نعت

16 جون 2019 (00 : 01 AM)   
(      )

 ارض وسماء میں چار سُو فیضانِ نعت ہے
فرقانِ لا یزال ہی شایانِ نعت ہے
 
مدح و ثنائے خواجہ ہو دورانِ نیم شب
اشکِ سحر گہی سے ہی عرفانِ نعت ہے
 
شعروادب کی نوع میں محدود کب رہا
"ہر شعبہ حیات میں امکانِ نعت ہے"
 
عشقِ نبیؐ فزوں سے فزوں تر ہے قلب میں 
یہ میرا جذب و کیف بھی احسانِ نعت ہے
 
میں بے ہنر ہوں تابِ سخن کی طلب مجھے 
ارمان کوئی ہے تو بس ارمانِ نعت ہے
 
ڈاکٹر جوہر قدوسی
مدیر ششماہی "جہان حمدونعت"
 
سفید کتوبر
  افسانہ

تازہ ترین