کووِڈ-19-کی وباء

منی گاہ ہایہامہ،اندرہامہ ،مقام شاہ ولی درگمولہ کپواہ ریڈ زون قرار،لوگوں کو گھروں میں ہی رہنے کی تلقین  اشرف چراغ    کپوارہ//وادی میں کورونا ائرس میں مبتلاء مریضوں کی تعداد میں ہر گزرتے دن کے ساتھ اضافہ ہورہا ہے جس کے نتیجے میں لوگو ں میں سخت فکر و تشویش لا حق ہوگئی ہے ۔ کپوارہ ضلع میں بھی گزشتہ دوروز میں 2مریضو ں کے کووڈ-19-ٹیسٹ مثبت آئے ،اس سے قبل باغ بیلا کرناہ،ہری اور ماگام ہندوارہ کے چھ مریضوں کے ٹیسٹ مثبت آئے،اس کے بعد ان علاقوں کو ریڈ زون قراردیا گیا۔منی گاہ میں بدھ کے روز ایک مریض جبکہ مقام شاہ ولی سے ایک اور مریض کے ٹیسٹ مثبت آنے کے بعد منی گاہ ہایہامہ اور اندر ہامہ کے علاوہ مقام شاہ ولی درگمولہ کو ریڈ زون لسٹ میں شامل کیا گیا اور ان علاقوں میں لوگو ں کے نقل و حمل پر سختی سے پابندی عائد کی گئی ۔ضلع انتظامیہ نے ان علاقوں کے لوگو ں سے کہا کہ وہ اپنی

کوروناوائرس

  بالن ، گچھیوں اور دیگر اشیاء کیلئے جنگلات کا رخ نہ کریں وائلڈ لائف محکمہ کی جنگلاتی علاقوں کے لوگوں سے اپیل   نمائندہ عظمیٰ    سرینگر //محکمہ وائلڈ لائف نے جنگلوں کے نزدیک رہائش پذیرآبادی کو مشورہ دیا ہے کہ وہ بالن اور دیگر جڑی بوٹیاںکو جمع کرنے سے گریز کریں ۔ جموں و کشمیر خاصکر وادی میں کورونا وائرس کے معاملات میں تیزی آنے اور امریکہ کے نیو یارک شہر میں ایک چیتے کے اس وائرس میں مبتلا پائے جانے کے بعد تمام وائلڈ لائف علاقوں اور چڑیا گھروں کو ہائی الرٹ پر رکھا گیا ہے تاکہ جنگلی جانوروں کی مکمل نگرانی کی جاسکے۔ وائلڈ لائف واڈن کشمیر راشد نقاش نے ایک ایڈوائزری جاری کی ہے جس میں انہوں نے امریکہ کے نیویارک شہر میں ایک چیتے کے اس وائرس میں مبتلا ہونے کا ذکر کرتے ہوئے کہا کہ گوشت خور جانورجیسے تیندوے وغیرہ اور دیگر جنگلی جانوروں سے اس وائرس کے انسان

ملک اور بیرونی ممالک میں درماندہ کشمیریوں کو واپس لایا جائے:تاریگامی

سرینگر//حکومتملک اور بیرون ممالک میں کورونا وائرس کی  وباء کی بناء پر جاری لاک ڈائون کے نتیجے میں درماندہ تمام کشمیریوںکو اپنے  گھرپہنچانے کے لئے اقدام کریںکیونکہ ان لوگوں کوملک اور ملک سے باہر مشکلات کا سامنا ہے۔ ان باتوں کا اظہار سی پی آئی یم کے یوسف تاریگامی نے ایک بیان میں کیا  ۔انہوں نے کہا کہ کشمیری وادی سے تعلق رکھنے والے مختلف طبقہ ہائے فکر کی ایک بڑی تعداد جن میں ہینڈی کرافٹس سے وابستہ لوگ،مزدور پیشہ افرادکے علاوہ طلبہ اور کچھ چھوٹے ملازمین کی ایک اچھی خاصی تعدادشامل ہے،ملک کے مختلف حصوں جن میں دہلی،ہماچل پردیش،پنجاب،ہریانہ وغیرہ شامل ہیں، میںلاکڈائون ہونے کے نتیجے میں شدید مشکلات سے دوچار ہیں۔تاریگامی نے کہا اب مذکورہ لوگوں کا کاروبار بھی متاثر ہوا ہے اورجو پیسہ ان کے پاس تھا، وہ بھی ختم ہوا ،جس کے نتیجے میں بیشتر افراد کے پاس کھانے ، پینے کے لئے بھی کوئی پیسہ

لاک ڈائون کے دوران دیہی علاقوں میں بجلی کی فراہمی یقینی بنائی جائے:حسن میر

سرینگر// جموں و کشمیر اپنی پارٹی کے سینئر رہنما غلام حسن میر نے جمعرات کو جموں و کشمیر حکومت سے اپیل کی ہے کہ وہ کورونا وائرس کے پیش نظر لاک ڈون کے دوران دیہی علاقوں میں بجلی کی بلا تعطل فراہمی کو یقینی بنائے۔جے کے این ایس کے مطابق اپنی پارٹی کے سینئر لیڈرغلام حسن میر نے موجودہ وبائی حالت کے بیچ کہا کہ جب لوگوں کو گھر کے اندر ہی رہنے کا مشورہ دیا جاتا ہے ، تو ان کے لئے بجلی کی عدم فراہمی سے صحت کے رہنما اصولوں پر عمل کرنا مشکل ہوگیا ہے۔انہوں نے کہا کہ اگرچہ مرکزی حکومت کا دعوی ہے کہ جموں و کشمیر انتظامیہ میں بہتری آرہی ہے ، لیکن حقیقت یہ ہے کہ بجلی کی صورتحال گزشتہ برسوں کے مقابلے میں کہیں زیادہ خراب ہوچکی ہے۔میر نے لیفٹیننٹ گورنر جی ایس مرومو سے اس  معاملے میں مداخلت کرنے کی اپیل کرتے ہوئے کہا کہ جموں کشمیر کی حکومت کو ایک ایسے وقت میںدیہی علاقوں میں لوگوں کو بلا تعطل بجلی فراہم

سوپور میں مہلوک جنگجو کی نمازجنازہ

سوپور//غلام محمد//سوپور پولیس نے سعید پورہ میں ایک جنگجو کے نمازجنازہ میں شامل ہوئے لوگوں کی شناخت شروع کی ہے ۔سجاد نواب ڈارولدمحمدنواب ساکن سعیدپورہ، گلاب آبادآرم پورہ میں بدھ کو فورسزکے ساتھ دن بھر جاری ایک تصادم آرائی کے دوران جان بحق ہواتھا۔ ایک اعلیٰ پولیس افسر نے بتایا کہ اس معاملے کی تیزتربنیادوں تحقیقات ہورہی ہے اورنمازجنازہ میں شامل ہوکرلوگوں نے سرکاری احکامات کی خلاف ورزی کی تھی۔پولیس کے مطابق سوشل میڈیا پر اس سلسلے میں اَپ لوڈ کئے گئے ویڈیوز اور تصاویر کی بنیاد پر اِن لوگوں کا پتہ لگایا جارہا ہے اورانہیں عنقریب گرفتار کیاجائے گا ۔پولیس افسر کے مطابق مہلوک جنگجو کی نمازجنازہ میں اس تعداد میں لوگوں کی شرکت نہ صرف کووڈ-19-کی وجہ سے جاری سرکاری احکامات کی عدولی ہے بلکہ اس سے پورے علاقہ کی آبادی کو اس وبائی بیماری کاشکار ہونے کاخطرہ ہے ۔اس سے قبل گائوں کے ذمہ دار لوگوں کو صلا

سرحدوں پرآرپار گولہ باری کا سلسلہ بند کیا جائے:نیشنل کانفرنس

 سرینگر//نیشنل کانفرنس نے کورونا وائرس کے پھیلائو کے پیش نظر ہندو پاک قیادت سے اپیل کی ہے کہ سرحدوں پر کشیدگی،فائرئنگ اور گولہ باری کا سلسلہ بند کریں۔پارٹی نے دوردراز علاقوں میں لاک ڈائون کے پیش نظر شہریوں کو اشیائے ضروریہ دستیاب رکھنے کا بھی مطالبہ کیا۔پارٹی کے سینئرلیڈر اور ضلع صدر کپوارہ قیصر جمشید لون نے انتظامیہ سے مطالبہ کیا ہے کہ کپوارہ کے سرحدی علاقوںکرناہ، ٹنگڈار،جمہ گنڈ میں موجودہ لاک ڈائون کے پیش نظر تمام ضروریات زندگی اور لازمی خدمات خصوصاًغذائی اجناس چاول،آٹا،کھانڈ اور رسوئی گیس دستیاب رکھا جائے اورتمام اسپتالوں میں ادویات بہم رکھنے کو یقینی بنایا جائے۔پارٹی کے ضلع صدر بارہمولہ جاوید احمد ڈار، ضلع صدر بانڈی پورہ غلام رسول ناز نے بھی بارہمولہ اور بانڈی پورہ میں غذائی اجناس اور ادویات کے علاوہ اشیائے ضروریہ بہم رکھنے کی اپیل کی ۔  

ودھیا نگر ترہگام اور سنگڑانہ ریشی گنڈ برقی رو سے محروم

کپوارہ//شمالی ضلع کپوارہ کے ودھیا نگر ترہگام اور سنگڑانہ ریشی گنڈ علاقے کئی روز سے برقی روسے محروم ہیں ۔ودھیا نگر ترہگام کے لوگو ں کا کہنا ہے کہ ایک ہفتہ قبل یہا ں بجلی ٹرانسفارمر خراب ہو گیا اور آج تک مرمت کیلئے ورکشاپ نہیں پہنچایا گیااور صارفین شدید مشکلات سے دوچار ہیں۔ا س دوران کرالہ پورہ کے مضافاتی گائوں سنگڑانہ ریشی گنڈ کے لوگو ں نے بتا یا کہ گزشتہ مہینے یہا ں نصب بجلی ٹرانسفارمر خراب ہو گیا اور ایک ہفتہ کے بعد لوگو ں نے پیسہ جمع کر کے اسے اپنی لاگت پر کپوارہ ورکشاپ پہنچایا جہا ں ابھی تک بھی اس ٹرانسفار مر کی مر مت نہیں کی گئی ۔لوگو ں کا کہنا ہے کہ انہو ں نے کئی بار کپوارہ کے ورکشاپ کے چکر لگائے تاہم آج تک اس کی مرمت نہیں کی گئی ۔لوگو ں نے ضلع انتظامیہ سے مداخلت کی اپیل کی ہے۔  

مزید خبرں

جموں میں191رہبرتعلیم اساتذہ کی مستقلی ناظم تعلیم نے احکامات جاری کئے  سری نگر//ڈائریکٹوریٹ آف سکول ایجوکیشن جموں نے سروشکھشا ابھیان کے تحت تعینات کئے گئے 191رہبر تعلیم اَساتذہ کی مستقلی کے احکامات جاری کئے ہیں۔ناظم تعلیم جموں انورادھا گپتا نے کہا کہ 191رہبر تعلیم اَساتذہ میں سے 140کو گریڈ ۔Iاور 51کو گریڈ ۔IIزمرے میں مستقل کیا گیا ہے۔یہ بات قابلِ ذکر ہے کہ محکمہ تعلیم کے پرنسپل سیکرٹری ڈاکٹر اصغر حسن سامون کو اِس بارے میں کئی مطالبات اور یاداشتیں موصول ہوئیں تھی۔ڈاکٹر اصغر حسن سامون کی ہدایت پر ناظم تعلیم کشمیر نے 155 رہبر تعلیم اَساتذہ کی مستقلی کے احکامات صادر کئے تھے۔پرنسپل سیکرٹری نے سکولی تعلیم محکمہ کے جموں اور کشمیر کے ناظمین کو ہدایات دی ہیں کہ وہ رہبر تعلیم اَساتذہ کی مستقلی کے عمل میں سرعت لائیں۔      پولیس کابارہمولہ میں جیش جنگجوکی گر

امدادی کارروائیاں لازمی عمل، رضاکاروں کو کرفیو پاس اجراء کئے جائیں:ٹریڈ الائنس

سرینگر//کشمیر ٹریڈ الائنس نے وادی میں بے روزگار اورضرورتمندوں تک اشیائے خوردنی پہنچانے والے افراد کو کرفیو پاس اجرا کرنے کا مطالبہ کیا ہے۔ وادی میں19مارچ سے کورونا وائرس کے پھیلائو کو روکنے کیلئے حکام کی طرف سے جاری لاک ڈائون اور بندشوں کے نتیجے میں لوگوں کی ایک بری تعداد جہاں بے روزگار ہوئی ہے،وہیں کئی غریب کنبوں کی صورتحال بہت خراب ہے۔ الائنس کے صدر اعجاز احمد شہداد نے اس وبائی صورتحال کے بیچ مقامی کمیٹیوں سے لیکر رضاکارتنظیموں اور مذہبی جماعتوں کے علاوہ انفرادی سطح پر بھی لوگ ضرورتمندوںکی امداد کرنے میں پیش پیش ہیں تاہم بندشوں کے نتیجے میں ان کی نقل و حرکت مسدود ہوکر رہ گئی ہے۔ انہوں نے انتظامیہ سے مطالبہ کیا کہ ایسے افراداور فلاحی و رضاکار انجمنوں کے کارکنوں کو کرفیو پاس اجراء کئے جائیںتاکہ وہ امدادی کام آسانی کے ساتھ انجام دے سکیں۔  

اننت ناگ میں دوران شب زیارت شریف کا سیف اڑایا گیا

اننت ناگ//اننت ناگ میں چوروں نے مسجد اور زیارت شریف کی سیف توڑ کر اُس میںموجود پیسے اُڑا لئے ہیں ۔چوروں نے دوران شب ہاکورہ اننت ناگ میں مرکزی حنفیہ مسجد اور زیارت شریف ملک دائود میں موجود نذرانے کے لئے نصب سیف توڑ کر اس میں موجود پیسے اُڑا لئے ہیں ۔  

بادام باغ فوجی چھائونی میں تقریب | کپوارہ میں مارے گئے 5 فوجی اہلکاروں کو خراج عقیدت

سرینگر// فوج نے شمالی ضلع کپوارہ کے کیرن سیکٹر میں 5 اپریل کو ایک تصادم آرائی کے دوران مارے گئے پانچ اہلکاروں کو بدھ کے روز  خراج عقیدت پیش کیا۔معلوم رہے کہ کپوارہ کے کیرن سیکٹر میں در اندازی کے دوران جنگجوؤں اور فوج کے درمیان ہوئی اس تصادم آرائی کے دوران پانچ جنگجو بھی مارے گئے تھے۔ایک فوجی ترجمان نے بتایا’’بادامی باغ فوجی چھاؤنی میں بدھ کے روز ایک تقریب کے دوران کپوارہ میں مارے گئے پانچ فوجی اہلکاروں صوبیدار سنجیو کمار، حوالدار دیوندر سنگھ، پیرا فوجی بال کرشن، پیرا فوجی امیت کمار اور پیرا فوجی چترپال سنگھ کو خراج عقیدت پیش کیا گیا‘‘۔فوج کی پندرہویں کور کے جنرل کمانڈنگ آفیسر لیفٹیننٹ جنرل بی ایس راجو نے اس موقع پر کہا کہ ان جوانوں نے جو قربانیاں پیش کی ہیں وہ بھارتی فوج کی روایتی شان اور علامت ہے۔انہوں نے کہا کہ ان جوانوں کی نعشیں ان کے اپنے اپنے آبا

گوجر بستی ویری ناگ 20روز سے گھپ اندھیرے میں

سرینگر// ویری ناگ کی ایک گوجر بستی کپرن ہالن گزشتہ 20روز سے بجلی سپلائی سے محرو م ہے جس کے نتیجے میں مقامی آبادی کو مشکلات کا سامنا کرنا پڑ رہا ہے۔مقامی لوگوں نے بتایا کہ انہیں لاک ڈائون کی وجہ سے 24گھنٹے گھروں میں ہی بیٹھنا پڑتا ہے اور بجلی سپلائی کے بغیر بہت مشکلات پیش آتے ہیں۔ انہوں نے بستی میں بجلی سپلائی بحال کرنے کا مطالبہ کیا۔  

سوپور کی تاجر برادری اور پریس کلب کااظہار تعزیت

سوپور//پریس کلب سوپور نے کلب کے نائب صدرو اکنامک الائنس سوپور کے پبلسٹی سیکریٹری غلام حسن وانی کے والد کے انتقال پر رنج و غم کااظہار کیا ہے۔ پریس کلب سوپور کے صدر غلام محمد بٹ، تاجر برادری اور اکنامک الائنس سوپور کے صدر حاجی محمد اشرف گنائی نے غلام حسن وانی ساکنہ چنڑ سنگرامہ سے تعزیت کااظہار کرتے ہوئے مرحوم کی جنت نشینی کی دعا کی ہے۔ انہوںنے مرحوم کے حق میں دعائے مغفرت کی اور اللہ تعالیٰ سے دعا کی کہ مرحوم کو کروٹ کروٹ جنت نصیب کرے اور لواحقین خاص کر غلام حسن وانی کو یہ صدمہ برداشت کرنے کے توفیق دے ۔    

حاجن کے مریض کی موت

سرینگر//کشمیرمیں کروناوائرس کے تیسرے مریض کی موت ،جس کی کوئی سفری تاریخ یاکسی کووِڈ 19- مریض سے کوئی رابطہ نہیں تھا،سماج میں اس بیماری کے پھیل جانے کاعندیہ ہوسکتا ہے۔اس بات کا اظہار ڈاکٹر س ایسوسی ایشن نے ایک بیان میں کیا ہے۔ایسوسی ایشن صدرڈاکٹر نثار الحسن نے کہا کہ یہ ایک اور کیس ہوسکتا ہے جس کو یہ بیماری سماج میں لوگوں سے گھل مل جانے سے لگی ہو۔حاجن کایہ52برس کا مریض ذیابیطس میں مبتلاء تھااور کئی روزقبل اس کو سانس لینے میں تکلیف کی شکایت محسوس ہوئی اورسوموار کو اُسے نمونیا جیسی شکایت کے بعد ایس ایم ایچ ایس اسپتال میں داخل کیاگیا جہاں اُس کی حالت بدترہوئی اور وہ اُسی دن نظام تنفس کے بیٹھ جانے کی وجہ سے فوت ہوا۔اُس کی موت کے بعد اس کا کووڈ-19-ٹیسٹ مثبت آیا۔ڈاکٹر نثار نے کہا کہ اُ سکی کوئی سفری تاریخ نہیں تھی اور نہ ہی کسی مثبت کیس سے اُ س کا کوئی رابطہ تھا۔انہوں نے کہا کہ پہلے ہمارے پا

سفری تفصیلات چھپانا،انسانی جانوں سے کھلواڑ

 سرینگر//ڈیموکریٹک فریڈم پارٹی کے سربراہ شبیر احمد شاہ کی اہلیہ ڈاکٹر بلقیس شاہ نے کورونا وائرس کے خطرات کے پیش نظر لوگوں کو گھروں میں ہی بیٹھنے کی تاکید کرتے ہوئے کہا ہے کہ جب میرے شوہر زندگی کے33 برس جیل میں گزار سکتے ہیں ،تو لوگ 33 دنوں تک گھروں میں کیوں نہیں بیٹھ سکتے۔ان باتوں کا اظہار ڈاکٹر بلقیس نے کے این ایس کے ساتھ فون پر بات کرتے ہوئے کیا۔انہوں نے کہاکہ لوگ گھروں میں بیٹھ کر اپنی ہی نہیں بلکہ سینکڑوں لوگوں کی زندگیاں بچا سکتے ہیں ۔ڈاکٹر بلقیس جواہر لال نہرو میموریل ہسپتال ر عنا واری سری نگر میں ریذیڈنٹ میڈیکل افسر کے بطور تعینات ہیں اور وہاں قائم قرنطینہ سینٹر میں زیر نگرانی مریضوں کی خدمت میں اپنے صحت کی پرواہ کئے بغیر دن رات مصروف عمل ہیں۔انہوں نے اپنی کنبے کی بات ظاہر کرتے ہوئے کہا کہ میرے شوہر جیل میں ہیں اور بڑی بیٹی ریاست سے باہر ہے گھر پر چھوٹی بیٹی اکیلی ہے میں نے

ٹنگمرگ کے ریڈ زو ن قرادیئے گئے دیہات کی تمام سڑکیں سیل

ٹنگمرگ//ٹنگمرگ میں ریڈ زون قرار دئیے گئے نصف درجن دیہات میں لوگوںکی نقل حمل روکنے کے لیے پولیس نے تمام رابط سڑکوں کو سیل کردیا گیا ہے۔ کورنا وائرس کے خلاف اپنائی جارہی احتیاطی تدابیر کو سخت کرتے ہوئے ٹنگمرگ پولیس نے ریڈ زون علاقوں جن میں سولندہ،  کٹی پورہ،  ہری اوٹنو، چکتھن چھانہ پورہ، قاضی پورہ، چندی لورہ میں لوگوں کے نقل و حمل کو مسدود کرتے ہوئے ان علاقوں کو تحصیل ہیڈکواٹر سے ملانی والی تمام راستوں کو سیل کرنے کے علاوہ متعدد رابط سڑکوں کو جے سی بی سے ناقابل استعمال بنایا جبکہ بفر زون علاقوں جن میں رتنی پورہ، ہیر، فیروزپورہ،مہاین،  درنگ،  چک فیروزپورہ، میں لوگوں کو گھروں کے اندر رہنے کی ہدایت جاری کرتے ہوئے پولیس اور فوجی گاڑیوں میں لائو ڈاسپیکروں کے ذریعہ سے لوگوں کو کووڈ 19 پر قابو پانے کیلئے’ سٹے ہوم سٹے  سیف ‘ پر مکمل عمل کرنے کی اپیل کی جارہی

بانڈی پورہ کے مزدوروں میں11لاکھ روپے امدادواگزار

 بانڈی پورہ//اسٹنٹ لیبر کمشنر بانڈی پورہ عاشق حسین بٹ نے کووِڈ- 19کا مقابلہ کرنے کیلئے ملک بھرمیں جاری لاک ڈائون کی وجہ سے مشکلات کاشکار بانڈی پورہ کے مزدوروں کے حق میں گیارہ لاکھ روپے بطورامداد واگزار کئے۔ اسٹنٹ لیبر کمشنر بانڈی پورہ نے کشمیر اعظمیٰ کو بتایا کہ ایک ہزار روپے فی کس گیارہ ہزار رجسٹرڈ  مزدوروں کے بنک کھاتے میں ڈال دیا گیا ، جو تعمیراتی شعبہ جات کے ساتھ منسلک ہیں اور محکمہ لیبر میں رجسٹرڈ ہیں ۔انہوں نے کہا کہ اس سے قبل ضلع کے آٹھ ہزار مزدوروں کے بنک کھاتے میں فی کس ایک ہزار روپے جمع کئے گئے تھے۔     

اوڑی سڑک حادثہ | محکمہ جنگلات کے 2ملازم شدیدزخمی

اوڑی //اوڑی میں سڑک کے ایک حادثے میں محکمہ جنگلات کے دوملازم شدیدزخمی ہوئے۔تفصیلات کے مطابق بدھ کو محکمہ جنگلات کے دو فارسٹ گارڈاپنی موٹر سائیکل پر جارہے تھے کہ بونیاراوڑی کے مقام پراُنہیں حادثہ پیش آیااوردونوں شدیدزخمی ہوئے۔مقامی لوگوں نے اُنہیں فوری طور ابتدائی علاج کیلئے پرائمری ہیلتھ سینٹر بونیار پہنچایاجہاں سے اُنہیں مزیدعلاج کیلئے میڈیکل کالج بارہمولہ منتقل کیاگیاجہاں اُن کی حالت نازک ہونے کی بناپرانہیں سکمزصورہ ریفر کیاگیا۔ زخمی ملازموں کی شناخت 55برس کے غلام محمد درزی ساکن نادی ہل بانڈی پورہ اور32برس کے عرفان احمدشاہ ساکن جانبازپورہ بارہ مولہ کے طور ہوئی ہے ۔دونوں کی ڈیوٹی بونیارفارسٹ رینج میں ہے۔اس دوران ڈویژنل فارسٹ آفیسر جے وی ڈیویژن بارہمولہ پرویز احمد وانی نے  بلاک فارسٹ آفیسر نذیر احمد ڈار اور دیگر عملے کے ہمراہ صورہ میڈیکل انسٹیچوٹ جاکر حادثے میں زخمی ہونے والے م

بار ایسوسی ایشن کامیاں قیوم سمیت سبھی نظربندوں کی رہائی پرزور

سرینگر//جموں کشمیرہائی کورٹ بار ایسوسی ایشن کی ایگزیکیٹوکمیٹی  کے ممبران کی ایک ٹیلی کانفرنسنگ میٹنگ میں سپریم کورٹ کی ہدایت کے تحت تشکیل دی گئی اعلیٰ اختیار والی کمیٹی پر عالمگیر وباکوروناوائرس کی بنا ء پر جموں کشمیراوربیرون ریاست جیلوں سے تمام قیدیوں اور سیاسی نظربندوں سمیت بار صدر میاں قیوم کی رہائی کاحکم جاری کرنے پر زور دینے کے عزم کااظہار کیا گیا۔ایک بیان کے مطابق میٹنگ کے دوران بتایاگیا چونکہ  ملک کی تمام جیلوں میں گنجائش سے زیادہ قیدی رکھے گئے ہیں اور عدالت عظمیٰ نے قیدیوں ،خصوصاًدائمی امراض میں مبتلاء قیدیوںکی جانوںکو امکانی خطرے کانوٹس لیتے ہوئے اعلیٰ اختیاروالی کمیٹی کی تشکیل کی ہدایت دی تاکہ قیدیوں کورہاکیاجائے۔  بارممبران نے کہا کہ اُن کے صدر ایڈوکیٹ میاں قیوم جن کا پیرانہ سالی میں صرف ایک گردہ کام کررہا ہے اوروہ متعدددائمی امراض جن میں ذیابیطس،بلندفشارخون،د

کھریو میں سولر بیٹری دھماکہ | ایک ہی کنبے کے4افراد زخمی

پانپور//کھریو پانپورکے زین تراگ علاقے سولر بیٹری ایک زور دھماکے کے ساتھ فٹ گئی جس کے نتیجے میں ایک ہی کنبے کے4افراد بری طرح زخمی ہوئے جن میں ایک کی حالت نازک بتائی جا رہی ہے۔ زین تراگ کھریو علاقے میں بدھ کی شام ساڑے پانچ بجے کے قریب غلام نبی میر ولد غلام رسول میرکے مکان میں سولر بیٹری ایک زور دار دھماکے کے ساتھ پھٹ گئی  جس کے نتیجے میں مالک مکان کی دو بیٹیاں ایک بیٹا اور بھتیجے سمیت4افراد بری طرح زخمی ہوئے ۔پولیس نے زخمی افراد کی شناخت 25سالہ شبیر احمد میر،18سالہ گلشن  اور21سالہ شفیقہ  کے علاوہ انکے چچیرے بھائی 8سالہ فیصل کے طور کی ہے ۔پولیس  نے بتایا سبھی زخمی افراد کو پہلے نزدیکی اسپتال منتقل کیا گیا ، جہاں سے بعد میں بہتر علاج معالجہ کے لئے سرینگر منتقل کیا گیا  ۔ ایک کی حالت نازک تھی۔  

تازہ ترین