تازہ ترین

۔جموں وکشمیر سٹارٹ اَپ پالیسی 2018

کار خانہ داروں کو دی جانے والی مراعات پر تفصیلی تبادلہ خیال

13 جنوری 2019 (00 : 01 AM)   
(      )

نیو ڈسک
جموں//ریاست میں جموں وکشمیر سٹارٹ اَپ پالیسی 2018 کے تحت اختراعیت پر مبنی اُبھر تے ہوئے کارخانہ داری کو فروغ دینے کے لئے جے کے ای ڈی آئی نے بڑی براہمناانڈسٹریل ایسو سی ایشن کے ساتھ ایک میٹنگ کا انعقاد کیا۔ میٹنگ میں ڈائریکٹر جے کے ای ڈی آئی ڈاکٹر ایم آئی پرے ، ایگزیکٹیو ڈائریکٹر جے کے ای ڈی آئی طفیل متو کے علاوہ کئی دیگر اہم شخصیات نے بھی شرکت کی۔میٹنگ میں جے اینڈ کے سٹارٹ اَپ پالیسی کے مختلف امور اور پالیسی کے تحت رجسٹرشدہ نئے کار خانہ داروں کو دئیے جانے والے مراعات پر تفصیلی تبادلہ خیال کیا گیا۔اِس دوران ریاست میں نئے کارخانہ داروں کو دی جارہی سہولیات کو بھی زیر بحث لایا گیا۔ اس موقعہ پر کہا گیا کہ ریاست میں اختراعیت پر مبنی سٹار ٹ اَپ وجود میں لانے کی اَشد ضرورت ہے کیوں کہ ایسا کرنے سے مجموعی طور پر سماجی و اقتصادی ترقی کو دوام حاصل ہوتا ہے ۔واضح رہے جے کے ای ڈی آئی کو ریاستی حکومت کی طرف سے ستمبر 2018ء میں شروع کی گئی جے اینڈ کے سٹارٹ اَپ پالیسی 2018کی عمل آوری کے لئے سٹیٹ نوڈل ایجنسی نامزد کیا گیا ہے۔یہ میٹنگ پالیسی کی مؤثر عمل آوری کو یقینی بنانے کے لئے ایک کڑی تھی۔