تازہ ترین

آوارہ کُتے۔۔۔۔ہر دم بگڑتی صورتحال!

وادی کے مختلف علاقوں میں حالیہ ایام کے دوران آوارہ کتوں کے حملوں میں زخمی ہونے والے شہریوں کی تعدادمیں جس تیزی کے ساتھ اضافہ ہوا ہے وہ نہایت ہی تشویشناک ہے۔ میڈیا کے توسط سے ملنے والی خبروں کے مطابق شہر اور قصبہ جات میں ایسے واقعات کی تعداد سینکڑوں میں ہے جبکہ دیہات کے اندر صورتحال زیادہ ہی خطرناک بنتی جارہی ہے، جس کی بنیادی وجہ آوارہ کتوں کی تعداد میں بے تحاشہ اضافہ ہے۔اس صورتحال سےیہ اندازہ لگانا مشکل نہیں کہ آئندہ برسوں کے اندر عوام کو کس بدترین صورتحال کا سامنا ہوگا، الایہ کہ ان کی بڑھتی ہوئی آبادی کو قابو کرنے کےلئے کوئی ہنگامی اور مؤثر  اقدام کیا جائے۔ لیکن فوری طور پر ایسی کوئی امید دور دور تک نظر نہیں آرہی ہے کیونکہ وادی کے مرکز سرینگرکی میونسپل کارپویشن نے کتوں کی نسبندی کرانے کا ایک جدید ترین مرکز قائم کرنے کا منصوبہ مرتب کیا تھا، لیکن تا ایں دم یہ صرف کاغذات تک ہی