تازہ ترین

سرینگر میں ٹائیگور ہال کے نزدیک گرینیڈ دھماکہ،کوئی نقصان نہیں

سرینگر/مشتبہ جنگجوئوں نے جمعرات کو سرینگر میں ٹائیگور ہال کے نزدیک قائم سی آر پی ایف کے ایک بنکر کو گرینیڈ حملے کا نشانہ بنایا۔ اطلاعات کے مطابق گرینیڈ نشانہ چوک کر سڑک پر پھٹ گیا۔ ذرائع کے مطابق اس دھماکے میں کوئی نقصان نہیں ہوا۔ دھماکے کے بعد فورسز نے علاقے کو محاصرے میں لیکر تلاشیاں لیں تاکہ گرینیڈ حملہ کرنے والوں کو پکڑا جاسکے۔  

لوک سبھا الیکشن نتائج:مودی کی بی جے پی بھاری اکثریت کے حصول کی راہ پر

سرینگر./ سات مراحل میں مکمل ہونے والے لوک سبھا انتخابات کے نتائج کے رجحانات کے مطابق بھارتیہ جنتا پارٹی اور اس کے اتحادیوں کو واضح سبقت حاصل ہونے والی ہے۔  انتخابات کے بعد جمعرات کی صبح سے پارلیمنٹ کی 542 نشستوں پر ڈالے گئے ووٹوں کی گنتی  آٹھ بجے سے جاری ہے۔ اطلاعات کے مطابق نتائج کے رجحانات کے مطابق بی جے پی کے اتحاد کو گزشتہ انتخابات سے بھی زیادہ نشستیں مل سکتی ہیں۔ الیکشن کمیشن کے مطابق لوک سبھا کی 542 نشستوں میں سے بی جے پی 297 نشستوں پر آگے ہے جبکہ مجموعی طور پر 342 نشستوں پر اس کا اتحاد آگے ہے۔ انڈیا میں مرکزی حکومت بنانے کے لیے 272 نشستیں درکار ہیں اور اگر یہ رجحانات برقرار رہے تو بی جے پی کو حکومت سازی کے لیے سادہ اکثریت اپنے بل بوتے پر ہی مل سکتی ہے۔ اس کے برعکس کانگریس اور اس کے اتحادیوں کو 80 سے زیادہ نشستیں ملتی دکھائی دے رہی ہیں جن میں سے کانگ

اونتی پورہ میں گرینیڈ دھماکہ،2عام شہری زخمی

سرینگر/ جنوبی کشمیر کے اونتی پورہ میں جمعرات کو ایک گرینیڈ دھماکے میں دو عام شہری زخمی ہوگئے۔ یہ واقعہ ضلع پلوامہ میں پولیس سٹیشن اونتی پورہ کے باہر پیش آیا جہاں مشتبہ جنگجوئوں نے فورسز کی ایک پارٹی پر گرینیڈ سے حملہ کیا جو نشانہ چوک کر پھٹ گیا۔ ذرائع کے مطابق اس دھماکے میں دو عام شہری زخمی ہوگئے۔ کچھ گاڑیوں کے شیشے ٹوٹنے کی بھی اطلاعات موصول ہوئی ہیں۔ دھماکے کے فوراً بعد فورسز نے علاقے کو گھیر کر تلاشی آپریشن ہاتھ میں لیا تاکہ حملہ آئوروں کو پکڑا جاسکے۔    

وزیر اعظم مودی اور امت شاہ کی جیتنے والے الائنس کو مبارکباد: عمر عبد اللہ

 سرینگر/سابق وزیر اعلیٰ عمر عبد اللہ نے جمعرات کو کہا کہ وزیر اعظم نریند رمودی اور بھاجپا صدر امت شاہ نے ملکر ایک جیتنے والی الائنس قائم کی ہے۔ انہوں نے یہ بھی کہا کہ الیکشن کے اختتام پر سامنے آنے والا یگزٹ پول بالکل صحیح تھا۔ عمر نے ایک ٹویٹ میں لکھا''تو ایگزٹ پول بالکل صحیح تھا۔اب وقت ہے بھاجپا اور این ڈی اے کو بہترین کارکردگی پرمبارکباد دینے کا۔مودی اور امت شاہ کو یہ کریڈت جاتا ہے کہ انہوں نے ملکر ایک جیتنے والی الائنس بنائی اور پیشہ ورانہ الیکشن مہم چلائی۔'' لوک سبھا انتخابات کے سلسلے میں ووٹ شماری آج صبح سے جاری ہے جس کے دوران مودی کی بھاجپا شاندار کامیابی کی راہ پر گامزن دکھائی دے رہی ہے۔  

اننت ناگ سیٹ پر پیچھے چلنے والی محبوبہ کی مودی کو مبارکباد

سرینگر/سابق وزیر اعلیٰ محبوبہ مفتی نے جمعرات کو وزیر اعظم نریندر مودی کو اُن کی پارٹی کے شاندار جیت کی راہ پر گامزن ہونے پر مبارکباد پیش کی ہے۔ لوک سبھا انتخابات کے سلسلے میں ووٹ شماری آج صبح سے جاری ہے جس کے دوران مودی کی بھاجپا شاندار کامیابی کی راہ پر گامزن دکھائی دے رہی ہے۔ محبوبہ نے ایک ٹویٹ میں لکھا''نریندر مودی جی کو تاریخی منڈیٹ کیلئے مبارکباد۔آج یقینی طور پر بھاجپا اور اس کی اتحادی پارٹیوں کا دن ہے۔کانگریس کو ایک امت شاہ چاہئے۔'' محبوبہ خود اننت ناگ سیٹ سے الیکشن لڑ رہی ہیں جہاں وہ مقابلے سے ہی باہر ہوگئی ہیں۔ اننت ناگ سیٹ سے نیشنل کانفرنس کے حسنین مسعودی اپنے قریبی حریف کانگریس کے غلام احمد میر پر لگاتار برتری بنائے ہوئے ہیں۔  

انتخابی نتائج: ووٹ شماری جاری، بھارتیہ جنتا پارٹی بھاری جیت کی راہ پر

سرینگر/ سات مراحل میں مکمل ہونے والے لوک سبھا انتخابات کے نتائج کی آمد کا سلسلہ شروع ہو گیا ہے اور ابتدائی رجحانات کے مطابق بھارتیہ جنتا پارٹی اور اس کے اتحادیوں کو واضح سبقت حاصل ہے۔   جمعرات کو پارلیمنٹ کی 542 نشستوں پر ڈالے گئے ووٹوں کی گنتی صبح آٹھ بجے سے جاری ہے۔ نتائج کے رجحانات کے مطابق بی جے پی کے اتحاد کو گزشتہ انتخابات سے بھی زیادہ نشستیں مل سکتی ہیں۔ الیکشن کمیشن کے مطابق لوک سبھا کی 542 نشستوں میں سے بی جے پی 292 نشستوں پر آگے ہے جبکہ مجموعی طور پر 340 نشستوں پر اس کا اتحاد آگے ہے۔  مرکزی حکومت بنانے کے لیے 272 نشستیں درکار ہوتی ہیں اور اگر یہ رجحانات برقرار رہے تو بی جے پی کو حکومت سازی کے لیے سادہ اکثریت اپنے بل بوتے پر ہی مل سکتی ہے۔  

کشمیر کی تین سیٹوں پر نیشنل کانفرنس آگے،جموں کی دو پر بی جے پی کو برتری

سرینگر/نیشنل کانفرنس کے فاروق عبد اللہ اور بھاجپا کے جتیندر سنگھ اپنی اپنی سیٹوں پر آگے چل رہے ہیں۔ وادی کشمیر کی تین لوک سبھا سیٹوں پر نیشنل کانفرنس کے اُمیدوار آگے ہیں جبکہ جموں کی دو سیٹوں پر بھاجپا کے اُمیدوار وں کو برتری حاصل ہے۔ اطلاعات کے مطابق لداخ کی سیٹ پر آزاد اُمیدوار آگے ہے۔ اعداد و شمار کے مطابق آخری اطلاعات تک فاروق نے سرینگر نشست سے 32975ووٹ حاصل کررکھے تھے ۔ اننت ناگ سیٹ سے نیشنل کانفرنس کے حسنین مسعودی کانگریس کے غلام احمد میر سے محض تین سو سے زیادہ ووٹوں سے آگے چل رہے ہیں۔یہاں پی ڈی پی کی محبوبہ مفتی تیسرے نمبر پر ہیں۔ بارہمولہ کی سیٹ پر بھی نیشنل کانفرنس کے محمد اکبر لون اپنے حریفوں پر واضح برتری بنائے ہوئے ہیں۔    

انتخابی نتائج:نیشنل کانفرنس کا اکبر لون بارہمولہ میں آگے

سرینگر/لوک سبھا نشست بارہمولہ میں جمعرات کو جاری ووٹ شماری کے دوران تازہ اطلاعات کے مطابق نیشنل کانفرنس کے اُمیدوار محمد اکبر لون آگے چل رہے ہیں۔ اس سے قبل انجینئر رشید یہاں سے آگے جارہے تھے لیکن جاری ووٹ شماری کے دوران اب اکبر لون اول نمبر پر ہیں جس کے بعد انجینئر کا نمبر آتا ہے۔ تازہ اطلاعات کے مطابق پیپلز کانفرنس کے اُمیدوار یہاں سے تیسرے نمبر پر ہیں جبکہ پی ڈی پی اُمیدوار کا نمبر چوتھا تھا  

سرینگر میں منشیات فروش گرفتار ، بڑی مقدار میں نشہ آور ادویات برآمد:پولیس

 سرینگر/ایک بیان کے مطابق سرینگر پولیس نے جمعرات کو ناکہ چیکنگ کے دوران منشیات فروش کی گرفتار ی عمل میں لا کر اس کے قبضے سے نشیلی ادویات برآمدکرکے ضبط کیں۔  بیان میں بتایا گیا کہ سرینگر پولیس نے گزر بل چوک باغیاث میں ناکہ چیکنگ کے دوران ٹرک زیر نمبرJK05G-1424کو روک کر اس کی تلاشی لی جس دوران پولیس ٹیم نے ٹرک سے 210کوڈین بوتلیں اور 720کپشول برآمد کرکے تحویل میں لے لئے۔  پولیس نے موقع پر ہی محمد رفیق میر ولد عبدالرشید ساکنہ بہرام پورہ رفیع آباد کی گرفتار عمل میں لا کر اس سلسلے میں ایف آئی آر زیر نمبر 72/2019کے تحت پولیس اسٹیشن صفا کدل میں کیس درج کرکے مزید تحقیقات شروع کی ہے۔  

انتخابی نتائج: فاروق کی سرینگر میں برتری، محبوبہ اننت ناگ میں پیچھے

سرینگر/نیشنل کانفرنس کے صدر فاروق عبد اللہ سرینگر کی لوک سبھا سیٹ دوبارہ جیتنے کے قریب ہیں جبکہ رجحانات بتارہے ہیں کہ سابق وزیر اعلیٰ محبوبہ مفتی اننت ناگ کی سیٹ میں پیچھے چل رہی ہیں۔ اس سے قبل جمعرات کی صبح پورے ملک کی طرح ریاست کی چھ سیٹوں پر ووٹ شماری شروع ہوگئی۔ اننت ناگ سیٹ سے نیشنل کانفرنس کے جسٹس (ریٹائرڈ) حسنین مسعودی آگے چل رہے ہیں۔13ویں رائونڈ کے بعد جو تصویر سامنے آئی ہے اُس کے مطابق مسعودی نے اننت ناگ سیٹ سے 7279جبکہ اُس کے قریبی حریف کانگریس کے غلام احمد میر نے 7104ووٹ حاصل کئے تھے۔محبوبہ کا نمبر تیسرا تھا جنہوں نے محض5034ووٹ حاصل کئے تھے۔ بارہمولہ سیٹ پر انجینئر رشید ابھی تک آگے بڑھ رہے ہیں۔انہوں نے ابھی تک32950ووٹ حاصل کئے ہیں جبکہ ان کے قریبی حریف نیشنل کانفرنس  محمداکبر لون نے31150ووٹ حاصل کر رکھے تھے۔ پیپلز کانفرنس کے اُمیدوار نے یہاں سے 24800ووٹ حاصل

جنوبی کشمیر کے پلوامہ میں سرگرم جنگجو کے بھائی کی لاش بر آمد

سرینگر/جنوبی کشمیر کے پلوامہ ضلع میں جمعرات کی صبح حزب المجاہدین سے وابستہ ایک سرگرم جنگجو کے بھائی کی گولیوں سے چھلنی لاش بر آمد ہوگئی ہے۔ پولیس نے لاش کی شناخت ظہور احمد کے طور کی جو پلوامہ سے تین کلو میٹر دور نائیرہ نامی گائوں میں بر آمد ہوئی ہے۔ پولیس نے اس ضمن میں کیس درج کرکے تحقیقات شروع کی ہے۔ ظہور حزب المجاہدین کے سرگرم جنگجو عرفان احمد کا بھائی تھا۔  

انتخابی نتائج: ووٹ شماری کے آغاز میں ہی بی جے پی کی برتری واضح

سرینگر/طویل اور کانٹے دار انتخابی مہم، اور پھر سات مراحل پر مشتمل انتخابات کے بعدلوک سبھا انتخابات کے نتائج جاننے کیلئے ووٹ شماری کا آغاز جمعرات کی صبح سے جاری ہے ۔ پارلیمنٹ کی 542 نشستوں کے انتخابات کے ووٹوں کی گنتی صبح آٹھ بجے شروع ہو گئی ہے۔ ان انتخابات میں تقریباٍ ساٹھ کروڑ رائے دہندگان نے ووٹ ڈالے ہیں جو 39 لاکھ الیکٹرانک ووٹنگ مشینوں یعنی ای وی ایم میں محفوظ ہیں ۔ اطلاعات کے مطابق ابتدا میں پوسٹل ووٹوں کی گنتی ہو ئی جو بیشتر فوجیوں کے ہوتے ہیں۔ اس مرحلے کے بعد الیکٹرانک مشینوں کے ووٹوں کی گنتی شروع ہو گئی۔ اطلاعات کے مطابق ابتدائی مراحل میں ہی بھاجپا کی برتری کے آثار نمایاں ہونے لگے ہیں۔واضح رہے کہ ووٹوں کی گنتی پورے ملک میں سبھی 542 سیٹیوں کے لیے ایک ساتھ شروع ہوئی ہے ۔ اطلاعات کے مطابق بی جے پی اور کانگریس کے دفاتر واقع نئی دلی میں ان کے حامی پارٹی کی جیت کے لیے پوج

شمالی کشمیر میں مٹی کے تودے کی زد میں آکر دو لڑکیاں جاں بحق، ایک زخمی

سرینگر/شمالی کشمیر کے سوپور میں بدھ کو مٹی کے ایک بھاری تودے کی زد میں آکر دو لڑکیاں جاں بحق جبکہ ایک زخمی ہوگئی۔ یہ حادثہ سوپور کے ہردہ شیوہ علاقے میں پیش آیا۔ اطلاعات کے مطابق تین لڑکیاں ریشی پورہ،ہردہ شیوہ علاقے میں مٹی کے تودے کی زد میں آگئیں اور وہ زخمی ہوگئیں۔ زخمی لڑکیوں کو نزدیکی سب ڈسٹرکٹ اسپتال سوپور پہنچایا گیا جہاں دو لڑکیوں کو مردہ اور تیسری کا علاج شروع کیا گیا۔ خبررساں ایجنسی جی این ایس نے اسپتالی ذرائع کا حوالہ دیتے ہوئے کہا ہے کہ دونوں لڑکیوں کو مردہ حالت میں اسپتال پہنچایا گیا تھا جبکہ تیسری زخمی لڑکی کو سرینگر منتقل کیا گیا ہے۔ مذکورہ اسپتالی ذرائع نے جاں بحق لڑکیوں کی شناخت شوقی دختر محمد اشرف وگے ساکنہ وڈورہ اور شائستہ فاروق عرف انشاء دختر فاروق احمد راتھر ساکنہ ہردہ شیوہ کے طور کی ہے۔  

سرینگر میں منشیات فروش گرفتار:پولیس

 سرینگر/ایک پولیس بیان کے مطابق سرینگر پولیس نے بدھ کو محسن بشیر بٹ ولد بشیر احمد ساکنہ اتھواجن کی گرفتاری عمل میں لا کر اس کے قبضے سے کچھ مقدار میں ہیروین برآمد کرکے ضبط کی۔  پولیس نے اس سلسلے میں ایف آئی آر زیر نمبر 30/2019کے تحت رام منشی باغ تھانہ میں کیس درج کرکے مزید تحقیقات شروع کی ہے۔ پولیس نے اپنے ایک بیان میں عوام الناس سے اپیل کی ہے کہ وہ منشیات کا کاروبار کرنے والوں کے بارے میں قانون نافذ کرنے والے ادارے کو مطلع کریں تاکہ اس بدعت کا قلع قمع کیا جاسکے۔  

بانڈی پورہ میں خشخاش کی فصل ضائع : پولیس

 سرینگر/پولیس کی طرف سے بدھ کو جاری ایک بیان میں بتایا گیا کہ بانڈی پورہ پولیس نے حاجن علاقے میں اگائی گئی خشخاش کی فصل کو ضائع کیا ۔ بیان کے مطابق ایس ایچ او پولیس اسٹیشن حاجن کی سربراہی میں پولیس ٹیم نے ایکسائز محکمہ سے وابستہ ملازمین کے ہمراہ مدھون اور اس کے آس پاس علاقوں میں کاشت کی گئی خشخاش کی فصل کو تباہ کیا۔ بیان کے مطابق عوامی حلقوں نے پولیس کی اس کارروائی کو خوب سراہا ہے۔  

برزلہ سرینگر میں سڑک حادثہ،نوجوان جاں بحق، دوسرا زخمی

سرینگر/سرینگر کے برزلہ علاقے میں بدھ کو سڑک کے ایک حادثے میں ایک نوجوان جاں بحق جبکہ دوسرا زخمی ہوگیا۔ پولیس ذرائع نے کہا کہ دن کے دو بجے ایک سکوٹر برزلہ برج کے نزدیک سڑک سے لڑھک گیا جس پر سوار دو نوجوان زخمی ہوگئے۔ دونوں کو صدر اسپتال پہنچایا گیا جہاں فید بشیر نامی زخمی نوجوان دم توڑ بیٹھا۔ اسپتالی ذرئع کے مطابق اُن کے ہاں پہنچائے گئے دو زخمی نوجوانوں میں سے ایک نٹی پورہ کا رہنے والا تھا جو جاں بحق ہوگیا جبکہ دوسرے کی حالت بہتر ہے۔  

کولگام معرکہ میں جاں بحق دو مقامی جنگجوئوں کا تعلق حزب المجاہدین سے تھا

سرینگر/حکام نے بدھ کو کہا کہ فورسز کارروائی کے دوران جنوبی ضلع کولگام کے گوپالپورہ علاقے میں جو دو جنگجو جاں بحق ہوگئے، اُن کا تعلق حزب المجاہدین کے ساتھ تھا۔ حکام نے دونوں کی شناخت زاہد احمد مانتو ولد بشیر احمد مانتو ساکنہ فیری پورہ شوپیان اور عرفان منظور ولد منظور احمد بٹ ساکنہ پونیواہ کولگام کے طور کی۔ یاد رہے کہ آج صبح فوج اور ایس او جی اہلکاروں نے ایک مشترکہ کارروائی کے تحت گوپالپورہ گائوںکو محاصرے میں لیکر تلاشی آپریشن شروع کیا۔ اس دوران چھپے جنگجوئوں اور فورسز کا آمنا سامنا ہو ا،اور طرفین میں معرکہ آرائی شروع ہوئی۔ پولیس نے کہا کہ کچھ وقت کی آپسی فائرنگ کے بعد وہاں دو جنگجوئوں کی لاشیں بر آمد کی گئیں۔  

پونچھ میں کنٹرول لائن کے نزدیک بارودی دھماکہ، 8فوجی اہلکارزخمی

سرینگر/ضلع پونچھ میں کنٹرول لائن کے نزدیک بدھ کو ایک بارودی دھماکے کی زد میں آکر 8فوجی اہلکار  زخمی ہوگئے۔ یہ واقعہ پونچھ کے مینڈھر علاقے میں پیش آیا۔ خبر رساں ایجنسی جی این ایس نے  پہلے  ایک  رپورٹ میں  کہا  تھا  کہ  اس  دھماکے  میں  ایک  فوجی  اہلکار  ہلاک  اور  سات  زخمی  ہوگئے۔ تاہم  فوجی  ذرایع  نے  بعد  میں  وضاحت  کی  کہ اس حادثاتی  دھماکے  میں  کچھ  اہلکار  زخمی  ہوگئے۔  

سمبل سانحہ کے ملزم کیخلاف چارج شیٹ عنقریب: پولیس

سرینگر/شمالی ضلع بانڈی پورہ میںپولیس نے بدھ کو کہا کہ سمبل سانحہ کے ملزم کیخلاف چارج شیٹ عنقریب پیش کیا جائے گا۔ واضح رہے کہ8مئی کو سمبل میں ایک تین سالہ معصوم بچی کی مبینہ  طور عصمت ریزی  ہوئی تھی جس کیخلاف وادی بھر میں شدید غم و غصہ کی لہر اُٹھی تھی۔ پولیس کے  ایک  ترجمان نے کہا''یہ بات صحیح ہے کہ تین سالہ بچی کی عصمت ریزی ہوئی ہے ۔ہم ملزم کیخلاف بہت جلد عدالت کے سامنے چارج شیٹ پیش کرنے والے ہیں''۔ انہوں نے لوگوں نے افواہوں پر کان نہ دھرنے کی اپیل کی۔ انہوں نے کہا''لوگ افواہوں پر دھیان نہ دیں۔ ہم افواہیں پھیلانے والوں کیخلاف بھی کارروائی عمل میں لائیں گے''۔ گذشتہ روز ضلع لیگل سروس اتھارٹی ،بانڈی پورہ نے معصوم متاثرہ بچی کے حق میں ایک لاکھ روپے معاوضہ کے طور ادا کرنے کی سفارش کی تھی۔  

جہانگیر چوک۔رامباغ فلائی اُوور کا دوسرا حصہ ٹریفک کیلئے کھل گیا

سرینگر/ریاست کے گرمائی دارلحکومت سرینگر میں ریاستی گورنر ستیہ پال ملک نے بدھ کو جہانگیر چوک۔رامباغ فلائی اُوور کے دوسرے حصے کا افتتاح کرکے اس کو ٹریفک کیلئے کھول دیا ۔اس موقع پر کئی اعلیٰ سرکاری حکام بھی موجود تھے۔ حکام کے مطابق مذکورہ فلائی اُوور کا پہلا حصہ ایک سال قبل شروع ہوا تھاتاہم اس کا دوسرا حصہ آج ٹریفک کیلئے کھولا گیا۔ انہوں نے کہا کہ فلائی اُوور کے تیسرے اور آخری حصے کو ماہ جون میں ٹریفک کیلئے کھولا جائے گا۔ اس فلائی اُوور کی تعمیر کا آغاز اکتوبر2013کو ہوا تھا اور یوں پانچ سال میں سرینگرمیں اپنی نوعیت کا اب تک کا یہ سب سے بڑا پروجیکٹ کم و بیش مکمل ہوگیا ہے۔ آج جس حصے کا افتتاح ہوا، وہ رامباغ سے آلوچی باغ تک1.04کلومیٹر پر مشتمل ہے اور اس پر37.5کروڑ روپے کی لاگت آئی ہے۔ حکام کے مطابق فلائی اُوور کا یہ حصہ شروع ہونے سے گاڑیوں کیلئے 15منٹ کا سفر محض ایک منٹ م

تازہ ترین