تازہ ترین

نعتیہ قطعات

29 اپریل 2018 (30 : 01 AM)   
(      )

 محمّدؐ سے نگاہِ دل ملانا سب سے اچھا ہے
محمّدؐ اسم دل سے گنگنانا سب سے اچھا ہے
خوشا بختم کہ ہوں میں امّتی آقاے رحمتؐ کا
محمّدؐ کی گلی میں آنا جانا سب سے اچھا ہے
********
مدینہ رحمتوں کا آستانہ سب سے اچھا ہے
مدینہ ہی دیوانوں کا ٹھکانہ سب سے اچھا ہے
مدینہ سے ہی وابستہ مزاجِ اہلِ ایماں ہے
کہ موسم شہرِ طیبہ کا سہانا سب سے اچھا ہے
********
محمّدؐ عشق ہے، دل میں بسانا سب سے اچھا ہے
محمّدؐ حسن، آنکھوں میں چھپانا سب سے اچھا ہے
محمّدؐ اسمِ اعظم ہے کہ جو وردِ زباں ٹھہرے
محمّدؐ لطفِ مولائے خزانہ سب سے اچھا ہے
*******
قرینوں میں محمّدؐ کا قرینہ سب سے اچھا ہے
کہ رفعت میں انہیؐ کا نقشِ زینہ سب سے اچھا ہے
مقرر نا خدا امّت کے ٹھہرے ہی محمّد ؐہیں
سفینوں میں محمّدؐ کا سفینہ سب سے اچھا ہے
*******
سرِ خوشبو کوئی محفل سجانا سب سے اچھا ہے
پھر اس میں نعتِ اقدس ہی سنانا سب سے اچھا ہے
یہ آنسو آنکھ کے ہوجائیں رشحاتِ قلم شیداءؔ
یہی فرضِ سخن میرا نبھاناسب سے اچھا ہے
 
علی شیدّاؔ
(نجدہ ون)  نپورہ  اسلام آباد کشمیر ،موبائل نمبر؛9419045087