اوڑی سیکٹر میں ہند۔پاک گولہ باری سے زخمی ہونے والا شہری دم توڑ بیٹھا

 بارہمولہ/شمالی کشمیر کے اوڑی سیکٹر میں کنٹرول لائن پر دس روز قبل ہند۔ پاک افواج کی گولہ باری سے زخمی ہونے والا شہری بدھ کو زخموں کی تاب نہ لاکر دم توڑ بیٹھا۔  ذرائع کے مطابق32 سالہ ریاض احمد ولد صدر الدین ساکنہ بتر کونڈی برجالہ کمل کوٹ اوڑی ،جوکہ رواں ماہ کی دس تاریخ کوکراس ایل او سی فائرنگ کے دوران زخمی ہواتھا ، صورہ میڈیکل انسٹچوٹ سرینگر ، جہاں وہ زیر علاج تھا، میں  دم توڑ بیٹھا۔  اوڑی سیکٹر میں 10مارچ کوہند۔پاک کی گولی باری میں  چار عام شہری زخمی ہوئے تھے ۔  

استاد کی زیر حراست موت: سرینگر میں انٹرنیٹ سروس محدود ، ٹرین سروس معطل

سرینگر/وسطی کشمیر میں حکام نے بدھ کو موبائیل انٹرنیٹ سروس کی رفتار کم کردی جبکہ جنوبی کشمیر میں اس کو مکمل طور بند کردیا گیا ۔اس دوران حکام نے ٹرین سروس کو بھی دن بھر کیلئے معطل کردیا گیا ہے۔ یہ اقدام اونتی پورہ کے جواں سال استاد رضوان پنڈت کی پولیس حراست میں ہوئی موت کیخلاف احتجاجی ہڑتال کے بیچ اٹھایا گیا ہے۔ سرکاری ذرائع کے مطابق ضلع سرینگر اور بڈگام میں موبائیل انٹرنیٹ کی رفتار ٹو جی تک گھٹا دی گئی ہے جبکہ جنوبی کشمیر میں اس سروس کو بند کردیا گیا ہے۔  وادی کشمیر میں ٹرین سروس کو بھی آج دن کیلئے معطل کردیا گیا ہے۔ سرکاری ذرائع کے مطابق یہ اقدامات ''احتیاطی'' طور اٹھائے گئے ہیں۔ رضوان کو پولیس نے تین روز قبل اُس کے گھر واقع اونتی پورہ سے گرفتار کیا تھا ۔ اُس کی موت پولیس حراست کے دوران گذشتہ روز واقع ہوئی اور اس کیخلاف وادی بھر میں غم و غصے

اونتی پورہ کا جاں بحق نوجوان ہماری حراست میں نہیں تھا: این آئی اے

سرینگر/قومی تحقیقاتی ایجنسی (این آئی اے) نے منگل کو اس بات کی تردید کی کہ ضلع پلوامہ کے اونتی پورہ کا رضوان پنڈت اُس کی حراست میں تھا۔ رضوان آج صبح پولیس کی حراست میں سرینگر میں جاں بحق ہوگیا۔ این آئی اے کے ایک بیان کے مطابق اس نے نہ تو رضوان کو کسی کیس کے سلسلے میں گرفتار کیا تھا اور نہ کہیں اُس کے ذریعے اُس کی پوچھ ہوئی۔  رضوان گذشتہ رات کے دوران پولیس حراست میں  جاں بحق ہوگیا۔ رضوان کو کچھ روز قبل حراست میں لیا گیا تھا اور اُس سے پوچھ تاچھ کی جارہی تھی ۔ معلوم ہوا ہے کہ28سالہ رضوان پیشے سے ایک استاد تھا۔ پولیس نے اس سلسلے میں ایک بیان جاری کرتے ہوئے کہا '' ملی ٹنسی کیس کی تحقیقات کے سلسلے میں ایک مشتبہ شخص ،رضوان پنڈت ساکنہ اونتی پورہ پولیس حراست میں تھا اوراسی دوران اس کی موت واقع ہوئی ۔اس حوالے سے 176سی آر پی سی کے تحت مجسٹرئیل انکوائری جا

کولگام کا زیر حراست نوجوان سرینگر کورٹ احاطے سے فرار

سرینگر/سرینگر کورٹ احاطے سے منگل کو ایک زیر حراست نوجوان فرار ہوگیا۔ اشفاق احمد راہ ساکنہ کیموہ کولگام کو سب جیل مٹن اننت ناگ سے یہاں کسی کیس کے سلسلے میں عدالت کے سامنے پیش کرنے کیلئے لایا گیا تھا جس کے دوران وہ فرار ہونے میں کامیاب ہوگیا۔ پولیس ذرائع کے مطابق مذکورہ نوجوان کو پکڑنے کیلئے کارروائی شروع کی گئی ہے۔ خبر رساں ایجنسی جی این ایس کے مطابق اشفاق جنگجوئوں کا بالائے زمین کارکن تھا۔  

جواں سال استاد کی حراستی موت کیخلاف کل ہڑتال،جمعرات کو مظاہرے: مزاحمتی قیادت

سرینگر/علیحدگی پسندوں کے وفاق مشترکہ مزاحمتی قیادت نے منگل کو اونتی پورہ کے جواں سال استاد رضوان پنڈت کی حراستی موت کیخلاف احتجاج کے طور کل یعنی بدھ کو مکمل ہڑتال کی اپیل کی  ہے۔ مزاحمتی قیادت نے اپنے ایک بیان میں کہا'' این آئی اے اور ایس او جی کے ہاتھوں کی جانے والی اس حراستی کیخلاف 20 مارچ2019  بروز بدھوار' کو پورے جموں کشمیر میں ہمہ گیر احتجاجی ہڑتال، جمعرات21 مارچ کو زندگی کے تمام مکاتب فکر بشمول تاجر برادری، وکلائ، سول سوسائٹی اور جملہ شعبہ ہائے زندگی سے تعلق رکھنے والے لوگوں سے اس قتل ناحق کیخلاف بھر پور احتجاج کرنے کی اپیل ہے''۔ بیان میں مزید کہا گیا ہے ''22 مارچ جمعتہ المبارک کو کشمیر کی تمام چھوٹی بڑی مساجد، آستانوں، خانقاہوں،اور امام باڑوں میں اس قتل ناحق،سرکاری سطح پر خوف و دہشت کا ماحول برپا کرنے، ایس او جی اوراین آئی اے کی جانب

استاد کی حراستی موت اور میرواعظ کو این آئی اے سمن کیخلاف دانشگاہِ کشمیر میں مظاہرہ

سرینگر/کشمیر یونیورسٹی میں منگل کو طالب علموں نے اونتی پورہ کے نوجوان استاد، رضوان پنڈت کی حراستی موت اور حریت کانفرنس (ع) کے چیئر مین میرواعظ عمر فاروق کے نام این آئی اے کی تازہ سمن کیخلاف احتجاجی مظاہرہ کیا۔ مظاہرہ کرنے والے طالب علموں نے پلے  کارڈ اُٹھا رکھے تھے جن پر ''ہمارے قائدین کو ڈرانا چھوڑ دو'' اور''میرواعظ کے نام این آئی اے سمن ناقابل قبول''جیسے نعرے درج تھے۔  نعرے بلند کررہے طالب علموں نے یونیورسٹی احاطے میں ہی مارچ کیا اور اونتی پورہ کے استاد کی حراستی موت کی غیر جانبدارانہ تحقیقات کا مطالبہ کیا۔ رضوان کو دو روز قبل پولیس نے حراست میں لیا تھا جس کے دوران آج اُس کی موت واقع ہوگئی۔  

میرواعظِ شوپیان مولوی عبد الحمید نہ رہے

سرینگر/جنوبی کشمیر میں  شوپیان کے میرواعظ مولوی عبد الحمید منگل کو سرینگر کے ایک اسپتال میں داعی اجل کو لبیک کہہ گئے۔ وہ75برس کے تھے۔  ذرائع کے مطابق مولوی حمید جے وی سی بمنہ میں 15مارچ سے زیر علاج تھے جہاں اُنہوں نے دن کے ایک بجے آخری سانس لی۔ مولوی حمید کے چار فرزند اور ایک دختر ہے۔    

نوجوان کی پولیس حراست میں موت کیخلاف اونتی پورہ میں مظاہرے

سرینگر/جنوبی کشمیر کے اونتی پورہ میں منگل کو ایک مقامی نوجوان کی پولیس حراست میں ہوئی موت کیخلاف احتجاج کرنے والے مظاہرین اور فورسز کے مابین جھڑپیں ہوئیں۔ عینی شاہدین کے مطابق ہزاروں لوگ اونتی پورہ میں جمع ہیں اور وہ رضوان اسد پنڈت کی میت کا انتظار کررہے ہیں۔ مظاہرین نے پولیس پر رضوان کے حراستی قتل کا الزام عاید کرتے ہوئے فورسز پر پتھرائو کیا اور فورسز نے بھی جوابی کارروائی عمل میں لائی۔ اس دوران قصبہ اور ملحقہ علاقے میں ہڑتال ہے اور حکام نے انٹر نیت سروس بند کردی ہے۔ ضلع پلوامہ کے اونتی پورہ کا رضوان گذشتہ رات کے دوران پولیس حراست میں جاں بحق ہوگیا۔ ذرائع کے مطابق مذکورہ نوجوان کسی ملی ٹنسی کیس کے سلسلے میں پولیس حراست میں تھا جس کے دوران وہ چل بسا۔ معلوم ہوا ہے کہ28سالہ رضوان پیشے سے ایک استاد تھا اور اُسے پوچھ تاچھ کیلئے گرفتار کیا گیا تھا۔  پولیس نے

جنوبی کشمیر لوک سبھا سیٹ کیلئے ریٹائرڈ جسٹس مسعودی نیشنل کانفرنس کے اُمیدوار ہونگے

سرینگر/ریٹائرڈ جسٹس حسنین مسعودی اننت ناگ کی پارلیمانی نشست کیلئے نیشنل کانفرنس کے اُمیدوار ہونگے۔ ذرائع کے مطابق اس سلسلے میں پارٹی نے منگل کو ایک میٹنگ کے دوران حتمی فیصلہ لے لیا۔ سابق ہائی کورٹ جج، مسعودی فی الوقت جوینائل جسٹس ایکٹ کے تحت سلیکشن کمیٹی کے چیئر مین ہیں۔ واضح رہے کہ پارٹی نے شمالی کشمیر کیلئے محمد اکبر لون اور وسطی کشمیر کی سیٹ کیلئے پارٹی صدر فاروق عبد اللہ کو بطور اُمیدوار نامزد کیا ہے۔ لوک سبھا انتخابات کا آغاز11اپریل سے ہورہا ہے۔  

جنوبی کشمیر کے پلوامہ میں خطیب سمیت گیارہ افراد شبانہ چھاپوں میں گرفتار

سرینگر/مذہبی لیڈروں کیخلاف جاری کریک ڈائون کو جاری رکھتے ہوئے فورسز نے گذشتہ رات کے دوران جنوبی ضلع پلوامہ میں گیاہ افراد کو گرفتار کرلیا جن میں ایک خطیب بھی شامل ہے۔ اطلاعات کے  مطابق  مولانا محمد امین کو ڈانگر پورہ میں واقع اُن کے گھر سے گرفتار کرلیا گیا۔ مولانا وشبگ مسجد کے خطیب ہیں۔ پولیس ذرائع کے مطابق دس مزید افراد کو بھی شبانہ چھاپوں کے دوران گرفتار کرلیا گیا ہے اور یہ چھاپے زیادہ تر کاکا پورہ علاقے میں مارے گئے۔ واضح رہے کہ جماعت اسلامی سے وابستہ سینکڑوں افراد کو پہلے ہی گرفتار کیا گیا ہے۔  

جموں اور راجوری اضلاع میں ہند۔پاک افواج کے درمیان بھاری گولی باری

سرینگر/بھارت اور پاکستان کی افواج کے مابین منگل کوجموں اور راجوری اضلاع میں بھاری گولی باری کی اطلاعات موصول ہوئی ہیں۔ دفاعی ترجمان کے مطابق پاکستان کی افواج نے راجوری کے سندربنی سیکٹر میں بھارتی ٹھکانوں کو نشانہ بنایا۔ انہوں نے مزید کہا کہ جموں کے اکھنور سیکٹر میں بھی پاکستان نے جنگ بندی کی خلاف ورزی کا ارتکاب کیا۔  دونوں مقامات سے ابھی تک کسی جانی نقصان کی کوئی اطلاع موصول نہیں ہوئی ہے۔  

اسلامک یونیورسٹی میں آج منعقد ہونے والے امتحانات ملتوی

سرینگر/اسلامک یونیورسٹی آف سائنس اینڈ ٹیکنالوجی (آئی یو ایس ٹی) اونتی پورہ میں منگل کو منعقد ہونے والے سمسٹر امتحانات ملتوی کئے گئے ہیں۔ یونیورسٹی حکام کے مطابق جو سمسٹر امتحانات آج یعنی19مارچ کو منعقد ہونے والے تھے، ملتوی کئے گئے ہیں۔ انہوں نے کہا کہ نئی تاریخوں کا اعلان بعد میں کیا جائے گا۔ .  

جنوبی کشمیر کے ترال میں نوجوان گولیوں کا شکار

سرینگر/جنوبی کشمیر کے ترال میں سوموار شام کو نامعلوم بندوق برداروں نے ایک نوجوان کو گولیاں مار کر جاں بحق کردیا۔ اطلاعات کے مطابق محسن احمد وانی ولد غلام احمد وانی کو ریشی پورہ علاقے میں گولیاں ماری گئیں۔ پچیس سالہ محسن کو زخمی حالت میں سب ڈسٹرکٹ ترال پہنچایا گیا جہاں وہ دم توڑ بیٹھا۔  

شمالی کشمیر لوک سبھا سیٹ کیلئے الیکشن نوٹیفکیشن جاری

سرینگر/الیکشن کمیشن آف انڈیا نے سوموار کو شمالی کشمیر میں بارہمولہ لوک سبھا سیٹ کیلئے الیکشن نوٹیفکیشن جاری کردی۔  نوٹیفکیشن کے مطابق فارم بھرنے کی آخری تاریخ مارچ25ہوگی جبکہ کاغذات کی جانچ پڑتال کیلئے 26مارچ کی تاریخ مقرر کی گئی ہے۔ نام واپس لینے کی حتمی تاریخ 28مارچ مقرر کی گئی ہے۔ نوٹیفکیشن کے مطابق انتخابات11اپریل کو منعقد ہونگے اور ووٹنگ کا سلسلہ صبح سات بجے سے شام چھ بجے تک جاری رہے گی۔  

سوپور کا لاپتہ لڑکا جموں سے بازیاب: پولیس

بارہمولہ/شمالی قصبہ سوپور میں جونو عمر لڑکا پُر اسرار طورلاپتہ ہوگیا تھا اُسے سوموار کو جموں سے بازیاب کیا گیا ہے ۔ سوپور پولیس کے مطابق جونہی لڑکے کے والدین نے اُس کی گمشدگی کی رپورٹ درج کرائی تو وہ متحرک ہوگئے جس کا نتیجہ یہ نکلا کہ لاپتہ ہونے کے اگلے ہی روز لڑکے کو بازیاب کیا گیا۔ انہوں نے مزید کہا کہ آج شام تک مذکورہ لڑکے کو والدین کے سپرد کیا جائے گا۔ واضح رہے کہ 13سالہ دانش بشیر خان ولد بشیر احمد خان ساکنہ ہتلنگو، سوپوراتوار صبح سے لاپتہ تھا۔ آٹھویں کلاس کا دانش صبح ٹیوشن کیلئے گھر سے نکلنے کے بعدواپس نہیں لوٹا تھا۔    

سوپور کا نو عمر لڑکا لاپتہ، والدین کا عوام سے تعاون طلب

بارہمولہ/شمالی قصبہ سوپور میں ایک نو عمر لڑکا پُر اسرار طورلاپتہ ہوگیا ہے ۔ متعلقہ گھرانے کے مطابق 13سالہ دانش بشیر خان ولد بشیر احمد خان ساکنہ ہتلنگو، سوپوراتوار صبح کو ٹیوشن کلاسز کیلئے گھر سے نکلالیکن واپس نہیں لوٹا۔ انہوں نے کہا کہ ہر ممکن تلاش کے باوجود آٹھویں کلاس کے دانش کا ابھی تک کوئی اتہ پتہ نہیں چل سکا ہے ۔  فکر و تشویش میں مبتلاء دانش کے والدین کے مطابق انہوں نے اس سلسلے میں نزدیکی پولیس اسٹیشن میں گمشدگی کی ایک رپوٹ بھی درج کی ہے۔ انہوں نے عوام سے بھی تعاون طلب کرتے ہوئے کہا ہے کہ دانش کے بارے میں اگر کسی کو کوئی علمیت ہو تو ان فون نمبرابت پر رابطہ کریں۔882585125،7006204210    

شمالی کشمیر کے سوپور علاقے میں فورسز کا تلاشی آپریشن

سرینگر/فورسز نے سوموار کو شمالی کشمیر کے سوپور علاقے میں تلاشی آپریشن شروع کیا۔ یہ کارروائی فوج اور ایس او جی کی ایک مشترکہ پارٹی نے تُجر شریف علاقے کے لٹی شارٹھ علاقے میں شروع کی۔ ذرائع کے مطابق یہاں گھر گھر تلاشی آپریشن کا آغاز ہوگیا ہے۔ پولیس ذرائع کے مطابق یہ فورسز آپریشن علاقے میں جنگجوئوں کی موجودگی کی اطلاع کے بعد عمل میں لایا گیا۔    

بارہمولہ ضلع میں رہائشی مکان دیودار کے درخت کی زد میں آکر تباہ

 بارہمولہ/شمالی کشمیر کے ضلع بارہمولہ میں دیودار کا بھاری بھرکم درخت ایک رہائشی مکان پر آگرا جس کے نتیجے میں مذکورہ مکان تباہ ہوگیا۔ یہ واقع ضلع کے دور دراز علاقہ ،گوری وان ،نار وائو میں گذشتہ شام دیر گئے پیش آیا۔  بتایا جاتا ہے  کہ درخت علاقے میں برف  کی  مسلسل  موجودگی کی وجہ سے جڑ سے اکھڑ کر ممہ دین پوڑ ولد صوفی پوڑ کے مکان پر آگرا۔ اس حادثے کی وجہ سے مذکورہ مکان کو شدید نقصان پہنچ گیا  تاہم کسی جانی نقصان کی کوئی اطلاع نہیں ہے۔  

پلوامہ ضلع کے دربگام کا فورسزمحاصرہ اور تلاشی آپریشن

سرینگر/فورسز نے منگل کو جنوبی کشمیر میں ضلع پلوامہ کے دربگام گائوں کو محاصرے میں لیکر گھر گھر تلاشی کارروائی شروع کی۔  ذرائع کے مطابق فورسز نے گائوں میں جنگجوئوں کی موجودگی کی مصدقہ اطلاع کے بعد آپریشن شروع کیا۔ فورسز نے گائوں کے سبھی راستے بند کردئے ہیں اور گھر گھر تلاشی جاری ہے۔  

کولگام فائرنگ واقعہ : ابھی کوئی لاش برآمد نہیں ہوئی، تلاشی جاری

سرینگر/جنوبی ضلع کولگام کے فرصل، گائوں میں سنیچر کو جنگجوئوں اور فورسز کے مابین گولیوں کا مختصر تبادلہ ہوا جس میں اطلاعات کے مطابق ایک جنگجو جاں بحق ہوگیا۔ جنگجو  ہلاکت  کی  تاہم   پولیس  نے  تصدیق  نہیں  کی  ہے۔پولیس  کا   کہنا  ہے  کہ  علاقے  میں  تلاشی  آپریشن  جاری  ہے۔   اطلاعات میں بتایا جارہا ہے کہ ایک جنگجو جاں بحق ہوگیا ہے جس کی لاش  بھی ابھی برآمد  نہیں ہوئی ہے۔ اس سے قبل فورسز نے پولیس سٹیشن یاری پورہ کے ماتحت آنے والے کجر فرصل علاقے کے نزدیک ٹنگہ بل کا محاصرہ کرنے کے بعد تلاشی آپریشن شروع کیا۔ دریں اثناء حکام نے ضلع میں انٹر نیٹ سروس معطل کردی ہے۔  

تازہ ترین