تازہ ترین

جتیندر سنگھ کی انسانی وسائل کے وزیر سے ملاقات

 نئی دہلی //مرکزی وزیر مملکت ڈاکٹر جتیندر سنگھ نے ڈوڈہ اور اودھمپور کیلئے مرکزی معاونت والے انجینئرنگ کالجوں کے قیام کی وکالت کی ۔انسانی وسائل و ترقی کے وزیر ڈاکٹر رمیش پوکھریال کے ساتھ ایک میٹنگ کرکے جتیندر سنگھ نے ان کا کٹھوعہ کیلئے راشٹریہ اوچھاتر شکشا ابھیان کے تحت انجینئرنگ و ٹیکنالوجی کالج کے قیام کیلئے شکریہ ادا کیا ۔انہوں نے کہاکہ ایسے ہی کالج ڈوڈہ اور اودھمپور میں بھی قائم کئے جائیں ۔انہوں نے کہاکہ یہ دونوں ان کے حلقہ انتخاب کے بڑے قصبے ہیں جہاں ان کالجوں کی سخت ضرورت ہے ۔جتیندر سنگھ کاکہناتھاکہ اس سے مقامی طلباء کو انجینئرنگ اور ٹیکنالوجی کے شعبے میں مزید مواقع حاصل ہوں گے اور وہ پیشہ وارانہ کورسز حاصل کرپائیں گے ۔سنگھ نے وزیر موصوف کو بتایاکہ خاص طور پر طالبات باہر جاکر تعلیم حاصل نہیں کرپاتی جن کیلئے مقامی سطح پر ہی تعلیم کی سہولت ہوناچاہئے ۔انہوں نے موصوف کا شکریہ اد

مچیل یاترا کی معطلی سے یاتریوں کومشکلات کا سامنا

 کشتواڑ// گورنر انتظامیہ کی طرف یاتریوں و سیاحوں کو وادی سے واپس بلانے کیلئے ایڈوائزری جاری کی گئی تھی اور امرناتھ یاترا کو معطل کیا گیا تھا جس کے بعدسنیچر کی صبح مچیل یاترا کو بھی بنا کسی ایڈوائزری کے روک دیا گیا جس کے سبب یاتریوں کو شدید مشکلات سے دوچار ہونا پڑا ۔ذرائع کے مطابق صبح سویرے ہی پولیس نے یاترا گاڑیوں کو ٹھاٹھری و شالیمار سے آگے مچیل کی طرف جانے کی اجازت نہیں دی۔اس دوران تمام تر گاڑیوں کو واپس جانا پڑاجبکہ ہیلی کاپٹرسروس معمول کے مطابق چلتی رہی۔کچھ یاتریوں نے کہا کہ وہ جموں سے مچیل ماتا کے درشن کے لئے آئے تھے اور اب انہیں واپس جانے کو کہا جارہا ہے۔ انہوں نے کہا کہ بنا کسی اطلاع کے انتظامیہ نے یاترا کو روک دیاہے جس کی وجہ سے انہیں مشکلات کاسامناکرناپڑاہے ۔

گول میں کانگریس کارکنان کی میٹنگ

 گول// سب ڈویژن گول میں کانگریس کار کنان کا ایک اجلاس منعقد ہواجس میں ریاست کی موجودہ صورتحال پر تشویش کا اظہار کرتے ہوئے عوامی منتخب حکومت کے قیام پر زور دیاگیا۔اس موقعہ پر کانگریس کارکنا ن نے پی ڈی ڈی ، پی ایچ ای ودیگر محکمہ جات میں عارضی ملازمین کی مستقلی کے ساتھ ساتھ ایس ایس اے اور ہیڈ ٹیچرس کی التواء میں پڑی تنخواہوں کو عید سے قبل قبل واگزار کرنے کی مانگ کی ۔کار کنان نے سرکار سے مانگ کی کہ پی ایچ سی ، پی ڈی ڈی ، سی پی ورکرس، کنٹریکچول ، اور ایڈہاک بیس پر لگائے گئے سیزنل ٹیچرس کو مستقل کیاجائے ۔ انہوں نے سب ڈویژن میں مختلف محکمہ جات بالخصوص سب ضلع ہسپتال میں ڈاکٹروں کی اسامیوں کو پُر کرنے کی مانگ کی ۔ گول میں کیندریہ ویدیالیہ میں کلاسیں شروع کرنے ، ڈگری کالج کی عمارت کو پائیہ تکمیل تک پہنچانے کی بھی مانگ کی گئی ۔ انہوں نے مختلف محکمہ جات بالخصوص محکمہ تعلیم میں پرموشن کی مانگ

بانہال میں چرس بر آمد ، سمگلر گرفتار

 بانہال//بانہال سمگلروں کی آماجگاہ بن گیا ہے ۔گذشتہ دنوں بانہال پولیس نے وادی کے دو سمگلروں کو گرفتار کر کے کوڈین فاسفیٹ کے کیپسول اور نشہ آور ٹکیاں ضبط کی تھیں۔اسی طرح ایک اطلاع پر ٹی چوک میں سینئر افسران نے ایک ناکہ لگایا۔اس دوران چیکنگ میں ریلوے سٹیشن بانہال سے بانہال قصبہ کی آ رہے ایک مسافر کی تلاشی لی گئی ۔تلاشی کے دوران اس کے قبضہ سے 1200گرام چرس بر آمد ہوئی ۔پوچھ تاچھ کے دوران اس نے اپنی پہچان فیضان احمد ڈار ولد مشتاق احمد ڈار ساکن لدورہ تحصیل واٹرگام ضلع بارہمولہ بتائی۔اس سلسلہ میں بانہال پولیس سٹیشن میں ایک کیس 108/2019 U/S 8/20 کے تحت درج کرکے مزید تحقیقات شروع کردی ۔

بانہال میں سلبھ ٹائلٹ کمپلیکس کا افتتاح

 رام بن //بس اسٹینڈ بانہال میں سلبھ انٹرنیشنل ٹائلٹ کمپلیکس تعمیر کیاگیاہے جس کا افتتاح میونسپل کمیٹی بانہال کے صدر نے ایس ڈی ایم بانہال کی موجودگی میں کیا ۔اس کمپلیکس میں پانچ واش روم ،دو باتھ روم ،دو بیت الخلاء اورایک کمرہ کمپلیکس کی دیکھ بھال کرنے کیلئے بنایاگیاہے ۔ یہ پروجیکٹ 13لاکھ 55ہزار روپے کی لاگت سے تعمیر کیاگیاہے اور اس کی تعمیر سوچھ بھارت مشن کے تحت ہوئی ہے ۔اس کا افتتاح بانہال میونسپل کمیٹی کے صدر فاروق احمد وانی نے ایس ڈی ایم ضمیر احمد کی موجودگی میں کیا۔اس کمپلیکس کی تعمیر سلبھ انٹرنیشنل سوشل سروسز کی طرف سے ہوئی ہے اور دس سال تک اس سے حاصل ہونے والی آمدن سلبھ انٹرنیشنل کو جائے گی ۔  

ڈپٹی کمشنرڈوڈہ نے 15روزہ تربیتی پروگرام کا افتتاح کیا

 ڈوڈہ //ڈپٹی کمشنر ڈوڈہ ڈاکٹر ساگر ڈی ڈوئیفوڈ نے امید سکیم کے تحت سرتھنگل بھدرواہ میں پندرہ روزہ تربیتی پروگرام کا افتتاح کیا ۔یہ پروگرام محکمہ ہینڈ ی کرافٹ کی طرف سے سکول آف ڈیزائن سرینگر کے اشتراک سے منعقد کیاگیاہے جس دوران امید سکیم سے جڑی خواتین کو مصنوعات بنانے کی تربیت فراہم کی جائے گی ۔اس موقعہ پر ڈپٹی کمشنر نے کہاکہ خواتین کی خود انحصاری اور روزگار کی فراہمی کیلئے چلائے جارہے پروگرام اہمیت کے حامل ہیں اور ان کی طرف سے اس سلسلے میں ہر ممکن تعاون فراہم کیاجائے گا۔ انہوں نے کہاکہ ایسی سرگرمیاں مستقبل میں جاری رہیں گی ۔انہوں نے کہاکہ یہاں تربیت حاصل کرنے والی خواتین اپناروزگار کمانے کے قابل بن سکیں گی ۔اس موقعہ پر دیگر افسران بھی موجو دتھے ۔    

پتنی ٹاپ ڈیولپمنٹ اتھارٹی کے صفائی کرمچاری کئی ماہ سے تنخواہ کے بغیر

 اودہم پور//پتنی ٹاپ ڈیولپمنٹ اتھارٹی کے صفائی کرمچاریوں کا ایک وفد نیشنل کانفرنس کے صوبائی سیکریٹری لال چند مسافر سے سدھ مہا دیو میں ملاقی ہوا ۔وفد نے انہیںبتایا کہ وہ 7ماہ سے تنخواہوں سے محروم ہیں اورسخت مہنگائی کے دور میں ان کا اور ان کے اہل و عیال کا جینا مشکل بن چکا ہے ،اب دکاندار بھی آدھار دینے کیلئے تیار نہیں اوروہ فاقہ کشی کا شکار ہیں ۔انہوں نے کہاکہ بیماری کی حالت میں دوائی خریدنے سے قاصر ہیں ۔لال چند نے وفد کو غور سے سنا اور گورنر اور متعلقہ اتھارٹی کے چیئر مین سے اپیل کی کہ یہ ادنیٰ ملازم سناسر سے لے کر سدھ مہا دیو مانتلائی تک کے صحت افزاء مقامات کی صفائی ستھرائی کام کرتے ہیں اوربغیر تنخواہ کے کس طرح گذر بسر کر سکتے ہیں ۔انہوں نے کہاکہ ان کی کئی کئی ماہ سے بلا وجہ تنخواہ بند ہے اور یہ فاقہ کشی کا شکار ہو رہے ہیںاس لئے ان کی تنخواہیں جلد سے جلد واگزار کی جائیں تاکہ وہ ا

گرتے پتھروں اور ہلکی بارشوں کے باوجود شاہراہ پرٹریفک جاری

بانہال // ابر آلود موسم ، ہلکی ہلکی بارشوں اور پنتھیال کے مقام پتھر گرنے کے واقعات کے باوجود جموں سرینگر شاہراہ پر گاڑیوں کی آمدورفت مجموعی طور معمول کے مطابق چلتی رہی تاہم پنتھیال کی پسی میں ایک ٹریکٹر گرتے پتھروں کی زد میں آیا جس کی وجہ سے ٹریکٹر ڈرائیور زخموں کے ساتھ بچ نکلا۔ ڈسٹرکٹ ٹریفک انسپکٹر بانہال امتیاز خطیب نے کشمیر عظمیٰ کو بتایا کہ جمعرات کی صبح سے ہی موسم ابرالود تھا اور رام بن۔ بانہال سیکٹر میں جمعرات کی دوپہر تک ہلکی ہلکی بارشیں اور بونداباندی بھی ہوئی اور پنتھیال کے مقام پتھر بھی گر آئے جس کی وجہ سے ٹریفک کی نقل و حرکت کئی بار کچھ وقفے کیلئے متاثر رہی۔ انہوں نے کہا کہ دوپہر بعد موسم میں بہتری آئی اور گرتے پتھر بھی تھم گئے اور ٹریفک کی نقل وحرکت معمول کی طرح بحال کی گئی۔ انہوں نے کہا کہ شاہراہ پر جمعرات کو مال بردار ٹرکوں کو وادی کشمیر سے جنوں کی طرف جبکہ مسافر گاڑ

حکومتیں تبدیل ہوئیں مگرچھپرن نالا نہ بدلا

گول// چند دنوں کی شدید بارشوں نے جہاں سڑکوں کی حالت تہس نہس ہو کر رہ گئی وہیں دوسری جانب سے گول ۔رام بن شاہراہ پر چھپرن نالہ کی حالت آزاد ہندوستان کے 72سال بعد بھی نہیں بدلی ۔ گول ۔رام بن شاہراہ جو گریف حکام کے سپرد ہے ، پر مختلف ریلوے کمپنیاں کی بھاری برکھم گاڑیاں بھی چلتی ہیں اور سنگلدان علاقے میں ارکان ، افکان ، پٹیل ،گیمون وغیرہ کمپنیاں کٹرہ بانہال ریلوے لائن پر کام کررہی ہیں لیکن انہوں نے بھی اس چھپرن نالہ کی حالت پر ترس نہیں کھایا ۔ تھوڑی سی بارش کے دوران بھی یہاں پر مسافروں کو شدید پریشانیوں کا سامنا کرنا پڑتا ہے اور کسی بھی وقت کوئی بڑا حادثہ پیش آ سکتا ہے ۔جموں سے گول کی جانب نکلنے والی گاڑیوں کے ڈرائیور پہلے یہ معلوم کرتے ہیں کہ کیا چھپرن نالہ پر آمد و رفت بحال ہے یا نہیں ۔ یہاں پر تھوڑی بارش ہونے پر بھی کئی گھنٹوں تک ٹریفک مسدود رہتا ہے ۔کئی روز سے لگا تار بارشوں سے جہاں

پولیس کی مسافروں ، ڈرائیوروںاور عام لوگوں سے میٹنگ

گول//ایس ڈی پی او گول محمد رفیع گیری نے بہمراہ ایس ایچ او گول نعیم متو بازار میں مسافروں ، ڈرائیوروں او ر عام لوگوں کے ساتھ ایک میٹنگ کا انعقاد کیا جس میں ٹرانسپورٹ کے علاوہ دوسرے مسائل پر بات چیت کی گئی۔ اس موقعہ پر ٹرانسپورٹ یونین گول کے عہدیداران بھی موجو دتھے ۔اس موقعہ پر انہوں نے بڑھتے حادثات اور گاڑیوں کی ابتر حالت پر تشویش کا اظہار کیا ۔ پولیس افسران نے ڈرائیوروں سے کہا کہ وہ گاڑیوں میں ائور لوڈنگ نہ کریں ، سیٹ بیلٹ لگا کر رکھیں ، تیز رفتار ی سے گاڑی نہ چلائیں ، گاڑیوں میں کاغذات مکمل رکھیں اور گاڑیوں کی حالت بہتر رکھیں ۔انہوں نے کلی مستہ ، ڈھیڈہ، اندھ،ڈھیڈہ، ٹھٹھارکہ وغیرہ سڑکوں پر ائور لوڈنگ اور تیز رفتار گاڑیاں نہ چلانے کی تاکید کی ۔ ایس ڈی پی او گول نے کہا کہ گول بازار میں غیر قانونی طور پر پارک کی گئی گاڑیوں کو ضبط کیا جائے گا اور ساتھ ہی چالان بھی کیا جائے گا ۔ انہوں نے ڈر

آل جموں و کشمیر پٹوار ایسو سی ایشن وفد ڈی سی ڈوڈہ سے ملاقی

ڈوڈہ//آل جموں و کشمیر پٹوار ایسو سی ایشن کا وفدزیر قیادت صدر ضلع ریاض احمد ضلع ترقیاتی کمشنر ڈوڈہ سے ملاقی ہوا ۔وفد میں طارق حسین شان،صدر تحصیل ڈوڈہ ،جسونت سنگھ اور شبیر احمد لون بھی شامل تھے ۔صدر ضلع پٹوار ایسو سی ایشن ڈوڈہ نے ضلع ترقیاتی کمشنر کو ایسو سی ایشن کی دیرینہ مانگوں کے بارے میں آگاہ کیا ۔خصوصی طور سے 2 .8.2019 کو پٹواریوں کی ہونے والیDPLکے بارے میں ضلع میں تمام گردوروں کی اسامیوں کو پر کرنے پر زور دیا ۔انہوں نے کہاکہ ضلع ڈوڈہ میں گرداوروں کی 29اسامیاں خالی پڑی ہیں جس کی وجہ سے محکمہ مال کے کام میں بڑی دقت آرہی ہے ۔ضلع ترقیاتی کمشنر نے تمام تر جائز مانگوں کو بغور سنا اور وفد کو یقین دہانی کرائی کہ وہ پٹوار ایسو سی ایشن کی مانگوں کو اعلیٰ حکام تک پہنچائیں گے ۔ضلع ترقیاتی کمشنر نے پٹواریوں کے کام کی سراہنا کی اور پٹوار ایسوسی ایشن کومباک باد دی کہ انہوں نے ضلع انتظامیہ کا ب

بانہال میں نشہ آور ادوایات بر آمد ،2گرفتار

بانہال // پولیس کی طرف منشیات مخالف چھیڑی گئی مہم میں بانہال پولیس کو اسوقت ایک بڑی کامیابی ملی جب ضلع بارہمولہ سے بانہال پہنچے دو ڈرگ سمگلروں کو نشہ اور بوتلوں ، کیپسولوں اور نشہ اور ٹکیوں سمیت ریلوے سٹیشن بانہال کے باہر دھر لیا گیا۔ پولیس کا کہنا ہے کہ ایک مخصوص اطلاع ملنے پر ریلوے سٹیشن کے نزدیک ٹی چوک پر پہلے ہی لگے پولیس ناکے کو مزید مستحکم کیا گیا اور ریلوے سٹیشن سے نکلنے والی مسافر گاڑیوں کی تلاشی تیز کی گئی۔ انہوں نے کہا کہ چیکنگ کے دوران دو مسافروں کے سامان کی جانچ پڑتال کے دوران ان سے 240 نشہ اور کوڈین فاسفیٹ بوتلیں ، 600 نشہ اور گولیاں اور 200  نشہ اور کیپسول برآمد کئے گئے جو وہ بانہال کے علاقوں میں نوجوانوں کو فروخت کرنے کی غرض سے لائے تھے ۔ پولیس نے گرفتار کئے گئے افراد کی شناخت شہزاد احمد ولد محمد مقبول خواجہ اور قیصر احمد ولد علی محمد میر ساکنان وترگام ضلع بارہمولہ

بھدرواہ میں تیندوے کاڈھانچہ برآمد

بھدرواہ//بھدرواہ میں تین سال کی عمرکے ایک تیندوے کا ڈھانچہ برآمد ہواہے جس پر محکمہ وائلڈ لائف نے تحقیقات کا حکم جاری کیاہے ۔بتایاجارہاہے کہ تیندو ا یاتو خود ہی مرگیاہوگایاپھر کسی نے اس کو ماردیاہوگا۔ذرائع کے مطابق مردہ تیندوے کی تصاویر سوشل میڈیا پر وائرل ہونے کے بعد محکمہ وائلڈ لائف نے تحقیقات کا حکم جاری کیاہے ۔وائلڈ لائف کشتواڑ کے وارڈن ماجد بشیر نے بتایاکہ بھدرواہ سے پانچ کلو میٹردور شوپن علاقے میں مردہ تیندوے کی تصاویر وائرل ہونے کے بعد ڈی ایف او بھدرواہ چندر شیکھر کو بتایاگیاجنہوں نے رینج افسر نیرو شفقت ملک اوروائلڈ لائف کے عملے کے ہمراہ موقعہ پر پہنچ کر تحقیقات شروع کردی ۔انہوں نے کہاکہ یہ ڈھانچہ تیندوے کا ہی لگتاہے جسے فارنسک لیبارٹری میں بھیجاجائے گا تاکہ اس کی تصدیق ہوسکے ۔ انہوں نے کہاکہ اس معاملے پر تحقیقات شروع کردی گئی ہے جبکہ پولیس کو بھی مطلع کیاگیاہے تاکہ قانونی کاررو

ڈپٹی کمشنر ڈوڈہ کا مقامی صحافیوں سے تبادلہ خیال

ڈوڈہ //ڈپٹی کمشنر ڈوڈہ ڈاکٹر ساگر ڈی ڈوئیفوڈ نے مقامی صحافیوں کے ساتھ تبادلہ خیال کرنے کیلئے ایک اجلاس منعقد کیا ۔اس موقعہ پر بولتے ہوئے ڈپٹی کمشنر نے کہاکہ میڈیا کا ناقابل تردید رول ہے اور وہ حکومت کو جوابدہ بناتاہے ۔ انہوں نے مقامی صحافیوں کی خدمات کی ستائش کرتے ہوئے ان پر زور دیاکہ وہ مزید محنت اور لگن سے سماج کی ترقی کیلئے کام کریں ۔ اس دوران مقامی صحافیوں کی طرف سے متعدد مسائل اجاگر کئے گئے ۔انہوں نے ٹریفک نظام میں بہتری لانے ، پارکنگ کی سہولیات فراہم کرنے ، آوارہ کتوں کو ٹھکانے لگانے کی مانگ کی ۔اس دوران انہوں نے اپنے پیشے سے جڑے مسائل سے بھی اجاگر کئے ۔انہوں نے کہاکہ وہ کئی عرصہ سے ضلع میں پریس کلب کے قیام کا مطالبہ کررہے ہیں لیکن اس مانگ کو پور انہیں کیاجارہا۔ انہوں نے کہاکہ پریس کلب کے قیام سے انتظامیہ اور میڈیا کے درمیان رابطہ مزید مضبوط ہوگا۔ڈپٹی کمشنر نے یقین دلایاکہ ذرائع

مزید خبرں

محکمہ تعمیرات عامہ کا ملازم ملازمت سے سبکدوش ڈوڈہ//محکمہ تعمیرات عامہ میں بطور پلمبر ملازمت کرنے والامحمد سلطان اپنی نوکری کی مدت پوری کر کے گذشتہ روز سبکدوش ہوگیا ۔ اس موقعہ پر محکمہ تعمیرات عامہ کی طرف سے ایگزیکٹو انجینئر محمد ایوب کی نگرانی میں الوداعی پارٹی کا اہتمام کیاگیا ۔الوداعی پارٹی میں سپرانٹنڈنٹنگ انجینئر محکمہ تعمیرات عامہ سرکل ڈوڈہ اور ایگزیکٹو انجینئر محمد ایوب نے محمد سلطان کو محنت کش ،مخلص،ایماندار قرار دیتے ہوئے بہترین خراج تحسین ادا کیا۔لو پید ایمپلائز فیڈریشن کے ضلع صدر نیاز احمد راہی نے محمد سلطان کو ایماندار،انسان دوست ،شرافت کی زندہ مثال قرار دیا ۔الوداعی پارٹی میں اے ای غلام محمد بانڈے،ذاکر حسین زرگر،اے ای ای سریندر پریہار،سنیل چنڈیل، سنیل کوتوال، عاشق حسین ،مشتاق احمد زرگر،لیاقت علی،عبدالطیف ،جے ای محمد جان ٹھسو،جموں سے ٹیکنیکل آفیسر برائے چیف انجینئر نذیر

’اپنی مدد آپ‘کے تحت کینٹھہ بولنی ٹاپ روڈ کی مرمت

گول//جہاں ایک طرف سے شدید بارشوں کی وجہ سے سب ڈویژن گول میں سڑکوں کی حالت نہایت ہی ابتر ہو گئی وہیں دوسری جانب سالہا سال سے سڑکوں کی حالت کو بہتر بنانے کے لئے کوئی بھی محکمہ سامنے نہیں آ رہا ہے ۔ اس سے قبل بھی گول سلبلہ روڈ پر یہاں کی مقامی سماجی تنظیم نے خود قدم اُٹھا کر سڑک کی حالت کو بہتر بنایا تھا ۔ آج پھر سے کینٹھہ بولنی ٹاپ روڈ کو پیس اینڈ ویلفیئر کمیٹی گول اور سول سوسائٹی کی مدد سے لوگوں نے سڑک کی حالت کر بہتر بنانے کا قدم اُٹھایا ۔ مقامی لوگوں کا کہنا ہے کہ کئی مرتبہ محکمہ پی ڈبلیو ڈی اور پی ایم جی ایس وائی سے مطالبہ کیا گیااور سڑک کی حالت کو بہتر بنانے کے لئے احتجاج بھی کیا گیا لیکن اس کے با وجود نہ ہی انتظامیہ نے توجہ دی اور نہ ہی سرکار نے اس طرف دھیان دینے کی ضرورت سمجھی ۔ بالآخر مقامی لوگوں نے باہر آکر گول کی سماجی تنظیموں کے ساتھ مل کر سڑک پر پڑے کھڈوں کی بھرائی کی ۔ م

’’زرعی کیمیکل کا محفوظ استعمال‘‘

بھدرواہ// ڈائریکٹرایکسٹینشن سکاسٹ جموں کی رہنمائی میں کرشی وگیان کیندر ڈوڈہ نے گائوں نیوٹا کی دیہی خواتین کیلئے’ زرعی کیمیکل کا محفوظ استعمال‘کے پروگرام کا انعقاد کیا۔پروگرام کا انعقاد کے وی کے ڈوڈہ کے سائنسدانوں ڈاکٹر اے ایس چاڑک،ڈاکٹر جی این جھا اورRHRSS  بھدرواہ کے ڈاکٹر نیرج کوتوال نے کیا۔سینئر سائنسدان اور کے وی کے ڈوڈہ کے ڈاکٹر اے ایس چاڑک نے تربیتی پروگرام میں کسانوں کا استقبال کیا۔انہوں نے ضلع ڈوڈہ کی کسان خواتین کو مقامی بازار میں ملنے والے زرعی کیمیکل کے منفی اثرات اور طبی نقصانات کے بارے میں بیدار کیا۔RHRSS کے سائنسدان ڈاکٹر نیرج کوتوال نے شرکاء کو سبزیوں ، پھلوں اور دیگر کھڑی فصلوں میں کیڑوں اور بیماریوں کے مربوط انتظا مات کے بارے میں بتایا ۔انہوں نے کیمیائی ادویات کے استعمال کو کم کرنے اور کسی بھی زرعی کیمیکل کے استعمال کے دوران کی جانے والی احتیاطی تدابیر

متعدداین سی کارکنان کی کانگریس میں شمولیت کا دعویٰ

کشتواڑ//اندروال اسمبلی حلقہ میں کانگریس کواُس وقت بڑی کامیابی حاصل ہوئی جب اسمبلی حلقہ کے کاہراہ، ٹھاٹھری علاقہ جات سے متعدد نیشنل کانفرنس لیڈران نے غلام محمد سروڑ ی کی موجودگی میں کانگریس میں شمولیت اختیارکی۔یہاں جاری بیان کے مطابق کانگریس کے ریاستی نائب صدر نے اس موقعہ پرکہاکہ عوام دوست پالیسیوں کی بدولت اور اندروال میں پچھلے18برسوں کی اچھی حکمرانی سے متاثرہوتے ہوئے نیشنل کانفرنس کے لیڈران نے کانگریس میں شمولیت اختیارکی ہے جواندروال کے عوام اور کانگریس کیلئے باعث اطمینان ہے۔لیاقت علی خان، محمد اقبال تیلی، بِٹا حجام کی قیادت میں متعددنیشنل کانفرنس لیڈران ن کانگریس میں شمولیت اختیارکی جن کاغلام محمد سروڑی نے پھول مالائیں پہناکروالہانہ استقبال کیا۔سروڑی نے اِسے تاریخی جیت قرار دیتے ہوئے کہاکہ سرگرم کارکنوں کادوسری جماعت سے کانگریس میں آناپارٹی کومزیدمضبوط بنانے کیلئے باعث افتخارہے۔اُنہ

ڈوڈہ میں ترقیاتی پروجیکٹوں کا جائزہ لیاگیا

ڈوڈہ //ڈپٹی کمشنر ڈوڈہ ڈاکٹر ساگر ڈوئیفوڈ نے افسران کی ایک میٹنگ منعقد کرکے مختلف ترقیاتی پروجیکٹوںکا جائزہ لیا ۔اس دوران پروجیکٹوں کی پیشرفت پر تفصیل سے تبادلہ خیال کیاگیا اور ان پر ہوئے مالی اخراجات کا جائزہ بھی لیاگیا ۔ڈپٹی کمشنر نے متعلقہ افسران کو ہدایت دی کہ وہ ایسے پروجیکٹوں کی ایک فہرست تیار کریں جوفارسٹ کلیئرنس یا دیگر معاملات کی وجہ سے التوا کاشکار پڑے ہوئے ہیں ۔ انہوں نے کہاکہ دیگر پروجیکٹوں کے حوالے سے بھی ایکشن رپورٹ پندرہ دنوں میں پیش کی جائے اور انہیں مقررہ مدت میں مکمل کیاجائے ۔ انہوں نے سب ڈیویژنل مجسٹریٹس کو ہدایت دی کہ وہ ماہانہ بنیادوں پر ان پروجیکٹوں کی پیشرفت کا جائزہ لیاکریں تاکہ ان کی بروقت تکمیل ہوسکے ۔انہوں نے افسران پر زور دیاکہ وہ ایک دوسرے کے ساتھ بہترین تال میل سے کام کریں اور لوگوں کو بہتر سے بہتر خدمات فراہم کرنے کی کوشش کی جائے ۔

مزید خبرں

منشیات فروش گرفتار، 640گرام چرس بر آمد ایم ایم پرویز رام بن//بدھ کو بٹوت پولیس نے ایک منشیات فروش کو گرفتار کر کے 640گرام چرس بر آمد کی ۔ایس ایچ او پولیس سٹیشن بٹوت نیاز الحسن کی قیادت میں ایک پولیس ٹیم بھدرواہ موڑ بٹوت میں گشت پر تھی جس دوران ایک مشتبہ شخص نے پولیس کو دیکھتے ہی فرار ہونے کی کوشش کی تا ہم پولیس نے تعاقب کر کے اسے گرفتار کر لیا ۔تلاشی کے دوران اس کے قبضہ سے640گرام چرس بر آمد کی گئی اور اسے موقعہ پر ہی گرفتار کر لیا گیا۔ پولیس نے گرفتار شخص کی پہچان الف دین ولد حبیب اللہ ساکن رکھجروگ بٹوت کے طور سے کی ہے۔اس سلسلہ میں پولیس نے ملزم کے خلاف ایک کیس ایف آئی آر زیر نمبر69/2019زیردفعات 8/20این ڈی پی ایس ایکٹ درج کرکے مزید تحقیقا ت شروع کردی ہے ۔          ایس ایس پی ڈوڈہ کے اعزاز میں الوداعیہ تقریب  ڈوڈہ //ضلع انتظامیہ