سوپور معرکہ آرائی میں جنگجو جاں بحق، فورسز کا تلاشی آپریشن جاری

  سرینگر/ شمالی کشمیر کے سوپور علاقے میں بدھ کو فورسز اور جنگجو ئوں کے درمیان جومسلح جھڑپ شروع ہوئی تھی اس کے دوران ایک جنگجو جاں بحق ہوگیا ہے جبکہ فورسز کا تلاشی آپریشن جاری ہے۔ ایس ایس پی سوپور کا حوالہ دیتے ہوئے خبر رساں ایجنسی جی این ایس نے لکھا ہے کہ ایک جنگجو کی لاش اور اُس کا سلحہ بھی بر آمد ہوگیا ہے۔ انہوں نے تاہم کہا کہ فورسز کا تلاشی آپریشن جاری ہے۔ اس سے قبل آج صبح فوج کی 21 راشٹریہ رائفلز اور سپیشل آپریشن گروپ کے اہلکاروں نے ایک مصدقہ اطلاع ملنے کے بعد گنڈ براٹھ سوپور کو محاصرے میں لیکر تلاشی کاروائی شروع کی تھی۔  جوں ہی فورسز نے جنگجو ئوںکو ڈھونڈ نکالنے کے لئے تلاشی کاروائی شروع کی تو چھپے جنگجوئوں اور فورسز کے مابین گولیوں کا تبادلہ شروع ہوا۔ علاقے میں انٹر نیٹ سروس کو معطل کیا گیا ہے ۔ حکام نے علاقے میں تعلیمی ادارے بھی دن بھر کیلئے

کفایت رضوی ریڈ کراس سوسائٹی کی ریاستی برانچ کے اعزازی جنرل سیکریٹری تعینات

سرینگر/گورنر انتظامیہ نے بدھ کو کفایت حسین رضوی کو انڈین ریڈ کراس (آئی آر سی) جموں کشمیر برانچ کا اعزازی جنرل سیکریٹری تعینات کیا۔ کفایت رضوی کی تعیناتی تین برس کیلئے عمل میں لائی گئی ہے۔ کفایت رضوی لیبر اینڈ ایمپلائمنٹ محکمہ، جموں کشمیر میں بطور کمشنر سیکریٹری فائز رہے ہیں۔  

پیپلز ڈیمو کریٹک پارٹی کو دھچکہ، سینئر لیڈر اور سابق وزیر خلیل بند مستعفی

سرینگر/پیپلز ڈیمو کریٹک پارٹی (پی ڈی پی) کے سینئر لیڈر، سابق وزیر اور ضلع پلوامہ کے صدر محمد خلیل بند ،بدھ کو پارٹی کی بنیادی رکنیت سے مستعفی ہوگئے۔ انہوں نے اپنے استعفیٰ میں لکھا ہے کہ پارٹی نے سابق وزیر اعلیٰ مفتی محمد سعید کی وفات کے بعد اصولوں سے انحراف کیا ہے اوراہم فیصلے لیتے وقت پارٹی نے سینئر ارکان کو اعتماد میں نہیں لیا ہے۔ خلیل بند ،پارٹی کے سینئر لیڈر، سابق وزیر اور ضلع پلوامہ کے صدر تھے اور انہوں نے پارٹی کیخلاف کئی الزامات عاید کرتے ہوئے استعفیٰ دیدیا ہے۔ خلیل کے اس اقدام کو پی ڈی پی کیلئے بڑا دھچکہ قرار دیا جارہا ہے۔  

بڈگام میں بد نام زمانہ منشیات فروش کے قبضے سے 18.5گرام ہیروئن برآمد:پولیس

 سرینگر/پولیس کی طرف سے بدھ کو جاری ایک بیان میں بتایا گیا ہے کہ بڈگام پولیس نے "بد نام زمانہ" منشیات فروش کی گرفتاری عمل میں لا کر اس کے قبضے سے ممنوعہ نشیلی اشیابرآمد کرکے ضبط کی ہے۔ پولیس بیان کے مطابق مصدقہ اطلاع موصول ہونے کے بعد پولیس نے سبدن چوک بڈگام میں ناکہ چیکنگ کے دوران ایک ماروتی کار کو روک کر اس میں سوار بلال احمد بٹ ولد عبدالرحمن بٹ ساکنہ حیدر پورہ کی جامہ تلاشی لی جس دوران اس کے قبضے سے 18.5گرام ہیروئن برآمد ہوئی ۔ پولیس نے موقع پر ہی منشیات فروش کو حراست میں لے کر اس کے خلاف ایف آئی آر زیر نمبر 219/2019کے تحت پولیس اسٹیشن بڈگام میں کیس درج کرکے تحقیقات شروع کی ہے۔  

پہلے پندرہ روز میں درشن کرنے والے یاتریوں کی تعداد کا چار سالہ ریکارڈ ٹوٹ گیا

سرینگر/جاری امرناتھ یاترا کے دوران پہلے پندرواڑے کے دوران گپھا میں درشن کرنے والے یاتریوں کی تعداد کے سلسلے میں چار سالہ ریکارڈ ٹوٹ گیا ہے۔ حکام نے بدھ کو بتایا کہ پہلے پندرہ روز کے دوران دو لاکھ سے زیادہ یاتریوں نے امر ناتھ گپھا میں درشن کرلئے ہیں جو گذشتہ چار سال میں اس عرصہ کے دوران درشن کرنے والوں کی تعداد کا ایک ریکارڈ ہے۔ حکام نے کہا کہ گذشتہ روز4584یاتریوں نے گپھا میں درشن کرلئے جس کے بعد یکم جولائی سے شروع ہونے والی یاترا کے دوران اب تک 2,05.083یاتریوں نے درشن کرلئے اور پہلے پندرہ روز کے دوران درشن کرنے والوں کی یہ تعداد گذشتہ چار سال میں سب سے زیادہ ہے۔ دریں اثناء آج صبح مزید1,972یاتری جموں سے وادی کی طرف روانہ ہوگئے ہیں۔  

شمالی کشمیر کے سوپور میں فورسز اور جنگجو ئوں کے درمیان مسلح جھڑپ

سوپور/ شمالی کشمیر کے سوپور علاقے میں بدھ کی صبح فورسز اور جنگجو ئوں کے درمیان مسلح جھڑپ شروع ہوگئی ۔ ذرائع کا کہنا ہے کہ فوج کی 21 راشٹریہ رائفلز اور سپیشل آپریشن گروپ کے اہلکاروں نے ایک مصدقہ اطلاع ملنے کے بعد گنڈ براٹھ سوپور کو محاصرے میں لیکر تلاشی کاروائی شروع کی۔ ذرائع نے مزید بتایا کہ جوں ہی فورسز نے جنگجو ئوں کو ڈھونڈ نکالنے کے لئے تلاشی کاروائی شروع کی تو چھپے جنگجوئوں اور فورسز کے مابین گولیوں کا تبادلہ شروع ہوا جو آخری اطلاعات ملنے تک جاری تھا ۔ علاقہ میں انٹر نیٹ سروس کو معطل کیا گیا ہے جبکہ حکام نے تعلیمی اداروں کو بھی دن بھر کیلئے بند کرنے کے احکامات صادر کئے ہیں۔  

بارہمولہ میں شہری کے قتل میں ملوث 2افراد گرفتار: پولیس

 سرینگر /پولیس نے منگل کو ایک بیان جاری کرتے ہوئے کہا کہ شمالی کشمیر میں بارہمولہ پولیس نے ایک دکاندار، سمیر احمد آہنگر کے قتل میں ملوث دو افراد کو گرفتار کر لیا ہے۔ پولیس نے گرفتار شدگان کی شناخت عاقب بشیر اور عاقب شالہ کے طور کی ہے ۔ پولیس بیان کے مطابق 30جون شام 8بجکر 45منٹ پر جنگجوئوں نے آزاد گنج بارہ مولہ میں 28سالہ دکاندار سمیر یوسف آہنگر پر گولیاں چلائیں جس کے نتیجے میں وہ شدید طورپر زخمی ہوا، اگر چہ اسے فوری طورپر علاج ومعالجہ کی خاطر نزدیکی اسپتال منتقل کیا گیا تاہم وہ وہاں زخموں کی تاب نہ لا کر چل بسا۔  پولیس نے معاملے کی نسبت ایف آئی آر زیر نمبر 112/2019کے تحت کیس درج کرکے تحقیقات شروع کی۔ پولیس بیان کے مطابق معاملے کی تہہ تک پہنچنے کی خاطر اے ایس پی بارہ مولہ کی سربراہی میں خصوصی تحقیقاتی کمیٹی کا قیام عمل میں لایا گیا ۔ چنانچہ دوران تحقیقات پولیس

وسطی کشمیر میں دریائے جہلم سے عدم شناخت لاش بر آمد

 سرینگر /وسطی ضلع گاندربل کے ڈار محلہ علاقے میں منگل کودریائے جہلم سے پولیس نے ایک شخص کی عدم شناخت لاش برآمد کی ہے۔ پولیس نے اپنے ایک بیان میں بتایا ہے کہ متوفی نے کالے رنگ کا اپر اور سبز قمیض پہن رکھی ہے ۔ پولیس کے مطابق نعش کو پولیس کنٹرول روم کشمیر کے مردہ خانے میں شناخت کی خاطر رکھا گیا ہے۔  پولیس نے اس سلسلے میں دفعہ 174سی آر پی سی کے تحت کیس درج کرکے تحقیقات شروع کی ہے۔پولیس نے کہا ہے کہ اگر کسی کو بھی اس عدم شناخت لاش کی پہچان کے بارے میں کوئی علمیت ہو تو وہ پولیس پوسٹ شادی پورہ گاندربل یا پھر پولیس کنٹرول روم کشمیر کے ٹول فری نمبر 100پر رابط قائم کرسکتا ہے۔  

گاندربل میں نقب زنی کا معمہ حل، دو سارق گرفتار:پولیس

 سرینگر /پولیس کی طرف سے منگل کو جاری ایک بیان میں بتایا گیا ہے کہ گاندربل ضلع میں پولیس اسٹیشن صفا پورہ کو اطلاع موصول ہوئی تھی کہ دو افرادغیر قانونی طورپر پائپیں چرانے کی نیت سے واٹر پمپ اسٹیشن میں داخل ہو ئے ہیں۔ بیان کے مطابق چنانچہ اطلاع موصول ہوتے ہی پولیس نے فوری طورپر کارروائی کرکے دو افراد،جن کی شناخت منظور احمد گورو ولد عبدالعزیز اور عارف احمد گورو ولد بشیر احمد ساکنان نانرا سمبل کے بطور ہوئی ہے، کو رنگے ہاتھوں دبوچ لیا۔ بیان میں مزید بتایا گیا ہے کہ تحقیقات کے دوران پولیس کو پتہ چلاہے کہ مذکورہ افراد واٹر پمپ اسٹیشن کے اندر گھسنے میں کامیاب ہوئے تھے اوران سے وہ واٹر پائپیں بھی برآمد ہوئیں جو انہوں نے چرا لیں تھیں۔تفتیش کے دوران پولیس کو معلوم ہوا ہے کہ یہ دونوں چوری کی اس واردات میں براہ راست ملوث ہیں۔ پولیس نے اس ضمن میں ایف آئی آر زیر نمبر 09/2019کے تحت کی

ضلع بانڈی پورہ میں احتجاجی دھرنوں پر پابندی عاید

سرینگر/بانڈی پورہ کی ضلع انتظامیہ نے منگل کو سڑکوں پر احتجاجی دھرنا دینے پر پابندی عاید کی ہے۔ یہ پابندیاں دفعہ 144کے تحت عاید کی گئی ہیں۔ ضلع مجسٹریٹ بانڈی پورہ شہباز احمد مرزا نے ایک حکمنامہ جاری کرتے ہوئے کہا کہ انتظامیہ ہمیشہ لوگوں کے مسائل حل کرنے کیلئے متحرک رہتی ہے اور اُن کے معاملات سننے کیلئے تیار ہوتی ہے لیکن بعض ''شرپسند عناصر'' معمولی معاملات پر سڑکیں بلاک کرتے ہیں۔    

پلوامہ کے نوجوان نے عسکریت ترک کی :پولیس

سرینگر/پولیس نے منگل کو بتایا کہ جنوبی ضلع پلوامہ کے ایک جنگجو نے عسکریت ترک کرکے عام زندگی گذرانے کا فیصلہ کیا ہے۔ پولیس کے مطابق ضلع پلوامہ کے ایک جنگجو نے عسکریت کی راہ چھوڑ کر عام زندگی جینے کا فیصلہ کیا ہے۔ پولیس نے تاہم مذکورہ جنگجو کی شناخت ظاہر نہیں کی ہے۔  

پاکستانی زیر انتظام کشمیر میں بادل پھٹنے سے بھاری تباہی،ہلاکتوں کی اطلاعات

سرینگر/پاکستانی زیر انتظام کشمیر کے وادی نیلم میں لیسوا کے مقام پر بادل پھٹنے اور طوفانی بارش اور سیلابی صورتحال نے بھاری  تباہی مچا دی ہے اور اسکے نتیجے میں ہلاکتوں  کا  خدشہ  ظاہر  کیا  جاتا  ہے۔  ۔پاکستانی میڈیا رپورٹس کے مطابق مظفر آباد سے 60 کلو میٹر دور پاکستانی زیر انتظام کشمیر کے علاقے لیسوا میں بادل پھٹنے کے نتیجے میں خوفناک گرج چمک کے ساتھ طوفانی بارشوں اور سیلابی ریلے سے ندی نالوں میں طغیانی آگئی ہے۔ علاقے میں مواصلاتی نظام درہم برہم ہوگیا ہے اور موبائل و انٹرنیٹ سروسز معطل ہوگئی ہیں۔ سیلابی ریلے کی لپیٹ میں آکر 2 مساجد اور ڈیڑھ درجن سے زائد مکانات بہہ گئے اور24 افراد جاں بحق ہوگئے ہیں ۔ اطلاعات کے مطابق علاقے میں بچائو اور امدادی کارروائیاں جاری ہیں۔  

سرینگر میں دلی پولیس کی کارروائی،مشتبہ جیش جنگجو گرفتار

سرینگر/دلی پولیس کی سپیشل سیل نے منگل کوسرینگرمیں کارروائی عمل میں لاتے ہوئے جیش محمد نامی تنظیم سے وابستہ ایک مشتبہ جنگجو کو گرفتار کرلیا۔ جموں کشمیرپولیس ذرائع نے گرفتار شدہ کی شناخت بصیر احمد کے طور کرتے ہوئے کہا ہے کہ اُس کے سر پر دو لاکھ روپے کا انعام تھا۔  

کشمیرایوانِ صحافت کے پہلے انتخابات ،شجا ع صدر، معظم نائب صدرمنتخب

سرینگر/کشمیر پریس کلب(کشمیرایوانِ صحافت) کے پہلے انتخابات سوموار کو سرینگر میں منعقد ہوئے جس کے دوران شجاع الحق کو اس کا پہلا منتخب صدر اور محمد معظم کو نائب صدر منتخب کیا گیا۔ آج دن بھر چلنے والے انتخابات کے آخر پر ووٹ شماری ہوئی جس کے بعد انتخابی نتائج کا اعلان ہوا۔ اعلان کے مطابق اشفاق تانترے کوکلب کا جنرل سیکریٹری جبکہ فاروق جاوید کو خزانچی منتخب کیا گیا۔ اس کے علاوہ ایوان کے سات ایگزیکٹیو ممبران بھی منتخب ہوئے جن میں حبیب نقاش،ارشد حسین،شفاعت کیرا،الطاف بابا،نثار احمد،گوہر گیلانی اور عاقب جاوید شامل ہیں۔  

جنوبی کشمیرکے کولگام ضلع میں فورسز کا تلاشی آپریشن

سرینگر/سیکورٹی فورسز نے سوموار کو جنوبی ضلع کولگام کے کیموہ علاقے کو محاصرے میں لیکر تلاشی آپریشن شروع کیا۔ ذرائع کے مطابق فورسز کا یہ آپریشن وانی محلہ کھڈونی میں فوج، سی آر پی ایف اور ایس او جی اہلکاروں کی ایک مشترکہ ٹیم نے عمل میں لایا ۔ انہوں نے کہا کہ علاقے میں سبھی راستے بند کردئے گئے ہیں اور تلاشی کا سلسلہ جاری ہے۔  

سوپور میں بد نام زمانہ منشیات فروش گرفتار:پولیس

 سرینگر /پولیس کی جانب سے سوموار کو جاری ایک بیان میں بتایا گیا ہے کہ شمالی کشمیر کے سوپور میں پولیس نے حب ڈانگر پورہ علاقے میں چھاپہ مار کارروائی کے دوران بد نام زمانہ منشیات فروش کو گرفتار کیا ہے۔ پولیس نے گرفتار شدہ کی شناخت منظور احمد ڈار ولد عبدالجبار ڈار ساکنہ حب ڈانگر پورہ کے بطور کرتے ہوئے کہا ہے کہ اُس کے قبضے سے 18گرام براون شوگر برآمد کرکے ضبط کیا گیا۔ بیان کے مطابق پولیس نے معاملے کی نسبت ایف آئی آر زیر نمبر 116/2019کے تحت کیس درج کرکے مزید تحقیقات شروع کی ہے۔  

بڈگام میں دو منشیات فروش گرفتار ، نشہ آور ادویات اور ممنوعہ نشیلی اشیاضبط: پولیس

 سرینگر/ پولیس نے سوموار کو اپنے ایک بیان میں کہا کہ بڈگام پولیس نے ناکہ چیکنگ کے دوران دو افراد کی گرفتاری عمل میں لا کر ان کے قبضے سے ممنوعہ نشیلی اشیابرآمد کرکے ضبط کی۔ بیان کے مطابق میر گنڈ چوک بڈگام کے نزدیک پولیس نے ناکہ چیکنگ کے دوران قیصر احمد بٹ ساکنہ ہمہامہ بڈگام کی گرفتاری عمل میں لا کر اس کے قبضے سے 408نشیلی کپشول برآمد کئے۔ پولیس آفیسران نے موقع پر ہی منشیات فروش کو حراست میں لے کر اس کے خلاف ایف آئی آر زیر نمبر 216/2019کے تحت کیس درج کرکے تحقیقات شروع کی ہے۔ پولیس کے مطابق اسی طرح کی اور ایک کارروائی کے دوران بڈگام پولیس نے رسیونگ اسٹیشن کھاگ کے نزدیک ناکہ لگایا جس دوران نذیر احمد بٹ ساکنہ ہردو سریش کو روک کراس کی جامی تلاشی لی گئی ۔  دورانِ تلاشی پولیس نے مذکورہ شخص کے قبضے سے ایک کلو گرام بھنگ پاوڈر اور 70گرام چرس برآمد کرکے ضبط کیا۔پولیس نے مز

جموں میں بی ایس ایف کے ہاتھوں پاکستانی درانداز کی گولی مار کرموت : حکام

سرینگر/حکام نے سوموار کو کہا کہ بارڈر سیکورٹی فورسز (بی ایس ایف) کے اہلکاروں نے جموں میں بین الاقوامی سرحد پرسامبہ سیکٹر میں ایک مشتبہ پاکستانی در انداز کو گولی مار کر ہلاک کردیا۔ یہ واقعہ گذشتہ رات کے دوران کم و بیش تین بجے ایم ایس پورا پوسٹ کے نزدیک پیش آیاجہاں ایک درانداز نے بھارتی علاقے میں گھسنے کی کوشش کی۔ مرنے والے مشتبہ در انداز کی عمر60سال سے زیادہ بتائی جاتی ہے۔ حکام کے مطابق درانداز کو بی ایس ایف کی62ویں بٹالین سے وابستہ اہلکاروں نے ہلاک کیا ہے۔ ہلاک شدہ کی لاش ایس ایم پورا بارڈر پوسٹ میں رکھی گئی ہے۔  

امرناتھ گپھاکی راہ میں مزیدتین یاتریوں کی موت واقع

سرینگر/حکام نے سوموار کو کہا کہ امرناتھ گپھا کی راہ میں مزید تین یاتریوں کی موت واقع ہوئی ہے۔  انہوں نے کہا کہ تین یاتریوں کی موت سے اب تک اس سال کی یاترا میں مرنے والے یاتریوں کی تعداد چھ ہوگئی ہے۔ پولیس ذرائع کے مطابق 63سالہ سندر دیوی ساکنہ راجستھان بالہ تل بیس کیمپ میں دل کا دورہ پڑنے سے جاں بحق ہوگئی جبکہ مدھیہ پردیش کا رہنے والا35سالہ اجے مالویہ بالہ تل کے آس پاس اچانک بے ہوش کر گرگیا جس کے بعد اُسے اسپتال پہنچایا گیا جہاں اُسے مردہ قرار دیا گیا۔ حکام نے مزید کہا کہ اسی طرح پنجاب کا رہنے والا 52سالہ ڈمپل شرما گپھا کے نزدیک حرکت قلب بند ہونے کی وجہ سے لقمہ اجل بن گیا۔ اس سال امرناتھ یاترا یکم جولائی کو شروع ہوئی جو 15اگست تک جاری رہے گی۔    

تازہ ترین