تازہ ترین

لارڈز میں آج سے بھارت اور انگلینڈ کے درمیان دوسرا ٹیسٹ شروع

9 اگست 2018 (00 : 01 AM)   
(      )

یو این آئی
لندن/ ہندوستانی کرکٹ ٹیم کے لئے ہمیشہ خوش قسمت ثابت ہوئے لارڈ کے میدان پر جمعرات سے شروع ہونے والے دوسرے ٹیسٹ میں وراٹ کوہلی اینڈ کمپنی جیت حاصل کرکے پانچ میچوں کی سیریز میں برابری حاصل کرنے کے ارادے سے اترے گی۔ ہندوستانی ٹیم کو سیریز کے پہلے میچ میں انگلینڈ ٹیم نے 31 رن سے ہرایا تھا جس سے مہمان ٹیم 1۔0 سے پچھڑ گئی ہے ۔ حالانکہ لارڈز پر ہندوستانی کھلاڑی کے پاس واپسی کا موقع رہے گا جہاں سال 2014 کی سیریز میں ہندوستانی ٹیم کو اس کی واحد فتح حاصل ہوئی تھی۔ ہندوستان نے انگلینڈ میں گزشتہ پانچ میچوں کی سیریز 1۔3 سے گنوائی تھی لیکن لارڈز پر دوسرا میچ 95 رن سے جیت کر اسے کلین سوئپ کی شرمندگی کا سامنا نہیں کرنا پڑا تھا۔ ہندوستان نے اپنی تاریخ کا پہلا عالمی کپ 1983 میں لارڈز میدان پر جیتا تھا۔ ایسے میں کپتان وراٹ کوہلی کی ٹیم انڈیا کا ایک بار پھر جادو چل سکتا ہے ۔ چار برس قبل ٹیم میں مرلی وجے ، اجنکیا رہانے ، چتیشور پجارا، شکھر دھون، رویندر جڈیجہ، ایشانت شرما، محمد سمیع اور وراٹ کوہلی اس ٹیم کا حصہ تھے اور موجودہ ٹیم میں بھی یہ کھلاڑی شامل ہیں۔ ان کھلاڑیوں کے پاس انگلینڈ کے حالات کا اچھا تجربہ ہے ۔ سال 2014 سیریز کے لارڈز میدان پر ہوئے میچ میں مرلی کی 95، رہانے کی 103 رن اور آل راہنڈر جڈیجہ کی نچلے آرڈر پر 68 رن کی اننگز اہم رہی تھی۔ حالانکہ بھونیشور کمار کی نچلے آرڈر پر نصف سنچری والی اننگز کے ساتھ 82 رن پر چھ وکٹ کی کارکردگی بھی لاجواب تھی لیکن بھووی اس بار چوٹ کے سبب ٹیم سے باہر ہیں لیکن تیز گیند بازوں میں ایک بار پھر نگاہیں ایشانت پر ہوں گی جنہوں نے یہاں انگلینڈ کی دوسری اننگز میں 74 رن پر سات وکٹ نکالے تھے اور ہندوستانی کو جیت دلاکر مین آف دی میچ رہے تھے ۔