشین نیایک بیان میں کہا ہے کہ محکمہ خزانہ نے جن سہولت کار اداروں اور افراد پر پابندیاں عائد کی ہیں اور انہیں بلیک لسٹ قرار دیا گیا ہے وہ ایران کی فضائی کمپنیوں ماہان ایئر، کیسپین ایئر، معراج ایئر اور پویا ایئر کو فاضل پرزہ جات اور خدمات مہیا کررہے تھے۔امریکی محکمہ خزانہ نے دو فضائی کمپنیوں ماہان ایئر اور معراج ایئر سے وابستہ اداروں کے علاوہ دو ایرانیوں اور ایک ترک کمپنی پر بھی پابندی عائد کی ہیانہوں نے الزام عائد کیا کہ وہ اس عمل کے ذریعے پاسداران انقلاب کی القدوس

شمالی کوریا کے ساتھ مثبت گفتگو:ٹرمپ

واشنگٹن// امریکی صدر ڈونالڈ ٹرمپ نے کہا کہ ان کے اور شمالی کوریا کے رہنما کم جونگ اون کے درمیان مدت سے منتظر سربراہ کانفرنس کے انعقاد کے سلسلے میں پیانگ یانگ کے ساتھ بہت ہی مثبت بات چیت ہو رہی تھی۔مسٹر ٹرمپ نے جمعہ کی دیررات ٹویٹر پر ایک پوسٹ کے ذریعے یہ بات کہی۔امریکی صدر نے کہا کہ مجوزہ چوٹی کانفرنس منعقد کرنے کے بارے میں ہماری شمالی کوریا کے ساتھ اب بھی کافی مثبت بات چیت ہو رہی ہے ۔ اگر یہ سربراہ کانفرنس منعقد ہوگی تو اس کے 12 جون کو سنگاپور میں ہونے کا امکان ہے ۔ اگر ضرورت پڑی تو اس کی تاریخ مزید بڑھائی جاسکتی ہے ۔غور طلب ہے کہ اس سے پہلے جمعرات کو مسٹر ٹرمپ نے شمالی کوریا کے رہنما کم جونگ کے ساتھ 12 جون کو سنگاپور میں ہونے والی اپنی مجوزہ ملاقات منسوخ کرنے کا اعلان کیا تھا۔یو این آئی  

کم جونگ ان کسی بھی وقت ، امریکی صدرسے ملاقات کو تیار : شمالی کوریا

پیانگ یانگ // امریکی صدر ٹرمپ کی کم جونگ ان سے ملاقات کی منسوخی کے بعد شمالی کوریا نے اعلان کیا ہے کہ کم جونگ ال کسی بھی وقت امریکی صدر سے ملاقات کو تیارہیں۔غیر ملکی خبر رساں ایجنسی کے شمالی کوریا اورامریکا کیتعلقات میں ایک بار پھر تناؤ کا شکار ہے، امریکی صدر کی جانب سے ملاقات کی منسوخی پر شمالی کوریا نے تشویش کا اظہار کرتے ہوئے کہا کہ ملاقات کی منسوخی مایوس ہے، کم جونگ ان کسی بھی وقت صدرٹرمپ سے ملاقات کوتیارہیں۔شمالی کوریا کے حکام نے ٹرمپ نے شمالی کوریا کے رہنما کم جانگ اْن سے طے شدہ ملاقات منسوخ کردی، ٹرمپ کا یہ اقدام امن کے قیام کی عالمی خواہش کے برعکس ہے، اب بھی امریکا کے ساتھ معاملات کو حل کرنے کے لیے تیار ہے اور امید ہے کہ یہ میٹنگ دوبارہ بحال ہوسکتی ہے۔گزشتہ روز امریکی صدر ڈونلڈ ٹرمپ نے شمالی کوریا کے سربراہ کم جونگ سے ہونے والی ملاقات ملتوی کردی، دونوں رہنماؤں کی جون کی 12 تا

فلسطینیوں کا خوف: اسرائیلی کابینہ کے اجلاس زیر زمین کرنے کا فیصلہ

مقبوضہ بیت القدس// اسرائیلی حکومت نے کابنیہ کے تمام اجلاس کرائسس مینجمنٹ کے زیر زمین پناہ گاہوں میں منعقد کرنے کا فیصلہ کیا ہے۔امریکی سفارت خانے کی بیت المقدس منتقلی پر عالمی ردعمل کے بعد اسرائیلی حکومت کے وزیر اعظم بینجمین نتن یاہو نے کابنیہ کے تمام اجلاس کرائسس مینجمنٹ کے زیر زمین پناہ گاہوں میں منعقد کرنے کا فیصلہ کیا ہے۔ادھر اسرائیلی انٹیلی جنس وزیر کاٹز نے کہا کہ امریکا کے ساتھ دو طرفہ سفارتی بات چیت میں گولان کی پہاڑیوں کا معاملہ سر فہرست ہے۔ اسرائیلی انٹیلی جنس وزیر نے مزید کہا کہ اسرائیل ٹرمپ انتظامیہ پر زور دے رہا ہے اور امید ہے کہ آئندہ چند ماہ کے دوران امریکا اس پر اسرائیلی قبضے کو تسلیم کر لے گا۔دریں اثنا فلسطینی وزارت صحت نے بتایا ہے کہ ایک ہفتہ قبل رام اللہ کے نواحی قصبے ابیرہ میں امریکی سفارتخانے کی القدس منتقلی کیخلاف احتجاجی ریلی پر اسرائیلی فوج کی فائرنگ سے زخمی ہونی

اسرائیلی فائرنگ سے زخمی فلسطینی نوجوان دم توڑ گیا

یروشلم// فلسطین میں قابض اسرائیلی فوج کی فائرنگ سے زخمی ہونے والا پندرہ سالہ نوجوان اسپتال میں دم توڑ گیا۔تفصیلات کے مطابق فلسطین میں اسرائیلی فوج کی جارحیت مسلسل جاری ہے، معصوم اور نہتے مظلوم شہریوں پر ظلم کی انتہا کردی گئی ہے، ایک ہفتے قبل اسرائیلی فوج کی فائرنگ سے شدید زخمی ہونے والا 15 سالہ نوجوان آج اپنی زندگی کی بازی ہار گیا۔ترجمان فلسطینی وزارت صحت کا کہنا ہے کہ 15 سالہ ’عدی اکرم ابو خلیل‘ ایک ہفتے قبل امریکی سفارت خانے کی القدس منتقلی کے خلاف احتجاجی مظاہرے میں شریک تھا کہ اچانک اسرائیلی فوج نے اس پر فائرنگ کردی جس کے باعث وہ شدید زخمی ہوگیا تھا۔فلسطینی وزارت صحت کے مطابق بعد ازاں اسے فوری طور پر طبی امداد فراہم کرنے کے لیے اسپتال منتقل کیا گیا جہاں اسے بچانے کی ہرممکن کوکشش کی گئی لیکن وہ زخموں کی تاب نہ لاتے ہوئے آج جاں بحق ہوگیا، عدی اکرم غزہ میں اسرائیلی فوج ک

نائیجیریا میں فوجیوں نے خوراک کے بدلے خواتین کی عصمت دری کی، رپورٹ

لاگوس// نائیجریا میں شدت پسند تنظیم بوکو حرام سے بچ کر آنے والی خواتین سے نائیجیریا کے فوجیوں کی زیادتیوں کا انکشاف ہوا ہے۔یہ دعویٰ انسانی حقوق کے عالمی ادارے ایمنسٹی انٹرنیشنل نے آج جمعرات کو جاری اپنی ایک رپورٹ ‘‘They betrayed us’’  (انہوں نے ہمیں دھوکا دیا) میں کیا ہے جس کے مطابق بوکو حرام سے ڈر کر اور ان کے چنگل سے فرار ہوکر پناہ اور خوراک کی طلب گار خواتین کو نائیجیرین فوجیوں کی جانب خوراک کے بدلے عصمت فروشی پر مجبور کرنے کے بیشتر واقعات پیش آئے ہیں۔رپورٹ میں انکشاف کیا گیا ہے کہ نائیجیرین فوج اور سول افراد پر مشتمل جوائنٹ ٹاسک فورس نے خواتین کو ان کے شوہروں سے الگ کرکے دور دراز کے کیمپوں میں رکھا جہاں ان کے ساتھ زیادتی کے واقعات پیش آئے بعض اوقات تو انہیں خوراک کے عوض بھی زیادتی پر مجبور کیا گیا۔ایمنسٹی کے مطابق ان کے پاس اس بات کے شواہد موجود ہیں

صومالیہ میں تاریخ کا خطرناک طوفان، 50 افراد ہلاک

 موغا دیشو// قرن افریقہ میں طوفان باد و باراں کے نتیجے میں 50 سے زیادہ افراد ہلاک اور متعدد لاپتہ ہو گئے۔غیرملکی خبررساں ادارے کے مطابق ساگر نامی سائیکلون نے قرن افریقہ میں تباہی مچائی۔ مقامی عہدے داروں کا کہنا تھا کہ ’ساگر‘ اس علاقے کی تاریخ کا اب تک کا سخت ترین طوفان ثابت ہوا ہے۔موغادیشو کے میئر عبدی رحمان عمر عثمان نے بتایا کہ ان کے علاقے میں طوفان سے کم ازکم 12افراد ہلاک ہوئے جبکہ صومالی دارالحکومت میں شدید بارشوں نے 300 سے زیادہ مکان منہدم کر دیے۔عہدے داروں کا کہناتھا کہ عودل، ساحل اور سلال کے علاقوں میں علاقوں میں کم ازکم 35افرد ہلاک ہو گئے جب کہ لوگوں نے بتایا کہ زیادہ تر اموات پانی کے ریلوں میں بہہ جانے کے نتیجے میں ہوئیں۔صومالی لینڈ کے صدر موسے عبدی نے کہا کہ 12 افراد زخمی ہوئے ہیں جبکہ 27 ابھی تک لاپتہ ہیں۔بیان میں کہا گیا کہ طوفان سے 7 لاکھ 70 ہزار کے لگ بھگ

امریکہ نے شیطانی حرکتیں کیں تو ملاقات نہیں ہوگی:شمالی کوریا

واشنگٹن //شمالی کوریا نے خبردار کیا ہے کہ اگر امریکہ نے اپنی "شیطانی حرکتیں" جاری رکھیں تو وہ کم جونگ ان اور صدر ڈونلڈ ٹرمپ کے درمیان طے شدہ ملاقات کے فیصلے پر نظرِ ثانی کرے گا۔شمالی کوریا کے نائب وزیرِ خارجہ چو سون ہی نے جمعرات کو اپنے ایک بیان میں کہا ہے کہ امریکی صدر کے ساتھ ملاقات کی شمالی کوریا کو کوئی ضرورت نہیں۔شمالی کوریا کے نائب وزیرِ خارجہ نے یہ بیان امریکہ کے نائب صدر مائیک پینس کے ایک بیان کے جواب میں دیا ہے جس میں انہوں نے کم جونگ ان کو خبردار کیا تھا کہ وہ سربراہی ملاقات سے قبل امریکہ کے ساتھ کھلواڑ کرکے "بہت بڑی غلطی" کررہے ہیں۔پیر کو امریکی نشریاتی ادارے 'فوکس نیوز' کے ایک پروگرام میں گفتگو کرتے ہوئے امریکی نائب صدر نے کہا تھا کہ اگر شمالی کوریا نے اپنے جوہری ہتھیاروں سے متعلق کوئی معاہدہ نہ کیا تو اس کا انجام لیبیا جیسا ہوسکتا ہے۔لیکن دلچسپ

ہمیں اپنی دفاعی صلاحیت بڑھانے کیلئے کسی کی اجازت نہیں چاہیے: سربراہ ایرانی فوج

تہران// ایرانی فوج کے سربراہ میجر جنرل محمد باقری نے کہا ہے کہ ہمیں اپنی دفاعی صلاحیت بڑھانے کے لیے کسی کی اجازت کی ضرورت نہیں ہے، ہم اپنے فیصلے خود کریں گے۔ان خیالات کا اظہار انہوں نے ایرانی پارلیمنٹ سے خطاب کرتے ہوئے کیا، خیال رہے کہ امریکا کی جانب سے ایران پر مسلسل دباؤ ڈالا جارہا ہے کہ وہ علاقے میں اپنا اثر ورسوخ کم کرے، اپنی دفاعی اور ملٹری پالیسیوں میں تبدیلی لائے تاہم ایرانی فوج کے سربراہ نے ان مطالبات کو رد کر دیا۔میجر جنرل محمد باقری کا کہنا تھا کہ ایران ہتھیاروں کی تیاری کے لیے کسی ملک کی اجازت کا انتظار نہیں کرے گا اور نہ ہی ہمیں کوئی یہ کہہ سکتا ہے کہ اپنی دفاعی صلاحیتوں اور ملٹری پالیسیوں کو محدود کرے۔ان کا مزید کہنا تھا کہ ایرانی فوج ہر قسم کے خطرات سے نمٹنے کے لیے بھرپور تیار کھڑی ہے، ہم نے اپنی صلاحیتوں کو مزید مضبوط کیا ہے، بڑے سے بڑے چیلنجز کا سامنا کرسکتے ہیں، ہماری

فرانسیسی صدر ولادی میر پیوٹن سے ملاقات کریں گے

ماسکو// فرانس کے صدر ایمانوئیل میکرون روسی صدر ولادی میر پیوٹن سے ملاقات کریں گے اس دوران باہمی تعلقات کی مضبوطی پر زور دیا جائے گا۔تفصیلات کے مطابق حالیہ کئی مہینوں سے فرانس اور روس کے تعلقات میں کمزوری دیکھنے میں آئی ہے تاہم 24 مئی کو فرانس کے صدر روس کا دورہ کرتے ہوئے روسی صدر ولادی میر پیوٹن سے ملاقات کریں گے اور تعلقات کی مزید بہتری پر زور دیا جائے گا۔عالمی میڈیا کے مطابق فرانسیسی صدر ایمانوئیل میکرون تین روزہ سرکاری دورے پر آج روس کے شہر سینٹ پیٹزبرگ پہنچے گے جہاں وہ ولادی میر پیوٹن سے ہاہمی تعلقات کی مضبوطی سمیت ایران اور شام کی موجودہ صورت حال پر بھی تبادلہ خیال کریں گے۔واضح رہے کہ ماضی میں دونوں ممالک کے درمیان تعلقات کشیدہ رہے ہیں اور ایک دوسرے کے خلاف سخت جملوں کا استعمال بھی کر چکے ہیں تاہم ماہرین کا خیال ہے کہ روس میں ہونی والی یہ ملاقات روس اور فرانس کے باہمی تعلقات کو

فاٹاقبائلی علاقہ خیبرپختون خوا کی ریاست میں ضم

پشاور// پاکستان کی قومی اسمبلی نے وفاق کے زیر انتظام قبائلی علاقہ جات کو صوبہ خیبر پختونخوا میں ضم کرنے کی آئینی ترمیم منظور کر لی ہے۔جمعرات کوپاکستان کی قومی اسمبلی کے اجلاس میں حکومت کی جانب سے فاٹا کو خیبر پختونخوا میں ضم کرنے کے لیے 31ویں آئینی ترمیم کا بل وزیر قانون و انصاف محمود بشیر ورک نے پیش کیا۔اس موقع پر ایوان میں حکومت اور اپوزیشن کے ارکان کی بڑی تعداد موجود تھی۔ پاکستان تحریکِ انصاف کے سربراہ عمران خان بھی ایک طویل عرصے کے بعد جمعرات کو ایوان میں آئے۔اس آئینی ترمیم کے حق میں 229 ووٹ آئے جبکہ ایک رکن نے اس کی مخالف کی۔ ترمیم کی مخالفت کرنے والوں میں جمعیت علمائے اسلام ف اور پختونخوا ملی عوامی پارٹی کے ارکان شامل تھے۔بل کی منظوری کے بعد پاکستان کے وزیراعظم شاہد خاقان عباسی نے کہا کہ فاٹا کے انضمام کے لیے قانون سازی آسان کام نہیں تھا لیکن تمام سیاسی جماعتوں نے اس پر اتف

اب ٹرمپ کی جانب سے مذاکرات ختم کرنے کی دھمکی

واشنگٹن//سبھی باتیں ٹھیک ٹھاک سمت میں جارہی تھیں ،جنوبی و شمالی کوریا سے خوشگوار خبریں دنیا کو مل رہی تھیں۔شمالی کوریا نے خود ان تمام مراکز کو ختم کرنے کا اعلان کردیا جہاں نیوکلیائی ٹسٹ ہوئے تھے ۔اسی درمیان یہ بات بھی طے ہوگئی کہ شمالی کوریاکے سربراہ کم جونگ ان اور امریکی صدر ڈونلڈ ٹرمپ آئندہ ماہ ملاقات کرنے جارہے ہیں ۔ لیکن کم جونگ ان نے جنوبی کوریا اور امریکہ سمیت دنیا کو یہ کہہ کر چونکا دیا کہ وہ امریکہ و جنوبی کوریا سے مذاکرات ختم کرسکتے ہیں کیونکہ یہ دونوں ممالک شمالی کوریا پر ضرورت سے دباؤ ڈال رہے ہیں۔ اسی پس منظر میں اب امریکی صدر ٹرمپ کا یہ بیان آیا ہے کہ اس چیز کے قوی امکانات ہیں کہ آئندہ ماہ ان کی شمالی کوریا کے رہنما کے ساتھ ملاقات نہیں ہو پائے گی۔ بی بی سی کے مطابق ان کا کہنا تھا کہ اس ملاقات سے قبل شمالی کوریا کو کچھ شرائط پر عمل کرنا ہو گا اگر ایسا نہیں ہوا تو شاید ملاقات

دمشق :شامی فوج کے مکمل کنٹرول کے باوجود جھڑپیں جاری

دمشق// شام میں اتحادی فوج کے دارالحکومت پر مکمل کنٹرول کے دعوے کے بعد باوجود جھڑپیں جاری ہیں جس کے نتیجے میں 26 شامی فوجی اہلکار ہلاک ہو گئے۔بین الاقوامی خبر رساں ادارے کے مطابق شام کی سرکاری فوج نے اتحادی افواج کے تعاون سے دارالحکومت دمشق کے کچھ حصے پر قابض جنگجوؤں کو  ہتھیار ڈالنے پر مجبور کردیا ہے جس کے بعد دمشق کا مکمل کنٹرول بشارالاسد حکومت کے پاس آگیا ہے۔ دمشق کے کنٹرول کے لیے حتمی جھڑپ 21 اور 22 مئی کی درمیانی شب ہوئی جس میں شامی فوج کو بھاری نقصان اْٹھانا پڑا۔دوسری جانب دمشق میں مکمل کنٹرول حاصل کرنے کے سرکاری دعوے کے باوجود گزشتہ روز جنگجوؤں نے پالمیرا کے علاقے میں فوجی چیک پوسٹ پر حملہ کرکے 26 اہلکاروں کو قتل کردیا جب کے جوابی کارروائی میں 6 جنگجوؤں کے ہلاکت کی اطلاعات بھی ہیں۔اتحادی افواج نے جنگجوؤں کے ٹھکانوں پر حملے کیے اور دوطرفہ فائرنگ کا سلسلہ جاری ہے۔واضح رہے

ایران سے متعلق امریکی پالیسی، یورپی یونین کو تحفظات

لندن// امریکا کی جانب سے ایران کے حوالے بنائی گئی نئی حکمت عملی پر یورپی یونین نے تحفظات کا اظہار کردیا جبکہ سعودی عرب نے نئی پالیسی کی مکمل حمایت کی ہے۔تفصیلات کے مطابق امریکی وزیر خارجہ مائیک پامپیو نے گذشتہ روز ایران سے متعلق امریکا کی نئی پالیسی کا اعلان کیا تھا، علاوہ ازیں مائیک پومپیو نے یہ بھی کہا تھا کہ امریکا ایران پر تاریخ کی سخت ترین پابندیاں عائد کرے گا، پابندیوں کے بعد ایران کو اپنی معیشت کی بقا کا مسئلہ پڑ جائے گا۔عالمی میڈیا کے مطابق یورپی یونین میں خارجہ پالیسی کی رابطہ کار فیڈریکا موگرینی نے امریکا پر زور دیتے ہوئے کہا ہے کہ وہ ایران جوہری معاہدے پر قائم رہے، جب تک ایران معاہدے کی پاسداری کرتا رہے اس وقت تک سمجھوتے کی شقوں پر عمل درآمد جاری رکھنا چاہیے۔دوسری جانب جرمنی کے وزیر خارجہ ہائیکو ماس کا کہنا تھا کہ یورپی ممالک امریکا کے بغیر بھی ایرانی معاہدے کا نفاذ برقرار

سعودی : خواتین کے حقوق کیلئے کام کرنے والے مزید 4 کارکن گرفتار

ریاض// انسانی حقوق کی بین الاقوامی تنظیم انٹرنیشنل ہیومن رائٹس واچ ڈاگ کا کہنا ہے کہ سعودی عرب میں خواتین کے خلاف جاری کریک ڈاؤن میں خواتین کے حقوق کے لیے کام کرنے والے مزید 4 کارکنان کو حراست میں لے لیا گیا۔واضح رہے یہ کارروائیاں ایسے وقت میں کی جارہی ہیں جبکہ سعودی عرب میں خواتین کی ڈرائیونگ سے پابندی ختم ہونے میں محض چند ہفتے باقی ہیں۔اس ضمن میں گزشتہ ہفتے انسانی حقوق کی تنظیم نے بتایا تھا کہ سعودی پولیس نے 7 کارکنان کو حراست میں لیا ہے، جن میں زیادہ تر وہ خواتین ہیں جنہوں نے خواتین کو ڈرائیونگ کے حق اور سعودیہ میں نافذ مردوں کی سرپرستی کے نظام کے خاتمے کے لیے مہم چلائی تھی۔واضح رہے کہ مردوں کی سرپرستی کے نظام میں خواتین کو ہر اہم فیصلے میں اپنے مرد رشتہ داروں سے اجازت لینا لازم ہوتا ہے۔یاد رہے کہ سعودی عرب کے ولی عہد محمد بن سلمان کے حالیہ دورہ یورپ اور امریکا میں کھربوں ڈالر کی س

امریکہ نے وینزویلا پر پابندی لگادی

واشنگٹن //امریکہ نے پیر کے روز وینزویلا کے صدر نکولس ماڈورو کے چھ سال کی دوسری مدت کے لیے انتخاب کو دھوکہ دہی قرار دیتے ہوئے اس ملک کے خلاف اقتصادی پابندیاں لگا دی ہیں۔صدر ڈونلڈ ٹرمپ نے پیر کے روز ایک انتظامی حکم نامے پر دستخط کیے جس کے تحت وینزویلا سے تیل کی تمام ترسیلات بند کر دی گئی ہیں۔وینزویلا کا شمار ایک زمانے میں تیل پیدا کرنے والے دنیا کے چوٹی کے ملکوں میں ہوتا تھا۔وائٹ ہاؤس کے ایک سینیر عہدے دار نے نامہ نگاروں کو بتایا کہ آج کے حکم نامے سے بدعنوانی کا ایک اور راستہ بند ہو گیا ہے، جس کے بارے میں ہمارا مشاہدہ تھا کہ ایسا کیا جا رہا ہے۔ اس حکم نامے سے وینزویلا کے بدعنوان عہدے دار مالی فوائد حاصل کرنے کے لیے قومی اثاثوں کو فروخت اور ان کے غلط استعمال کرنے کے قابل نہیں رہیں گے۔امریکی وزیر خارجہ مائک پومپیو نے اپنے ایک بیان میں کہا ہے کہ ماڈورو کا دوسری بار منتخب ہونا، ملک کے آئی

پیراگوائے کاسفارتخانہ تل ابیب سے مقبوضہ بیت المقدس منتقل

واشنگٹن//جنوبی امریکا کے ملک پیراگوائے نے ٹرمپ انتظامیہ کی پیروی کرتے ہوئے اپنا سفارت خانہ تل ابیب سے بیت المقدس منتقل کر دیا۔تفصیلات کے مطابق پیراگوائے نے اسرائیل میںقائم اپنا سفارت خانہ بیت المقدس منتقل کر لیا. پیروگوائے کے صدر ہوراسیو کارتس نے منتقلی کے بعد سفارت خانے کا افتتاح کیا۔ یاد رہے کہ امریکا اور گوئٹے مالا کے بعد پیراگوائے تیسرا ملک ہے جس نے اسرائیل میں اپنے سفارت خانہ تل ابیب سے مقبوضہ بیت المقدس منتقل کیا ہے، گوئٹے مالا نے بدھ کے روز اپنا سفارت خانہ بیت المقدس منتقل کیا تھا۔گوئٹے مالا کے صدر جیمی مورالیس کے فیصلے پر امریکی سفارت خانے کی منتقلی کے دو روز بعد عمل درامد ہوا، جس کے بعد مراکش اور گوئٹے مالا کے تعلقات میں کشدگی آگئی اور مراکش نے گوئٹے مالا سے اپنے تمام تجارتی تعلقات منقطع کر دیے.واضح رہے کہ پیراگوائے کے موجودہ صدر ہوراسیو کارتس کی مدت صدارت بھی دو ماہ بعد ختم

یمن :حوثی باغیوں نے میزائل داغے ، پانچ افراد ہلاک

ریاض//یمن میں حوثی باغیوں نے مآرب شہر میں میزائل داغے جس کی وجہ سے پانچ افراد ہلاک ہو گئے اور 20 دیگر زخمی ہو گئے ۔ سکیورٹی اور طبی ذرائع نے آج یہ اطلاع دی۔  سعودی عرب کے سرکاری ٹیلی ویژن العربیہ نے بتایا کہ حوثی باغیوں نے میزائل سے مآرب شہرمیں رہائشی علاقے کو نشانہ بنایا۔    واضح رہے کہ سعودی قیادت والے عرب اتحاد کے تعاون سے یمن کی ہادی حکومت 2015 سے ایران نواز حوثی باغیوں سے برسرپیکار رہی ہے اور اس کی وجہ سے یمن قحط سالی کے دہانے پر آ گیا ہے ۔   اقوام متحدہ کے مطابق گزشتہ تین سالوں میں اس جنگ کی وجہ سے 10 ہزار لوگوں کی موت ہوئی ہے اور اس وقت یمن کے چار میں سے تین شہریوں اس وقت مدد درکار ہے یعنی دو کروڑ 20 لاکھ لوگوں کو مدد کی ضرورت ہے ۔یو این آئی