تازہ ترین

سعودی عرب: ولی عہدی کی فہرست میں تبدیلی پرغورشروع

ریاض// سعودی شاہی خاندان کے اراکین نے مملکت کے تخت کے آئندہ امیدوار کے طور پر ولی عہد محمد بن سلمان کے بجائے شہزادہ احمد کا نام لینا شروع کردیا ہے۔ برطانوی خبر رساں ادارے کیمطابق شاہی خاندان کے قریبی ذرائع نے تصدیق کی ہے کہ کئی ارکان اب محمد بن سلمان کو ولی عہد برقرار رکھنے کے حق میں نہیں ہیں اور انہوں نے آئندہ بادشاہ کے لیے 76 سالہ احمد بن عبدالعزیز کا نام لینا شروع کردیا ہے۔ احمد بن عبد العزیز ، موجودہ شاہ سلمان کے واحد زندہ حقیقی بھائی ہیں اور وہ گزشتہ چالیس سے نائب وزیرداخلہ کے منصب پر فائز ہیں اور انہیں ایک موضوع امید وار کے طور پر دیکھا جارہا ہے۔ ذرائع کا کہنا ہے کہ سینئر امریکی حکام نے بھی حالیہ دنوں میں سعودی مشیروں کو باور کرایا ہے کہ وہ بطور فرما ن روائے مملکت شہزادہ احمد بن عبد العزیز کی حمایت کریں گے۔ خیال رہے کہ جمال خاشقجی کے قتل کے بعد سے سعودی شاہ سلمان اور ان کے ولی

شکاگو :اسپتال میں فائرنگ ،2 کی موت اور کئی زخمی

شکاگو// امریکہ کے شکاگو میں پیر کو اندھا دھند فائرنگ میں دو لوگوں کی موت ہوگئی اور دو لوگ سنگین طور پر زخمی بھی ہوگئے۔ میڈیا رپورٹس کے مطابق گولی باری کا یہ واقعہ ایک اسپتال میں پیش آیا۔ بتایا جارہا ہے کہ فائرنگ کے دوران ایک پولیس افسر زخمی ہوگیا۔ ان کی حالت فی الحال نازک ہے۔ اس واقعہ میں اسپتال کا ایک اسٹاف بھی زخمی ہوگیا ہے۔ فائرنگ کا یہ واقعہ شکاگو کے جنوبی علاقہ کے مرسی اسپتال میں پیش آیا ہے۔ شکاگو کے فائر ڈیپارٹمنٹ کے مطابق اندھا دھند فائرنگ کرنے والے شخص کو مار دیا گیا ہے۔ سرچ آپریشن فی الحال جاری ہے۔ اسپتال کو خالی کرالیا گیا ہے۔ مقامی ٹیلی ویزن چینل پر ایک عینی شاہد نے بتایا کہ اس نے کم سے کم 20 گولیوں کی آوازیں سنیں۔ پولیس نے پورے اسپتال میں سرچ آپریشن چلایا اور بتایا ہے کہ سبھی مریض محفوظ ہیں۔ چشم دیدوں کے مطابق فائرنگ ایک پارکنگ لاٹ سے شروع ہوئی اور اس کے بعد بندوق بردا

خاشقجی قتل: 18 سعودی شہریوں پر جرمنی داخلے پر پابندی

پیرس// جرمنی کے وزیرخارجہ ہیکو ماس نے کہا ہے کہ صحافی جمال خاشقجی کے قتل کے سلسلے میں جرمنی کی جانب سے سعودی عرب کے 18 شہریوں کو ان کی سرحد اور یورپ کے شینگن پاسپورٹ فری زون میں داخلے پر پابندی عائد کی جائے گی۔ رپورٹ کے مطابق ہیکو ماس کا کہنا تھا کہ یہ فیصلہ فرانس اور برطانیہ کے علاوہ یورپین یونین کے ساتھ ‘قریبی طور پر رابطے’ کے بعد کیا گیا ہے جبکہ گزشتہ ماہ قتل ہونے والے صحافی کے حوالے سے مزید معلومات بھی درکا ہیں۔ صحافیوں سے بات کرتے ہوئے ہیکو ماس نے کہا کہ ‘برلن فیصلہ کرچکا ہے کہ جرمنی کو شینگن سرحد پر 18 سعودی شہریوں کے داخلے پر پابندی عائد کرنا چاہیے جو مبینہ طور پر اس عمل میں شریک تھے’۔ برسلز میں یورپین یونین کے وزرا کے اجلاس کے موقع پر صحافیوں سے گفتگو کرتے ہوئے ان کا کہنا تھا کہ ‘ہم اس معاملے پر یورپین یونین سے رابطے میں ہیں’۔ جرمن وزیر خارجہ

چین کا دنیا کو حیران کرنے والا ایک اور منصوبہ

بیجنگ// چین فن تعمیرات اور اپنے کاروباری منصوبوں کے حوالوں سے اپنی مثال ا?پ ہے، گزشتہ ایک دہائی میں اس نے اپنے کئی منصوبوں سے نہ صرف اپنی معیشت اور سیاحت کو فروغ دیا ہے بلکہ اس نے ان منصوبوں کو دنیا کو بھی حیران کردیا۔ اور اب چین کا ایک اور لوگوں کو حیران کرنے والا منصوبہ سامنے آیا ہے۔ جی ہاں، چین نے ایک ایسے ہوٹل کو عام عوام کے لیے کھول دیا ہے، جس کی تعمیر میں ایک دہائی سے زیادہ عرصہ لگا۔ چینی خبر رساں ادارے ’ زنوا‘ نے بتایا کہ اس ہوٹل کی منفرد بات یہ ہے کہ اس کی 18 منزلوں میں سے 2 منزلیں زیر سمندر ہیں۔ علاوہ ازیں اس کی متعدد منزلیں سطح زمین سے نیچے ہیں، جب کہ اس کے ارد گرد آبشار اور خوبصورت نظارے ہیں۔ اس ہوٹل میں مجموعی طور پر 330 کمرے ہیں، جب کہ ساتھ ہی ہوٹل میں کانفرنس روم، بار، چہل قدمی کے لیے لان اور کئی ایسیں چیزیں موجود ہیں، جو عام ہوٹلز میں بھی نہیں ہوتیں۔ علاوہ

پاکستان نے امریکا کیلئے کچھ نہیں کیا :ٹرمپ

 واشنگٹن//امریکی صدر ڈونلڈ ٹرمپ نے ایک بار پھر پاکستان پر الزام تراشی کرتے ہوئے کہا ہے کہ پاکستان نے امریکا کے لیے کوئی ایک کام بھی نہیں کیا  بلکہ پاکستان نے اسامہ بن لادن کو پناہ دینے میں بھی مدد کی۔امریکی صدر نے فاکس نیوز کو انٹرویو دیتے ہوئے پاکستان کی امریکی فوجی امداد کے طور پر سیکڑوں ملین ڈالر کی رقم روکنے کے فیصلے کا بھی دفاع کیا۔صدر ٹرمپ نیایبٹ ا?باد میں اسامہ بن لادن کی رہائش کے واقعے کی جانب اشارہ کرتے ہوئے کہا کہ ’ا?پ کو معلوم ہے کہ پاکستان میں رہنا، بلکہ پاکستان کے ایک بہتر گھر میں رہائش اختیار کرنا، مجھے تو خبر نہیں لیکن میں (اس قلعے نما گھر کو) بہترین قرار دیتا ہوں ایک ایسے پاکستان میں جہاں ایک فوجی اکیڈمی ( اسامہ بن لادن کے گھر کے) بالکل برابر میں قائم ہو اورپاکستان میں ہر کوئی جانتا ہو کہ وہ وہاں رہائش پذیر ہے۔واضح رہے کہ اسامہ بن لادن کے کمپاؤنڈ پر 201

برطانوی وزیراعظم کی عہدے سے برطرفی کا خدشہ

لندن// برطانوی وزیراعظم تھریسامے نے خدشہ ظاہر کیا ہے کہ انہیں عہدے سے برطرف کرنے کی صورت میں بریگزٹ کا عمل متاثر ہوسکتا ہے۔بین الاقوامی خبررساں ادارے کے مطابق برطانوی وزیراعظم کا یہ بھی کہنا تھا کہ وہ قیادت کے حالیہ مسائل کو برسلز میں ہونے والے انتہائی اہم مذاکرات پر اثر انداز نہیں ہونے دیں گی۔واضح رہے کہ یورپی یونین سے علیحدگی کا مسودہ منظر عام پر ا?نے کے بعد سے برطانوی وزیراعظم کو سخت مخالفت کا سامنا ہے جس میں ان کے بریگزٹ کے وزیر کے ساتھ ساتھ متعدد وزرا استعفیٰ دے چکے ہیں اور پارلیمنٹ میں ان کے اپنے اراکین ان کی سبکدوشی کے خواہش مند ہیں۔خیال رہے کہ برطانیہ کے یورپی یونین سے علیحدگی اختیار کرنے کے فیصلے کے 2 سال بعد تک یہ واضح نہیں ہو سکا کہ یہ کس طرح اور کن بنیادوں پر ہوگا اور کیا یہ منصوبے کے مطابق 29 مارچ 2019 تک ہو بھی سکے گا یا نہیں۔ادھر برطانوی پارلیمنٹ میں یورپی یونین کے حامی

حضرت محمدؐ کی حیات طیبہ نوجوانوں کیلئے مشعل راہ :ترک صدر

انقرہ//ترکی کے صدر رجب طیب اردگان نے کہا ہے کہ نبی آخری الزماںؐ کا اسوہ آنے والی نسلوں کے لیے ضابطہ حیات ہے۔ بین الاقوامی خبر رساں ادارے کے مطابق ترک صدر طیب اردگان نے ماہ ربیع الاول میں جشن آمد رسولؐ کی مناسبت سے سرکاری سطح پر ایک ہفتے تک جاری رہنے والی خصوصی تقریبات ’’ہمارے رسولؐ اور نوجوان‘‘ کا آغاز کردیا ہے۔افتتاحی تقریب سے خطاب کرتے ہوئے طیب اردگان کا کہنا تھا کہ اسلام کی تابندگی سنت اور سیرت پرعمل میں پنہاں ہے، ایک مسلمان کا تعلق سیرت پاک سے جتنا مضبوط ہوگا اس کا دین کے ساتھ تعلق بھی اتنا ہی مضبوط ہوگا۔ترک صدر نے مزید کہا کہ نوجوان ملک کا قیمتی اور منافع بخش سرمایہ ہوتے ہیں، نوجوانوں کی طرف سے منہ موڑنے والی قوم کا مستقبل تاریک اور ملکی استحکام خطرے میں پڑجاتا ہے۔ نوجوانوں کو بھی اپنی ذمہ داریوں کو سمجھنا ہوگا۔طیب اردگان نے کہا کہ نوجوان سیرت پاک کا مط

ہیٹی میں کرپشن کے خلاف پرُ تشدد مظاہروں میں 6 افراد ہلاک

پورٹ او پرنس// ہیٹی میں حکمرانوں کے اربوں ڈالر کی کرپشن کے خلاف ہونے والے مظاہروں میں 6 افراد ہلاک اور درجنوں زخمی ہوگئے۔بین الاقوامی خبر رساں ادارے کے مطابق ہیٹی میں حکومت کی کرپشن کے خلاف ہونے والے مظاہروں نے تشدد کی شکل اختیار کرلی ہے، جلاو گھیراو ت مختلف واقعات میں 6 افراد ہلاک ہوگئے جب کہ درجنوں افراد زخمی ہیں۔دارالحکومت پورٹ او پرنس میں 6 ہزار سے زائد سیکیورٹی فورسز کی تعیناتی کے باوجود پْرتشدد واقعات سب سے زیادہ انہی علاقوں میں پیش آئے۔ پولیس نے 15 مظاہرین کو حراست میں لے لیا ہے۔کرپشن مخالف مظاہروں کا آغاز وینزویلا آئل پروگرام میں 3.8 ارب ڈالر کی کرپشن کے انکشاف کے بعد شروع ہوا۔ یہ رقم وینزویلا سے تیل کے بحران پر قابو پانے کے لیے وصول کی گئی تھی۔ہیٹی کے صدر جووینیل موائس نے اپوزیشن جماعتوں کو مذاکرات کے لیے طلب کرلیا ہے تاہم اپوزیشن یہ معاملہ سڑکوں پر طے کرتی نظر آرہی ہے جس

۔5 سالہ بچے کو حیرت انگیز کارنامہ انجام دینے پر قیمتی مرسڈیز کا تحفہ

 واشنگٹن// ورزش کرنا صحت کے لیے فائدہ مند ہے اور روزانہ ورزش سے انسان صحت مند اور توانا رہتا ہے لیکن چیچنیا میں ایک بچے نے نہ صرف ورزش کی بلکہ لگاتار پریس اپس کرکے ہر عام و خاص کو حیران کردیا۔ڈیلی میل کی رپورٹ کے مطابق روسی صدر ولادیمر پیوٹن کے ایک قریبی لیفٹننٹ نے ایک 5 سالہ بچے کو لگاتار 4 ہزار ایک سو 5 پریس اپس کرنے پر مرسڈیز کا تحفہ دیا ہے۔چیچنیا کے رہنما رمضان قادروف نے رحیم کورئیف نامی 5 سالہ بچے کو یہ تحفہ لگاتار 2 گھنٹے 25 منٹ کی کامیابی کے بعد لگڑری گاڑی کی چابیاں دیں۔چیچنیا کے حکمران نے بچے کو حکم دیا کہ اپنے والد کو گاڑی ڈرائیو کرنے دیں آپ اس مرسڈیز میں سوار ہونے کے اہل ہیں۔تاہم یہ واضح نہیں کہ ٹیکس دہندگان نے اس گاڑی کے 28 ہزار پونڈ کی ادائیگی کی یا رمضان قادروف نے اپنی ذاتی دولت سے کی۔اس حوالے سے جاری کی گئیں تصاویر میں ڈیوبا یورتھ کے رہائشی رحیم کو مرسڈیز بینز سی کل

روہنگیا مسلمانوں کے حقوق کی مسلسل خلا ف ورزی

نیویارک// اقوام متحدہ کی انسانی حقوق کمیٹی نے میانمار میں فوج کی جانب سے پرتشدد مہم چلانے اور روہنگیا مسلمانوں پر مسلسل تشدد اور حقوق خلاف ورزیوں پر مذمتی قرارداد منظور کرلی اور ان کارروائیوں کو انسانی حقوق کی کھلی خلاف ورزی اور توہین قرار دیا۔ اقوام متحدہ کی جنرل اسمبلی کی انسانی حقوق کمیٹی نے 10 کے مقابلے میں 142 ووٹوں سے روہنگیا مسلمانوں کی حقوق کی خلاف ورزی کی قرار داد منظور کی جبکہ 26 اراکین نے ووٹنگ میں حصہ نہیں لیا۔ قرار داد کی مخالفت میں ووٹ دینے والے ممالک میں چین کے علاوہ میانمار کا ہمسایہ ملک کمبوڈیا، لاوس اور روس شامل ہیں جبکہ 11 لاکھ مہاجرین کی میزبانی کرنے والے بنگلہ دیش نے قرارداد کے حق میں ووٹ دیا۔ قرار داد میں روہنگیا کے خلاف میانمار کی فوج کی پرتشدد کارروائیوں پر تشویش کا اظہار کیا گیا جس کے نتیجے میں اگست 2017 کے بعد 7 لاکھ 23 ہزار روہنگیا مسلمان اپنے گھر بار چھوڑ کر

افغانستان میں طالبان ہارے نہیں، ان کی پوزیشن کافی مضبوط ہے، امریکا

اوٹاوا//  امریکا کے چیئرمین جوائنٹ چیف آف اسٹاف جنرل جوزف ڈن فورڈ نے کہا ہے کہ افغانستان میں طالبان ہارے نہیں بلکہ 17 سالہ جنگ کے بعد بھی اْن کی پوزیشن کافی مضبوط ہے۔ تفصیلات کے مطابق امریکا کے چیئرمین جوائنٹ چیف آف اسٹاف جنرل جوزف ڈن فورڈ نے کہا ہے کہ افغانستان کے معاملے پر ہمیں لگی لپٹی بات کرنے کے بجائے طالبان کی مضبوط پوزیشن کو تسلیم کرلینا چاہیے اور فوجی آپریشن کے ساتھ ساتھ معاشی دباو اور مذاکرات کے ذریعے قیام امن کی کوششیں کرنی چاہئیں۔ امریکی جنرل جوزف ڈن فورڈ نے کہا کہ امریکا اپنے اتحادیوں کے ساتھ مل کر طالبان اور کابل حکومت کے درمیان مذاکرات کے لیے کوششیں جاری رکھے ہوئے ہے اور اگر طالبان بات چیت کے لیے تیار ہوجائیں تو یہ ہماری بڑی کامیابی ہوگی۔ اس حوالے سے مثبت پیشرفت کے خواہاں ہیں تاہم اس میں کافی وقت لگے گا۔ جنرل جوزف نے مزید کہا کہ حال ہی میں ہونے والے افغان بلدیاتی

بوسٹن میں‘ 10 سالہ مسلمان طالبہ کو دھمکی آمیز نوٹ

واشنگٹن// امریکا کے شہر بوسٹن میں 10 سالہ مسلمان طالبہ کی ڈائری سے دھمکی آمیز خط موصول ہوا جس میں معصوم بچی کو دہشت گرد قرار دے کر قتل کرنے کی دھمکی دی گئی۔ امریکی میڈیا کی رپورٹ کے مطابق میساچوسٹس کے دارالحکومت بوسٹن میں واقع نجی اسکول کی طلبہ کے بیگ سے دھمکی آمیز خط موصول ہوا۔ دس سالہ مسلمان لڑکی کی ڈائری میں اْس کے ساتھ اسکول میں پڑھنے والی ساتھی نے پینسل سے نوٹ لکھا کہ ’تم دہشت گرد ہو‘۔ پولیس حکام کے مطابق مغربی بوسٹن میں واقع ایلیمنٹری اسکول کی طالبہ کی ڈائری میں 9 نومبر کو اْس کی ساتھی نے دھمکی اامیز نوٹ تحریر کیا اور پھر 13 نومبر کو ایک اور تحریر لکھی کہ ’میں تمھیں قتل کردوں گا‘۔ امریکی میڈیا نے بچی کے اہل خانہ سے وعدے کے مطابق اْس کا نام ضیغہ راز میں رکھا۔ تفتیشی حکام کے مطابق اس طرح کا نوٹ ’نفرت انگیز‘ جرم ہے، مذکورہ بچے اور والدین کو پوچھ

موٹے افراد کینسر کا شکار کیوں ہو جاتے ہیں؟

ڈربن//  سائنس دان موٹے افراد کے کینسر میں مبتلا ہونے کی وجہ کا کھوج لگانے میں کامیاب ہوگئے جس کے مطابق زائد چربی کینسر لاحق ہونے کی ایک بڑی وجہ ہے۔ سائنسی جریدے نیچر امیونولوجی میں شائع ہونے والے مقالے میں دعویٰ کیا گیا ہے کہ ٹرینیٹی کالج ڈبلن کے محققین نے موٹے افراد میں کینسر کا مرض پیدا ہونے کے رجحان پر تحقیق کے دوران ایسے خلیے Natural Killer کا پتا چلایا ہے جو کینسر کے ٹشوز کو تباہ کرنے کی حیران کن صلاحیت رکھتے ہیں۔ سائنس دانوں کا کہنا ہے کہ کینسر کے خلاف مزاحمت کرنے والے مفید خلیات کوNatural Killer کہا جاتا ہے، یہ مفید خلیے سائٹو ٹوکسک مدافعتی خلیات اور CD8+ T کے ساتھ مل کر کینسر کے ٹشوز کو جسم میں پنپنے نہیں دیتے لیکن جسم کی زائد چربی یعنی Ftas ان تینوں اقسام کے مفید خلیات کو تباہ کردیتی ہے۔ ریسرچ میں انکشاف کیا گیا ہے کہ کینسر کو تباہ کرنے والے مفید خلیوں کی سب سے بڑی دشمن ج

پاکستانی تبلیغی جماعت کے امیر حاجی محمد عبدالوہاب انتقال کرگئے

اسلام آباد//پاکستان میں تبلیغی جماعت کے امیر اور معروف مذہبی شخصیت حاجی محمد عبدالوہاب طویل علالت کے بعد لاہور میں انتقال کر گئے۔رائے ونڈ میں قائم تبلیغی مرکز کے عہدیداروں کے حوالے سے میڈیا کو بتایا گیا کہ عبدالوہاب کی نماز جنازہ اور تدفین بعد نماز مغرب کردی گئی۔میڈیا رپورٹس کے مطابق حاجی عبدالوہاب گزشتہ کئی روز سے نجی ہسپتال میں زیر علاج تھے اور وینٹی لیٹر پر تھے۔رپورٹس میں تبلیغی مرکز رائے ونڈ کے اعلامیے کے حوالے سے بتایا گیا کہ حاجی عبدالواہاب کو ڈینگی بخار کے باعث ہسپتال منتقل کیا گیا تھا، اس کے علاوہ انہیں سانس اور سینے کی تکلیف بھی تھی۔حاجی محمد عبدالوہاب یکم جنوری 1922 کو برصغیر ہندوستان کے شہر دہلی میں پیدا ہوئے، انہوں نے اسلامیہ کالج لاہور سے گریجویشن مکمل کیا تھا جبکہ وہ تبلیغی جماعت کے تیسرے امیر تھے۔حاجی محمد عبدالوہاب نے اپنی پوری زندگی تبلیغ دین اور اس کی اشاعت کے لیے وق

سعودی ولی عہد نے جمال خاشقجی کے قتل کاحکم دیا، امریکی میڈیا کا دعوی

نیویارک//  امریکی میڈیا نے دعوی کیا ہے کہ سعودی صحافی جمال خاشقجی کے قتل کا حکم سعودی ولی عہد محمد بن سلمان نے دیا تھا، سی آئی اے نے فون کالز ریکارڈ سے اندازہ لگایا۔ تفصیلات کے مطابق امریکی میڈیا نے دعوی کیا ہے کہ اندازوں کیمطابق سعودی ولی عہدمحمد بن سلمان نے سعودی صحافی جمال خاشقجی کے قتل کاحکم دیا سی آئی اے نے جمال خاشقجی کے فون کالز اور قتل سے پہلے اورقتل کے بعد سعودی قونصل میں موجودسعودی ایجنٹس کی کالزکے جائزے کے بعد یہ نتیجہ اخذ کیا۔ سی آئی اے نے اپنا تجزیہ ٹرمپ انتظامیہ اور قانون سازوں کوپیش کردیا ہے جبکہ سعودی عرب کا مؤقف ہے جمال خاشقجی کے قتل کا حکم ولی عہد محمد بن سلمان نے نہیں بلکہ ایک سینئیر انٹیلیجنس اہلکار نے دیا تھا۔ یاد رہے کہ سعودی عرب کے محکمہ پبلک پراسیکیوشن نے ترکی کے شہر استنبول میں سعودی قونصل خانے میں جمال خاشقجی کے قتل میں ملوث پانچ افراد کو سزائے موت دی

سعودی سفارتخانہ نے امریکی دعویٰ کو غلط بتایا

ریاض// امریکہ میں سعودی سفیر خالد بن سلمان نے امریکی حکومت کے دعویٰ کو غلط قرار دیتے ہوئے کہا کہ انہوں نے صحافی جمال خشوگی کو ترکی جانے کے لئے کبھی نہیں کہا۔ اس سے پہلے، ’واشنگٹن پوسٹ‘ کی خبر وں میں بتایا گیا ہے کہ امریکی خفیہ ایجنسی سی آئی اے نے فون انٹرسیپٹس کی تحقیقات کی بنیاد پر کہا ہے کہ سعودی کراؤن پرنس محمد بن سلمان نے جمال خشوگی کو قتل کرنے کا حکم دیا تھا۔ رپورٹوں میں بتایا گیا کہ کراؤن پرنس کی ہدایات ملنے پر سعودی سفیر نے خشوگی کو استنبول میں سعودی سفارت خانہ جانے کے لئے کہا تھا، جہاں ان کاقتل ہوا تھا۔ کراؤن پرنس کے بھائی سلمان نے ٹوئٹر پر کہا’’میں نے کبھی خشوگی  سے فون کے ذریعہ بات نہیں کی اور کسی بھی وجہ سے ترکی جانے کہ لئے نہیں کہا۔ میں نے امریکی حکومت سے اس دعویٰ سے متعلق تفصیلات جاری کرنے کے لئے کہا ہے‘‘۔  

سی این این کے صحافی کے لئے وائٹ ہاؤس کا پاس جاری کرنے کا حکم

واشنگٹن// امریکا کی عدالت نے نشریاتی ادارے کیبل نیوز نیٹ ورک (سی این این) کے حق میں فیصلہ دیتے ہوئے اس کے وائٹ ہاؤس کے نمائندے جم اکوسٹا کو پریس پاس جاری کرنے کا حکم دے دیا۔ امریکی صدر ڈونلڈ ٹرمپ نے وائٹ ہاؤس کے لیے 'سی این این' کے سینئر نمائندے جم اکوسٹا کو عوام دشمن قرار دیتے ہوئے ان کا پریس پاس منسوخ کردیا تھا۔ سی این این نے امریکی صدر کے اس اقدام پر احتجاج کرتے ہوئے عدالت سے رجوع کیا تھا۔ سی این این کی جانب سے مقدمے میں کہا گیا تھا کہ پریس پاس منسوخ کر کے امریکی قانون کی پہلی اور پانچویں ترمیم کے تحت سی این این اور جم اکوسٹا کے حقوق سلب کیے گئے۔ جمعہ کو وفاقی جج ٹموتھی کیلی نے مقدمے کا باقاعدہ فیصلہ تو نہیں سنایا لیکن 'سی این این' کی درخواست پر جم اکوسٹا کو وائٹ ہاؤس میں داخلے کی اجازت دیتے ہوئے پریس پاس جاری کرنے کا حکم دیا۔ جج نے اپنا فیصلہ سناتے ہوئے کہا کہ می

امریکا: ’کیلیفورنیا آگ سے 1000 سے زائد افراد لاپتہ‘

واشنگٹن// امریکا کی ریاست کیلیفورنیا کے جنگلات میں لگنے والی تاریخ کی خطرناک ترین آگ سے ہلاکتوں کی تعداد 71 ہوگئی جبکہ 1000 سے زائد افراد لاپتہ ہیں۔ فرانسیسی خبر رساں ادارے کی رپورٹ کے مطابق شمالی کیلیفورنیا کے جنگلات میں لگنے والی آگ میں لاپتہ افراد کی تعداد ایک ہزار سے تجاوز کرگئی ہے جبکہ تلاشی کے دوران مزید 8 افراد کی لاشیں ملی ہیں۔ خیال رہے کہ رواں ماہ کے اوائل میں کیلیفورنیا کے جنگلات میں آگ لگی تھی، جس نے دیکھتے ہی دیکھتے شدت اختیار کرتے ہوئے بڑے حصے کو اپنی لپیٹ میں لے لیا تھا جبکہ اس آگ کو تاریخ کی بدترین آگ قرار دیا جارہا تھا۔ اس حوالے سے مقامی پولیس کی عہدیدار کوری ہونیا نے صحافیوں کو بتایا کہ 24 گھنٹوں میں لاپتہ افراد کی تعداد 631 سے بڑھ کر ایک ہزار 11 تک ہوگئی ہے جو تقریباً 2 گناہ ہے کیونکہ انتظامیہ کو لوگوں کی گمشدگی کی اطلاعات موصول ہورہی ہیں۔ تاہم انہوں نے کہا کہ&rs

صحافی کا قتل سعودی عرب کا اندرونی معاملہ ہے: سعودی وزیرِ خارجہ

ریاض//  سعودی عرب نے جمال خاشقجی کے قتل کو بین الاقوامی معاملہ تسلیم کرنیسے انکار کردیا ہے ، سعودی وزیر خارجہ عادل الجبیر نے کہا ہے کہ ہماری عدلیہ فعال ، موثر اور آزاد ہے۔ تفصیلات کے مطابق گزشتہ روز جمال خاشقجی کے قتل کی تحقیقاتی رپورٹ منظرِ عام پر لائی گئی جس کے بعد سعودی وزیر خارجہ عادل الجبیر نے صحافیوں کے ساتھ نیوز کانفرنس سے گفتگو کرتے ہوئے کہا کہ سعودی عرب کا پبلک پراسیکیوشن ابھی تک بہت سے سوالوں کے جواب کی تلاش میں ہے اور وہ تحقیقات کررہا ہے۔ میڈ یا سے گفتگو کرتے ہوئے ان کا کہنا تھا کہ جمال خاشقجی کیس میں سعودی عرب کو نشانہ بنایا جارہا ہے۔ عادل الجبیر نے قطری میڈیا پر الزام عائد کیا کہ اس نے سعودی عرب کے خلاف مہم برپا کررکھی ہے اورجمال خاشقجی کے قتل کیس سے فائدہ اٹھانے کے لیے ابھی تک سعودی عرب کے خلاف مہم جاری ہے۔ انہوں نے واضح کیا کہ اس کیس میں مقتول اور تمام ملزمان سعودی

کمبوڈیا میں لاکھوں مسلمانوں کے قتل میں ملوث کمیونسٹ رہنماوں پر جرم ثابت

پنوم پن//  اقوام متحدہ کی جنگی جرائم سے متعلق عدالت نے کھیمر راج کے دوران لاکھوں لوگوں کے قتل عام میں کمیونسٹ رہنماوں نیون چیا اور کھیئو سیمفن کو مجرم قرار دے دیا ہے۔ اقوام متحدہ کی جنگی جرائم سے متعلق ٹریبونل نے کمبوڈیا میں 1975 سے 1979 کے دوران 10 لاکھ 70 ہزار افراد کی نسل کشی کا مجرم کمیونسٹ رہنماوں 92 سالہ نیون چیا اور 87 سالہ سیمفن کو قرار دے دیا ہے۔ دونوں رہنماو کے خلاف سماعت جنیوا کنونشن کے تحت انسانیت سوز جنگی جرائم پر ہوئی۔ عدالتی ٹریبونل کا اپنے فیصلے میں کہنا تھا کہ کمیونسٹ پارٹی آف کمبوڈیا کے رہنماوں اور اس وقت کی کھمیراج کے وزیراعظم پال پوٹ، ڈپٹی وزیراعظم نیون چیا اور صدر سیفمن مسلمان اقلیتی گروہ چیم مسلم، ویت نام کے لسانی اور دیگر نسلی گروہ کے قتل عام میں ملوث پائے گئے ہیں۔ تینوں رہنماوں میں سے سابق وزیراعظم پال پوٹ 1998 میں 72 سال کی عمر میں انتقال کرچکے ہیں جب کہ