تازہ ترین

اننت ناگ معرکے میں فوجی آفیسر، جنگجو جاں بحق: پولیس

سرینگر/پولیس نے سوموار کی شام اپنے ایک بیان میں کہا کہ حفاظتی عملے کو یہ اطلاع موصول ہوئی کہ جنگجوجنوبی ضلع اننت ناگ کے بڈورا اچھ بل علاقے میں چھپے بیٹھے ہیں تو پولیس اور سیکورٹی فورسز نے مشترکہ طورپر اس علاقے کو محاصرے میں لے لیا اور انہیں ڈھونڈ نکالنے کیلئے کارروائی شروع کی۔ پولیس کے مطابق فرار ہونے کے تمام راستے مسدود پا کر جنگجوئوں نے حفاظتی عملے پر اندھا دھند فائرنگ شروع کی ۔ چنانچہ سلامتی عملے نے بھی پوزیشن سنبھال کر جوابی کارروائی کا آغاز کیا اور اس طرح سے طرفین کے مابین جھڑپ شروع ہوئی۔ پولیس نے کہا کہ کچھ عرصہ تک جاری رہنے والی اس جھڑپ میں ایک جنگجو جاں بحق ہوگیاجسکی شناخت اور تنظیمی وابستگی کے بارے میں جانچ پڑتال شروع کی گئی ہے۔ معرکہ آرائی کے دوران پولیس کے مطابق ایک فوجی آفیسر کیتن شرما گولیاں لگنے سے زخمی ہوا۔ اگر چہ اسے فوری طورپر نزدیکی اسپتال منتقل کیا گیا تا

آری ہل پلوامہ دھماکے میں6فوجی اہلکار،2شہری زخمی:پولیس

سرینگر/پولیس نے سوموار کی شام ایک بیان میں کہا کہ آری ہل پلوامہ میں فوج کی ایک موبائیل پیٹرولنگ گاڑی دھماکہ کی زد میں آگئی جس کے نتیجے میں 6اہلکار مضروب ہوگئے جن کی حالت اسپتال میں مستحکم بتائی جارہی ہے۔ پولیس بیان کے مطابق علاقے کو محاصرے میں لے کر تلاشی آپریشن شروع کیا گیا ہے۔ پولیس نے مزید کہا کہ علاوہ ازیں دھماکہ میں دو عام شہری بھی زخمی ہو گئے جنہیں فورسز اہلکاروں نے فوری طورپر علاج ومعالجہ کی خاطر نزدیکی اسپتال پہنچا دیا۔  

وسطی کشمیر میں آسمانی بجلی گرنے سے شہری جاں بحق

سرینگر/وسطی کشمیر کے باکورہ گاندربل میں سوموار کوایک 42سالہ شخص آسمانی بجلی گرنے سے لقمہ اجل بن گیا۔  کشمیر عظمی کو ملی تفصیلات کے مطابق گاندربل کے باکورہ علاقے میں محمد یوسف میر ولد عبدلعزیز میر دھان کے کھیت میں کام کررہا تھا۔  اس  دوران وہ   آسمان  سے گرنے  والی  بجلی  کی  زد  میں  آگیا    جس سے اُس کی موت واقع ہوئی۔  اطلاع ملتے ہی پولیس اور سیول انتظامیہ جائے واردات پر پہنچ گئے۔ ایس ایس پی گاندربل خلیل احمد نے اس کی واقعہ کی تصدیق کرتے ہوئے کہا کہ مذکورہ شخص کی موت آسمانی بجلی گرنے سے واقع ہوئی  ہے۔  

سرینگر میں مہلوک پولیس آفیسر کی میت پر گلباری

 سرینگر/رواں ماہ کی12تاریخ کو جنوبی قصبہ اننت ناگ میں ہوئے جنگجویانہ حملے کے نتیجے میں جاں بحق ہوئے پولیس آفیسر ارشید احمد خان ،جو کہ اسپتال میں زخموں کی تاب نہ لاتے ہوئے دم توڑ بیٹھا ،کو خراج عقیدت ادا کرنے کی خاطر سوموار کو پولیس لائنز سرینگر میں ایک تقریب منعقد ہوئی جس کے دوران میت پر گلباری ہوئی ۔ پولیس کی طرف سے جاری ایک بیان کے مطابق اس تقریب میں ریاستی گورنر کے مشیر ، داخلہ سیکریٹری ، پولیس سربراہ اور دوسرے سینئر آفیسران نے شرکت کی ۔  بیان کے مطابق مذکورہ آفیسران نے ترنگے سے لپٹے ارشید احمد کی جسدِ خاکی پر پھول نچھاور کئے اور انہیں شاندارخراج پیش کیا۔ بیان میں بتایاگیا کہ ارشید احمد خان نے اپنے پیچھے والدین ، بیوہ، پانچ سالہ ابوہان خان ، دو سالہ دانم خان اور ایک غیر شادی شدہ بھائی کو چھوڑا ہے۔  

اننت ناگ معرکہ آرائی کے دوران فوجی آفیسر ہلاک، تین زخمی

سرینگر/جنوبی ضلع اننت ناگ میں سوموار کوجنگجوئوں کے ساتھ معرکہ آرائی کے دوران ایک فوجی آفیسر ہلاک جبکہ ایک آفیسر سمیت تین اہلکار زخمی ہوگئے۔ خبر رساں ایجنسی پی ٹی آئی کے مطابق ہلاک شدہ آفیسر فوج کا ایک میجر تھا جبکہ زخمی ہونے والے تین اہلکاروں میں بھی ایک میجر شامل ہے۔ یہ معرکہ آرائی ضلع کے اچھہ بل علاقے میں آج صبح سے جاری ہے۔ مقامی خبر رساں ایجنسی جی این ایس کے مطابق فوج اور ایس او جی اہلکاروں کی ایک مشترکہ ٹیم نے بدورا، اکنگام گائوں کو محاصرہ میں لیکر تلاشیاں شروع کیں جس کے دوران معرکہ آرائی پیش آگئی۔ جی این ایس کے مطابق طرفین کے مابین گولیاں چلنے کے نتیجے میں فوج کا ایک میجر جس کی شناخت میجر راہل ورما کے طور ہوئی ہے، کے ساتھ ساتھ دو فوجی اہلکار بھی گولیاں لگنے سے زخمی ہوگئے ہیں ۔ زخمی فوجیوں کو اسپتال منتقل کیا گیا ہے۔ اس سے قبل معرکہ آرائی کی جگہ پر دو لاشیں

اننت ناگ میں معرکہ آرائی کے مقام پر جھڑپیں

سرینگر/جنوبی کشمیر کے اننت ناگ ضلع میں سوموار کو جنگجوئوں اور فورسز اہلکاروں کے مابین جہاں معرکہ آرائی جاری ہے وہاں آس پاس مظاہرین اور فورسز کے درمیان جھڑپیں بھی چل رہی ہیں۔ یہ معرکہ آرائی ضلع کے اچھہ بل علاقے میں آج صبح سے جاری ہے۔ مقامی ذرائع کے مطابق سینکڑوں مظاہرین نے سڑکوں پر آکر فورسز کا جنگجو مخالف آپریشن ناکام بنانے کی خاطر اہلکاروں پر سنگباری کی جس کے بعد یہاں جھڑپوں کا سلسلہ شروع ہوگیا۔ اس سے قبل ذرائع کے مطابق فوج اور ایس او جی اہلکاروں کی ایک مشترکہ ٹیم نے بدوورا، اکنگام گائوں کو محاصرہ میں لیکر تلاشیاں شروع کیں جس کے دوران معرکہ آرائی کا واقعہ پیش آیا۔ خبر رساں ایجنسی جی این ایس کے مطابق طرفین کے مابین گولیاں چلنے کے نتیجے میں فوج کا ایک میجر جس کی شناخت میجر راہل ورما کے طور ہوئی ہے، کے ساتھ ساتھ دو فوجی اہلکار بھی گولیاں لگنے سے زخمی ہوگئے ہیں ۔ زخمی

وسطی کشمیر کے ضلع گاندربل میں دوشیزہ کی خود کُشی

سرینگر/وسطی کشمیر میں سوموار کو گوجر پتی گنڈ ،کنگن نامی علاقے میں ایک دوشیزہ نے زہر کھاکر اپنی زندگی کا خاتمہ کردیا۔  پولیس ذرائع نے بتایا کہ وسطی کشمیر کے گاندربل ضلع میں گوجر پتی گنڈ میں ایک دوشیزہ نے نا معلوم وجوہات کی بنا پر اپنے ہی گھر میں موجودہ کوئی زہریلی شئے کھالی جس کے بعدس کی حالت بگڑ گئی۔ اگرچہ مذکورہ دوشیزہ کو فوری طور نزدیکی ہسپتال منتقل کیا گیا، لیکن ڈاکٹروں نے اسکی حالت نازک قرار دیکر ا س کوسکمزمنتقل کیا جہاں پرا سکی موت واقع ہوگئی۔ فوری  طور  پر  یہ  معلوم  نہیں  ہوسکا  ہے  کہ  مذکورہ  دوشیزہ  نے  یہ  انتہائی  اقدام  کیوں  اٹھایا  تاہم  ذرائع  کے  مطابق  پولیس  نے حقائق  جاننے  کیلئے تحقیقات  شروع  کی  ہے  

جنوبی کشمیر کے پلوامہ میں فورسز کے شبانہ چھاپوں کے دوران 7گرفتار

سرینگر/جنوبی کشمیر کے پلوامہ ضلع میں دوران شب فورسز نے مختلف چھاپوں کے دوران سات افراد کی گرفتاری عمل میں لائی۔ اطلاعات کے مطابق فورسز نے پلوامہ کے کاکا پورہ علاقے میں دوران شب چھاپے مار کر سات افراد کو گرفتار کرلیا۔ پولیس ذرائع نے اگر چہ مذکورہ گرفتاریوں کی تصدیق کی تاہم اُنہوں نے ان گرفتاریوں کی وجوہات نہیں بتائیں۔  

اننت ناگ معرکہ آرائی میں آفیسر سمیت تین فوجی اہلکار زخمی

سرینگر/جنوبی کشمیر کے اننت ناگ ضلع میں  سوموار کو جنگجوئوں اور فورسز اہلکاروں کے مابین معرکہ آرائی کے دوران ایک آفیسر سمیت تین فوجی اہلکار زخمی ہوگئے ہیں۔ یہ معرکہ آرائی ضلع کے اچھہ بل علاقے میں آج صبح سے جاری ہے۔ خبر رساں ایجنسی جی این ایس کے مطابق فوج اور ایس او جی اہلکاروں کی ایک مشترکہ ٹیم نے بدورا، اکنگام گائوں کو محاصرہ میں لیکر تلاشیاں شروع کیں جس کے دوران معرکہ آرائی پیش آگئی۔ جی این ایس کے مطابق طرفین کے مابین گولیاں چلنے کے نتیجے میں فوج کا ایک میجر جس کی شناخت میجر راہل ورما کے طور ہوئی ہے، کے ساتھ ساتھ دو فوجی اہلکار بھی گولیاں لگنے سے زخمی ہوگئے ہیں ۔ زخمی فوجیوں کو اسپتال منتقل کیا گیا ہے۔ اس سے قبل معرکہ آرائی کی جگہ پر دو لاشیں بھی دیکھی گئی تھیں جن کی شناخت ابھی تک نہیں ہوئی تھی۔ اس دوران طرفین میں تازہ فائرنگ کا آغاز ہوگیا ہے جبکہ فورسز نے

اننت ناگ معرکہ آرائی کی جگہ پر دو لاشیں ، تازہ فائرنگ شروع

سرینگر/جنوبی کشمیر کے اننت ناگ ضلع میں سوموار کو جنگجوئوں اور فورسز اہلکاروں کے مابین معرکہ آرائی کی جگہ پر دو لاشیں دیکھی گئی ہیں۔ یہ معرکہ آرائی ضلع کے اچھہ بل علاقے میں آج صبح سے جاری ہے۔ خبر رساں ایجنسی جی این ایس کے مطابق فوج اور ایس او جی اہلکاروں کی ایک مشترکہ ٹیم نے بدورا، اکنگام گائوں کو محاصرہ میں لیکر تلاشیاں شروع کیں جس کے دوران معرکہ آرائی پیش آگئی۔ جی این ایس کے مطابق طرفین کے مابین گولیاں چلنے کے کچھ دیر بعد وہاں پر دو لاشیں دیکھی گئی ہیں جن کی شناخت ابھی تک نہیں ہوئی تھی۔ اس دوران طرفین میں تازہ فائرنگ کا آغاز ہوگیا ہے جبکہ فورسز نے محاصرہ مزید سخت کردیا ہے اور آپریشن جاری ہے۔  

پونچھ میں کنٹرول لائن پر ہند۔پاک افواج کے درمیان فائرنگ،فوجی اہلکار زخمی

سرینگر/ضلع پونچھ میں کنٹرول لائن پر ہند۔پاک افواج کے مابین سوموار کوکراس فائرنگ کے واقعہ میں ایک فوجی اہلکار زخمی ہوا ہے ۔ خبر رساں ایجنسی جی این ایس کے مطابق پاکستانی افواج نے بھارتی ٹھکانوں کو پونچھ کے کرشنا گھاٹی سیکٹر میں آج صبح نشانہ بنایا۔ بھارتی افواج نے بھی گولیوں کا جواب دیدیا اور یوں کراس فائرنگ کا آغاز ہوا۔ اس واقعہ میں ایک فوجی اہلکار گولی لگنے کے نتیجے میں زخمی ہوگیا جس کو نزدیکی فوجی اسپتال منتقل کیا گیا ۔ آخری اطلاعات ملنے تک علاقے میں کراس فائرنگ کا سلسلہ جاری تھا۔  

نگین جھیل میں دو ہائوس بوٹ آگ کی پُر اسرار واردات میں خاکستر

سرینگر/ سرینگر میں واقع نگین جھیل کے اندر موجود دو ہائوس بوٹ آگ کی پُر اسرار واردات کے دوران خاکستر ہوئے ہیں۔ ذرائع نے سوموار کو بتایا کہ یہ واردات گذشتہ رات کے دوران پیش آیا۔ اطلاعات کے مطابق ایک ہائوس بوٹ کے اندر رات کے ایک بجے آگ نمودار ہوئی جس نے پاس ہی موجود دوسرے ہائوس بوٹ کو بھی اپنی لپیٹ میں لے لیا۔ فوری طور پر آگ بجھانے والا عملہ جائے واردات پر پہنچ گیا جن کی انتھک کوششوں کے بعد اس پر قابو پالیا گیا۔ بتایا جاتا ہے کہ آگ لگنے کی وجہ بجلی شارٹ سرکٹ تھا۔  

اننت ناگ کے اچھہ بل علاقے میں جنگجوئوں اور فورسز کے مابین گولیوں کا تبادلہ

سرینگر/جنوبی کشمیر کے اننت ناگ ضلع میں سوموار کو جنگجوئوں اور فورسز اہلکاروں کے مابین گولیوں کا تبادلہ ہوا۔ یہ واقعہ ضلع کے اچھہ بل علاقے میں آج صبح پیش آیا۔ خبر رساں ایجنسی جی این ایس کے مطابق فوج اور ایس او جی اہلکاروں کی ایک مشترکہ ٹیم نے بدوورا، اکنگام گائوں کو محاصرہ میں لیکر تلاشیاں شروع کیں جس کے دوران گولیوں کے تبادلے کا یہ واقعہ پیش آیا۔ پولیس ذرائع کا حوالہ دیتے ہوئے جی این ایس نے لکھا ہے کہ فورسز نے گائوں میں جنگجوئوں کی موجودگی کی مصدقہ اطلاع کے بعد آپریشن کا آغاز کیا تھا جس کے دوران فائرنگ کا واقعہ پیش آیا۔ واقعہ کے بعد فورسز نے محاصرہ مزید سخت کردیا ہے اور آپریشن جاری ہے۔  

سرینگر میں شاطر نقب زنوں کا بھانڈا پھوڑ دیا ، 5سارق گرفتار: پولیس

سرینگر پولیس نے سنیچر کو ایک بیان جاری کرتے ہوئے کہا کہ اُنہوں نے نقب زنوں کے ایک گروہ کا پردہ فاش کرتے ہوئے پانچ چوروں کی گرفتاری عمل میں لا کر ان کے قبضے سے لاکھوں روپیہ مالیت کا مالہ مسروقہ برآمد کیا۔ بیان کے مطابق صفا کدل پولیس کو تحریری طورپر شکایت موصول ہوئی کہ باغ نند سنگھ علاقے میں قائم گودام سے نقب زنوں نے لاکھوں روپیہ مالیت کا مالہ مسروقہ اڑایا ہے ۔ اطلاع ملتے ہی پولیس نے اس سلسلے میں ایف آئی آر زیر نمبر 76/2019کے تحت کیس درج کرکے تحقیقات شروع کی۔  بیان میں مزید کہا گیا کہ ایس ایس پی سرینگر حسیب مغل کی ہدایت پر ایس ڈی پی او ایم آر گنج ، ایس ایچ او صفا کدل ، انچارج پولیس پوسٹ باغیاث اور انچارج پولیس پوسٹ نورباغ کی سربراہی میں خصوصی تحقیقاتی ٹیم کا قیام عمل میں لایا گیا ۔چنانچہ پولیس ٹیم نے پیشہ وارانہ صلاحیتوں کو بروئے کار لارتے ہوئے پانچ مشتبہ افراد کی گرفتاری عم

انسداد رشوت بیورو میں سرینگر کے نائب میئر اور جموں کشمیربینک حکام کیخلاف کیس درج

سرینگر/انسداد رشوت بیورو نے سرینگر میونسپل کارپوریشن کے نائب میئر ، جموں کشمیر بینک کے بعض حکام اور کئی سرکاری افسران کیخلاف مبینہ خرد برد کے معاملات کے تحت کیس درج کرلیا ہے۔ انسداد رشوت بیورو کے ایک بیان میں بتایا گیا ہے کہ اس سلسلے میں اننت ناگ بیورو میں کہوہ سکیور پرائیویٹ لمیٹڈ، بہوری کدل سرینگر کے ڈائریکٹر شیخ عمران، جموں کشمیر بینک کے حکام اور کچھ سرکاری افسران کے نام سبسیڈی کا خرد برد کرنے کی پاداش میں کیس درج کیا گیا ہے۔ بیان کے مطابق یہ خرد برد لاسی پورہ پلوامہ میں قائم ہونے والے سٹوریج پروجیکٹ اور دیگر چھ تجارتی یونٹوں  کے  نام  پر  حاصل  قرضوں  میں کیا گیا ہے۔ بیان کے مطابق تحقیقات سے معلوم ہوا ہے کہ شیخ عمران متعدد تجارتی یونٹوں کا مالک ہے اور اس نے اب تک مذکورہ یونٹوں کے نام پر جموں کشمیر بینک سے138کروڑ روپے کا بھاری قرضہ حاصل کر رکھا

جنوبی کشمیر میں ٹرین سروس مسلسل دوسرے روز بھی معطل

سرینگر/جنوبی کشمیر میں حکام نے سنیچر کو مسلسل دوسرے روز ٹرین سروس معطل رکھی ہے۔  جنوبی کشمیر سے گذرنے والی سرینگر۔بانہال ٹرین سروس کی یہ تازہ معطلی اونتی پورہ علاقے میں جمعہ کو دو جنگجوئوں کے جاں بحق ہونے کے پس منظر میں عمل میں آئی ہے۔ تاہم حکام نے اس بات کی وضاحت کی ہے کہ سرینگر سے بارہمولہ تک ٹرین سروس معمول کے مطابق چلتی رہے گی۔ حکام کا کہنا ہے کہ یہ اقدام''احتیاط'' کے طور اٹھایا گیا ہے۔  

ڈوڈہ میں سکولی طالب علم کی غرقآبی، تلاش کا کام جاری

سرینگر/ضلع ڈوڈہ میں ایک سکولی طالب علم دریا میں نہاتے ہوئے غرق آب ہوگیا جس کے بعد پانی میں مذکورہ طالب علم کی تلاش کا کام شد و مد سے جاری ہے۔ یہ واقعہ گذشتہ روزڈوڈہ ضلع کے نئی ڈانگری علاقے میں بہنے والے دریائے نیرو میں پیش آیا۔ پولیس ذرائع کے مطابق 17سالہ شعیب ملک ولدفاروق احمد ملک ،جو بارہویں جماعت کا طالب علم ہے، دریا کے اندر نہاتے ہوئے لاپتہ ہوگیا ۔ شعیب کے ساتھ نہانے والے مزید دو طالب علموں کو مقامی لوگوں نے ڈوب جانے سے بچالیا۔ اطلاعات کے مطابق ہانچ گھاٹ کا رہنے والا شعیب اپنے دو دوستوں کے ساتھ دریائے نیرو میںنہارہا تھا جس کے دوران وہ پانی کی تیز دھار کی زدمیں آکربہہ گیا۔ پولیس نے جائے واردات پر پہنچتے ہی بچائو کارروائی ہاتھ میں لی تاہم آخری اطلاعات ملنے تک شعیب کے بارے میں کوئی اتہ پتا نہیں ملا تھا۔  

بانہال میں آسمانی بجلی گرنے سے 170بھیڑ بکریاں لقمہ اجل

سرینگر/بانہال میں گذشتہ رات کے دوران آسمانی بجلی گرنے سے کم و بیش170بھیڑ بکریاں لقمہ اجل بن گئیں۔ پولیس ذرائع کے مطابق یہ واقعہ ضلع رامبن میں بانہال کے ترانا گائوں میں پیش آیا۔ حکام نے کہا کہ واقعہ کی اطلاع ملتے ہی پولیس اور سیول انتظامیہ کی ایک ٹیم گائوں کیلئے روانہ کی گئی ہے۔ پولیس ذرائع نے تصدیق کی کہ آسمانی بجلی گرنے سے 170بھیڑ بکریاں لقمہ اجل بن گئی ہیں۔ انہوں نے کہا کہ یہ بھیڑ بکریاں نظیر احمد ولد عبد المجید،جما ولد عزیز ساکنان ریاسی اور عبد الرحمان لون ولد عبد الستار لون ساکنہ بانہال اور لالا بکروال ولد توشا بکروال ساکنہ ریاسی کی تھیں۔  

دلی کی عدالت نے شاہ،مسرت اورآسیہ کو 12جولائی تک جوڈیشل حراست میں بھیج دیا

سرینگر/دلی کی ایک عدالت نے جمعہ کو تین کشمیری علیحدگی پسند لیڈران شبیر شاہ، مسرت عالم اور آسیہ اندرابی کو 12جولائی تک جوڈیشل حراست میں بھیجدیا۔ مذکورہ تینوں علیحدگی پسند لیڈران کومبینہ فنڈنگ کیس میں قومی تحقیقاتی ایجنسی (این آئی اے) نے گرفتار کر رکھا ہے۔ اطلاعات کے مطابق پٹیالہ ہائوس کورٹ ، دلی میں ایڈیشنل سیشن جج انیل آنٹل کی عدالت نے تینوں ملزموں کو 12جولائی تک جوڈیشل حراست میں بھیج دیا ۔ اطلاعات کے مطابق دوران شنوائی آسیہ اندرابی نے عدالت سے درخواست کی کہ اُنہیں خرابی صحت کی بنا پرآئندہ ویڈیو کانفرنسنگ کے ذریعے عدالت کے سامنے پیش کیا جائے ۔ اس موقع پر عدالت نے آسیہ کے وکیل سے کہا کہ وہ اس ضمن میں چھٹیوں کے بعد عدالت کومطلع کریں۔ یاد رہے کہ شبیر شاہ کوانفورسمنٹ ڈائریکٹوریٹ نے جولائی2017کو سرینگر سے گرفتار کرکے دلی پہنچایا جہاں اُسے دس روز قبل این آئی اے نے پوچھ تاچھ کیلئے

پولیس نے پلوامہ معرکہ میں جاں بحق دو جنگجوئوں کی شناخت کرلی

سرینگر/جنوبی ضلع پلوامہ کے برائو ،بنڈنہ گائوں میں جمعہ کی صبح فورسز اور جنگجوئوں کے مابین مسلح تصادم میں جودو جنگجوجاں بحق ہوئے تھے پولیس نے اُن کی شناخت کرلی ہے ۔ پولیس کی طرف سے جاری ایک بیان میں بتایا گیا ہے کہ اس معرکہ آرائی کے دوران جاں بحق ہونے والے دو جنگجوئوں میں عرفان احمد ڈیگو عرف ابو زرار  ساکنہ نائینہ لیتر پلوامہ اور تصدق امین شاہ ساکنہ کدلہ بل پانپور شامل ہیں ۔ پولیس بیان کے مطابق دونوں کا تعلق لشکر طیبہ سے تھا۔ اس سے قبل یہ تصادم آج صبح گائوں میں فوج، سی آر پی ایف اور ایس او جی اہلکاروں کے مشترکہ آپریشن کے دوران شروع ہوا۔ پولیس ذرائع کے مطابق یہ آپریشن گائوں میں جنگجوئوں کی موجودگی کی اطلاع کے بعد شروع کیا گیا تھا۔ اطلاعات کے مطابق چھپے جنگجوئوں نے جونہی فورسز پارٹی پر گولیاں چلاکر محاصرہ توڑنے کی کوشش کی تو طرفین کے مابین باضابطہ گولیوں کا تبادلہ