بدھل کی پنچایت کیول کا ٹرانسفار مر خراب

متعدد وارڈ گھپ اندھیرے میں ،محکمہ پر غیر سنجیدگی کا الزام

13 جولائی 2019 (00 : 01 AM)   
(      )

محمد بشارت
کوٹرنکہ//بلاک بدھل کی پنچایت کیول کا ٹرانسفارمر خراب ہو نے کی وجہ سے لوگوں کو کئی طرح کے مسائل کا سامنا کرنا پڑرہا ہے ۔مقامی لوگوں نے محکمہ پی ڈی ڈی کو تنقید کا نشانہ بناتے ہوئے کہاکہ مذکورہ پنچایت میں ٹرانسفار مر خراب ہو نے کی وجہ سے گزشتہ کئی دنوں سے وارڈ نمبر5،6اور وارڈ نمبر 7میں لوگوں کو کئی طرح کے مسائل کا سامنا کرنا پڑرہا ہے لیکن متعلقہ محکمہ کی طرف سے اس جانب کوئی توجہ نہیں دی گئی۔مقامی لوگوں نے محکمہ کے ملازمین پر الزام عائد کرتے ہوئے کہاکہ ماہانہ کرایہ ادا کرنے کے باوجود بھی عوام کو بجلی کی بہتر سپلائی فراہم نہیں کی جاتی ۔صارفین نے ضلع انتظامیہ کو انتباہ دیتے ہوئے کہاکہ اگر جلداز جلد ٹرانسفارمر کی مرمت نہیں کی گئی تو محکمہ کیخلاف احتجاج شروع کیا جائے گا ۔

تازہ ترین