تازہ ترین

تیز رفتار گاڑی نے اونتی پورہ میں شہری کی جان لی

سرینگر /پولیس نے سنیچر کو ایک بیان میں کہا کہ کشمیر شاہراہ پر ڈانگر پورہ اونتی پورہ کے نزدیک پیش آئے ٹریفک کے ایک حادثے میں ایک شخص کی موت واقع ہوئی ہے۔ بیان کے مطابق آج دو بجکر10منٹ پر ایک تیز رفتار سکارپیو گاڑی نے اونتی پورہ کے نزدیک 45سالہ شخص ولی محمد ساکنہ ڈانگر پورہ اونتی پورہ کو ٹکر ماری جس کے نتیجے میں وہ شدید طورپر زخمی ہوا، اور بعد میں اس کی موت واقع ہوئی۔  چنانچہ پولیس نے معاملے کی نسبت کیس درج کرکے تحقیقات شروع کی ہے۔ پولیس بیان کے مطابق ڈرائیور گاڑی سمیت فرار ہوا ہے جسے ڈھونڈ نکالنے کیلئے پولیس نے بڑے پیمانے پر کارروائی شروع کی ہے۔    

وادی کے تین اضلاع میں موبائیل انٹر نیت سروس بحال

سرینگر/حکام نے وادی کے تین اضلاع میں سنیچر کو کم سپیڈ والی موبائیل انٹر نیت سروس بحال کردی۔ ان اضلاع میں بڈگام،بارہمولہ اور گاندربل شامل ہیں جہاں حکام کے مطابق کوئی ناخوشگوار واقعہ پیش نہیں آیا۔ تاہم وادی کے باقی ماندہ اضلاع میں موبائیل انٹر نیٹ سروس لگاتار معطل ہے۔ موبائیل سروس جمعرات کی شام ترال کے ڈاڈہ سرہ علاقے میں جنگجو کمانڈر ذاکر موسیٰ کی فورسز کے ہاتھوں ہلاکت کے پس منظر میں معطل کی گئی تھی۔  

پنگلش ترال میں پولیس اہلکاروں کے ہاتھوں مبینہ طور چار خواتین کی پٹائی

سرینگر/پولیس اہلکاروں نے سنیچر کو ترال کے پنگلش نامی گائوں میں چار خواتین کو مبینہ طور اُن کے گھر میں ماراپیٹا۔  عینی شاہدین کے مطابق آج بعد دوپہر پولیس کی ایک پارٹی علی محمد راتھر ساکنہ پمپوش کالونی پنگلش کے گھر میں داخل ہوئی اور وہاں موجود اُن کی اہلیہ،دختر اور دیگر دو خواتین کی مارپیٹ کی۔ یہ واقعہ اُس وقت پیش آیا جب جنگجو کمانڈر ذاکر موسیٰ کی ہلاکت کے پس منظر میں گائوں کی مسجد کے لائوڈ سپیکرسے مذہبی ترانے بجائے جارہے تھے۔ علی محمد نے الزام عاید کرتے ہوئے کہا'' میں گھر میں ہی تھا جب پولیس کی ایک پارٹی نے گھس کر میری اہلیہ اور دختر سمیت چار خواتین کی مار پیٹ کی۔میں نے اُنہیں روکنے کی کوشش کی لیکن اُنہوں نے ایک نہ سنی اور مجھے بھی مارا پیٹا''۔ مذکورہ چاروں خواتین کو سب ڈسٹرکٹ اسپتال ترال پہنچایا گیا ہے جہاں اُن کا علاج جاری ہے۔  

شمالی کشمیر کے پٹن میں فوجی اہلکار نے سروس رائفل سے گولی چلا کر خود کشی کی

سرینگر/شمالی کشمیر کے پٹن علاقے میں سنیچر کو ایک فوجی اہلکار نے اپنی ہی سروس رائفل سے گولی چلاکر خود کی زندگی کا خاتمہ کرلیا۔ یہ واقعہ خبر رساں ایجنسی جی این ایس کے مطابق ہامرے ،پٹن میں پیش آیا جہاں 22انجینئرنگ ریجمنٹ سے وابستہ ایک فوجی نے دوران ڈیوٹی صبح گیارہ بجے خود کو گولی ماردی۔ گولی چلنے کے فوراً بعد جب اُس کے دیگر فوجی ساتھی اُس کے قریب پہنچے تو اُس کو خون میں لت پت پاکر نزدیکی ملٹری اسپتال پہنچایا جہاں ڈاکٹروں نے اُسے مردہ قرار دیا۔ مذکورہ فوجی اہلکار کی شناخت 22سالہ سپاہی بتینی تیرو پتی کے طور ہوئی ہے۔  

بارشوں سے پسیاں گر آنے کے بعدسرینگر۔جموں شاہراہ پرٹریفک معطل

سرینگر/سرینگر۔جموں شاہراہ پر کو سنیچر کے روزبھاری بارشوں کے نتیجے میں پسیاں گر آنے کے بعد ٹریفک کیلئے بند کیا گیا ہے۔ حکام کے مطابق مذکورہ شاہراہ پر رامبن ضلع میں کئی مقامات پر پسیاں گر آئی ہیں۔ حکام نے کہا کہ بیٹری چشمہ علاقے میں آج صبح ایک بھاری پسی گر آئی جس کو ہٹانے کا کام جاری ہے۔ انہوں نے کہا کہ گذشتہ دو روز سے کشمیر شاہراہ پر مسلسل بارشیں ہورہی ہیں۔ ڈی ایس پی نیشنل ہائی وے رامبن، سریش شرما کے مطابق پسیاں ہٹانے کا کام جاری ہے تاکہ ٹریفک کی بحالی عمل میں لائی جاسکے۔انہوں نے کہا کہ بحالی کے کام میں کچھ گھنٹے لگ سکتے ہیں۔ آج جموں سے سرینگر کی طرف گاڑیوں کو چلنے کی اجازت تھی۔  

کشمیر کے بعض حصوں میں دوسرے روز بھی کرفیو جیسی پابندیاں نافذ

سرینگر/کشمیر میں سنیچر کو مسلسل دوسرے بھی بعض علاقوں میں کرفیو کے تحت پابندیاں عاید رکھی گئی ہیں۔ یہ پابندیاں گذشتہ روز سے جاری ہیں۔ ان پابندیوں کا اطلاق جنگجو کمانڈر ذاکر موسیٰ کے فورسز کے ساتھ معرکہ آرائی کے دوران جاں بحق ہونے کے بعد عمل میں لایا گیا ہے۔ انصار غزوة الہند کے چیف کمانڈر ذاکرموسیٰ کو فورسز نے جنوبی ضلع پلوامہ کے ڈاڈہ سرہ علاقے میں جمعرات شام دیر گئے جاں بحق کردیا۔ حکام نے کہا کہ سرینگر کے کچھ علاقوں، کولگام اور پلوامہ قصبہ جات میں لوگوں کی نقل وحمل پر پابندیاں عاید کی گئی ہیں۔ حکام نے آج مسلسل دوسرے روز بھی سبھی تعلمی ادارے بند رکھنے کا اعلان کر رکھا ہے ،جبکہ ٹرین سروس بھی معطل رکھی گئی ہے۔ سرینگر کے جن پولیس تھانوں کے تحت آنے والے علاقوں میں کرفیو کا نفاذ عمل میں لایا گیا ہے اُن میں نوہٹہ،رعناواری،خانیار،صفاکدل اور ایم آر گنج شامل ہیں، جبکہ مائسمہ ا

ذاکر موسیٰ اورشہری کی ہلاکت کیخلاف ہڑتال سے کشمیر کے معمولات متاثر

سرینگر/کشمیر میں سنیچر کو جنگجو کمانڈر ذاکر موسیٰ کی فورسز کے ہاتھوں ہلاکت اور ضلع پلوامہ میں ایک عام شہری کی ہلا کت کیخلاف مکمل ہڑتال کی جارہی ہے۔ کشمیر میں اکثر دکانیں بند جبکہ دیگر کاروباری ادرے بھی مقفل ہیں۔ہڑتال کی کال حریت کانفرنس (گ) کے چیئر مین سید علی گیلانی نے دے رکھی ہے۔ انہوں نے یہ ہڑتال فورسز کے ہاتھوںذاکر کی ہلاکت اور نایئر پلوامہ میں نامعلوم بندوق برداروں کے ہاتھوں ظہور احمد نامی شہری کی ہلاکت کیخلاف احتجاج کیلئے دے رکھی ہے۔ وادی بھر سے موصولہ اطلاعات کے مطابق پبلک ٹرانسپورٹ بند ہے تاہم پرائیویٹ گاڑیاں چل رہی ہیں۔ حکام نے کہا کہ کولگام اور پلوامہ کے چند علاقوں میں لوگوں کی نقل وحمل پر پابندیاں عاید کی گئی ہیں۔ حکام نے وادی بھر میں آج مسلسل دوسرے روز بھی سبھی تعلمی ادارے بند رکھنے کا اعلان کر رکھا ہے جبکہ ٹرین سروس بھی معطل رکھی گئی ہے۔  

کشمیر میں سکول اور کالیج سنیچر کو بھی بند رہیں گے:انتظامیہ

سرینگر/صوبائی انتظامیہ نے کل یعنی سنیچر کو وادی کشمیر کے سبھی سکول اور کالیج پھر بند رکھنے کا فیصلہ کیا ہے ۔ جمعہ کو جاری حکمنامے میں بتایا گیا کہ وادی کشمیر کے سبھی سکول اور کالیج 25مئی کو بند رہیں گے۔ صوبائی کمشنر بصیر احمد خان نے کہا کہ تعلیمی ادارے بند رکھنے کا فیصلہ احتیاط طور لیا گیا ہے۔ واضح رہے کہ گذشتہ روز شام دیر گئے فورسز کے ساتھ معرکہ آرائی میں  جنگجو کمانڈر ذاکر موسیٰ کی ہلاکت کے بعد آج وادی کے تعلیمی ادارے بند رکھے گئے تھے۔    

سبھی سٹیک ہولڈر کشمیر میں جاری خون خرابہ روکنے کیلئے آگے آٴئیں: میرواعظ

سرینگر/حریت کانفرنس (ع) کے چیئر مین میرواعظ عمر فاروق نے جمعہ کو سبھی سٹیک ہولڈرس پر زور دیا کہ وہ آگے آکر کشمیر میں جاری خون خرابہ اور روزانہ بنیادوں پر ہونے والی ہلاکتوں کو روکنے کے اقدامات کریں۔ میرواعظ نے ایک ٹویٹ میں لکھا''سبھی سٹیک ہولڈر روں کو چاہئے کہ آگر بڑھ کر کشمیر تنازع کو حل کریں تاکہ تشدد کے ذریعے روزانہ بنیادوں پر ہونے والی ہلاکتوں کو روکا جاسکے''۔ میرواعظ نے اس بات پر افسوس کا اظہار کیا کہ کشمیری لوگوں کو ہر روز کسی نہ کسی بہانے مارڈالا جارہا ہے۔  

شمالی کشمیر کے سوپور میں جھڑپوں کے دوران نوجوان زخمی

سرینگر/شمالی کشمیر کے سوپور میں جمعہ کو نماز کے بعد فورسز اور مظاہرین کے درمیان جھڑپوں کے دوران ایک نوجوان زخمی ہوگیا۔ اطلاعات کے مطابق سوپور میں نماز جمعہ کے بعد نوجوان سڑکوں پر آئے اور تعینات فورسز اہلکاروں پر سنگباری کرنے لگے۔ فورسز نے جوابی کارروائی عمل میں لاتے ہوئے ٹیر گیس کے گولے داغے جس کے دوران عرفان احمد نامی ایک نوجوان زخمی ہوگیا۔ عرفان کو سوپور اسپتال سے سرینگر کے صدر اسپتال منتقل کیا گیا ہے۔ واضح رہے کہ حکام نے کشمیر میں جنگجو کمانڈر ذاکر موسیٰ کو جاں بحق کئے جانے کے دوسرے روز آج پابندیاں عاید کی ہیں۔ ذاکر کو فورسز نے گذشتہ شام دیر گئے ضلع پلوامہ کے ترال میں ڈاڈہ سرہ نامی علاقے میں معرکہ آرائی کے دوران جاں بحق کیا۔  

مودی دفعہ370اور35اے کو نہیں ہٹاسکتے:فاروق عبد اللہ

سرینگر/نیشنل کانفرنس کے صدر اور نو منتخب پارلیمنٹ ممبر فاروق عبد اللہ نے جمعہ کو کہا کہ وزیر اعظم نریندر مودی آئین کی دفعہ370اور 35اے کو نہیں ہٹا سکتے ہیں۔ جموں پہنچنے پر نامہ نگاروں کے ساتھ بات کرتے ہوئے فاروق نے کہا''وزیر اعظم نریندر مودی بہت طاقتور بن گئے ہیں لیکن وہ دفعہ370اوردفعہ35اے کو نہیں ہٹاسکتے ہیں۔'' کانگریس کی زبردست شکست پر تبصرہ کرتے ہوئے فاروق نے کہا''ہار اور جیت تو زندگی کا حصہ ہے۔راہل پانچ سال بعد واپسی کرے گا اور مجھے نہیں لگتا کہ امیٹھی کے لوگ اُسے بھولیں گے''۔  

بانہال میں ذاکر موسیٰ کو جاں بحق کئے جانے کیخلاف ہڑتال سے معمولات متاثر

سرینگر/ضلع رامبن کے بانہال علاقے میں جمعہ کو جنگجو کمانڈر ذاکر موسیٰ کو جاں بحق کئے جانے کیخلاف مکمل ہڑتال کی جارہی ہے۔ ذاکر کو گذشتہ شام ڈاڈہ سرہ ترال میں فورسز نے معرکہ آرائی کے دوران جاں بحق کیا۔ عینی شاہدین کے مطابق بانہال میں سبھی دکان اور کاروباری ادارے بند ہیں جبکہ سکولوں میں بھی تدریسی عمل معطل رکھا گیا ہے۔ حکام نے '' امن و امان قائم رکھنے کیلئے'' قصبے میں پولیس وفورسز کی اضافی تعیناتی عمل میں لائی ہے۔ ادھر وادی کشمیر میں ذاکر کو جاں بحق کئے جانے کے بعد سخت کرفیو نافذ کیا گیا ہے ۔ حکام نے سبھی تعلیمی ادارے بھی بند رکھنے کے احکامات صادر کئے ہیں جبکہ یونیورسٹی امتحامات بھی معطل کئے گئے ہیں۔ دریں  اثناء  حکام  نے  بھدرواہ  میں  بھی  تعلمی  ادارے  بند  رکھنے  کے  احکامات  صادر&n

آبائی گائوں میں ذاکر موسیٰ کی آخری رسومات میں ہزاروں کی شرکت

سرینگر/جنگجو کمانڈر ذاکر موسیٰ کی آخری رسومات میں جمعہ کو ہزاروں لوگوں نے شرکت کی جو سخت پابندیوں کے باجود ذاکر کے آبائی گائوں ،نور پورہ ،ترال پہنچنے میں کامیاب ہوئے تھے۔ ذاکر کو گذشتہ شام فورسز نے جنوبی کشمیر میں ترال کے ڈاڈہ سرہ علاقے میں ایک معرکہ آرائی کے دوران جاں بحق کیا۔ عینی شاہدین نے کہا کہ لوگوں کی ایک بھاری تعداد نے نور پورہ پہنچنے کیلئے پولیس و فورسز کی نظروں سے بچنے کیلئے کھیت کھلیانوں کی راہ اختیار کی تھی کیونکہ حکام  نے علاقے میں سخت پابندیاں عاید کرکھی ہیں۔   حکام نے سرینگر سمیت وادی کے دوسرے علاقوں میں بھی سخت پابندیاں عاید کررکھی ہیں تاکہ ذاکر کو جاں بحق کئے جانے کیخلاف ممکنہ مظاہروں کو روکا جاسکے۔  

سرینگر میں ٹائیگور ہال کے نزدیک گرینیڈ دھماکہ،کوئی نقصان نہیں

سرینگر/مشتبہ جنگجوئوں نے جمعرات کو سرینگر میں ٹائیگور ہال کے نزدیک قائم سی آر پی ایف کے ایک بنکر کو گرینیڈ حملے کا نشانہ بنایا۔ اطلاعات کے مطابق گرینیڈ نشانہ چوک کر سڑک پر پھٹ گیا۔ ذرائع کے مطابق اس دھماکے میں کوئی نقصان نہیں ہوا۔ دھماکے کے بعد فورسز نے علاقے کو محاصرے میں لیکر تلاشیاں لیں تاکہ گرینیڈ حملہ کرنے والوں کو پکڑا جاسکے۔  

لوک سبھا الیکشن نتائج:مودی کی بی جے پی بھاری اکثریت کے حصول کی راہ پر

سرینگر./ سات مراحل میں مکمل ہونے والے لوک سبھا انتخابات کے نتائج کے رجحانات کے مطابق بھارتیہ جنتا پارٹی اور اس کے اتحادیوں کو واضح سبقت حاصل ہونے والی ہے۔  انتخابات کے بعد جمعرات کی صبح سے پارلیمنٹ کی 542 نشستوں پر ڈالے گئے ووٹوں کی گنتی  آٹھ بجے سے جاری ہے۔ اطلاعات کے مطابق نتائج کے رجحانات کے مطابق بی جے پی کے اتحاد کو گزشتہ انتخابات سے بھی زیادہ نشستیں مل سکتی ہیں۔ الیکشن کمیشن کے مطابق لوک سبھا کی 542 نشستوں میں سے بی جے پی 297 نشستوں پر آگے ہے جبکہ مجموعی طور پر 342 نشستوں پر اس کا اتحاد آگے ہے۔ انڈیا میں مرکزی حکومت بنانے کے لیے 272 نشستیں درکار ہیں اور اگر یہ رجحانات برقرار رہے تو بی جے پی کو حکومت سازی کے لیے سادہ اکثریت اپنے بل بوتے پر ہی مل سکتی ہے۔ اس کے برعکس کانگریس اور اس کے اتحادیوں کو 80 سے زیادہ نشستیں ملتی دکھائی دے رہی ہیں جن میں سے کانگ

اونتی پورہ میں گرینیڈ دھماکہ،2عام شہری زخمی

سرینگر/ جنوبی کشمیر کے اونتی پورہ میں جمعرات کو ایک گرینیڈ دھماکے میں دو عام شہری زخمی ہوگئے۔ یہ واقعہ ضلع پلوامہ میں پولیس سٹیشن اونتی پورہ کے باہر پیش آیا جہاں مشتبہ جنگجوئوں نے فورسز کی ایک پارٹی پر گرینیڈ سے حملہ کیا جو نشانہ چوک کر پھٹ گیا۔ ذرائع کے مطابق اس دھماکے میں دو عام شہری زخمی ہوگئے۔ کچھ گاڑیوں کے شیشے ٹوٹنے کی بھی اطلاعات موصول ہوئی ہیں۔ دھماکے کے فوراً بعد فورسز نے علاقے کو گھیر کر تلاشی آپریشن ہاتھ میں لیا تاکہ حملہ آئوروں کو پکڑا جاسکے۔    

وزیر اعظم مودی اور امت شاہ کی جیتنے والے الائنس کو مبارکباد: عمر عبد اللہ

 سرینگر/سابق وزیر اعلیٰ عمر عبد اللہ نے جمعرات کو کہا کہ وزیر اعظم نریند رمودی اور بھاجپا صدر امت شاہ نے ملکر ایک جیتنے والی الائنس قائم کی ہے۔ انہوں نے یہ بھی کہا کہ الیکشن کے اختتام پر سامنے آنے والا یگزٹ پول بالکل صحیح تھا۔ عمر نے ایک ٹویٹ میں لکھا''تو ایگزٹ پول بالکل صحیح تھا۔اب وقت ہے بھاجپا اور این ڈی اے کو بہترین کارکردگی پرمبارکباد دینے کا۔مودی اور امت شاہ کو یہ کریڈت جاتا ہے کہ انہوں نے ملکر ایک جیتنے والی الائنس بنائی اور پیشہ ورانہ الیکشن مہم چلائی۔'' لوک سبھا انتخابات کے سلسلے میں ووٹ شماری آج صبح سے جاری ہے جس کے دوران مودی کی بھاجپا شاندار کامیابی کی راہ پر گامزن دکھائی دے رہی ہے۔  

اننت ناگ سیٹ پر پیچھے چلنے والی محبوبہ کی مودی کو مبارکباد

سرینگر/سابق وزیر اعلیٰ محبوبہ مفتی نے جمعرات کو وزیر اعظم نریندر مودی کو اُن کی پارٹی کے شاندار جیت کی راہ پر گامزن ہونے پر مبارکباد پیش کی ہے۔ لوک سبھا انتخابات کے سلسلے میں ووٹ شماری آج صبح سے جاری ہے جس کے دوران مودی کی بھاجپا شاندار کامیابی کی راہ پر گامزن دکھائی دے رہی ہے۔ محبوبہ نے ایک ٹویٹ میں لکھا''نریندر مودی جی کو تاریخی منڈیٹ کیلئے مبارکباد۔آج یقینی طور پر بھاجپا اور اس کی اتحادی پارٹیوں کا دن ہے۔کانگریس کو ایک امت شاہ چاہئے۔'' محبوبہ خود اننت ناگ سیٹ سے الیکشن لڑ رہی ہیں جہاں وہ مقابلے سے ہی باہر ہوگئی ہیں۔ اننت ناگ سیٹ سے نیشنل کانفرنس کے حسنین مسعودی اپنے قریبی حریف کانگریس کے غلام احمد میر پر لگاتار برتری بنائے ہوئے ہیں۔  

انتخابی نتائج: ووٹ شماری جاری، بھارتیہ جنتا پارٹی بھاری جیت کی راہ پر

سرینگر/ سات مراحل میں مکمل ہونے والے لوک سبھا انتخابات کے نتائج کی آمد کا سلسلہ شروع ہو گیا ہے اور ابتدائی رجحانات کے مطابق بھارتیہ جنتا پارٹی اور اس کے اتحادیوں کو واضح سبقت حاصل ہے۔   جمعرات کو پارلیمنٹ کی 542 نشستوں پر ڈالے گئے ووٹوں کی گنتی صبح آٹھ بجے سے جاری ہے۔ نتائج کے رجحانات کے مطابق بی جے پی کے اتحاد کو گزشتہ انتخابات سے بھی زیادہ نشستیں مل سکتی ہیں۔ الیکشن کمیشن کے مطابق لوک سبھا کی 542 نشستوں میں سے بی جے پی 292 نشستوں پر آگے ہے جبکہ مجموعی طور پر 340 نشستوں پر اس کا اتحاد آگے ہے۔  مرکزی حکومت بنانے کے لیے 272 نشستیں درکار ہوتی ہیں اور اگر یہ رجحانات برقرار رہے تو بی جے پی کو حکومت سازی کے لیے سادہ اکثریت اپنے بل بوتے پر ہی مل سکتی ہے۔  

کشمیر کی تین سیٹوں پر نیشنل کانفرنس آگے،جموں کی دو پر بی جے پی کو برتری

سرینگر/نیشنل کانفرنس کے فاروق عبد اللہ اور بھاجپا کے جتیندر سنگھ اپنی اپنی سیٹوں پر آگے چل رہے ہیں۔ وادی کشمیر کی تین لوک سبھا سیٹوں پر نیشنل کانفرنس کے اُمیدوار آگے ہیں جبکہ جموں کی دو سیٹوں پر بھاجپا کے اُمیدوار وں کو برتری حاصل ہے۔ اطلاعات کے مطابق لداخ کی سیٹ پر آزاد اُمیدوار آگے ہے۔ اعداد و شمار کے مطابق آخری اطلاعات تک فاروق نے سرینگر نشست سے 32975ووٹ حاصل کررکھے تھے ۔ اننت ناگ سیٹ سے نیشنل کانفرنس کے حسنین مسعودی کانگریس کے غلام احمد میر سے محض تین سو سے زیادہ ووٹوں سے آگے چل رہے ہیں۔یہاں پی ڈی پی کی محبوبہ مفتی تیسرے نمبر پر ہیں۔ بارہمولہ کی سیٹ پر بھی نیشنل کانفرنس کے محمد اکبر لون اپنے حریفوں پر واضح برتری بنائے ہوئے ہیں۔