تازہ ترین

بلند شہر پولیس آفیسر اورشہری کا قتل

میں 7 مسلمانوں کے نام ، 5 گاوں میں تھے ہی نہیںFIR

6 دسمبر 2018 (00 : 01 AM)   
(      )

 بجرنگ دل کے ضلع صدر کے بیان پر شکایت درج کی گئی : عوام 

بلند شہر //بلند شہر تشدد میں 7 مسلمانوں کے خلاف گئوکشی کا معاملہ درج کیا گیا ہے۔ یہ تمام نیابانس گاؤں کے رہائشی ہیں۔ پیر کے روز بلند شہر میں تشدد کے دوران دو افراد کی موت ہو گئی تھی جس میں پولیس انسپکٹر سبودھ کمار سنگھ بھی شامل تھے۔جن سات لوگوں کے خلاف معاملہ درج ہوا ہے اس میں دو نابالغ بھی شامل ہیں۔ ان کی عمر 11 اور 12 سال ہے۔ مقامی پولیس اور گاؤں والوں کا کہنا ہے کہ باقی لوگ جن کے خلاف ایف آئی آر درج کی گئی ہے وہ واقعہ کے دن گاوں میں نہیں تھے۔لوگوں کا کہنا ہے کہ بجرنگ دل کے ضلع صدر یوگیش راج کے بیان پر ان سبھی ملزمان کے خلاف شکایت درج کی گئی ہے۔ آپ کو بتا دیں کہ یوگیش راج کے خلاف بھی الگ سے ایف آئی آر درج کی گئی ہے۔ یوگیش راج پر پولیس انسپکٹر سبودھ کمار سنگھ کو قتل کرنے اور تشدد بھڑکانے کا الزام ہے۔نابالغ بچوں کے والدین اور ان کے قریبی رشتہ داروں کا کہنا ہے کہ پولیس تلاشی کے لئے ان کے گھر آئی تھی۔ ابتدائی تحقیقات کے بعد پولیس بچوں کو ساتھ لے کر گئی۔ ایک رشتہ دار نے کہا، "مجھے بچوں کے ساتھ پولیس اسٹیشن لے گئے تھے۔ مجھے وہاں تقریبا چار گھنٹے تک رکھا۔ اس کے بعد پولیس نے مجھے نام اور فون نمبر دینے کے لئے کہا‘‘۔تھانے لے جائے گئے ایک نابالغ نے کہا، '' ہم نے وہاں بات نہیں کی۔ مجھے وہاں بڑا عجیب سا لگ رہا تھا۔ میں پہلی بار کسی تھانے میں گیا تھا۔ جب میرے چچا نے کہا کہ ہم لوگوں کی عمر 18 سال سے کم ہے تب پولیس نے ہمیں آدھار کارڈ دکھانے کو کہا‘‘۔بلند شہر کے ایک سینئر پولیس افسر کرشن بی سنگھ نے نیوز  چینل  کے سوالات کا جواب دینے سے انکار کر دیا۔ انہوں نے صرف اتنا کہا کہ وہ حقائق کی جانچ کر رہے ہیں۔تقریبا 70 پولیس اہلکار نیابانس گاوں میں سات ملزمین کی تلاش میں گئے تھے۔ ان سات ملزمان میں صدیف کا نام بھی تھا۔ لیکن وہ اس گاوں کا رہنے والا نہیں ہے۔ الیاس نام کے دو لوگ اس گاوں میں ملے۔ لیکن پولیس والوں کو بتایا گیا کہ 15 سال پہلے ہی یہ دونوں اپنے کنبوں کے ساتھ گاوں چھوڑ کر جا چکے ہیں۔ ایف آئی آر میں تیسرا نام شرافت کا تھا۔ وہ بھی پچھلے کئی سالوں سے اپنے کنبہ کے ساتھ فریدآباد میں رہتے ہیں۔گاوں کے سیف الدین اور پرویز کا بھی نام ایف آئی آر میں تھا۔ لیکن ہفتہ کے روز سے ہی یہ دونوں نیابانس گاوں سے دور بلند شہر میں تھے۔ یہ دونوں وہاں ایک مذہبی اجتماع کے لئے گئے ہوئے تھے۔ ابھی تک یہ دونوں وہاں سے واپس نہیں آئے ہیں۔ ان کے اہل خانہ نے پولیس کو ثبوت کے طور پر اجتماع میں ان کے شامل ہونے کی تصویریں اور ویڈیو بھی دئیے۔