تازہ ترین

سونہ وار میں نمدوں کی پھیری کرنے والا سڑک پر غش کھاکر فوت

13 جنوری 2019 (00 : 01 AM)   
(      )

نیوز ڈیسک
سرینگر//سونہ وار میں ایک پھیری والا غش کھاکر فوت ہوا۔ حمزہ کالونی سونہ وار میں سنیچر کو نمدے فروخت کرنے والا گلی میں گرا ہوا پڑاتھا اور مقامی لوگوںنے فوری طور پر معاملہ کی اطلاع پولیس کو دی۔ پولیس نے مذکورہ شہری کی شناخت محمد یعقوب ساکن نہرو پارک ڈل کے بطور کی جس کی موقعہ پر ہی موت واقع ہوگئی تھی۔اس دوران پولیس نے مذکورہ شہری کے لواحقین کو مطلع کیا اور قانونی لوازمات پورا کرنے کے بعد میت ان کے سپرد کی۔ رام منشی باغ پولیس تھانے کے افسر نے اس بات کی تصدیق کہ سونہ وار میں ایک شخص غش کھا کر گر گیا تھا اور لقمہ اجل بن گیا۔جونہی مذکورہ شہری کی میت علاقے میں پہنچائی گئی تو وہاں صف ماتم بچھ گئی۔ علاقہ میں لوگوں کی آنکھیں نم تھیں اور لواحقین کی ڈھارس بندھانے اور تعزیت پرسی کرنے کا سلسلہ شروع ہوا۔