جی 20 چوٹی کانفرنس: مودی کی اقوام متحدہ کے سکریٹری جنرل سے ملاقات

عالمی سطح پرماحولیاتی تبدیلی پر بات چیت

1 دسمبر 2018 (00 : 01 AM)   
(      )

 بیونس آئرس//وزیراعظم نریندر مودی نے ارجنٹینا میں جی -20 چوٹی کانفرنس سے علاحدہ طور پر اقوام متحدہ کے سکریٹری جنرل انٹونیو گوٹیرس سے ملاقات کرکے عالمی سطح پر ماحولیاتی تبدیلی کے معاملے پر تبادلہ خیال کیا۔وزارت خارجہ کے ترجمان رویش کمار نے ٹویٹ کرکے کہا ، ‘‘وزیر اعظم نریندر مودی نے جی 20 چوٹی کانفرنس سے علاحدہ بیونس آئرس میں اقوام متحدہ کے جنرل سیکریٹری سے ملاقات کی۔ اس دوران دونوں رہنماؤں نے ، پولینڈ کے کیٹووائس میں منعقد ہونے والی میٹنگ کے مخصوص حوالہ کے ساتھ عالمی سطح پر ماحولیاتی تبدیلی کے سلسلے میں ہندوستان کی متحدہ کوشش پر تبادلہ خیال کیا۔ مسٹر کمار نے کہا کہ اس کے ساتھ مسٹر مودی نے سعودی عرب کے شہزادہ محمد بن سلمان السعود سے بھی ملاقات کی۔ اس دوران، دونوں رہنما نے ٹیکنالوجی، بنیادی ڈھانچے ، پٹرولیم، تجدید توانائی، خوراک کی حفاظت، مالیاتی ٹیکنالوجی اوردفاعی شعبے میں سعودي عرب کی سرمایہ کاری بڑھانے میں تبادلہ خیال کیا۔قابل ذکر ہے کہ ارجنٹینا کے دارالحکومت بیونس آئرس میں جمعہ کے روز سے جی 20 کا دسواں سربراہ اجلاس میں شروع ہورہا ہے ۔وزیر اعظم چوٹی اجلاس میں دیگر مسائل کے ساتھ تیل کی قیمت میں عدم استحکام کا مسئلہ اٹھا سکتے ہیں۔۔یو این آئی 

تازہ ترین