لولاب میں سیلابی صورتحال نے خاتون کی جان لی،رہائشی مکانوں، فصلوں کو نقصان

سرینگر/شمالی کشمیر کے ضلع کپوارہ میں جمعرات کو متعدد بادل پھٹنے کے نتیجے میں سیلابی صورتحال نے ایک خاتون کی جان لی۔ یہ واقعہ ضلع کے لولاب علاقے میں پیش آیا جہاں 35سالہ شفیقہ بانو متعدد بادل پھٹنے کے بعد پانی کے ریلے میں بہہ کر جاں بحق ہوگئی ۔ مذکورہ خاتون کی لاش بعد میں بر آمد کی گئی۔ ذرائع کے مطابق لولاب کے کانٹہ پورہ،پوتہ شاہی اور ڈونی واری گائوں میں متعدد بادل پھٹ پڑے جس کے نتیجے میں علاقے میں سیلابی صورتحال پیدا ہوگئی۔ اطلاعات کے مطابق بادل پھٹنے کی وجہ سے رہائشی مکانوں اور کھڑی فصلوں کو شدید نقصان پہنچا۔ شمریال علاقے میں ایک فٹ برج بھی پانی میں بہہ گیا۔    

جے کے ایس آر ٹی سی سرینگر سے جموں شبانہ سروس شروع کر رہی ہے

                سر ی نگر/مسافروں کی راحت کے لئے جموں وکشمیر سٹیٹ روڈ ٹرانسپورٹ کارپوریشن نے جموں سے سری نگر اور سری نگر سے جموں کے لئے 15 اگست  2019ء کے بعد شبانہ بس سروس شرو ع کرنے کا فیصلہ کیا ہے۔ ایک سرکاری بیان کے مطابق یہ فیصلہ جمعرات کوپرنسپل سیکرٹری ٹرانسپورٹ محکمہ ڈاکٹر اصغر حسن سامون کی صدارت میں منعقدہ ایک میٹنگ میں لیا گیا جس میں جے کے ایس آر ٹی سی کے منیجنگ ڈائریکٹر ، آر ٹی او کشمیر، ایس ایس پی سر ی نگر ، ایس ایس پی ٹریفک سری نگر اور دیگر متعلقہ افسران نے بھی شرکت کی۔ میٹنگ میں بتایا گیا کہ شبانہ سروس نہ ہونے کے نتیجے میں اس شاہراہ سفر کرنے والے لوگوں کو سخت مشکلات کا سامنا کرنا پڑتا ہے لہٰذا اس بات کی سخت ضرورت محسوس کی جارہی ہے کہ شاہراہ پر شبانہ بس سروس شروع کی جائے۔ ڈاکٹر سامون نے متعلقہ افسروں کو ہدایت دی کہ

سرینگر میں منشیات فروش گرفتار ، ممنوعہ نشیلی اشیاضبط : پولیس

سرینگر/پولیس کی طرف سے جاری ایک بیان میں جمعرات کو بتایا گیا کہ سرینگر پولیس نے ایک شخص کی گرفتاری عمل میں لا کر اس کے قبضے سے چرس برآمد کرکے ضبط کیا ہے۔ بیان کے مطابق سید منصور صاحب سرینگرپل کے نزدیک کرن نگر پولیس نے ناکہ چیکنگ کے دوران ایک موٹر سائیکل کو روک کر اس پر سوار، اشان نجار ولد غلام قادر نجار ساکنہ پتھر مسجد زینہ کدل کی جامہ تلاشی لی جس دوران اس کے قبضے سے 105گرام چرس برآمد ہوا۔  پولیس نے موقع پر ہی مذکورہ شخص کی گرفتاری عمل میں لا کر اس کے خلاف ایف آئی آر زیر نمبر 29/2019کے تحت پولیس اسٹیشن کرن نگر میں کیس درج کرکے تحقیقات شروع کی ہے۔علاوہ ازیں پولیس ٹیم نے موٹر سائیکل کو بھی اپنی تحویل میں لے لیا ہے۔  

کٹھوعہ عصمت دری کیس میں حکومت جموں کشمیر اور مجرموں کے نام پنجاب ہائی کورٹ کی نوٹس

سرینگر/پنجاب اور ہریانہ کی عدالت عالیہ نے جمعرات کو حکومت جموں کشمیر اور کٹھوعہ عصمت دری و قتل کیس معاملے کے چھہ مجرموں کے نام نوٹس جاری کی ہے۔ یہ نوٹس آٹھ سالہ بچی، جسے کٹھوعہ کے ایک گائوں، رسانہ میں اجتماعی عصمت دری کے بعدقتل کیا گیا، کے والد کی طرف سے مجرموں کی سزا بڑھانے کے حق میں دائر ایک عرضی کے بعد جاری کی گئی۔ کورٹ نے اُس ملزم کے نام بھی نوٹس جاری کی ہے جس کو عدالت نے الزامات سے بری کیا ہے۔ رواں ماہ کی10تاریخ کو مقتولہ بچی کے والد نے مجرموں کی سزا بڑھانے کے حق میں ایک درخواست عدالت عالیہ کے سامنے پیش کی تھی۔انہوں نے اپنی درخواست میں مجرموں کیخلاف موت اور عمر قید کی سزا کی درخواست کی ہے۔ انہوں نے ایک ملزم کو بری کرنے کیخلاف بھی اپیل دائر کی ہے۔ پنجاب اور ہریانہ کی عدالت عالیہ نے اسی سلسلے میں آج حکومت جموں کشمیر اور مجرموں کے نام نوٹس جاری کردی۔ درخواست دہندہ

امرناتھ یاتریوں کا17واں جتھا جموں سے گپھا کی طرف روانہ

سرینگر/سخت ترین حفاظتی انتظامات کے بیچ جمعرات کو 4,167افراد پر مشتمل امر ناتھ یاتریوں کا 17واں جتھا جموں سے وادی کشمیر میں واقع امرناتھ گپھا کی طرف روانہ ہوگیا۔ حکام کے مطابق گذشتہ روز تک گپھا میں درشن کرنے والے یاتریوں کی تعداد2,19.011تک پہنچ گئی تھی۔ اس سال امرناتھ یاترا یکم جولائی کو شروع ہوئی اور یہ15اگست تک جاری رہے گی۔ حکام کے مطابق ابھی تک 2لاکھ30ہزار افرادنے امرناتھ جانے کیلئے رجسٹریشن کرائی ہے۔  

مینڈھر پونچھ میں سڑک حادثہ، 1 مسافرجاں بحق،9زخمی

سرینگر/ ضلع پونچھ کے مینڈھر علاقے میں جمعرات کو سڑک کے ایک حادثے میں ایک شخص کی موت واقع ہوگئی جبکہ9زخمی ہوگئے جن میں سے 4کی حالت نازک بتائی جارہی ہے۔ اطلاعات کے مطابق ایک گاڑی سخی میدان میلے کی طرف جاتے ہوئے جونہی سلونی اُچڈ نامی گائوں کے پاس پہنچی تو اُس کو حادثہ پیش آیا۔ اس حادثے میں ایک مسافر جاں بحق جبکہ نو زخمی ہوگئے ۔ ذرائع کے مطابق زخمیوں کو سب ضلع اسپتال مینڈھر پہنچایا گیا جہاں سے چار شدید زخمیوں کو راجوری کے ضلع اسپتال منتقل کیا گیا۔  

سوپور معرکہ میں جاں بحق جنگجو کا تعلق لشکر طیبہ سے تھا:پولیس

سرینگر/ شمالی کشمیر کے سوپور علاقے میں بدھ کو فورسز اور جنگجو ئوں کے درمیان معرکہ آرائی میں جو جنگجو جاں بحق ہوگیا اُس کی شناخت ہوگئی ہے۔ پولیس نے کہا کہ جاں بحق جنگجو عدنان علی ،ساکنہ آرمپورہ سوپورہے اور اُس کا تعلق لشکر طیبہ سے تھا۔ اس سے قبل معرکہ کی جگہ سے ایک جنگجو کی لاش اور اُس کا سلحہ بر آمدکیا گیا۔ واضح رہے کہ آ ج صبح فوج کی 21 راشٹریہ رائفلز اور سپیشل آپریشن گروپ کے اہلکاروں نے ایک مصدقہ اطلاع ملنے کے بعد گنڈ براٹھ سوپور کو محاصرے میں لیکر تلاشی کاروائی شروع کی تھی۔  جوں ہی فورسز نے جنگجو ئوں کو ڈھونڈ نکالنے کے لئے تلاشی کاروائی شروع کی تو چھپے جنگجوئوں اور فورسز کے مابین گولیوں کا تبادلہ شروع ہوا۔ علاقے میں انٹر نیٹ سروس معطل ہے اور حکام نے علاقے میں تعلیمی ادارے بھی دن بھر کیلئے بند کئے تھے۔  

سوپور میں تین منشیات فروش گرفتار ، نشہ آور ادویات ضبط :پولیس

سرینگر/پولیس نے سوپورمیں 3منشیات فروشوں کی گرفتاری عمل میں لاکر ان کے قبضے سے نشہ آور ادویات کی بوتلیں برآمد کرکے ضبط کی ہیں۔ بدھ کو جاری ایک بیان میں پولیس نے کہا کہ واڈورہ سوپور کے نزدیک پولیس نے ناکہ چیکنگ کے د وران تین افراد جن کی شناخت سبزار احمد ملیار ولد عبدالرحمن ملیار ساکنہ مٹن اننت ناگ ، مجیب احمد خان ولد بشیر احمد خان ساکنہ لازی بل اننت ناگ اور ایاز احمد بٹ ولد محمد امین بٹ ساکنہ سیر ہمدان کے بطور ہوئی ہے کو روک کر ان کی تلاشی لی جس دوران ان کے قبضے سے 42کوڈین بوتلیں اور نقدی 13ہزار ایک سو روپیہ کی رقم برآمد کرکے ضبط کی گئی۔  پولیس نے موقع پر ہی تینوں کو حراست میں لے کر ان کے خلاف ا یف آئی آر زیر نمبر 45/2019کے تحت پولیس اسٹیشن بومئی میں کیس درج کرکے مزید تحقیقات شروع کی ہے۔ ناکہ پر مامور پولیس اہلکاروں نے ایک ٹویرا گاڑی کو بھی تحویل میں لے لیا ۔  

پلوامہ میں کوڑا جمع کرنے کیخلاف احتجاج کے دوران نوجوان پیلٹ لگنے سے زخمی

سرینگر/جنوبی ضلع پلوامہ میں بدھ کو ایک نوجوان اُس وقت زخمی ہوگیا جب پولیس نے کوڑا جمع کرنے کیخلاف احتجاج کرنے والوں کیخلاف پیلٹ فائر کئے۔ یہ واقعہ ضلع پلوامہ کے وہی بگ گائوں میں پیش آیا جہاں لوگ میونسپل کمیٹی پلوامہ کے اہلکاروں کی طرف سے کوڑا جمع کرنے کیخلاف احتجاج کررہے تھے ۔ اطلاعات کے مطابق کوڑا کرکٹ سے بھری ایک گاڑی کی حفاظت پر مامور پولیس اہلکاروں نے سنگبازی کررہے مظاہرین پر پیلٹ فائر کئے جس کے نتیجے میں ایک نوجوان بری طرح زخمی ہوگیا۔ زخمی نوجوان کو ضلع اسپتال پلوامہ پہنچایا گیا ہے۔  

کفایت رضوی ریڈ کراس سوسائٹی کی ریاستی برانچ کے اعزازی جنرل سیکریٹری تعینات

سرینگر/گورنر انتظامیہ نے بدھ کو کفایت حسین رضوی کو انڈین ریڈ کراس (آئی آر سی) جموں کشمیر برانچ کا اعزازی جنرل سیکریٹری تعینات کیا۔ کفایت رضوی کی تعیناتی تین برس کیلئے عمل میں لائی گئی ہے۔ کفایت رضوی لیبر اینڈ ایمپلائمنٹ محکمہ، جموں کشمیر میں بطور کمشنر سیکریٹری فائز رہے ہیں۔  

پیپلز ڈیمو کریٹک پارٹی کو دھچکہ، سینئر لیڈر اور سابق وزیر خلیل بند مستعفی

سرینگر/پیپلز ڈیمو کریٹک پارٹی (پی ڈی پی) کے سینئر لیڈر، سابق وزیر اور ضلع پلوامہ کے صدر محمد خلیل بند ،بدھ کو پارٹی کی بنیادی رکنیت سے مستعفی ہوگئے۔ انہوں نے اپنے استعفیٰ میں لکھا ہے کہ پارٹی نے سابق وزیر اعلیٰ مفتی محمد سعید کی وفات کے بعد اصولوں سے انحراف کیا ہے اوراہم فیصلے لیتے وقت پارٹی نے سینئر ارکان کو اعتماد میں نہیں لیا ہے۔ خلیل بند ،پارٹی کے سینئر لیڈر، سابق وزیر اور ضلع پلوامہ کے صدر تھے اور انہوں نے پارٹی کیخلاف کئی الزامات عاید کرتے ہوئے استعفیٰ دیدیا ہے۔ خلیل کے اس اقدام کو پی ڈی پی کیلئے بڑا دھچکہ قرار دیا جارہا ہے۔  

بڈگام میں بد نام زمانہ منشیات فروش کے قبضے سے 18.5گرام ہیروئن برآمد:پولیس

 سرینگر/پولیس کی طرف سے بدھ کو جاری ایک بیان میں بتایا گیا ہے کہ بڈگام پولیس نے "بد نام زمانہ" منشیات فروش کی گرفتاری عمل میں لا کر اس کے قبضے سے ممنوعہ نشیلی اشیابرآمد کرکے ضبط کی ہے۔ پولیس بیان کے مطابق مصدقہ اطلاع موصول ہونے کے بعد پولیس نے سبدن چوک بڈگام میں ناکہ چیکنگ کے دوران ایک ماروتی کار کو روک کر اس میں سوار بلال احمد بٹ ولد عبدالرحمن بٹ ساکنہ حیدر پورہ کی جامہ تلاشی لی جس دوران اس کے قبضے سے 18.5گرام ہیروئن برآمد ہوئی ۔ پولیس نے موقع پر ہی منشیات فروش کو حراست میں لے کر اس کے خلاف ایف آئی آر زیر نمبر 219/2019کے تحت پولیس اسٹیشن بڈگام میں کیس درج کرکے تحقیقات شروع کی ہے۔  

پہلے پندرہ روز میں درشن کرنے والے یاتریوں کی تعداد کا چار سالہ ریکارڈ ٹوٹ گیا

سرینگر/جاری امرناتھ یاترا کے دوران پہلے پندرواڑے کے دوران گپھا میں درشن کرنے والے یاتریوں کی تعداد کے سلسلے میں چار سالہ ریکارڈ ٹوٹ گیا ہے۔ حکام نے بدھ کو بتایا کہ پہلے پندرہ روز کے دوران دو لاکھ سے زیادہ یاتریوں نے امر ناتھ گپھا میں درشن کرلئے ہیں جو گذشتہ چار سال میں اس عرصہ کے دوران درشن کرنے والوں کی تعداد کا ایک ریکارڈ ہے۔ حکام نے کہا کہ گذشتہ روز4584یاتریوں نے گپھا میں درشن کرلئے جس کے بعد یکم جولائی سے شروع ہونے والی یاترا کے دوران اب تک 2,05.083یاتریوں نے درشن کرلئے اور پہلے پندرہ روز کے دوران درشن کرنے والوں کی یہ تعداد گذشتہ چار سال میں سب سے زیادہ ہے۔ دریں اثناء آج صبح مزید1,972یاتری جموں سے وادی کی طرف روانہ ہوگئے ہیں۔  

شمالی کشمیر کے سوپور میں فورسز اور جنگجو ئوں کے درمیان مسلح جھڑپ

سوپور/ شمالی کشمیر کے سوپور علاقے میں بدھ کی صبح فورسز اور جنگجو ئوں کے درمیان مسلح جھڑپ شروع ہوگئی ۔ ذرائع کا کہنا ہے کہ فوج کی 21 راشٹریہ رائفلز اور سپیشل آپریشن گروپ کے اہلکاروں نے ایک مصدقہ اطلاع ملنے کے بعد گنڈ براٹھ سوپور کو محاصرے میں لیکر تلاشی کاروائی شروع کی۔ ذرائع نے مزید بتایا کہ جوں ہی فورسز نے جنگجو ئوں کو ڈھونڈ نکالنے کے لئے تلاشی کاروائی شروع کی تو چھپے جنگجوئوں اور فورسز کے مابین گولیوں کا تبادلہ شروع ہوا جو آخری اطلاعات ملنے تک جاری تھا ۔ علاقہ میں انٹر نیٹ سروس کو معطل کیا گیا ہے جبکہ حکام نے تعلیمی اداروں کو بھی دن بھر کیلئے بند کرنے کے احکامات صادر کئے ہیں۔  

بارہمولہ میں شہری کے قتل میں ملوث 2افراد گرفتار: پولیس

 سرینگر /پولیس نے منگل کو ایک بیان جاری کرتے ہوئے کہا کہ شمالی کشمیر میں بارہمولہ پولیس نے ایک دکاندار، سمیر احمد آہنگر کے قتل میں ملوث دو افراد کو گرفتار کر لیا ہے۔ پولیس نے گرفتار شدگان کی شناخت عاقب بشیر اور عاقب شالہ کے طور کی ہے ۔ پولیس بیان کے مطابق 30جون شام 8بجکر 45منٹ پر جنگجوئوں نے آزاد گنج بارہ مولہ میں 28سالہ دکاندار سمیر یوسف آہنگر پر گولیاں چلائیں جس کے نتیجے میں وہ شدید طورپر زخمی ہوا، اگر چہ اسے فوری طورپر علاج ومعالجہ کی خاطر نزدیکی اسپتال منتقل کیا گیا تاہم وہ وہاں زخموں کی تاب نہ لا کر چل بسا۔  پولیس نے معاملے کی نسبت ایف آئی آر زیر نمبر 112/2019کے تحت کیس درج کرکے تحقیقات شروع کی۔ پولیس بیان کے مطابق معاملے کی تہہ تک پہنچنے کی خاطر اے ایس پی بارہ مولہ کی سربراہی میں خصوصی تحقیقاتی کمیٹی کا قیام عمل میں لایا گیا ۔ چنانچہ دوران تحقیقات پولیس

وسطی کشمیر میں دریائے جہلم سے عدم شناخت لاش بر آمد

 سرینگر /وسطی ضلع گاندربل کے ڈار محلہ علاقے میں منگل کودریائے جہلم سے پولیس نے ایک شخص کی عدم شناخت لاش برآمد کی ہے۔ پولیس نے اپنے ایک بیان میں بتایا ہے کہ متوفی نے کالے رنگ کا اپر اور سبز قمیض پہن رکھی ہے ۔ پولیس کے مطابق نعش کو پولیس کنٹرول روم کشمیر کے مردہ خانے میں شناخت کی خاطر رکھا گیا ہے۔  پولیس نے اس سلسلے میں دفعہ 174سی آر پی سی کے تحت کیس درج کرکے تحقیقات شروع کی ہے۔پولیس نے کہا ہے کہ اگر کسی کو بھی اس عدم شناخت لاش کی پہچان کے بارے میں کوئی علمیت ہو تو وہ پولیس پوسٹ شادی پورہ گاندربل یا پھر پولیس کنٹرول روم کشمیر کے ٹول فری نمبر 100پر رابط قائم کرسکتا ہے۔  

گاندربل میں نقب زنی کا معمہ حل، دو سارق گرفتار:پولیس

 سرینگر /پولیس کی طرف سے منگل کو جاری ایک بیان میں بتایا گیا ہے کہ گاندربل ضلع میں پولیس اسٹیشن صفا پورہ کو اطلاع موصول ہوئی تھی کہ دو افرادغیر قانونی طورپر پائپیں چرانے کی نیت سے واٹر پمپ اسٹیشن میں داخل ہو ئے ہیں۔ بیان کے مطابق چنانچہ اطلاع موصول ہوتے ہی پولیس نے فوری طورپر کارروائی کرکے دو افراد،جن کی شناخت منظور احمد گورو ولد عبدالعزیز اور عارف احمد گورو ولد بشیر احمد ساکنان نانرا سمبل کے بطور ہوئی ہے، کو رنگے ہاتھوں دبوچ لیا۔ بیان میں مزید بتایا گیا ہے کہ تحقیقات کے دوران پولیس کو پتہ چلاہے کہ مذکورہ افراد واٹر پمپ اسٹیشن کے اندر گھسنے میں کامیاب ہوئے تھے اوران سے وہ واٹر پائپیں بھی برآمد ہوئیں جو انہوں نے چرا لیں تھیں۔تفتیش کے دوران پولیس کو معلوم ہوا ہے کہ یہ دونوں چوری کی اس واردات میں براہ راست ملوث ہیں۔ پولیس نے اس ضمن میں ایف آئی آر زیر نمبر 09/2019کے تحت کی

ضلع بانڈی پورہ میں احتجاجی دھرنوں پر پابندی عاید

سرینگر/بانڈی پورہ کی ضلع انتظامیہ نے منگل کو سڑکوں پر احتجاجی دھرنا دینے پر پابندی عاید کی ہے۔ یہ پابندیاں دفعہ 144کے تحت عاید کی گئی ہیں۔ ضلع مجسٹریٹ بانڈی پورہ شہباز احمد مرزا نے ایک حکمنامہ جاری کرتے ہوئے کہا کہ انتظامیہ ہمیشہ لوگوں کے مسائل حل کرنے کیلئے متحرک رہتی ہے اور اُن کے معاملات سننے کیلئے تیار ہوتی ہے لیکن بعض ''شرپسند عناصر'' معمولی معاملات پر سڑکیں بلاک کرتے ہیں۔    

پلوامہ کے نوجوان نے عسکریت ترک کی :پولیس

سرینگر/پولیس نے منگل کو بتایا کہ جنوبی ضلع پلوامہ کے ایک جنگجو نے عسکریت ترک کرکے عام زندگی گذرانے کا فیصلہ کیا ہے۔ پولیس کے مطابق ضلع پلوامہ کے ایک جنگجو نے عسکریت کی راہ چھوڑ کر عام زندگی جینے کا فیصلہ کیا ہے۔ پولیس نے تاہم مذکورہ جنگجو کی شناخت ظاہر نہیں کی ہے۔  

تازہ ترین