تازہ ترین

پینشن مستفیدین کے آدھار اندراج کا جائیزہ

جموں//سیکرٹری سماجی بہبود ڈاکٹر فاروق احمد لون نے جموں میں ایک میٹنگ میں آئی ایس ایس ایس اور این ایس اے پی کے تحت پینشن حاصل کرنے والے افراد کے آدھار اندراج کا جائیزہ لیا ۔ میٹنگ میں محکمہ کے ڈائریکٹر جنرل ، ڈائریکٹر فائنانس اور دیگر متعلقین نے شرکت کی ۔ میٹنگ میں بتایا گیا کہ کشمیر صوبے میں مذکورہ سکیموں کے تحت بالترتیب 66 اور 38 فیصد جبکہ جموں میں 50 فیصد مستفدین کا آدھار کے تحت اندراج کیا گیا ہے ۔ سیکرٹری موصوف نے 15 جنوری 2019 تک تمام مستفیدین کا آدھار کے تحت اندراج کرانے کی ہدایت دی ۔ میٹنگ میں فیصلہ کیا گیا کہ تمام پینشنروں اور مستفدین کو مذکورہ سکیم کے تحت اپنے آدھار نمبر 15 جنوری 2019 تک اپڈیٹ کرانے کا موقعہ دیا جائے گا ۔ مختلف سکیموں کے فوائد کیلئے آدھار سے متعلق خدمات کیلئے انہیں نزدیکی چائیلڈ ڈیولپمنٹ پروجیکٹ افسر کے دفتر سے رجوع کرنے کیلئے کہا گیا ۔   

’وزیراعلیٰ بزنس انٹرسٹ ریلیف سکیم‘ کو حتمی شکل دی جاے:چیمبر

سرینگر//کشمیر چیمبر آف کامرس اینڈ انڈسٹریزکے صدرشیخ عاشق کی قیادت میں وفد نے گورنر کے مشیر کوتاجروں کی غیرمعمولی اقتصادی حالت سے آگاہ کیا۔ وفد نے مشیر کوبتایا کہ ہمیں یہ کہنے میں کوئی ججھک نہیں کہ ہماری اقتصادیات کی حالت نازک ہے۔گزشتہ چند برس تجارتی اداروں کیلئے نقصان دہ تھے اور حکومت نے بھی اس پرتشویش کااظہار ہے۔وفد نے مشیرپرزوردیا کہ غیریقینی اوردبائوکی اس صورتحال میں تاجروں کی کمزور حالت کوبہتر بنانے کیلئے فوری طور قدم اُٹھایا جائے۔انہوں نے بتایا کہ گزشتہ سال  11جنوری کوبجٹ پیش کیاگیاتب سے ریاست میں محکمہ خزانہ کے وزراء اور مشیرچار بار تبدیل ہوئے ،اس کے نتیجے میں تجارت کو مدد دینے اور فعال بنانے، جس کاگزشتہ بجٹ میں تصورکیاگیاتھا ،کی پالیسی شروع ہی نہ ہوئی۔بجٹ میں کئے گئے اکثروعدے اوراعلانات یا تو پورے نہیں  کئے گئے یا پھر انہیں بالائے طاق رکھا گیا۔کشمیر چیمبر آف کامرس ا

سٹیٹ میرج اسسٹنس سکیم: محکمہ خزانہ نے 15 کروڑ روپے کی اضافی رقم واگذا ر کی

جموں//محکمہ خزانہ نے سٹیٹ میرج اسسٹنس سکیم (ایس ایم اے ایس ) کے تحت موجودہ مالی سال کیلئے محکمہ سماج ی بہبود کے حق میں 15 کروڑ روپے کی اضافی رقم واگذار کی ہے ۔ سماجی بہبود کے سیکرٹری ڈاکٹر فاروق احمد لون کے مطابق موجودہ مالی سال کیلئے اس اضافی رقم کی واگذاری کے ساتھ ایس ایم اے ایس سکیم پر عملدرآمد کیلئے اب تک 35 کروڑ روپے واگذار کئے گئے ہیں ۔ڈاکٹر لون نے کہا کہ ایس ایم اے ایس کے تحت موجودہ مالی سال کے دوران ان مستحقین کی تعداد 5500 تک پہنچ گئی ہے ۔ انہوں نے کہا کہ سال 2015 میں اس سکیم کے آغاز سے 15 ہزار غریب لڑکیوں کو اس سکیم کے دائرے میں لایا گیا ہے اور 60 کروڑ روپے کی مالی امداد متعلقین میں تقسیم کی گئی ہے ۔   

گلمرگ گنڈولہ ٹکٹوں کی آن لائن بکنگ

ٹنگمرگ//گلمرگ گنڈولہ کیبل کار کی ٹکٹیں آن لاین بک کرنے کو ٹورسٹ گائیڈ ایسوسی ایشن ، سنو سکی ایسوسی ایشن اور سنو موبائل ایسوسی ایشن نے اُن کے روز گار پر شب خون مارنے کے مترادف قرار دیتے ہوئے یہ فیصلہ واپس لینے کا مطالبہ کیا ۔ آن لاین ٹکٹ بک ہونے سے گلمرگ میں سیاحوں کے ساتھ کام کرنے والے ہزاروں لوگوں کا کاروبار متاثر ہوجائے گا۔تینوں ایسوسی ایشنوں سے وابستہ نمایندوں نے ایک میٹنگ میں گورنر سے مطالبہ کیا کہ گلمرگ گنڈولہ کیبل کار کی ٹکٹیں آن لائن کرنے کے بجاے حسب سابق گلمرگ کے کیش کونٹر پر ہی سیاحوں کو فراہم کی جائے تاکہ ُان کا روز گار متاثر نہ ہو۔سیاحوں کے ساتھ کام کرنے والے ہزاروں مزدروں نے یک زبان ہوکر فیصلہ کیاکہ اگر گنڈولہ کیبل کار کی ٹکیٹں آن لائن بک کی گی تو وہ عوامی ایجی ٹیشن چھیڑ یںگے۔گنڈولہ کیبل کار کے جنرل منیجرسہیل وانی نے  گلمرگ میں کام کرنے والے مزدورں کے خدشات دور کرت

لکھن پور ٹول پلازاکشمیری تاجروں کیلئے وبال جان:یاسین خان

سرینگر//کشمیری تاجروں کی انجمن اکنامک الائنس نے لکھن پورٹول پلازہ پر کشمیر کے تاجروں کو ہراسان کرنے کاالزام عائد کیا ہے۔ایک بیان میں کشمیراکنامک الائنس کے چیئرمین محمدیاسین خان نے کہاکہ ڈپٹی کمشنر سیلزٹیکس جان بوجھ کر کشمیر جانے والی مال سے لدی ہوئی ٹرکوں کو ضبط کرتا ہے تاکہ کشمیر کی پہلے سے ہی خستہ اقتصادی حالت کومزیدریزہ ریزہ کیاجائے۔خان نے الزام لگایا کہ ٹرکوں کو غیرضروری طور ضبط کیا جاتا ہے اور ہفتوں ان کی جانچ کی جاتی ہے،افسر من مانی کررہے ہیں اور یہ سب کچھ کشمیری تاجروں کو پریشان کرنے کیلئے کیا جاتاہے تاکہ وہ تجارت ہی چھوڑ دیں ۔انہوں نے اس صورتحال کیلئے حکومت کوراست طور ذمہ دار ٹھہرایا ۔انہوں نے کہا کہ ہم نے بارہا حکومت سے کہا کہ کشمیر کیلئے ٹواینٹری سسٹم کوختم کیاجائے ۔لکھن پور کے بعد ریاست کے تاجروں کولورمنڈا میں لال فیتہ شاہی کا شکاربنایاجاتا ہے۔انہوں نے پوچھا کہ کشمیر کے تاجر

بجٹ سازی کی کیا تُک؟ : انتظامیہ وضاحت کرے:سول سوسائیٹی

سرینگر//کئی تجارتی انجمنوں اور سول سوسائٹی گروپوں پر مشتمل جموں وکشمیرسوشیواکنامک کارڈنیشن کمیٹی کو گورنرانتظامیہ کی طرف سے اگلے مالی سال کابجٹ تیار کرنے کے ارادوں  کے بارے میں جان کرحیرت ہوئی ہے ۔ایک میٹنگ میں ممبران نے اس بات پراچنبھے کااظہار کیا کہ متعددتجارتی تنظیموں کو بجٹ سے قبل مشاورت کیلئے ریاستی محکمہ خزانہ کے گورنر کے متعلقہ مشیرنے مدعو کیا ہے ۔ممبران نے کہا کہ رواں سال کیلئے ریاستی قانون سازیہ نے پہلے ہی بجٹ منظور کیا ہے جس پر اس وقت عملدرآمد ہورہا ہے ۔اس کے علاوہ حکومت ہند کے چیف الیکشن کمشنر کی نومبر میں ریاستی اسمبلی کو تحلیل کئے جانے کے بعدیہ یقین دہانی جو درج بھی ہے کہ ریاست میںتازہ چنائو کرائے جائیں گے ۔ممبران نے کہا کہ گورنر انتظامیہ زیادہ سے زیادہ تین ماہ کیلئے ووٹ آن اکائونٹ پاس کراسکتی ہے اور باقی کاکام نئی حکومت کیلئے چھوڑاجائے تاکہ وہ بقیہ مدت کیلئے بجٹ پی

ہوٹل وریسٹورنٹ مالکان ایسوسی ایشن کاوفد ڈپٹی میئر سے ملاقی

سرینگر//جموں کشمیرہوٹل اینڈریسٹورنٹ ایسوسی ایشن نے سرینگر کے ڈپٹی میئر کے ساتھ ایک ملاقات میں سرینگرکے ماسٹرپلان2035پرتجارتی سرگرمیوںاور سیاحتی ڈھانچے کے تعلق سے اپنی تشویش کااظہارکرتے ہوئے شہرخاص کووراثتی اورتمدنی سیاحتی جگہ کے طور ترقی دیئے جانے کا مطالبہ کیا۔جموں کشمیرہوٹل اینڈریسٹورنٹ ایسوسی ایشن کے ایک وفد نے سنیچر کوسرینگرکے ڈپٹی میئر شیخ عمران کے ساتھ ملاقات کی۔وفد نے  سیاحتی اورتجارتی سرگرمیوں کے حوالے سرینگر کے ماسٹر پلان 2035پر اپنی تشویش کااظہار کیا۔ وفد نے کہاکہ حکومت نے ہوٹلوں کیلئے مشترکہ سیوریج ٹریٹمنٹ پلانٹ تعمیر کرنے کا منصوبہ بنایا۔اس مشترکہ سیوریج ٹریٹمنٹ پلانٹ کیلئے اراضی کی بھی نشاندہی کی گئی لیکن ابھی تک اسے تعمیر نہیں کیاگیا۔سرینگر کے ماسٹر پلان کے مطابق یہ مشترکہ سیوریج ٹریٹمنٹ پلانٹ بنانے چاہیے اور ہوٹل مالکان اس کے استعمال کی قیمت اداکرسکتے ہیں۔ہوٹلوں سے

نئے پیٹرول پمپوں کی تنصیب

سرینگر//ہندوستان پیٹرولیم کارپوریشن لمیٹڈ کے سینئر ایریا سیلز منیجر د نے  ایک بیان میں ریاست جموں وکشمیر میں نئے پیٹرول پمپوں کی تنصیب کے حوالے سے درخواستیں جمع کرنے کیلئے کہا ہے اور اس سلسلے میں خواہشمند امیدواروں سے کہا گیا ہے کہ وہ آن لائن پلیٹ فارم پر اپنی درخواستیں جمع کریں اور اس سلسلے میں شرائط و قواعد کا بھرپور لحاظ رکھیں ۔انہوں نے کہاکہ ایسا پہلی بار ہورہا ہے کہ قرعہ اندازی کرکے مستحق امیدواروں کو پیٹرول پمپ نصب کرنے کی اجازت دی جائے گی ۔انہوں نے امیدواروں سے اپیل کی کہ وہ کمپنی کی ویب سائٹwww.petrolpumpdealerchayan.inپر رابطہ کریں ۔ درخواست جمع کرنے کی آخری تاریخ24دسمبر2018مقرر کی گئی ہے ۔  

تاجروں کیساتھ پیشگی بجٹ میٹنگ

جموں//گورنر کے مشیر کے کے شرما جموں میں 8؍دسمبر سنیچروار کو دوپہر 2بجے سے کمرشل ٹیکس بھون جموں میں تجارتی انجمنوں کے ساتھ پری بجٹ میٹنگ کریں گے ۔مشیرموصوف 9؍دسمبر کو سرینگر میں صبح ساڑھے 10بجے ایکسائز اینڈ ٹیکسزیشن کمپلیکس سولنہ میں بھی ایک میٹنگ طلب کریں گے۔مشیر موصوف نے اس سلسلے میں متعلقین سے تجاویز طلب کی ہیں ۔یہ بات قابل ذکر ہے کہ پرنسپل سیکرٹری فائنانس نوین کمار چودھری پہلے ہی مختلف محکموں کے ساتھ بجٹ 2019-20 کے بارے میں میٹنگیں کرر ہے ہیں.      

ریشم صنعت سے روزگار کے مواقع پید ا کئے جاسکتے ہیں

جموں//جموں وکشمیر سٹیٹ رورل لائیو لی ہڈ مشن ( جے کے ایس آر ایل ایم) کے مشن ڈائریکٹر عبدالرشید وار نے کہا ہے کہ یہ ادارہ غنچۂ ابریشم کا کاروبار شروع کرنے والے سیلف ہیلپ گروپوںکی ہر ممکن مدد کرے گا تاکہ وہ روزگار پیدا کرنے والے یونٹ قائم کرسکیں۔جموں خطے میں اُمید پروجیکٹ کی کارکردگی کا جائزہ لیتے ہوئے عبدالرشید وار نے افسروں کو ہدایت دی کہ وہ ایسے خواہشمند سیلف ہیلپ گروپوں کی نشاندہی کریں۔انہوں نے کہا کہ ریشم صنعت سے روزگار کے کافی مواقع پید ا کئے جاسکتے ہیں اور بازار میں اس کے خام مال کی کافی مانگ ہے۔اُنہوں نے کہا کہ سریکلچر محکمہ ریشم کے کیڑوں کے بیج مفت فراہم کرے گا اور سیلف ہیلپ گروپوں کو اس سلسلے میں تکنیکی معاونت بھی دستیاب رکھی جائے گی۔اُنہوں نے کہاکہ مشن کے ذریعے مختلف سکیموں کے تحت رجسٹریشن کی تمام سہولیات دستیاب رکھی جائیں گی۔انہوں نے افسروں کو مزید ہدایات دیں کہ وہ مقرر کئے

ریلائنس انڈسٹری کے جنوبی ایشیاء کے سب سے بڑے میوزک پلیٹ فارم ساون میڈیا کی نقاب کشائی

نئی دہلی//ریلائنس انڈسٹری نے سوموارکو ساون اور جیو میوزک کو یکجا کرکے جنوبی ایشیاء کے سب سے بڑے تفریحی آرٹسٹ پلیٹ فارم ساون میڈیا کی نقاب کشائی کی ۔کمپنی نے ایک بیان میں کہا کہ جیو ساون ایپ تمام ایپ سٹوروں بمعہ جیو فون کے جیو ایپ سٹور اور www.jio.com/jiosaavn," پردستیاب ہوگا۔نے جیو ساون ایپ میں متعدد منفرد خصوصیات ہیں جن میں لائیو کنسرٹ،مقامی زبانوں میں ڈسپلے وغیرہ شامل ہیں ۔بیان میں کہا گیا ہے کہ مارچ2018میں ریلائنس کی طرف سے ساون کوحاصل کرنے کے وقت اس کی قیمت کاتخمینہ دس کروڑ امریکی ڈالرلگایا گیا تھا جس سے یہ جنوبی ایشیاء کا سب سے قیمتی میوزک سٹریمنگ پلیٹ فارم بن گیا۔ 45کروڑ نغموں کے اصل مواد کی تفصیلی فہرست سے جیوساون کامقصد سٹریمنگ کو جیو کی ڈجٹل سروس ایکو سسٹم سے یکجا کرنا ہے ۔یکجا ایپ کی نظربھارت اور بھارت سے باہر ڈااسپوراکے بھاری مارکیٹ پر ہے ۔  

ٹنگمرگ میں اے ٹی ایم لوٹنے کی کوشش ناکام

ٹنگمرگ //چندی لورہ ٹنگمرگ میں جموں و کشمیر بینک کے اے ٹہ ایم  کو لوٹنے اور جلانے کی کوشش مستعد گارڑ نے ناکام بنادی۔تفصیلات کے مطابق 2 اور 3 دسمبر کی درمیانی رات کو نامعلوم لیٹروں نے چندی لورہ میں جموں و کشمیر بینک کے اے ٹی ایم کو لوٹنے کی غرض سے گارڈ روم میں رات کی ڈیوٹی پر مامور گارڈ فاروق احمد لون کو شٹر کھولنے کیلئے منت سماجت کی کہ انہیں اے ٹی ایم اے سے رقم نکالنی ہے جس پر اے ٹی ایم گارڈ کوشک ہوا اور اس نے شور مچانے کے علاوہ سائرن چالو کرنے کے ساتھ ہی پولیس کو اطلاع دی جس پر لیٹروں نے طیش میں آکر تیل چھڑک کر اے ٹی ایم کو جلانے کی کوشش کی تاہم ٹنگمرگ پولیس کے پہنچتے ہی لٹیرے وہاں سے رات کی تاریکی کا فائدہ اٹھاتے ہوئے فرار ہوگئے ۔ادھر جموں و کشمیر بینک ٹنگمرگ برانچ ہیڈ ظفر احمد نے رات کے دران نامعلوم لٹیروں کی طرف سے اے ٹی ایم کو لوٹنے اور جلانے کی تصدیق کرتے ہوئے کہا ہے کہ اے ٹ

ایک سال قبل رسیونگ اسٹیشن منظور :آری پل ترال کے لوگ منصوبہ شروع ہونے کے منتظر

ترال//ترال کے آری پل تحصیل کی وسیع آبادی کے لئے گزشتہ سال بجلی رسیونگ اسٹیشن تعمیر کرنے کو منظوری مل گئی تاہم محکمہ کی جانب سے تاحال کام شروع نہ کرنے پر مقامی آبادی نے شدید غم و غصے کا اظہار کیا ہے ۔ادھر ترال کے متعدد علاقوں میں بجلی سپلائی کی ابتر صورت حال کے نتیجے میں لوگ سخت مشکلات کا سامنا کررہیہیں جس پرلوگوں نے شدید برہمی کا اظہار کیا ہے۔جنوبی کشمیر کے قصبہ تحصیل آری کی ہزاروں نفوس پر مشتمل آبادی کو کئی دہائیوں سے بجلی کیشدید بحران کا سامنا ہے جس کے نتیجے میں مقامی لوگوں کو سامنا کرنا پڑ تا تھا اس دوران گزشتہ سال محکمہ بجلی نے علاقے کی وسیع آبادی کے مشکلات کو مد نظر رکھ کر تحصیل آری پل کے لئے رسیونگ اسٹیشن تعمیر کرنے کو منظوری دی ہے مقامی لوگوں نے بتایا اگر چہ فیصلے پر آبادی نے زبردست خوشی کا اظہار کیا ہے تاہم تقریباً ایک سال کاوقفہ گزرگیا جبکہ علاقے میں بجلی بحران کے باوج

توت کے پودوں کی بڑے پیمانے پر شجر کاری کامنصوبہ

جموں//ریاست کی میونسپل حدود میں ماحولیات کو فروغ دینے کے لئے سریکلچر محکمہ آنے والے سیزن میں شہتوت کے پودوں کی شجرکاری کا منصوبہ رکھتا ہے۔عوام کو ان کی دہلیز پر مفت یہ پودے فراہم کئے جائیں گے۔محکمہ کے ڈائریکٹر گلزار احمد نے مہم کی تیاریوں کا جائیزہ لیتے ہوئے کہا کہ اس سلسلے میں ایکشن پلان تشکیل دیا گیا ہے اور ریاست کے بڑے قصبوں، سرکاری اراضی، سڑکوں، سرکاری دفاتر، تعلیمی اداروں اور گھروں کے آس پاس یہ مہم چلائی جائے گی۔پہلے مرحلے کے تحت میونسپل حدود میں شہتوت کے پودوں کی50 ہزار اقسام دستیاب کرائی جائیں گی جن کی بدولت آکسیجن کی صلاحیت سازی کو بڑھانے میں کافی مدد ملے گی اور ماحولیاتی آلودگی پر قابو پایا جاسکے گا۔ انہوں نے کہا کہ مہم کی کامیاب عمل آوری کے لئے خصوصی ٹیمیں تشکیل دی جا رہی ہیں۔ انہوں نے کہا کہ جموں اور سرینگر میں اس سلسلے میں دو ہیلپ لائین ڈیسک قائم کئے گئے ہیں۔پودوں کی ا

۔8ہزار کروڑ کے ترقیاتی پروگرام کا مقصد زیر التوا پروجیکٹوں کی تکمیل: چیف سیکریٹری

سرینگر//ونٹر سیکریٹریٹ سرینگر میں چیف سیکریٹری بی آر سبھرامنیم کی صدارت میں میٹنگ منعقد ہوئی جس میں بڈگام، بانڈی پورہ ، کپواڑہ اور بارہمولہ اضلاع میں اِلتوا میں پڑے پروجیکٹوں کاجائزہ لیا گیا۔ صوبائی و ضلع انتظامیہ پر التواء میں پڑے پروجیکٹوں کو مکمل کرنے پر زور دیتے ہوئے چیف سیکریٹری بی وی آر سبھرامنیم نے کہا ہے کہ گورنر انتظامیہ ریاست بھر میں8 ہزار کروڑ روپے کے ترقیاتی اقدامات کو ترجیح د ے رہی ہے۔انہوںنے کہاکہ 8 ہزار کروڑ روپے کے ترقیاتی پروگرام کا مقصد ریاست بھر میں التواء میں پڑے پروجیکٹوں کو مکمل کرنا ہے۔میٹنگ میں صوبائی کمشنر کشمیر بصیر احمد خان،بڈگام،بارہمولہ ، کپواڑہ اور بانڈی پورہ کے ڈپٹی کمشنروں کے علاوہ دیگر اعلیٰ افسران نے شرکت کی۔ میٹنگ کے دوران ڈپٹی کمشنر بڈگام نے کہا کہ130 کروڑ روپے کے التواء میں پڑے71 پروجیکٹوں کو رقومات کی فراہمی کے لئے جے کے آئی ڈی ایف سی کے سامنے پ

گاندربل :تین پیداواری پروجیکٹوں کے باوجودبجلی ندارد

کنگن // ضلع گاندربل جہاں 142میگاواٹ صلاحیت والے پن بجلی پروجیکٹوں قائم ہیں وہاں بجلی کا حال بے حال ہے ۔محکمہ کا کہنا ہے کہ ان بجلی پروجیکٹوں سے صرف سردیوں کے موسم میں پانی کی کمی کی وجہ سے صلاحیت کم ہو کر صرف 19میگاواٹ رہ گئی ہے اور یہی وجہ ہے کہ بجلی کا حال بے حال ہے۔ وہیں عوامی حلقوں کا کہنا ہے کہ عرصہ دراز سے ان بجلی پروجیکٹوں اور رسیونگ سٹیشنوں کی صلاحیت کو بڑھانے کے حوالے سے محکمہ نے کوئی سنجیدہ اقدامات نہیں کئے ہیں اور یہی وجہ ہے کہ اس ضلع میں بجلی کا حال بے حال ہے اور لوگوں کو بجلی کے حوالے سے گونا گوں مشکلات سے دوچار ہونا پڑتا ہے ۔مقامی لوگوں کا کہنا ہے کہ اس وقت ضلع میں بجلی کے ترسیلی نظام کو بہتر بنانے کیلئے بہت سی سکیمیں چل رہی ہیں لیکن ان سکیموں سے نہ ہی بجلی سپلائی میں کوئی بہتری آئی ہے اور نہ ہی لوگوں کو معقول بجلی فراہم ہو رہی ہے ۔یہ امر قابل ذکر ہے کہ ضلع میں اس وقت 14

کنگن رسیونگ اسٹیشن سال 2002 میں بنایا گیا ہے

گاندربل//کنگن پاور ہاؤس میں بنایا گیا ریسوینگ اسٹیشن سال 2002 میں تعمیر کیا گیا تھا جس میں نصب  3.15 میگا واٹ ایمپئر ٹرانسفارمر وقت گزرنے کے ساتھ ساتھ آبادی بڑھنے سے لوڈ برداشت کرنے کے قابل نہیں رہا۔سال 2002 میں پاور ہاؤس کنگن شروع کرنے کے ساتھ ہی ریسوینگ اسٹیشن تعمیر کیا گیا جہاں سے کنگن اور اور اس سے ملحقہ آس پاس علاقوں کو بجلی سپلائی فراہم کی جانی لگی۔ریسویئنگ اسٹیشن میں 3.15 میگا واٹ ایمپئر ٹرانسفارمر نصب کئے گئے اس وقت کنگن کے محلوں  میں دو ٹرانسفارمر لگائے گئے جن سے آبادی کو برقی رو فراہم کی جانی لگی مجموعی طور پر 100 کلو واٹ تک لوڈ صرف ہواکرتا تھا جبکہ پچھلے 16 سالوں میں کنگن کی آبادی بے تحاشہ بڑھنے کے ساتھ ساتھ درجنوں محلوں میں ٹرانسفارمر لگائے گئے جس کے تحت 1500 کلو واٹ لوڈ ایگریمنٹ کیا گیا لیکن ستم ظریفی یہ ہے کہ دو ٹرانسفارمر کی جگہ درجنوں ٹرانسفارمر محلوں می

صنعتکار وں نے بھی آستینیں چڑھالیں: سنیچر سے ہڑتال پر جانے کا انتباہ

سرینگر// صنعت کاروں نے جموں کشمیر بنک کو’’پی ایس یو‘‘ زمرے میں شامل کرنے کے فیصلے کو’’ اقتصادی دہشت گردی‘‘ قرار دیتے ہوئے سرکار کو الٹی میٹم دیاہے کہ اگر فیصلہ واپس نہیں لیا گیا تو وہ یکم دسمبر کو مکمل ہڑتال پر جائیں گے۔ انڈسٹریل ایسو سی ایشن کھنموہ کے سنیئر نائب صدر قیصر شاہدنے سرینگر میں پریس کانفرنس کے دوران سرکار کی طرف سے جموں کشمیر بنک کو پی ایس یو میں تبدیل کرنے کے فیصلے کو نا قابل قبول قرار دیتے ہوئے اس فیصلے کو واپس لینے کا مطالبہ کیا۔ انہوں نے کہا کہ صنعت کاروں کو اس بات کے زبردست خدشات لاحق ہیں کہ اگر یہ فیصلہ واپس نہیں لیا گیا تو عنقریب ہی جموں کشمیر بنک کو کسی دوسرے بنک میں ضم کیا جائے گا۔ قیصر شاہد نے کہا کہ وہ اس بات کا استقبال کریں گے کہ اگر جموں کشمیر بنک کو جوابدہ بنایا جائے گا اور اس میں شفافیت لائی جائے گی،تاہم انہوں ن

پی ڈی پی کا سرینگرمیں احتجاجی مارچ

سرینگر//جموں کشمیر بنک کو پبلک سیکٹر انڈرٹیکنگ (پی ایس یو) قرار دئے جانے کیخلاف پیپلز ڈیمو کریٹک پارٹی (پی ڈی پی) سے وابستہ لیڈران اور کارکنان نے سرینگر میں ہیڈ کوٹر سے احتجاج مارچ نکال کر پرس کالونی کی طرف پیش قدمی کرنے کی کوشش کی ہے تاہم اس دوران وہاں موجود پولیس نے احتجاج میں شامل لوگوں کو آگے جانے سے روک دیا ہے۔اس دوران احتجاج یں شامل سیک کی جانب سے جموں کشمیر بنک کے متعلق لئے گئے فیصلے کو منسوخ کرنے کا مطالبہ کر رہے تھے ۔کشمیر نیوز سروس ( کے این ایس ) کے مطابق  جموں کشمیر بنک کو پبلک سیکٹر انڈرٹیکنگ (پی ایس یو) قرار دئے جانے کیخلاف پیپلز ڈیمو کریٹک پارٹی (پی ڈی پی) سے وابستہ لیڈران اور کارکنان نے پی ڈی پی کے ترجمان نعیم اختر کی قیادت میں سرینگر میں ہیڈ کوٹر سے احتجاج مارچ نکال کر پرس کالونی کی طرف پیش قدمی کرنے کی کوشش کرتے ہوئے گور نر انتظامیہ کی جانب سے حالیہ جموں کشمیر بن

ایجیک بھی بنک ملازمین کی حمایت میں

سرینگر //ایمپلائز جوائنٹ ایکشن کمیٹی کے سربراہ عبدالقیوم وانی نے کہاہے کہ جموں وکشمیر بنک کو پبلک سیکٹر ادارہ بنانے کافیصلہ نامناسب۔  انہوں نے کہاکہ ایجیک اس خودمختار اثاثے کی حفاظت اور فیصلہ واپس لینے کیلئے جموں وکشمیر بنک کے ملازمین کی ہڑتال کی مکمل حمایت کرے گا ۔ایمپلائز جوائنٹ ایکشن کمیٹی ایجیک کا ایک ہنگامی اجلاس صدر عبدالقیوم وانی کی سربراہی میں منعقد ہوا ۔اجلاس میں حکومت کے فیصلے جس میں جے کے بنک کوپبلک سیکٹر ادارہ بنانے کا اعلان کیا گیا،کے موضوع پر بحث کی گئی ۔ اجلاس میں موجود تمام لیڈران نے اس فیصلے پر تشویش کا اظہار کرتے ہوئے گورنر انتظامیہ سے مانگ کی کہ لوگوں کے مفاد کو مدنظر رکھتے ہوئے اس فیصلے کو واپس لیا جائے کیونکہ اس سے جموں وکشمیر بنک کی ترقی پر منفی اثرات مرتب ہوں گے۔اجلاس سے خطاب کرتے ہوئے عبداقیوم وانی نے کہا کہ ریاست میں پہلے سے ہی قائم پبلک سیکٹر اداے سیاسی ا