تازہ ترین

الوداع اے ماہ رمضان الوداع ​

15 جون 2018 (00 : 01 AM)   
(      )

مولانا محمد علی جوہر ​
  الوداع اے ماہ ِرمضان الوداع
بہترین غمگساراں الوداع 
تجھ میں اُترا آخری پیغام حق ​
تو ہی تھا شایانِ قرآں الوداع​
ان دنوں تھا بحر رحمت جوش پر​
اے زبانِ عفو عصیان الوداع ​
الفراق اے ہم نشین ِصائمین​
مونسِ شب زندہ داراں الوداع​
آشکارا تجھ پہ تھا سب راز دل ​
پردہ دارِ دردِ پنہاں الوداع​
تجھ سے تھیں وابستہ اُمیدیں تمام ​
دافعِ صدیاس و حرماں الوداع​
قید تنہائی کی رونق تجھ سے تھی ​
اے شریکِ بزمِ ِزنداں الوداع​
غنچہ ہائے دل شگفتہ تجھ سے تھے ​
اے بہار باغِ ایماں الوداع​
 دور کردی تو نے ظلمت قیدکی​
تجھ سے ہر شب تھا چراغاں الوداع​
ہوتے ہیں اب رخصت افطار و سحر​
میزبا نی ہائے مہماں الوداع​
سونپنا تھا تجھ کو زادِ آخرت​
ہو سکا پرکچھ نہ ساماں الوداع​
کاروانِ خیروبرکت چل دیا ​
رہ گئے سب دل میں اَرماں الوداع​
شدّت غم سے زبان گربند ہے ​
تو ہی کہہ دے چشم گریاں الوداع ​
