تازہ ترین

تما م اضلاع میں کورو نا کے مخصوص ہسپتالوں میں ٹیسٹنگ کی جارہی ہے: ناظم صحت

سری نگر// جموں وکشمیر میں کورونا وائرس کے لئے جو ہسپتال مخصوص کئے گئے ہیں اُن میں موثر طور ٹیسٹ کئے جاتے ہیں۔ناظم صحت کشمیر ڈاکٹر سمیر مٹو نے اتوار کوکہا کہ کشمیر میں 8 جبکہ جموں میں 3مخصوص ہسپتال کوروناکے لئے مخصو ص کئے گئے ہیں ۔ اُنہوں نے مزید کہا کہ محکمہ صحت کے عملے کو کسی بھی ہنگامی صورتحال سے نمٹنے کے لئے دِن رات دستیاب رہنے کی ہدایت دی گئی ہے ۔ڈاکٹر سمیر مٹو نے لوگوں سے اپیل کی ہے کہ وہ عالمی صحت تنظیم کی ہدایات کے مطابق تمام طرح کی احتیاط برتیں تاکہ اس وائرس کے پھیلاﺅ کو روکا جاسکے۔ اُنہوں نے کہا کہ حکومت نے مشتبہ مریضوں کو کورنٹین کرنے اور آئیسولیشن کی سہولیات فراہم کرنے کے لئے مناسب اقداما ت کئے ہیں۔ڈائریکٹر موصوف نے کہا کہ محکمہ صحت 25لیب ٹیکنشنز کو خصوصی تربیت دے رہی ہے اور ان سے کہا گیا ہے کہ وہ ریڈ زون اور بفر زون کا جائزہ لیں تاکہ کورونا وائرس کے مریضوں کے رابطے

کورونا :جموں کشمیر میں 33,503 اَفراد زیر نگرانی

جموں//حکومت نے اتورا کو کہا کہ جموںوکشمیر میں آج کورونا وائر س کے 14نئے معاملات سامنے آئے ہیں ۔ ان سبھی کا تعلق کشمیر صوبے سے ہے۔اس طرح جموں وکشمیر میں مثبت معاملات کی کل تعداد 106تک پہنچ گئی ہے۔  حکومت کی طرف سے جاری کئے گئے روزانہ میڈیا بلٹین میں بتایا گیا ہے کہ نوول کورونا وائرس کے 106 مثبت معاملات میں سے 100 سرگرم معاملات ہیں ،04 مریض صحتیاب ہوئے ہیں اور 02کی موت واقع ہوئی ہے۔ اب تک 33,503 ایسے اَفراد کو نگرانی میں رکھا گیا ہے جن کا سفری پس منظر ہے یا جو مشتبہ معاملات کے رابطے میں آئے ہیں ۔ ان میں سے 10,981 اَفراد کو ہوم کورنٹین میں رکھا گیا ہے جس میں سرکار کی طرف سے چلائے جارہے کورنٹین مراکز بھی شامل ہیں ۔ اس کے علاوہ619 اَفراد کو ہسپتال کورنٹین میں رکھا گیا ہے۔100کو ہسپتال آئیسولیشن میں رکھا گیا ہے جبکہ 16,237 اَفراد کو گھروں میں نگرانی میں رکھا گیا ہے۔اسی طرح بلیٹن

کپوارہ میں دراندازی مخالف آپریشن کے دوران5جنگجو ،فوجی اہلکار ہلاک: فوج

سرینگر//دفاعی ذرائع نے اتوار کو بتایا کہ شمالی ضلع کپوارہ میں کنٹرول لائن پر دراندازی کی ایک کوشش کوناکام بناتے ہوئے فوج نے 5جنگجوﺅں کو جاں بحق کیا جبکہ اس آپریشن کے دوران1فوجی اہلکار بھی ہلاک ہوگیا۔ انہوں نے کہا کہ شمالی کشمیر کے کیرن سیکٹر میں در اندازی مخالف آپریشن کے دوران جن5 جنگجوﺅں کو ہلاک کیا گیا وہ کنٹرول لائن عبور کرنے کی کوشش کررہے تھے ۔ اس آپریشن کے دوران ایک فوجی اہلکار بھی ہلاک اور 2 دیگرشدید زخمی ہوگئے تھے۔ فوجی ترجمان راجیش کالیا نے کہا کہ علاقے میں موسم خراب ہونے کے نتیجے میں زخمیوں کو اسپتال پہنچانے میں دشواریوں کا سامنا کرنا پڑ رہا ہے۔ انہوں نے تاہم کہا کہ علاقے میں فوج کا آپریشن جاری ہے۔  

کورونا مخالف اقدام:وادی بھر میں لاک ڈاﺅن کا سلسلہ لگاتار جاری

سرینگر//کورونا وائرس کے مریضوں میں مزید 14کے اضافے کے دوسرے روز اتوار کو وادی بھر میں کورونا مخالف لاک ڈاﺅن جاری ہے۔جموں کشمیر میں لاک ڈاﺅن کا سلسلہ 22مارچ سے جاری ہے جبکہ وزیر اعظم نریندر مودی کے اعلان کے بعد پورے ملک میں لاک ڈاﺅن 24مارچ سے جاری ہے۔ سرکاری حکام کے مطابق لاک ڈاﺅن کا مقصد مہلک کورونا وائرس کے پھیلاﺅ کو روکنا ہے۔ شہر سرینگر اور وادی بھر کی سبھی شاہراﺅں اور رابطہ سڑکوں پد پولیس اورفورسز نے رکاوٹیں کھڑی کر رکھی ہیں تاکہ لاک ڈاﺅن کو موثر بنایا جاسکے۔ وادی کشمیر کے سبھی چھوٹے بڑے قصبہ اور دیہات میں دکانیں اور کاروباری مراکز اور تعلیمی ادارے بند ہیں اور سڑکوں پر ہُو کا عالم ہے تاہم انتظامیہ نے اشیائے ضروریہ کی فراہمی کیلئے ضروری انتظامات کررکھے ہیں۔

سی بی ایس ای سکولوں سے وابستہ سٹاف اورطلاب کو دیئے جلانے کی ہدایت

سرینگر//سینٹرل بورڈ آف سیکنڈری ایجو کیشن (سی بی ایس ای) نے اپنے سکولوں سے وابستہ طالبان علم اور سٹاف ممبران سے کہا ہے کہ وہ اتوار رات نو بجے اپنے اپنے گھروں کے اندر دیئے یا اپنے سیل فونوں کی ٹارچ جلاکر اُن کوششوں میں شامل ہوجائیں جو مہلک کورونا وائرس کو پھیلنے سے روکنے کیلئے کی جارہی ہیں۔ یہ ہدایت وزیر اعظم نریندر مودی کی اُس اپیل کے بعد دی گئی ہے جس میں اُنہوں نے لوگوں پر زور دیا کہ وہ 5اپریل بروز اتوار رات نو بجے بجلی بند کرکے اپنے اپنے گھروں میں نو منٹوں تک دیئے یا سیل فونوں کی ٹارچ جلائیں۔ سی بی ایس سی کے ڈائریکٹر اکیڈیمکس نے سکولوں کے نام جاری ایک خط میں لکھاہے”طالبان علم ، سکولوں کا دیگر سٹاف اور اُن کے اہل خانہ 5اپریل رات نو بجے نو منٹوں تک دیئے،شمع، یا اپنے موبائیل فونوں کی ٹارچ جلائیں تاکہ پورے ملک کی یکجہتی کا اظہار ہو“۔ خط میں مزید درج ہے” یاد ر

کورونا وائرس کے نئے 17معاملات سامنے ، 28,545 اَفراد زیر نگرانی

جموں//حکومت نے سنیچر کو کہا کہ جموںوکشمیر میں آج کورونا وائر س کے 17نئے معاملات سامنے آگئے ۔ ان میں 3 کا تعلق جموں صوبے اور 14 کا تعلق کشمیر صوبے سے ہے۔اس طرح جموں وکشمیر میں مثبت معاملات کی کل تعداد 92تک پہنچ گئی ہے۔حکومت کی طرف سے جاری کئے گئے روزانہ میڈیا بلٹین میں بتایا گیا ہے کہ نوول کورونا وائرس کے 92 مثبت معاملات میں سے 86 سرگرم معاملات ہیں ،چار مریض صحتیاب ہوئے ہیں اور دو کی موت واقع ہوئی ہے۔ اب تک 28,545 ایسے اَفراد کو نگرانی میں رکھا گیا ہے جن کا سفری پس منظر ہے یا جو مشتبہ معاملات کے رابطے میں آئے ہیں ۔ ان میں سے 10,606 اَفراد کو ہوم کورنٹین میں رکھا گیا ہے جس میں سرکار کی طرف سے چلائے جارہے کورنٹین مراکز بھی شامل ہیں ۔ اس کے علاوہ682 اَفراد کو ہسپتال کورنٹین میں رکھا گیا ہے۔86کو ہسپتال آئیسولیشن میں رکھا گیا ہے جبکہ 12,795 اَفراد کو گھروں میں نگرانی میں رکھا گیا ہے۔اسی

صورتحال قابو میں،گھبرانے کی کوئی بات نہیں: صوبائی کمشنر

سرینگر//صوبائی کمشنر کشمیر پی کے پولے نے سنیچر کے روز کہا کہ کوروناوائرس کے مشتبہ افراد جو بیرونِ ممالک سے واپس لوٹے ہیں اور اس وقت انتظامی کورنٹین میں رکھے گئے ہیں ، کا ٹیسٹ اگر منفی پایا گیا کو تین دنوں کے اندر اپنے گھروں کو بھیج دیا جائے گا جہاں وہ 14 دن اور ہوم کورنٹین میں رہیں گے ۔  ان باتوں کا اظہار صوبائی کمشنر نے کے سی سی آئی کے نمائندوں اور سول سوسائیٹی گروپوں کے ممبران کے ساتھ ایک میٹنگ کے دوران کیا ۔ میٹنگ کا انعقاد وادی بھر میں صوبائی انتظامیہ کی طرف سے کووڈ 19 وباءکو پھیلنے سے روکنے کے سلسلے میں کی جا رہی تیاریوں اور انتظامات کے بارے میں معلومات فراہم کرنی تھیں ۔  انہوں نے کہا کہ اس وقت کووڈ 19 کے مختلف معاملات سامنے آ رہے ہیں اور اُن کی نشاندہی بھی کی گئی ہے ۔ ایسے افراد کو سی ڈی ہسپتال ڈل گیٹ ، سکمز صورہ اور سکمز بمنہ کے علاوہ سب ڈسٹرکٹ ہسپتال پٹن اور س

اقامتی قانون میں ترمیم بناوٹی: نیشنل کانفرنس

سرینگر//جموں کشمیر نیشنل کانفرنس نے سنیچر کے روز مرکز کے زیر انتظام علاقہ کیلئے نئے اقامتی قانون کی ترمیم کو ”بناوٹی“ قرار دیتے ہوئے کہا کہ ”یہ مرکز کے ہاتھوں جموں کشمیر اور اس کے لوگوں کے ساتھ ایک اور کھلواڑ کی مثال ہے“۔پارٹی نے کہا کہ مذکورہ ترمیم سے یہاں کے آبادی کے تناسب کو بگڑنے سے بچانے کی کوئی گارنٹی حاصل نہیں ہوگی۔ پارٹی ترجمان عمران نبی ڈار نے اقامتی قانون کی ترمیم کو”بناوٹی“ قرار دیتے ہوئے کہا کہ مرکزی سرکار نے ”محض غیر مقامی باشندوں کا راستہ بدل دیا ہے جبکہ منزل اب بھی کھلی ہے“۔ انہوں نے کہا”نوکریوں کیلئے براہ راست درخواست دینے کے بجائے غیر مقامی افراد کو اب پہلے اقامتی سند فراہم کی جائے گی اور بعد میں نوکری،اقامت کو سات سال کا عرصہ گذارنے والے ہر فرد کیلئے کھلا رکھنے سے یہاں موجود لاکھوں غیر مقامی افراد اس زمرے م

ڈوڈہ میں دینی مدرسہ کی ہوسٹل عمارت قرنطین مرکز کیلئے وقف

سرینگر//ضلع ڈوڈہ میں قائم ایک معروف دینی مدرسہ کی انتظامیہ نے سنیچر کے روز ہوسٹل عمارت کو کورونا وائرس کے مشتبہ مریضوں کو قرنطین کرنے کیلئے وقف کیا جس کے اندر100بستروں پر مشتمل خصوصی مرکز قائم کیا جائے گا۔ انتظامیہ کو لکھے ایک خط میں غنیة العلوم واقع اکھیر پورہ نامی مدرسہ کے پرنسپل مفتی برہان الحق گانی پوری نے کہا کہ مذہبی ادارے کی ہوسٹل عمارت کو کورونا وائرس کے مشتبہ مریضوں کو قرنطین کرنے کیلئے استعمال کیا جائے گا تاکہ اس مہلک وائرس کو ضلع میں پھیلنے سے روکا جاسکے۔ غنیة العلوم جموں صوبے کا سب سے بڑا دینی مدرسہ ہے جو ضلع ڈوڈہ میں بھلیسہ کے تحصیل چلی پنگل میں قائم ہے۔ مفتی نے مزید کہا”ہم ہوسٹل عمارت کو قرنطین مرکز کیلئے وقف کرنے کیلئے تیار ہیں جو ایک ایسے علاقے میں واقع ہے جہاں کوئی اسپتال یا سرکاری عمارت موجود نہیں ہے“۔انہوں نے کورو نا وائرس سے پیدا صورتحال کا م

جموں کشمیر میں کورونا وائرس کے مزید3مثبت کیس

سرینگر//جموں کشمیر میں سنیچر کو مزید تین افراد کورونا وائرس میں مبتلاءپائے گئے جب مذکورہ افراد کے ٹیسٹ مثبت آئے۔اس طرح جموں کشمیر کے اندر مہلک کورونا وائرس میں مبتلاءمریضوں کی تعداد78ہوگئی ہے،جن میں سے دو فوت ہوگئے ہیں۔ سرکاری ترجمان اور پرنسپل سیکریٹری پلاننگ روہت کنسل نے ایک ٹویٹ کے ذریعے بتایا کہ نئے تین مریضوں کا تعلق جموں صوبے کے نارسو، اُدھمپور علاقے سے ہے۔ انہوں نے مزید کہا کہ مذکورہ تینوں افراد حال ہی میں باہر کے ممالک سے آئے تھے۔ واضح رہے کہ ابھی تک وادی کشمیر میں54جبکہ جموں صوبے میں 19افرادکورونا وائرس میں مبتلاءپائے گئے ہیں۔  

جموں کشمیر میں زلزلے کے ہلکے جھٹکے

سرینگر//جموں کشمیر میں سنیچر کو زلزلے کے ہلکے جھٹکے محسوس کئے گئے۔ریکٹر سکیل پر اس زلزلے کی شدت4.0تھی۔ یہ جھٹکے علی الصبح6بجکر14منٹ پر محسوس کئے گئے۔ سرکاری ذرائع کے مطابق اس زلزلے کا مرکز زمین کی سطح سے 60کلو میٹر نیچے تھا۔  

پونچھ سیکٹر میں گولہ باری

سرینگر//ہندوپاک افواج کے درمیان پونچھ سیکٹر میں گولیوں کا تبادلہ ہوا جس کے نتیجے میں لوگ گھروں میں سہم کررہ گئے۔ خبررساں ایجنسی یو پی آئی کے مطابق پاک بھارت افواج کے درمیان پونچھ سیکٹر میں گولہ باری سے لوگوں میں ایک دفعہ پھر خوف وہراس کا ماحول پھیل گیاہے۔ دفاعی ذرائع نے بتایا کہ پاکستانی رینجرس نے سنیچر کے روز پونچھ سیکٹر میں دوپہر ڈیڑھ بجے کے قریب گولہ بار ی شرو ع کی جو کافی دیر تک جاری رہی۔ دفاعی ذرائع  نے بتایا کہ پاکستانی رینجرس کی گولہ باری کا منہ توڑ جواب دیا گیا جس کے نتیجے میں اُس پار کشمیر میں رینجرس کی کئی چوکیوں کو نقصان پہنچا ہے۔دفاعی ذرائع کے مطابق پاکستانی رینجرس عسکریت پسندوں کو اس طرف دھکیلنے کی خاطر ہی گولہ باری کر رہے ہیں۔   

بڈگام میں کمسن لڑکی کی عصمت ریزی کے بعد اس کا قتل کرنے والا شخص گرفتار:پولیس

 سرینگر/پولیس نے سنیچر کو کہا کہ پولیس اسٹیشن بیروہ ،بڈگام نے ایک کمسن لڑکی کی عصمت تار تار کرنے کے بعد اس کا قتل کرنے والے شخص کو حراست میں لے لیا ہے۔ پولیس کی طرف سے جاری ایک تحریری بیان کے مطابق پولیس اسٹیشن بیروہ میں ایک اینٹ بٹھ پر کام کرنے والے مزدور راجندر چوہان ساکنہ سیتا پور اتر پردیش نامی شخص نے تحریری طورپر شکایت درج کی کہ گزشتہ شام ( یعنی 2اگست کواس کی پانچ سالہ بیٹی کا سشیل کمار چوہان ولد ہرسو لال ساکنہ سیتا پور اتر پردیش نے اغوا کیا ہے جو کہ اس کے ساتھ حیات پورہ بیروہ میں قائم شدہ اینٹ بٹھ پر کام کر رہا ہے۔ پولیس بیان کے مطابق پولیس نے معاملے کی نسبت ایف آئی آر درج کرکے مغویہ کمسن دوشیزہ کو تلاش کرنے کا کام شروع کیا۔ اسی اثنا میں حیات پورہ علاقے میں نالہ کے نزدیک کمسن بچی کی لاش برآمد ہوئی ۔ تحقیقات کے دوران پولیس آفیسران کو معلوم ہوا کہ سشیل کمار چوہان نے کم

شمالی کشمیر کے سوپور میں معرکہ آرائی کے دوران دوسرا جنگجو جاں بحق

سرینگر:پولیس نے سنیچر کو کہا کہ شمالی کشمیر کے سوپور علاقے میں جنگجوئوں اور سیکورٹی فورسز کے مابین معرکہ آرائی کے دوران دوسرا جنگجو جاں بحق ہوگیا ہے ۔ اس سے قبل پولیس نے کہا تھا کہ اس معرکہ میں ایک جنگجو جاں بحق ہوگیا ہے۔ یہ معرکہ ضلع بارہمولہ میں سوپور کے وارہ پورہ، ملما پنپورہ میں پیش آیا۔ اطلاعات کے مطابق فورسز نے یہاں جنگجوئوں کے چھپے ہونے کے بارے میں مصدقہ اطلاع کے بعد آپریشن شروع کیا تھا جس کے دوران معرکہ آرائی پیش آئی ۔ پولیس کے مطابق فورسز آپریشن کے دوران جنگجوئوں اور فورسز کا آمنا سامنا ہوا اور طرفین میں گولیاں چلیں۔ اس آپسی فائرنگ میں اب تک دو جنگجو جاں بحق ہو گئے جبکہ آخری اطلاعات ملنے تک فورسز کا آپریشن جاری تھا۔ پولیس نے تاہم ابھی جاں بحق جنگجوئوں کی شناخت نہیں کی ہے۔  

گورنر نے یقین دلایا کہ ریاست کی خصوصی پوزیشن کو تبدیل کرنے کا کوئی منصوبہ نہیں ہے:عمر

سرینگر/نیشنل کانفرنس کے نائب صدر عمر عبد اللہ نے سنیچر کو کہا کہ اُنہیں ریاستی گورنر ستیہ پال ملک نے اس بات کی یقین دہانی کرائی ہے کہ ریاست کی خصوصی پوزیشن کو تبدیل کرنے کا کوئی منصوبہ نہیں ۔ ریاست کے سابق وزیر اعلیٰ نے تاہم کہا کہ وہ اس سلسلے میں پارلیمنٹ میں حکومت کا بیان چاہتے ہیں کیونکہ''ریاست کے بارے میں گورنر حرف آخر نہیں ہیں''۔ اس سے قبل عمر نے پارٹی وفد کی قیادت کرتے ہوئے گورنر ملک سے ملاقات کی ۔ عمر نے نامہ نگاروں کو بتایا''گورنر نے ہمیں یقین دلایا کہ دفعہ370یادفعہ35اے کو ہٹانے یا پھر ریاست کی نئی حد بندی کا کوئی منصوبہ نہیں ہے''۔ عمر نے کہا کہ اُنہوں نے پارٹی کے ممبران پارلیمنٹ سے کہا ہے کہ وہ سوموار کے روز مرکزی سرکار کی طرف سے کشمیر کی صورتحال کے بارے میں بیان کے حق میں پارلیمنٹ کے اندر تحریک پیش کریں۔''  

شوپیان معرکہ آرائی میں دوسرا جنگجو جاں بحق: پولیس

سرینگر/پولیس نے سنیچر کو کہا کہ جنوبی ضلع کے پاندوشن نامی گائوں میں جنگجوئوں اور فورسز کے مابین جو معرکہ آرائی گذشتہ روز سے جاری تھی اُس میں ایک اور جنگجو جاں بحق ہوگیا ہے۔ پولیس کے مطابق دوسرے جاں بحق جنگجو کا تعلق حزب المجاہدین کے ساتھ تھا۔ پولیس نے دوسرے جاں بحق جنگجو کی شناخت منظور احمد بٹ ساکنہ وچی کے طور کرتے ہوئے کہا کہ وہ کئی معاملات میں پولیس کو مطلوب تھا۔    

نستہ ژھن گلی کے نزدیک پُر اسرار دھماکے میں کرناہ کا نوجوان جاں بحق

 کپوارہ/  شمالی ضلع کپوارہ میں حد متا رکہ کے نزدیک نستہ ژھن گلی کرناہ میں چوکی بل کے مضافات میں واقع کھپی بہک کے مقام پرسنیچر کو ایک دھماکے میں 45سالہ نوجوان جاں بحق ہوگیا۔ ذرائع سے ملی اطلاعات کے مطابق کرناہ گھبرا علاقہ کا رہنے والا شبیر احمد، جو بہک میں مویشی چرا رہا تھا، کا پیر کسی بارودی موادسے ٹکرا گیا جس کے نتیجے میں وہاں زور دار دھماکہ ہوا اوروہ موقع پر ہی جا ںبحق ہو گیا۔ ذرائع سے یہ بھی معلوم ہوا ہے کہ چند روز قبل بھارت۔پاک افواج کے درمیان ہوئی گولہ باری کے تبادلے کے دوران کھپی بہک ،جوکہ سادھنا سٹیج ٹو کے قریب واقع ہے، میں کو ئی شل گرکر پھٹنے سے رہ گیا تھا اور مذکورہ نوجوا ن اُسی شیل کے ساتھ ٹکرا کر اپنی جان گنوا بیٹھا۔ ذرائع نے مزید کہا کہ واقعہ کی اطلاع ملتے ہی پولیس تھانہ کرالہ پورہ کی ٹیم جائے واردات کی طرف روانہ ہوگئی ہے ۔  

ترال میں بادل پھٹنے سے رہائشی مکان تباہ، سکولی عمارت کو نقصان،بجلی اور پانی کا ترسیلی نظام ناکارہ

ترال/جنوبی کشمیر میں ضلع پلوامہ کے ترال قصبہ سے 25کلو میٹر دور حاجن ناڑ ستورہ میں سنیچر کی صبح بادل پھٹنے کے نتیجے میں ایک رہائشی مکان تباہ ہوگیا جبکہ علاقے میں قائم ایک سرکاری سکول کی عمارت کو شدید نقصان پہنچا ہے ۔ علاقے میں بادل پھٹنے اور اس سے پیدا ہوئی سیلابی صورتحال کے نتیجے میں بجلی اور پانی کے ترسیلی نظام بھی ناکارہ ہو کررہ گئے ہیں تاہم مقامی ذرائع کے مطابق کسی جانی نقصان کی کوئی اطلاع نہیں ہے ۔ ادھر ایڈیشنل ڈپٹی کمشنر ترال شبیر احمد رینہ کے مطابق مختلف ٹیموں کو علاقے کی طرف روانہ کر دیا گیا ہے ۔  

شمالی کشمیر کے سوپور میں معرکہ آرائی کے دوران جنگجو جاں بحق، فوجی زخمی

سرینگر:شمالی کشمیر کے سوپور علاقے میں سنیچر کی صبح جنگجوئوں اور سیکورٹی فورسز کے مابین معرکہ آرائی کے دوران ایک جنگجو جاں بحق جبکہ فوجی اہلکار زخمی ہوگیا۔ یہ معرکہ ضلع بارہمولہ میں سوپور کے وارہ پورہ، ملما پنپورہ میں پیش آیا۔ اطلاعات کے مطابق فورسز نے یہاں جنگجوئوں کے چھپے ہونے کے بارے میں مصدقہ اطلاع کے بعد آپریشن شروع کیا تھا جس کے دوران معرکہ آرائی پیش آئی ۔ خبر رساں ایجنسی جی این ایس کے مطابق فورسز آپریشن کے دوران جنگجوئوں اور فورسز کا آمنا سامنا ہوا اور طرفین میں گولیاں چلیں۔ اس آپسی فائرنگ میں ایک جنگجو جاں بحق ہواجبکہ ایک فوجی اہلکار کو چوٹیں آئیں جسے اسپتال منتقل کیا گیا ہے۔ ذرائع کے مطابق آخری اطلاعات ملنے تک علاقے میں فورسز آپریشن جاری تھا۔  

کنٹرول لائن پر حالات قابو میں اورکم و بیش پُر امن: فوج

سرینگر/فوج نے جمعہ کو کہا کہ کنٹرول لائن پر صورتحال قابو میں ہے تاہم پاکستان لگاتار کشمیر میں امن کو درہم برہم کرنے کی کوششوں میں مصروف ہے لیکن فوج اس کی اجازت نہیں دے گی۔ فوج کی پندرہویں کور کے کمانڈر،لیفٹیننٹ جنرل سربجیت سنگھ ڈھلون نے آج ایک پریس کانفرنس کے دوران کہا کہ کشمیر میں دھماکہ خیز مواد کی موجودگی کے  مسئلہ سے فورسز مسلسل چیکنگ کے ذریعے اچھی طرح سے نمٹ رہے ہیں۔ انہوں نے کہا کہ شوپیان میں فورسز کا سرچ آپریشن جاری ہے جہاں سیکورٹی فورسز پر گذشتہ رات حملہ کیا گیا۔ انہوں نے مزید کہا کہ تلاشی کے دوران وہاں سے پاکستان میں تیار کردہ ایک بارودی سرنگ کا پتہ لگایا گیا جس پر آرڈیننس فیکٹری کے نشان بھی موجود ہیں۔ فوجی جنرل نے کہا کہ امرناتھ یاترا کے راستے میں بھی اسلحہ و گولہ بارود کا ذخیرہ بر آمد کیا گیا ہے جس میں امریکہ میں تیار کی جانے والی ایم۔24رائفل بھی شامل ہے