تازہ ترین

میرواعظ مرحوم مولوی محمد یوسف شاہ ؒ کا یوم وصال

سرینگر//تحریک حریت کشمیر کے اولین علمبردار ، مفسر قرآن ، مہاجر ملت میرواعظ کشمیر مولانا محمد یوسف شاہ صاحب کا52واں یوم وصال حد متارکہ کے آر پار انتہائی عقیدت و محبت اور احترام کے ساتھ منایا گیا ۔ پروگرام کے مطابق تاریخی عالی مسجد کے احاطے میں حریت(ع) چیرمین میرواعظ ڈاکٹر مولوی محمد عمر فاروق کی صدارت میں ایک پر وقار عومی جلسہ کا انعقاد عمل میں آیاجس میں وادی کے سرکردہ علماء، مقتدر سیاسی قائدین اور مختلف دینی اور سیاسی جماعتوں کے سربراہوں کے علاوہ عوام کی ایک بہت بڑی تعداد نے شرکت کی اور مرحوم رہنما کی تاریخی ، دینی، سیاسی، تحریکی اور ملی خدمات پر انکو زبردست خراج عقیدت پیش کیا۔ میرواعظ نے کہا کہ مہاجر ملت کو اپنے اس جمہوری ، اصولی اور اخلاقی موقف پر قائم رہنے کیلئے وقت کے حکمرانوں نے Enemy Agent قرار دے کر اپنے وطن عزیز سے جلا وطن کردیا اور پھر تاعمر اپنے وطن واپس لوٹنے کی اجازت نہی

سرینگر میں عوامی دربار، خورشید گنائی سے 22 وفود ملاقی

سری نگر//ہفتہ وار عوامی رابطہ مہم کے ایک حصے کے طور پر گورنر کے مشیر خورشید احمد گنائی نے کل جے کے گورنرس گریوینس سیل چرچ لین سرینگر میں درجنوں وفود اور افراد کے ساتھ ملاقات کی۔اس دوران وادی کے مختلف علاقوں سے تعلق رکھنے والے22 سے زائد وفود نے مشیر موصوف کے ساتھ ملاقات کی اور اپنے اپنے مسائل کو اُن کی نوٹس میں لایا۔ مشیر موصوف سے جن وفود نے ملاقات کی اُن میں امر ناتھ جی یاترا بال تل ٹریڈرس، کشمیر چیمبر آف کامرس اینڈ انڈسٹری کا وفد، کالج کنٹریکچول ٹیچرس، جنرل لائین ٹیچرس فورم اور کئی دیگر وفود شامل تھے۔مشیر موصوف نے یہ مسائل غور سے سُنے اور یقین دلایا کہ ان پر ترجیحی بنیادوں پر کاروائی عمل میں لائی جائے گی۔ انہوں نے کئی ایک مسائل کو موقعہ پر ہی حل کرنے کی ہدایات دیں۔  

جنگ بدر اورحضرت عاشیہ صدیقہؓ کا عرس مبارک

سرینگر// ریاست کے تینوں خطوں کی مساجد، زیارت گاہوں اور خانقاہوں میں جنگ بدر کی تقریب اور عرس مبارک حضرت عایشہ صدیقہؓ نہایت عقیدت واحترام کے ساتھ منائے گئے۔ اِس سلسلے میں مسجد شریف زیارت حضرت سید جمال دین مدنی ؒ جمالٹہ نوا کدل میں ایک پُر وقار تقریب پرمولانا ریاض احمد ہمدانی نے شہدائے بدر کی عظمت بیان کرتے ہوئے کہا ،کہ اِ س معرکہ میں عالم انسانیت کے محسن انسانیت ، پیغمبر آخرزمانﷺ کے جان باز اسلام کے جان نثاروں کے خود نگران تھے اور اِس معرکے کے غازی حضرت صدیق اکبرؓ، حضرت فاروق اعظمؓ، حضر حیدر کرار علی مرتضیٰ ؓ اورحضرت امیر حمزہ رضوان اللہ علیہم اجمعین تھے۔ اُنہوں نے کہا ،کہ حضرت عاشیہ ؓ کے علمی کمالات اور روحانی ، ریاضت ، تقوا اور تبلیغ اسلام واشاعت میں جو کارنامے امت کی اِس شفیق ماں نے انجام دیئے وہ ہمارے لئے خاصکر ہماری ماں بہنوں اور بیٹیوں کیلئے تا ابد مشعل راہ ہے۔دریں اثناء قدیم مسج

بھاجپاحامیوں کاجواہر نگر میں جشن

سرینگر// بے جے پی نے سرینگر میں وزیر اعظم ہند نریندر مودی کی جیت کا جشن منایا۔پارلیمانی انتخابات کے نتائج کے اعلان کے ساتھ ہی بھاجپا کی کامیابی کے بعد بھاجپا کے جواہر نگر دفتر میں پارٹی کے کارکن اور ہمدرد جمع ہوئے اور انہوں نے پارٹی کی جیت کا جشن منانا شروع کیا۔ پارٹی کارکنوں نے دفتر کے باہر پٹاخے سرکے۔ پارٹی کارکنوںکے چہرے خوشی کا برملا اظہار کر رہے تھے۔ بھاجپا کارکنوں نے مودی اور پارٹی کے حق میں نعرہ بازی بھی کی۔اس موقعہ پر پارٹی کے ترجمان الطاف ٹھاکرنے پارٹی کے سنیئر لیڈروں ڈاکٹر جتندر سنگھ،جگل کشور اور ریاستی صدر رویندر رینہ کو بھی مبارکباد پیش کرتے ہوئے کہا کہ کورپشن سے پارک اور بہتر انتظامیہ فراہم کرنے کے علاوہ ترقی کا جال بچھایا۔    

مزید خبریں

ڈاکٹر فاروق کا خراج  سرینگر// نیشنل کانفرنس کے صدر ڈاکٹر فاروق عبداللہ (رکن پارلیمان)نے ریاست کے سرکردہ عالم دین اور تحریک حریت کشمیر کے ممتاز دینی اور سیاسی شخصیت مرحوم مولانا محمد یوسف شاہؒ کے یوم وصال پر اپنا خراج عقیدت پیش کرتے ہوئے کہا ،کہ مرحوم مولانا شاہ صاحبؒ ایک عالم باعمل، سرکردہ مبلغ اور ریاست کے ممتاز دینی شخصیت کے مالک تھے۔ اور انہوں نے تحریک حریت کشمیر میں بھی اہم رول ادا کیا تھا۔ مرحوم شیر کشمیر شیخ محمد عبداللہ کو مرحوم مولانا محمد یوسف شاہ صاحبؒ کے ساتھ بڑی عقیدت، عزت واحترام تھا اور خاندان میرواعظ کی دینی خدمات کو قوم کیلئے مشعل راہ قرار دیتے تھے۔       پرے پورہ سے حیدر پورہ تک موٹر سائکلوں پر کرتب بازیاں  طلباء وطالبات پریشان ، لوگوں کی پولیس سے کاروائی کی مانگ سرینگر//پرے پورہ سے حیدر پورہ سرینگرتک ٹیوشن مراکز ، س

پٹن کے ڈرائیور کی پر اسرار ہلاکت کیخلاف پریس کالونی میں احتجاج

سرینگر//ماموسہ پٹن کے ڈرائیور کی پر اسرار ہلاکت کے خلاف اسکے لواحقین نے بدھ کو پریس کالونی میں احتجاج کرتے ہوئے کیس کی تحقیقات کوفاسٹ ٹریک بنیادوں پر مکمل کرنے کا مطالبہ کیا ۔ لواحقین کے مطابق30سالہ جان محمد بٹ ولد اسد اللہ بٹ ساکن ماموسہ پٹن 22مارچ کو گھر سے نکلا لیکن واپس نہیں لوٹا۔ لواحقین نے پولیس اسٹیشن پٹن میں ایک گمشدگی رپورٹ درج کرائی تھی اوراس کی لاش کو4 اپریل پٹن میں ایک نالہ سے برآمد کیا گیا تھا۔احتجاج میں شامل مقتول کے ایک قریبی رشتہ دار نے بتایا کہ لاش کو برآمد کرنے کے بعد علاقے کے لوگوں نے سرینگر مظفرآبادشاہراہ پرا حتجاجی دھرنا دیکرٹریفک کی نقل وحمل کو مسدود کیا تاہم پولیس اور انتظامیہ کی یقین دہانی کے بعد لوگوں نے اپنا احتجاج ختم کیا تھا ۔انہوں نے بتایا کہ ایس ایس پی بارہمولہ نے کیس کی تحقیقات دس دن میں مکمل کرنے کی لوگوں کو یقین دہانی کرائی تھی لیکن دو ماہ گذر جانے ک

حیاتیاتی تنوع کا عالمی دِن | وِجے کمار کا حیاتیاتی تنوع کے تحفظ پر زور

سرینگر// گورنر کے مشیر کے۔ وِجے کمار نے حیاتیاتی تنوع کی اہمیت کو اُجاگر کرتے ہوئے کہا ہے کہ یہ موجودہ دور میں اِنسانی ترقی کے لئے لازمی ہے۔ اُنہوں نے کہا کہ حیاتیاتی تنوع کو تحفظ فراہم کرنے کے لئے مشترکہ کوششیں کرنا ضروری ہے تا کہ زمین پر بقاء حیات کو یقینی بنایا جاسکے۔مشیر نے ان باتوں کا اظہار کل جموں وکشمیر سٹیٹ بائیوڈائیورسٹی بورڈ ، سٹیٹ فارسٹ ریسرچ انسٹی چیوٹ اور سکاسٹ کشمیر کی طرف سے شالیمار کیمپس میں حیاتیاتی تنوع کے بین الاقوامی دِن کے سلسلے میں منعقدہ تقریب سے خطاب کرتے ہوئے کیا۔ اس سال کا حیاتیاتی تنوع کے بین الاقوامی دِن کا موضو ع ہے’’ ہمارا حیاتیاتی تنوع، ہماری خوراک اور ہماری صحت ‘‘ اور اس میں خوراک اور صحت جیسے شعبوں کو فروغ دینے کے لئے بنیاد فراہم کرنے کی طرف توجہ مرکوز کی گئی ہے ۔وی سی سکاسٹ کشمیر پروفیسر نذیر احمد ، پی سی سی ایف جے اینڈ کے سریش

برزلہ میں ٹریفک حادثہ | نٹی پورہ کا نوجوان جاں بحق، دوسرا زخمی

 سرینگر//برزلہ سرینگر میںسڑک کے ایک دلدوز حادثے میں ایک نوجوان جاں بحق جبکہ دوسرا زخمی ہوگیا۔دن کے دو بجے ایک سکوٹر برزلہ پل کے نزدیک سڑک سے لڑھک گیا جس پر سوار دو نوجوان زخمی ہوگئے۔دونوں کو صدر اسپتال پہنچایا گیا جہاں فید بشیر نامی زخمی نوجوان دم توڑ بیٹھا۔اسپتالی ذرئع کے مطابق اْن کے ہاں پہنچائے گئے دو زخمی نوجوانوں میں سے ایک نٹی پورہ کا رہنے والا تھا جو جاں بحق ہوگیا جبکہ دوسرے کی حالت بہتر ہے۔ جب فید بشیر کی لاش گھر پہنچا ئی گئی تو وہاں کہرام مچ گیا۔ پولیس نے معاملہ کی نسبت کیس درج کرکے مزید تحقیقات شروع کردی ہے۔(سی این ایس)  

پی ایچ ای عارضی ملازمین پھر احتجاج پر پریس کالونی میں دھرنا،تنخواہوں کی واگذاری کا مطالبہ

سرینگر//محکمہ پی ایچ ای کے ڈیلی ویجروں، کیجول لیبروں،آئی ٹی آئی ورکروں نے واجب الادا تنخواہوں کی عدم واگذاری کو لیکربدھ کو پریس کالونی میں احتجاجی مظاہرہ کرتے ہوئے دھمکی دی کہ اگر ایک ہفتے تک ان کے مطالبات پورے نہیں کئے گئے تو وہ 27 مئی کو پرتاپ پارک میں ہمہ گیر احتجاج کریں گے ۔کشمیر پی ایچ ای جوائینٹ ایمپلائز ایسوسی ایشن کے بینر تلے ان عارضی ملازمین نے حکومت کی ٹال مٹول پالیسی کی مخالفت کرتے ہوئے ریاستی گورنر انتظامیہ سے پرُزور مطالبہ کیا کہ وہ بغیر کسی تاخیر کے واجب الادا تنخواہیں واگذار کرائے۔ ایسو سی ایشن کے چیرمین سجاد احمدپرے نے بتایاکہ گذشتہ20ماہ سے ان کی واجب الادا تنخواہ بند پڑی ہے اور حکومت نے وعدہ کیا تھا کہ ماہ رمضان میں تنخواہ واگذار کی جائے گی لیکن صرف یقین دہانی کی جارہی ہے اور عملی طور کچھ نہیں کیا جاتا ہے۔انہوں نے حکومت کو متنبہ کرتے ہوئے کہا کہ اگر ڈیلی ویجروں ،آئی

ڈگری کالج باغ دلاور خان سرینگر کی طرف سے ایس پی کالج میں سیرت کانفرنس کا انعقاد

سرینگر// گورنمنٹ ڈگری کالج باغ دلاور خان سرینگر نے کل ایس پی کالج آڈیٹوریم میں ایک روزہ سیرت کانفرنس کا انعقاد کیا ۔ ڈائریکٹر کالجز پروفیسر یاسین احمد شاہ ، پرنسپل ایس پی کالج پروفیسر خورشید احمد خان اور گورنمنٹ ڈگری کالج باغ دلاور خان پروفیسر شاہ جان کے علاوہ ڈاکٹر فیض قاضی آبادی اس موقعہ پر موجود تھے ۔ سرینگر اور بڈگام اضلاع کے 12 کالجوں سے تعلق رکھنے والے طلبا نے کانفرنس میں شرکت کی ۔ گورنمنٹ ڈگری کالج فار وومن ایم اے روڈ سرینگر کی فوزیہ بٹ نے پہلی جبکہ گورنمنٹ ڈگری کالج فار وومن نوا کدل سرینگر اقصیٰ منظور اور ایس پی کالج سرینگر کے سید عنائت نے بالترتیب دوسری اور تیسری پوزیشن حاصل کی ۔    

مزید خبریں

 مولانا ہمدانی کازیارتِ میر سید یعقوب میں خطاب سرینگر// جمعیت ہمدانیہ کے سربراہ مولانا ریاض احمد ہمدانی نے کل تاریخی زیارتِ میر سید یعقوب میں وعظ و تبلیغ میں عالم اسلام خصوصاً ریاست کے فرزندانِ توحید سے اپیل کی ،کہ وہ ماہِ رمضان کا تقدس مدنظر رکھ کر اِس کا احترام کرنا حکم خدا اور ارشاد رسولﷺ ہے۔اس روح پرور مجلس میں وادی کے اطراف واکناف سے آئے ہوئے عقیدتمندوں کی ایک بڑی تعداد نے شرکت کی۔           گرلزہائر سیکنڈر ی سکول کوٹھی باغ میں سمینارمنعقد سرینگر// عالمی سطح پر بائیو ڈائیورسٹی ڈے کی مناسبت سے ڈائریکٹوریٹ آف سکول ایجوکیشن کے اہتمام سے’’ پانی کا گھٹائو ایک سنگین مسئلہ ‘‘کے موضوع پر گورنمنٹ ہائر سیکنڈر ی سکول کوٹھی باغ سرینگر میں ایک سیمنار کا انعقاد کیا گیا۔سیمنار میں وادی کے مختلف اضلاع سے آئے

۔11 میونسپل کارپوریٹراین سی میں شامل

 سرینگر//سرینگر میونسپل کارپوریشن کے 11کارپوریٹروں نے کل نیشنل کانفرنس میں شمولیت اختیار کی۔اس سلسلے میں کل این سی ہیڈکوارٹر نوائے صبح کمپلیکس میں ایک تقریب منعقد ہوئی۔ کارپوریٹروں کا پارٹی میں مقدم کرتے ہوئے عمر عبداللہ نے کہا کہ نیشنل کانفرنس نے بلدیاتی انتخابات میں حصہ نہ لینے کا فیصلہ کیا تھا، ان انتخابات میں لوگوں کی بہت کم شرکت دیکھنے کو ملی، اس کے باوجود بھی لوگوں نے نومنتخبہ میونسپل کونسلر سے تعمیر و ترقی کے لحاظ سے اُمیدیں باندھی لیکن وہ اُمیدیں بھر نہ آئیں۔ انہوں نے کہا کہ ایس ایم سی یہاں کے لوگوں کو شہری سہولیات فراہم کرنے میں کوئی بھی بہتری نہیں لاسکی۔اس موقعے پر پارٹی جنرل سکریٹری علی محمد ساگر، صوبائی صدر ناصر اسلم وانی، سینئر لیڈران مبارک گل، نذیر احمد خان گریزی، عرفان احمد شاہ، محمد سعید آخون، شمی اوبرائے، سید بشارت بخاری، تنویر صادق، شوکت احمد میر، سلمان علی ساگ

پی ڈی پی کی ناقص منصوبہ بندی سے شہر بری طرح متاثر: عمر عبداللہ

 سرینگر//نیشنل کانفرنس کے نائب صدر عمر عبداللہ نے کل کہا کہ شہر سرینگر کو گذشتہ برسوں کے دوران یکسر طور پر نظرانداز کیا گیا اور حقیر سیاسی مفادات کیلئے یہاں کے لوگوں کا استحصال کیا گیاجبکہ ریاستی سرکار کیساتھ ساتھ مرکز نے بھی اس تاریخی شہر کے بنیادی ڈھانچے کی بہتری کیلئے کوئی بھی دلچسپی نہیں دکھائی۔ شہر سرینگر کے لوگوں کے مسائل و مشکلات اور شہری زندگی کو دپیش چیلنجوں کا ذکر کرتے ہوئے عمر عبداللہ نے کہا کہ سابق پی ڈی پی حکومت کی نااہلی کا خمیازہ بھی آج یہاں کے لوگوں کو بھگتنا پڑ رہا ہے اور پی ڈی پی حکومت کی ناقص منصوبہ بندی اور غیر دانشمندانہ فیصلوں سے یہاں کے لوگ مشکلات سے دوچار ہوئے۔ انہوں نے کہا کہ مرحوم مفتی سعید اور محبوبہ مفتی کی سربراہی والی حکومتوں نے زیرو برج اور پولو ویو کانونٹ پل کو فُٹ برج بنانے کے فیصلوں سے یہاں ٹریفک نظام بری طرح متاثر ہوا۔انہوں نے کہا کہ پی ڈی پی وا

درپردہ امیدوار قبول کرکے این سی اور پی ڈی پی بے نقاب:سجاد لون

 سرینگر//پیپلز کانفرنس چیئرمین سجاد غنی لون نے وادی کی دو روایتی جماعتوں کوکشمیری عوام کے جذبات کا استحصال کرنے اور اپنے مفادات کیلئے جھوٹ بولنے کی اْن کی طبیعی استعداد کیلئے شدید ہدف تنقید بنایا۔سجاد غنی لون نے کہا کہ این سی اور پی ڈی پی کا اخلاقی دیوالیہ پن ،عمر عبداللہ اور محبوبہ مفتی کی بلند صدا لفاظی آج مضحکہ خیز بن چکی ہے۔انہوںنے کہا ’’آپ نے بلدیاتی انتخابات کا بائیکاٹ کیا اور اس کو دفعہ35-Aکی آڑمیں شیم الیکشن قرار دیا۔اب ایک سوال کا جواب دیں۔نئی دہلی آپ کو کتنا سنجیدگی سے لے گی جبکہ اْنہیں معلوم ہے کہ آپ دونوں نے بلدیاتی چنائو سے قبل خوب ڈرامہ رچایا۔اْن کا کہناتھا’’یہ کشمیری قیادت کا ایک طبقہ ہے جو پورے ملک میں بلدیاتی چنائو کابائیکاٹ کرنے کیلئے سرخیوں میں تھا۔اب یہ راز فاش ہوتا ہے کہ ایک طرف اعتراف شدہ بائیکا ٹ تھا اور دوسری جانب اب اقتدار کی ہ

۔15منٹوں کا سفر اب ایک منٹ میں

سرینگر/ جہانگیر چوک رامباغ فلائی اْوور کے دوسرے حصے کا افتتاح آج ہونے والا ہے۔حکام کے مطابق مذکورہ فلائی اْوور کا پہلا حصہ ایک سال قبل شروع ہوا تھاتاہم اس کا دوسرا حصہ کل ٹریفک کیلئے کھولا جائے گا۔اس فلائی اْوور کی تعمیر کا آغاز اکتوبر2013کو ہوا تھا اور یوں پانچ سال میں سرینگرمیں اپنی نوعیت کا اب تک کا یہ سب سے بڑا پروجیکٹ مکمل ہوگیا۔اب جس حصے کا افتتاح ہوگا، وہ رامباغ سے آلوچی باغ تک 1.04 کلومیٹر پر مشتمل ہے اور اس پر37.5 کروڑ روپے کی لاگت آئی ہے۔حکام کے مطابق فلائی اْوور کا یہ حصہ شروع ہونے سے گاڑیوں کیلئے 15منٹ کا سفر محض ایک منٹ میں طے ہوگا اور لالچوک جانے والی گاڑیوں کیلئے بہت ہی آرام دہ ثابت ہوگا۔حکام کے مطابق اس سے علاقے میںروز مرہ کے ٹریفک جام سے بھی کافی حد تک راحت ملے گی۔یاد رہے کہ سرکار نے فلائی اور کی تعمیر کے دوران اُس کو مکمل کرنے کیلئے کئی ایک ڈیڈ لائن بھی مقرر کی ت

مہا جر ملت کو خراج عقیدت،جمعرات کو جلسہ ہوگا

سرینگر // عوامی مجلس عمل نے کہا ہے کہ حسب سابق تنظیم امسال بھی مہاجر ملت، میرواعظ کشمیر مولانا محمد یوسف شاہ صاحبؒ  کا52 واں یوم وصال انتہائی عقیدت و احترام کے ساتھ منا رہی ہے ۔ تنظیم نے انہیں زبردست الفاظ میں خراج عقیدت پیش کرتے ہوئے کہا کہ جس بلند نصب العین کیلئے مہاجر ملت نے پوری زندگی جدوجہد کی اور بعد میں جس کاروان کو جموںوکشمیر عوامی مجلس عمل کے بانی سربراہ نے ہر سطح پر آگے بڑھانے کی بھر پور کوشش کرتے ہوئے اپنی قیمتی جان کا نذرانہ بھی پیش کیا ، اُسے منطقی انجام تک پہنچانے کیلئے تنظیم اور قیادت وعدہ بند ہے ۔ترجمان کے مطابق 17 ماہ رمضان بروز جمعرات میرواعظ عمر فاروق معرکہ بدر کے واقعات پر تفصیل سے روشنی ڈالیں گے اور اصحاب بدر کونذرانہ عقیدت پیش کریں گے۔ اسکے بعد ایک جلسہ عام کا انعقاد ہوگا ۔ترجمان نے تمام ائمہ مساجد، خانقاہوں، آستانوں اور امام باڑوں کے ذمہ داروںسے گزارش ہے ک

جواہر نگر میں سرکردہ صحافیوں کا یتیم بچوں کیساتھ افطار

 سرینگر// جواہرنگر میں واقع بیت الہلال یتیم خانہ میں سرکرہ صحافیوں نے یتیموں کے ساتھ افطار میں شرکت کرتے ہوئے ان بچوں کے تحفظ اور وقار کیلئے معقول اقدامات اٹھانے کی ضرورت کو اجاگر کیا۔ کشمیر ایوان صحافت کے صدر اور ٹی وی جرنلسٹ شجاع الحق نے اس موقعہ پر یتیم خانوں میں زیر پرورش بچوں کی بہترین نگہداشت پر توجہ مبذول کرانے کی صلاح دیتے ہوئے جموں کشمیر یتیم فائونڈیشن کی سماجی خدمات میں کردار کی سراہنا کی۔معروف صحافی الطاف حسین نے یتیم خانوں کے انتظامی طریقہ کار میں تبدیل لانے پر زور دیتے ہوئے کہا کہ یتیم خانوں کے منتظمین کے ساتھ کھلی بحث و مباحثہ کے ادوار ہونے ۔ دور درشن سرینگر کے شعبہ خبر کے سربراہ سلمان نظامی نے بیت الہلال کے طلاب کی صلاحتوں اور ہنر کی تعریف کرتے ہوئے کہا کہ ان بچوں میں اعتماد سازی کو بڑانے کی ضرورت ہے۔صحافی ماجد جہانگیر نے طلاب پر زور دیا کہ وہ ایمانداری کے ساتھ اپنا

سکندن کاسلک فیکٹری راج باغ، بمنہ وولن ملز اور سلک فائلیچر سولنہ کا دورہ

سرینگر//گورنر کے صلاحکار کے سکندن نے کل سلک فیکٹری راج باغ، بمنہ وولن ملز اور کشمیر سلک فائلیچر سولنہ کا دورہ کر کے اِن یونٹوں کے کام کاج کا جائیزہ لیا۔منیجنگ ڈائریکٹر جموں اینڈ کشمیر انڈسٹریز لمٹیڈجاوید اقبال اور دیگر اہلکار بھی دورے کے دوران مشیر موصوف کے ہمراہ تھے۔دورے کے دوران مشیر موصوف نے سلک فیکٹری راج باغ کے مختلف شو رومز کا معائنہ کیا اور وہاں تیار کی جارہی اشیاء کے بارے میں جانکاری حاصل کی۔صلاحکار نے گورنمنٹ سلک فیکٹری راج باغ میں کمپوزٹ مارکیٹ سینٹر فار ہول سیل چین کا معائنہ کیا جس دوران انہیں بتایا گیا کہ یہ عمارت رواں سال ستمبر تک مکمل کی جائے گی ۔ اس عمارت کو جہلم ۔توی فلڈ ریکوری پروجیکٹ کے تحت تیار کیا جارہا ہے۔ صلاحکار کو سلک فیکٹری کو ہیری ٹیج سائٹ کے طور فروغ دینے اور اس کی عظمت رفتہ کو بحال کرنے کے لئے کئے جارہے اقدامات کے بارے میں جانکاری دی گئی۔ انہوں نے افسروں کو

پیلٹ متاثرین کا پریس کالونی میں احتجاج | مہلک ہتھیار پیلٹ گن پر پابندی لگانے کا مطالبہ

سرینگر//مہلک ہتھیار پیلٹ گن سے متاثرہ سینکڑوں افراد نے پریس کالونی لالچوک میں احتجاج کرتے ہوئے پیلٹ گن کے بے دریغ استعمال پر فوری پابندی عائد کرنے کا مطالبہ کیا۔ وادی کے مختلف علاقوں سے آئے متاثرین پریس کالونی میں جمع ہوئے اوراحتجاج کرتے ہوئے کہاکہ اس مہلک ہتھیار سے آئے روز نوجوانوں کا مستقبل تاریک بنتا جارہا ہے۔ ایک طرف جہاں اسے سے انسان آنکھوں کی روشنی میں پوری طرح محروم ہوجاتا ہے وہیں دوسری طرف انسان کے ذریعہ معاش پر کاری ضرب پڑجاتی ہے۔ مظاہرین نے بتایا کہ جب ایک انسان کی آنکھ اور جسم میں پیلٹ پیوستہ ہوجاتے ہیں تو آنکھوںکی بینائی کیساتھ ساتھ اُن کے مستقبل پر کاری ضرب پڑجاتی ہے۔ ’’پیلٹ وکٹمز ویلفیئر ٹرسٹ‘‘ کے بینر تلے درجنوں پیلٹ متاثرین نے احتجاج کرتے ہوئے ریاستی سرکار سے مطالبہ کیا کہ وہ مذکورہ ہتھیار پر فوری طور پر پابندی عائد کرے۔انہوں نے بتایا کہ تاز