تازہ ترین

علامہ اقبال کافلسفہ اور سوچ ہردور کیلئے مشعل راہ:پروفیسر طلعت

یوم اقبال کے سلسلے میں کشمیر یونیورسٹی میں یک روزہ سمینار منعقد

10 نومبر 2018 (00 : 01 AM)   
(      )

 سرینگر//علامہ اقبال کے فلسفہ اورسوچ کو ہردور کیلئے مشعل راہ قراردیتے ہوئے کشمیر یونیورسٹی کے وائس چانسلرپروفیسرطلعت احمد نے کہا کہ علامہ اقبال کے نظریات کو نوجوان نسل تک پہنچانے کیلئے ابھی بہت کچھ کرنے کی ضرورت ہے۔کشمیر یونیورسٹی میں اقبال انسٹیچیوٹ آف کلچر اینڈ فلاسفی اور شمع فائونڈیشن کے باہمی اشتراک سے یوم اقبال پر ایک سمینار سے خطاب کرتے ہوئے پرفیسر طلعت نے اپنے صدارتی خطبے کے دوران کہاکہ کشمیریونیورسٹی میں گزشتہ کئی دہائیوں سے ڈاکٹراقبال کے کلا م اورنظریات پرتحقیق کی جارہی ہے تاکہ اس عظیم شاعرکی سو چ اورفلسفہ کونئی نسل کیساتھ ساتھ اقوام عالم تک پہنچایاجائے۔انہوں نے کہاکہ ابھی تک تحقیق کے حوالے سے جوکام کیاگیاہے وہ قابل سراہناہے لیکن ابھی بھی بہت کچھ کرنے کی گنجائش موجودہے کیونکہ علامہ اقبال کاپیغام اسقدروسیع اورگہرا ہے کہ اسبارے میں محقق مزیدکئی دہائیوں تک مختلف زاویوں سے اپنی تحقیقات یاریسرچ جاری رکھ سکتے ہیں۔پروفیسرطلعت احمدنے سمینارسے خطاب کے دوران کہاکہ ڈاکٹراقبال کاکلام صرف شاعری ہی نہیں ہے بلکہ اْنکے کلام میں عالم انسانیت کی بھلائی کیلئے پیغام  موجودہے ،جسکوہم مزیدتحقیق کے ذریعے آگے بڑھاسکتے ہیں ۔انہوں نے کہاکہ ذاتی طورپرمیری یہی کوشش رہے گی کہ علامہ اقبال کے نظریات اورفلسفہ کوتحقیق کے ذریعے نوجوان نسل تک پہنچایاجائے۔کشمیریونیورسٹی کے وائس چانسلرپروفیسرطلعت احمدنے کہاکہ ہمیں مختلف شعبوں کے اسکالروں کوکلام اقبال پرہورہی ریسرچ میں شامل کرناہوگاتاکہ شاعرمشرق کی زندگی ،سوچ اورفلسفہ وپیغام کوآگے پہنچایاجائے۔انہوں نے کہاکہ علامہ اقبال کے کلام پرجتنی تحقیق ہوگی ،اْتناہی ہم یہ جان پائیں گے کہ ڈاکٹراقبال کے کلام میں کیاپیغام ہے۔اقبال انسٹی چیوٹ آف کلچروفلاسفی کے سابق ڈائریکٹرپروفیسربشیراحمدنحوی نے اپنی تقریرکے دوران کہاکہ اقبال کے نظریات پربہت کام کرنے کی ضرور ت ہے۔انہوں نے کہاکہ کسی بھی شخصیت کے کارناموں پرکام کرکے ہی ہم یہ جان پاتے ہیں کہ اْس شخصیت کے کلام میں کیاپیغام اورکیافکرچھپی ہے۔یک روزہ سمینارسے خطاب کرتے ہوئے سنٹرل یونیورسٹی کے شعبہ برائے مذہبی تعلیمات کے سربراہ اورشمع فائونڈیشن کے ٹرسٹی پروفیسرحمیدنسیم رفیع آبادی کاکہناتھاکہ علامہ اقبال کاصنف نازک کے حوالے سے نظریہ واضح تھااوروہ حواکی بیٹی کے اصل وقار کواپنے کلام میں بارباراْجاگرکرچکے ہیں۔انہوں نے کہاکہ ڈاکٹراقبال نے اپنے کلام کے ذریعے اقوام عالم کویہ پیغام دیاہے کہ دنیاکی سماجی ترقی میں مردوں کیساتھ ساتھ خواتین کابھی اہم رول ہے۔یک روزہ سمینارکے دوران پروفیسربشیراحمدنحوی کی تصنیف ’سرحدادراک اوردفاع اقبال ‘کی رسم رونمائی پروفیسرحمیدنسیم رفیع آبادی نے انجام دی۔یوم اقبال کے موقعہ پرمنعقدہ سمینارکے کارڈی نیٹرڈاکٹرمشتاق احمدگنائی تھے۔