تازہ ترین

بستیوں میں جنگلی جانوروں کاورود!

وادی میں حالیہ برفباری کے بعد آئے روز انسانی بستیوں کی جانب جنگلی جانوروں ،خاص کر برفانی تیندوں کی نقل و حرکت کی خبر یں آرہی ہیں۔ ظاہر سی بات ہے کہ پہاڑوں پر بھاری برفباری کے بہ سبب قدرت کی ان مخلوقات کو خوردو نوش کی مشکلات درپیش ہوتی ہیں، جس کی وجہ سے وہ غذا کی تلاش میں انسانی آبادیوں کی جانب نکل آتی ہیں۔ ایسےحالات میں بعض اوقات تصادم آرائیاں پیش آتی ہیں جن کے نتیجہ میں جانوں کے نقصان کا اندیشہ ہمیشہ لگا رہتا ہے۔ حالانکہ اس کرۂ ارض پر ماحولیاتی توازن برقرار رکھنے کےلئے قدرت کی مختلف مخلوقات، جن میں چرند وپرند کےساتھ ساتھ درندے بھی شامل ہیں، کا تحفظ بہت ضروری ہے اور اس کےلئے سماجی سطح پر بیداری پیدا کرنے کی بہت زیادہ ضرورت ہے، کیونکہ جوں جوں کرۂ ارض پر انسانی آبادیاں پھیلتی جا رہی ہیں اور انکی سہولیات کے لئے دور دراز علاقے حتیٰ کہ جنگل ،پہاڑ، بیابان اور آبگاہیں مشینی عمل دخل